#1  
قديم 28/09/2007, 01:56 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
Question محمد بن فيصل ((التصريحـ)) + ياسر + مباراة نجران ...ادخلوا

السلاّم ع ــليكم


هذ1 اول موضوع لـي بهالقسم وانا متابع لـ شبكة الزعيم يوميا ونص وقتي بالنت اقضيه بهذي الشبكـه..

انا هلالي متعصب حدي ... بس اللي صار بمباراتنـا قدام الوحده واللي قبلها ياناس والله ماينسكت عليــــه..


احنا الين متى بنتحمل فهد المفرج 17 ... والله ما اوثق بهاللاعب ياناس .. شسوي فيه ذبحني رفع ضغطي طلع القرون من راسي .. كلمتي لـ فهد المفرجـ انا احترمكـ واقدر حبك للهلال وحماسكـ بس خلاص الله يخليك لأهلكـ اترك النادي انت اخت زمانك وزمن غيركـ خلاص رحـ شف لكـ شغله بالتجاره اي شي ..بس روق بالنا واللي يخليكـ


~~

والله حرام حاضر المباره ولبينا نداء اللاعبين والادارهـ بالذات الظاهرهـ ابو سلطان انا حاضر للملعب بعد اذان المغرب تخيلوا 3 ساعات ونص بالحر والزحمه حتى فطور زي الناس ما اكلنـــا ...واخرتهـا نطلع واحنا كلنا قهر وحسره والم

يعني وشلون وش تبون ياللاعبين ان حضرنا وملينا الملعب فل ماتفوزون ..وانا حضرنا شوي تفوزن ؟؟؟؟؟؟؟؟؟؟؟؟؟؟؟؟؟ يعين كثرة الجماهير تنعكس عليكم ولا شلون ؟؟؟؟ ابي افهم انا ..

حرام والله ناس جايه من الكويت وقطر والبحرين ومن مدن المملكه كلها واخرتها تفشلونـا ..والله هاليوم لو فزنا كان بيتحقق حلمنـا للعالميه بس راحت علينا والسبب ادائكم الهزيل ..


لحد يقولي الشوط الثاني لعبنـا زين والله اللعب كل تشويت ع المرمى ..ابي اعرف المدرب ذا ذكي ولا يستعبط شالتشكيله البايخه هذي انت تلعب بارضك ولاعبلي بنص اللعيبه محاور ودفاعيين ..؟؟؟؟؟؟؟؟؟؟؟؟؟

ااااااه يالقهر والحسره بس ...


تكفوون يا ادراه يالاعبين حسوا فينـا حسوا بس مانبي منكم شي غير بطولة اسيا واللعب بالعالميه شي ثاني مانبي بطولات محليه زهقنـا ملينا اخذناها كلهااااا نبي اسيويه خلاص نسكت الحاقدين ...

اوووك زعماء اسيا ع العين والراس محد ينكر بس متى زعيم اسيا قبل كم سنه قبل 5 سنوات واكثر البطوله تغيرت النظاام الجديد الحين ولا حققناها ؟؟؟؟؟؟؟؟؟؟؟؟؟


انا معكم احنا زعماء المحجلي زعماء الدوري السعودي لان كل بطولات الدوري حققناها ..بس اسيااا النظام الجديد متى ؟؟؟؟؟؟؟؟؟؟؟؟؟


والله قهر كل اللي تأهلوا لـ دور النصف النهائي فرق اقل من عادي حرام كانت الفرصه بين ايدينا وضيعناها ...


بس اللي صار صار... ازرنا اللاعبين رفعنا معنوياتهم وما انتقدنا احد كل شي يبونه سوينـا حتى بالتدريبات المغلقه نروحلهم نبي نحسسهم انا حنى معهم..بس والله مافي احساس ولا شي الين متى...



~~~

محمد بن فيصل يالظاهرهـ ابو سلطان .. والله اني احبك حب ماحبه بشرـرـر وانا ابيك تستمر بالرئاسه ...

بس من عقب تصريحكــ انك ماتعتذر شكيت انااا ؟؟؟؟


طالع بالتصريح عادي وتضحكـ ومدري وش وين المبالاه والاحساس بالجماهير الحاضرهـ 70000الف حضروا واخرتها تقول ماني معتذر للجماهير...وش قصدك بتمن علينا لانك دافع الفلوس التذاكر انا كنت اتمنى ندخل بفلوسنـا ولا مجانا ...

المفروض تعتذر للجماهيرر وتوعدنــا بلاعبين يستاهلون يلعبون بنادي الهلالــ وتسرح فهد المفرج والعنقري اللي رافعين ضغطنـا ..


ياخي 200 مليووووووون وش تسوي فيها بتصور معهـا حركلنا شفلنا لاعبين زي العالم نبي لاعبين محللين واجانب ع مستوى عال ماقلنا لاعبين عالميين نبي لاعبين مستواهم حلو ويشرف الفريق..



الهلالــ يحتاج لمدافع جمب تفاريس انا اقولـ عندكم اسامه هوساي ولا العمري ..ونحتاج لاعب ضهيرر وهو كاااامل الموسى وهو صرح بنفسه انه يبي الهلال؟؟؟؟؟؟

نبي ظهير ياناس تكفوون نبي ظهير زي الدوخي ولا احسن ولا بمستواهــ بالله انتوا شفتوا العنقري شلون يلعب كنه معووووق لا اوفر صح ولا اداء هجومي ماعنده سرعة بديها وبطيئ..


نواف التمياطـ... انا معجب فيكـ من زمان ..بس وين مستواك كل ماقلنـا نواف رجع بالعكس ترجع ريوس وين نواف بسرعة بديهته يحط المهاجم قدام المرمى .. حتى تشويتاتك المعروفه مو زي اولـ ضيعفه مرره ..تكفى ارجع نواف اللي نعرفه وحاول انك تشد شووي صاير بطيئ ..


طارق التايب .. ماقدر اوفيلك حقكــ اتمنى ان الهلال يجددون عقده لسنوات ويستاهل عقد اكثر من العقد هذ1 اللي يطلبه التايب عطووووه والله يستاهل يالبى قلبه بس..


الخثران..انت فنان بس ارجع لمكانك الظهيرـرـر ..


تفاريس.. لو اني رئيس النادي كان شريت بطاقتك واللي تبيه يفداكـ من غيرك دفاعنا كباري ومخارجـ..


خالد عزيز .. مقدر اقول عنك الا انك فنان اه يالقهرررر انك ماراح تلعب معنـا بالمحلي..


الدعيع.. حارس القرن بس ولو كرة اسماعيل كان يمديك عليهاااا والله


الشلهوب..بوووسه ع راسك ياكبيررر


عمر الغامدي.والله انك فنان بس شسالفتك صاير مرتبك وانت بوادي والكوره بوادي وكل شوي طايح منت بالفورمه ضايع مررره راجع حساباتك ياكابتن ..


الزوري.. انت ماتنفع ظهير لاجسم خفيف ولا مهارات شفلك حل ..




ياااااااااااااااسر القحطاني .. انت فنان والنجم الاول بالسعوديه .. يفداك مليوووووون بلنتي بس انا ملاحظ عليك بالبنتلي انك ماتشت الا ع الجهااا اليمنى من الحارس ياسر انت كل اهدافك بالبلنتي من ذي الجها ياليت تغير مكان لجها حاول انك تنوع لان الحراس اعرفوووووك حتى المياغري نقز الزاويه باقوى ماعنده لانه عارفك وين بتشووت وياليت تركز وغير هذ1 انا ملاحظ انك صاير بطيئ وين حماسك ع الكوره وصرت تستلم للرقابه وين ياسر اللي نعرفه والحاسم وبالمباراه كنت مفووت ومفهي انا ماشفتك الا بالبلنتي ؟؟؟؟؟؟؟؟؟؟؟ ياسر ابيك تصير مشاكس تتحركـ تسوي اي شي ولازم تركز ع التسديد للمرمى مدري تسديداتك ضعيفه مررره تدررب زين ع التشويت ..والله يخليك ارجع لمستواك واترك عنك كثرة التصاريح نبي تصريحك بالملعب وبالذات بالمرمى هذ1 عندنا اهم تصريح واترك عنك الاهداف السينمائيه مانبي هدف حلو نبي شووت نبي قوولــ ..


مثل ماقلت لكم نبي لاعبين ع مستوى صح ويسرحون اللاعبين المفرج والعنقري ولاودوهم للحزم ولا الفيصلي ولا الوطني دبرولهم اي شي...



مباراتنـــا مع نجران ؟؟؟؟؟؟؟؟؟؟؟


انا اول واحد بحضر للمباراهـ نبي نعطي دافع للاعبينـا مباراتنا مع الوحده انتهت وخلاص قفلناهــا الاسيويه راحت..

نبي نفتح صفحه جديده ونأزر لاعبينــا يوم الاحد تكفوووووووووووووون ياجماهير احضروا للمباراهـ مو احنا اللي ننهزم خلاص نقاطع اللي يحب الهلال من قلب ويعشقه بيحضر حتى لو زعلان احضر هذ1 فريقكـ الهلال ياما فرحنــا وقليل حزننـا ...

احضروا تكفون الهلال محتاجنــا بهالوقت خصووووص نبي نساند لاعبينا بالحلو
والمررر ...



وانشالله ناخذ الدوري بالنظام الجديد ونتأهل لـ اسيــا وانت تأهلنا لـ اسيا بشرط اداراتنا تجيب لاعبين ع مستوى عالــ بالاماكن والثغرات الموجوده بفريقنـا واللي قلتها فوووقـ..

الهلال محتاج لـ اظهرهـ هجوميين صح ولا مدافع نثق فيه مو ينكب 17..



واخر كلامي احضروا يوم الاحد الحضور للي يعشق الهلال ويحبه من قلب


واحنا معاكم ياادراة الهلال بكل شي الا انكم تسرحون اللاعبين اللي مامنهم فايدهـ واتركوا الواسطااااااااااااااااااااااااااااااااااااااااااااااااااااااااات ..ترى جمهور الهلال مايرحـم ولا يسكت ..



وعندي طلب خاص ياليت يقرونه ادارة الاخبار يوصلونه للادارهـ..بأن كل شهر او شهرين يسووون اجتماع بالنادي ويجمعووون بعدد من الجماهير بالصاله ويتناقشوون ويشوفون اراء الجماهير تكفووون ضروري..



وما اوصيكم الحضور ثم الحضور لمباريات الهلالـــ ..وانشالله اسيا بناخذهااااااا بس انتوا طولوا بالكم ان راحت علينا هذي نعضوها بالجايه بشرط لاعبين صحــ ويلعبون بروووح الهلالــ..



ادري طولت عليكم بس حبيت افضفض وياليت احد يقرى هالكلام ويوصله للادارهـ..


احبكـ واعشقك ياهلالــ بحلوك ومررررررك

وتحياتي لجماهير الهلال بكل مناطق المملكه واقولكم ماقصرتوا بالحضور والايام الجايه بنكون بالموعد ...........


باّي
اضافة رد مع اقتباس
  #2  
قديم 28/09/2007, 01:59 AM
زعيــم نشيــط
تاريخ التسجيل: 19/04/2007
مشاركات: 655
يعكطيك العافيه بس وحضوووووووووور مايبلها كلام
اضافة رد مع اقتباس
  #3  
قديم 28/09/2007, 02:00 AM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
تبغى الرئيس يعتذر على وشـو .؟

الرئيس ما قصـر مع النادي ومع الجمهور
التذاكر لو ما اشتراها والله ما تشوف نص الي حضـروا أمس
الاعبين وحفزهم بمكافأة عالية وكبيرة غير التهيئه النفسية
أنا معاك بنقطة المفرج وأتمنى يرحل الحين قبل بكره

الحـظ ومافيه غير الحـظ هـو الي ساهم بالخروج لأنه وقف مع الوحدة
معقوله فرصة الغامدي تضيع قدام الشبك حتى الحارس ماكان موجود هذا وش تسميه .؟
اضافة رد مع اقتباس
  #4  
قديم 28/09/2007, 02:12 AM
في انتظار تفعيل البريد من قبل العضو
تاريخ التسجيل: 29/05/2005
المكان: نادي الهلال
مشاركات: 536
مشكور اخوي والله ماقصرت

انا معاك بكل شي قلته ويكفي ان الهلال كان يلعب لاخر دقيقه والوحده استغل فرصه وحده ونجح بهالفرصه

وياسر لكل الي قالو ياسر مو لاعب والهلالين عطوه اكبر من حجمه بالعكس مو من بلنتي نقلب عليه ياسر يستاهل نسينا الي سواه بس عشان بلنتي عموما قدر الله وماشاء فعل

اشكرك اخوي واتمنى كل الهلالين يحضرون للملعب في مباراه نجران وكلنا مع الزعيم في الفوز والهزيمه
وماعتقد جماهير الهلال هم الي يتخلون عن فريقه عشان خسر
اضافة رد مع اقتباس
  #5  
قديم 28/09/2007, 02:15 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
مشكورين ياخوان ع الردود ..

اخوي طيار هلالي ؟؟؟ بتقولي بايش يعتذر لا لازم يعتذر

هو شايف وعارف بالهذله اللي صايره بنادينـا وخاصة هو عارف ان فريقنا محتاج لـ لاعبين صحـ

اجل جايبلي برونو ولا مصاب بعد واشقراني وجسمه اهفه يطير ومن فريق شركات ولا استفدنا منه ..محمد نامي هذ1 اللاعب ماقد سمعته ولا مرررررررررره وش الفايده منهم ؟؟؟؟؟

شنو يستخف بعقلونا ولا يسكتنــا ..احنا نبي لاعبين يفيدون الفريق مو لاعبين مالهم فايده الاول لاعب غير معروف من مستواه ولا استفدنا من اللاعب الثاني كبير ولا راح نستفيد منه..

نبي لاعبين ع مستوى يشرفنا ونثق فيهم 200 مليووون جت ونبي نشوووووف وش بيسوي والايام جايه ..


الغامدي ..انا مالومه لانه مضيع ومفووت بهالمباراه ..



استنى ردودكم
اضافة رد مع اقتباس
  #6  
قديم 28/09/2007, 02:27 AM
زعيــم مميــز
تاريخ التسجيل: 24/07/2007
مشاركات: 1,508
مشكورين
ونبي حضور مو احنا إللي اذا خسر فريقنا نقاطعة
واتمنى من الادارة ان تجلب ظهير وهو حسن معاذ
واسامة هوساوي وشراء بطاقة تفاريس
اضافة رد مع اقتباس
  #7  
قديم 28/09/2007, 02:34 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
مشكووور ع الرد ..ومثل ماقلت عندنا حسن معاذ وهو يبي الهلال ليش ياداره نبي ظهيررررر تكفوون
اضافة رد مع اقتباس
  #8  
قديم 28/09/2007, 02:49 AM
زعيــم متواصــل
تاريخ التسجيل: 02/07/2007
مشاركات: 179
من جهت نظري الزوري كويس الي يبي تغيير حاجه وحده بس قلب الدفاع والظهير
اضافة رد مع اقتباس
  #9  
قديم 28/09/2007, 02:54 AM
الصورة الرمزية الخاصة بـ أبو تميم الشدادي
زعيــم متواصــل
تاريخ التسجيل: 30/03/2007
المكان: رآس تنــورهـ
مشاركات: 65
سبحان الله وبحمده سبحان الله العظيم
تكفى حسن معاذ
اضافة رد مع اقتباس
  #10  
قديم 28/09/2007, 03:15 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
للرفع
اضافة رد مع اقتباس
  #11  
قديم 28/09/2007, 03:33 AM
موقوف
تاريخ التسجيل: 02/06/2005
مشاركات: 321
اه يامالك معاذ اه بس
اضافة رد مع اقتباس
  #12  
قديم 28/09/2007, 03:34 AM
زعيــم متألــق
تاريخ التسجيل: 08/12/2006
المكان: مكة المكرمة
مشاركات: 1,145
الله يعطيك مليون عافيـــــة ...

هذا الكلام الي يريح البال ...
اضافة رد مع اقتباس
  #13  
قديم 28/09/2007, 03:36 AM
زعيــم فعــال
تاريخ التسجيل: 13/02/2007
مشاركات: 366
إقتباس

إقتباس
انا اول واحد بحضر للمباراهـ



يـاسـلام عـليكـ ليت كل الزعـماء مـثلكـ
إيـه نبي حضـور نبي نمـلي مـدرجـات الأستاد الأمـير فيـصل بــن فهـد
وانتم قدها وقدود يعني اللي يمـلي استاد الملك فهد مهب قادر عـلى انه يملي استاد الأمير فيصل بن فهد ..!!!!!

وبعدين مطالبتك بالهوساوي
ترى الهوساوي مثل المفرج
يعني والجميع يذكر بـ كأس الخليج وترى غلطت المفرج امس مثل غلطت الهوساوي ..!!
والفرق بين هوساوي والمفرج ان واحد يشوت يمين والثاني يشوت يسار بس
ماجـد العمري لاعــب ممــتاز
كـامـل المـوســى يوهـ لو يجـي الهـلال كان يطلع الهـلال ولا أروع وكـامـل ترآهـ يلعب يمين ويسار ولو يحطه المدرب يمــين تنحل المشكلة بالظهير الأيمــن أو يتعاقدون مع الطريــدي ..!!!

تحياتـي لكـ
اضافة رد مع اقتباس
  #14  
قديم 28/09/2007, 03:50 AM
زعيــم فعــال
تاريخ التسجيل: 07/02/2007
مشاركات: 297
الله الله بالحضور يوم الأحد

تكفون ياجمهور زعيم نصف الأرض الحضور ثم الحضور لرفع معنويات اللاعبين وخاصة ياسر
اضافة رد مع اقتباس
  #15  
قديم 28/09/2007, 03:53 AM
زعيــم نشيــط
تاريخ التسجيل: 09/02/2005
المكان: جــــــده
مشاركات: 539
صح لسانك وبيض الله وجهك فيما طرحت

وليتني بالرياض

بس يا خوك مكتوب علي الشقاء مع الهلال مقدر عليـه

ومعاك يا هلال ع الحلــــــــوه والمــــــــــــــرّهـ


(مفرج والله يخلي لك هاللحيـه و والدينكـ قدم اعتزالكـ وابشر بالتكفل فيـ9)
(نسيت مالكـ في مباراه الذهاب في جده؟
(ذكرنا سمـعهـ فيها والثابت انت
طالبك تحرررررررررررررررررك واعتـــــزل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:54 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube