#1  
قديم 28/09/2007, 04:26 AM
الصورة الرمزية الخاصة بـ دافنشي الازرق
زعيــم فعــال
تاريخ التسجيل: 18/05/2006
المكان: في الثقب البرمودي في مكان تنعدم فيه الجاذبية
مشاركات: 296
<><>*يوميات زعيم ذاق طعم الهزيمة*<><>

بسم الله الرحمن الرحيم

استيقظت اليوم وانا آآآآمل ان يكون ما حدث بالامس كابوس...حلم ليلة رعب ...قمت من هالنوم وانا ثقييييل ...ما ابي اقوم ..ما ابي اصحى ..أبي انسى ...كبوة امس .. نهاية أمل ...((اصبحت )) قصة ألم ...ومن بطلها يا حسرتي..فارس الاحلام ..بطل المهمات المستحيلة ..زعيمنا لا ما ترجل ..ما سيّب بطولتنا وراح ..آآآآه ..لا.. راح...كاسك يا آسيا من بيشيلهــ؟؟ آآآآه يالأسى...

اتذكر أمس ...وانتظارنا الطويل ..اتذكر احساسي ..كان غير ..كان أحلى ...كان لهفة وشوق .. كنت احس ..اسمحوا لي بالفرح ...ليه فرحاان ما ادري ..او اني ادري وما ابي
اتذكر .. كأن الليله بتكون عيد قبل العيد ...كأنها بتكون فرح وزعيمنا عريس ..((بس))ما كانت...

افكر الحين واقول وين الخلل؟؟؟!! كيف احس بهـ((ـالاحساس)) وانا ما تعودته الا ليالي النهائيات؟؟ولا هذا نهائي ..ولا هذي النهاية..ولا غيرنا عرف انها النهاية وما خبرنا..
وحتى لو خبرونا ما صدقنا ..

اذكر بالمسا كنت المفروض انااااام ..كيف ما انام وانا صاحي من الساعه سبعه.. وجافاني النوم طول النهار وكانه ما يبيني في المسا اصحى ..بس كيف انام وانا لي مع الزعيم موعد انتظرته وليته ما ....- استغفرك يا ربي بس احس اني قمت اخربط في الكلام من الزعل وأفاول على نفسي فال مو طيب - وجاء وقتك يا هلال بس وين كنت..
البارحه ما شفتك ..خير عسى ما شر لاتطول (( الغيبة ))

لي خوي ((اتحادي متعصب)) كنا نسولف عن المباراة..ويقول ..خلااااص الليلة آخر مباراة في الآسيوية للهلال.. ((يضحك )) يقول وداعية يا آخر ليلة ...اضحك مثل ماتبي...ما رديت عليه ...قلت في نفسي ردنا احنا الشعب الهلالي في الدرة ..ما نتكلم الا لغة (( الفوز)) ..ما نحب الجدل الفاضي .. ما ندعي شي ما احنا اهله... وهالكاس احنا اهله ..احنا ابوه وامه....احنا اللي علمناه كيف يكون قاسي وناسي ...ما بيروح لغيرنا لو يموت ..والرد امس ما جاء ..والكاس راااح

ما بي اتكلم عن المباراة ..ما ابي اعلق شماعه لاغلاطي..ما ابي اقول الحظ عاندنا ..ولا الحكم ظلمنا ..ولا الظروف ما ساعدتنا ...حتى ((الاعمى)) شاف مكامن الخلل في فريقنا... بلاش نكابر وندعي ....متى ما راح تفاريس طقم الدفاع باستثناء الخثران - لا رجع لمركز الظهير - يبي تبديل ..ما فيها نقاش ..

بعض لاعبينا ((المدللين)) يحتاجون فركة اذن ..ما على دلالهم اختلاف لانهم ببساطه ((يستاهلون)) الدلال..بس لا يتساهلون بالخصم ..لا يتساهلون بقلوبنا اللي تعشق الازرق ...لا يتساهلون باعصابنا اللي تغار على كل ازرق ..لا يتساهلون بدمعتنا اللي نزلت في لحظة الم ..في لحظة قهر..كيف تستعصي بطولة عليك يا زعيم ؟؟ كيف تصير(( حلم)) للجيل الهلالي الصغير ؟؟ افكر بعض الاحيان اش اللي يربطهم بالهلال وهم ما يعرفونه ..اذا ما شافوا الآسيوية بيد الهلالي تفخر لا ما يعرفونه ..الهلال هذا سمعوا عنه...ما يعرفونك يا ((هلال))

محمد بن فيصل ..أنا اشهد انك رجال ولد رجال...أسطورة ادارية رغم تحفظي على التخبطات الاخيرة في الصيفية ..يوم شفتك تواسي اللاعبين .. سمعت صوت في داخلي يصيح...لييه تواسيهم ..اقتلهم ..اذبحهم ..اجلدهم ... لاتواسيهم يابن فيصل لا..ماكأنها الآسيوية اللي ((ضيعوها)) ... بس بعد ما رجع لي عقلي ..بعد ما فقت من هالصدمه ..عرفت انك كبييييير..واحنا نتفرج اعصابنا صارت كذا ..أجل كيف من يحرث الملعب وقلبه يتقطع على ابوه؟؟ كيف اللي يتألق ويقول :" هذا انا ..برنس ليبيا موووووجود" وفي النهاية يخسر ... كيف اللي يهاجم وهو كل اللي عليه الحراسه ..كيف اعصابهم ؟؟ كيف قلوبهم ؟؟ وش احاسيسهم وهم اللي ما خلوا بطولة الا واخضعوها وهذي متمنعه عليهم من سنين ..مشكور يا ظاهرة ...ولا عزاء للمندسين.

المندسين ..الذين ((لوثوا)) منتدانا امس و اليوم بكثرة مشاركاتهم.. .وانتقدوا الجميع أخطأوا ام لم يخطوا ..وتطاولوا بالسنتهم ((بوقاحه)) في هذا الشهر الكريم على كل لاعبي الهلال..بل حتى على الظاهرة ...كلام اخجل من ذكره ..كلام اخجل من تذكره ..جعلني اعيد النظر في كون هذا المنتدى الرسمي لزعيمنا الازرق ..واعيد النظر في انتمائي لهذا المكان..لا اريد هالكلام لو سمحتوا يعاد في هالموضوع ..من لديه انتقاد ((بناء)) فليتحدث ..ومن اتى للتطاول والوقاحه وبث الاشاعات والاكاذيب فالله حسيبه ونعم الوكيل

في أمان الله
اضافة رد مع اقتباس
  #2  
قديم 28/09/2007, 04:51 AM
الصورة الرمزية الخاصة بـ دافنشي الازرق
زعيــم فعــال
تاريخ التسجيل: 18/05/2006
المكان: في الثقب البرمودي في مكان تنعدم فيه الجاذبية
مشاركات: 296
بسم الله الرحمن الرحيم..

وراكم يالربع..وش ذا ..ما لحقت اكتب الموضوع الا القاه بثالث صفحه..

صلوا على النبي ترا الركادة زينه

up
اضافة رد مع اقتباس
  #3  
قديم 28/09/2007, 04:58 AM
الصورة الرمزية الخاصة بـ دافنشي الازرق
زعيــم فعــال
تاريخ التسجيل: 18/05/2006
المكان: في الثقب البرمودي في مكان تنعدم فيه الجاذبية
مشاركات: 296
ولا زال المسلسل مستمر ...

الموضوع بثاني صفحة اول ما خلصت الرد اللي قبل
اضافة رد مع اقتباس
  #4  
قديم 28/09/2007, 05:15 AM
زعيــم متواصــل
تاريخ التسجيل: 24/07/2007
مشاركات: 162
محمد بن فيصل ..أنا اشهد انك رجال ولد رجال...أسطورة ادارية




صح لسانك
اضافة رد مع اقتباس
  #5  
قديم 28/09/2007, 10:37 PM
زعيــم فعــال
تاريخ التسجيل: 09/05/2007
المكان: .•°( دار أبو متعب )°•.
مشاركات: 299
يعطيك العافيه
وصح لسانك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:16 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube