#1  
قديم 27/09/2007, 06:02 AM
زعيــم مميــز
تاريخ التسجيل: 20/12/2006
المكان: من أهل المشاش
مشاركات: 1,631
Angry (.•ˆ•… كل الإحترام للإدارة النادي على ما حصل …•ˆ•.)

أبختصر الموضوع في نقاط :

من البداية السبب الأول والأخير المدرب الله لا يوفقه

1_ أببدأ من بداية المبارات ياسر ضيع ضربة الجزاء ما قصر جاب لنا ضربة جزاء وضيعها مهوب أول واحد ولا آخر واحد يضيع ، ياسر اليوم بعد ضياع ضربة الجزاء كل الأسف عليه يا كابتن المنتخب واللي موقعك في أوربى ( هين عاد كثر منها ) .
أول مره أشوف لاعب ورأس حربة ما يفتح أبد يبي الكورة تجي وبدخل من العمق لحاله وش عنده غرندايزر
2_ أنا ماني عارف وش يسوي العنقري اليوم والمعروف إن الهلال عيبه الأول والأخير الظهير الأيسر دائما ً ولا كورة وصلها صح .

3_ نجي للكابتن الكبير عمر الغامدي اللي اليوم طلع أصغر من الصغير لا أداء ولا لعب زي الناس وأكثر الكور مقطوعه منه .

4 _ برضه عندك نواف التمياط قلنا التائب راجع من إصابه والشلهوب ومعروف حالته النفسيه بعد وفاة أبوه الله يرحمه بتكون المبارات مبارات نواف لا توصيل كور ولا لعب زي الناس وهو لحالة اللي يبي يسجل ، حتى الركنيات ما عندك أحد كلها على برا ويأخذونها الدفاع الإماراتي وهجمه مرتده عليك ، لا تعلييييييق !!!


5_ الزوري وش السالفه يا المدرب متى المعرفه يا مدرب الغنم بذا اللاعب .

6_ متى صار الذياب يلعب أساسي والله العظيم إن الكلثم أحسن منه وبيفلح أحسن منه .

7_ المفرج دايم هو وجه النكبه في الدفاع ذود على كذا هو اللي كاسر التسلل لا وقاعد يتفرج على إسماعيل مطر ويتمشى جنبه والله إنك ضياااااااع الهلال مستقبلا ً وأنا شاهد على ذا الكلام .

8_ الحكم اليوم ما كن الوحدة يلعبون لعب خشن ولا كنهم يضيعون الوقت وضربة جزاء ثانية لأحمد الصويلح وما إحتسبها حتى المفرج معروف يحب يبربر مع الحكم دايم ما أمداه يتكلم وعطاه كرت ونواف نفسه الحركة ليييييييييييش .

9_ حارس مرمى الوحدة غمز بعينه للحكم أو للمدفاع الله أعلم وصادته الكاميرا .


10_ كل الشكر والحب والتقدير وكافت الإحترام للتائب والشلهوب وجزاء الله ألف خير يا الموهوب والله يجعل والديك في جنات النعيم .

11_ والصويلح اليوم ما قصرت ويعطيك ألف عافيه .

السؤال :

متى صار الهلال ينهزم وبكل سهولة أمام 70,000 متفرج ، ويطلعون ولا كنه صار شيء نقول الجاي أحسن هذي مشكلتنا لنا سنتين إنهزمنا قدام خمس نهائيات ونقول إن شاء الله بتتحسن الأوضاع ولا حياة لمن تنادي . ( الله يرحم أيام الكبار )

المدرب يطبب التائب الدقيقة 22 من الشوط الثاني ليش أنت في مبارات مصيريه ما فيها لا أشواط إضافيه ولا شيء وش تحتري ؟ ما أدري ...
زود على كذا لاعب بخطه 1_5_4 طيب بدلها بـ 2_5_3 والتائب أساسي
دخول الشلهوب الدقيقة 32 من الشوط الثاني وينك يا سمو الأمير محمد بن فيصل يوم تدخل في التغيير يوم كان سامي بيدخل المبارات ورديته ، أرى والرأي لكم أن تدخلك في هذه المبارات بتبديل التائب من بداية الشوط الثاني هي الحسم دوري آسيا ونطلع منه والسبب فريق إماراتي زي ما طلعنا منتخب الإمارات في دورة الخليج لا ونفس الهدف كربوووون لإسماعيل مطر .

الصبر على تواجد نواف والمفرج في الهلال كارثه وضياع ملينا وإنا نقول يا نواف عدل بدل إنضبط و لا حولك أحد إنا نموت في الهلال موووووووت بس ما نرضا أحد يمسه بأي أذى وأي أحد ما يتحمس خصوصاً في ظروف زي كذا .



الشيء المهم وأقف إحتراما ً لكم يا لاعبين وإدارة أنا وزملائي من الجماهير مفطرين في الملعب من اللي يعطينا مقابل فقط هو حب الهلال ، لكن ما أقول إلا حسبي الله عليك يا مدرب الغفله بس .





أبي رأي كل واحد يدخل وبكل أمانه
في كل كلمة كتبتها أيها الرقم الصعب


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــ
اضافة رد مع اقتباس
  #2  
قديم 27/09/2007, 07:38 AM
زعيــم متألــق
تاريخ التسجيل: 13/11/2005
المكان: في قلبها
مشاركات: 1,141
تسلم كلامك سليم ...


بس نواااف ما قصر .. والله انه لعب بحماااس .. ..


وبيني وبينك الفريق كله بشكل عام ما قصر .. يعني تسعين دقيقه وهم يلعبون في ملعب الوحده .. حتى هدف الوحده ما جا عن طريق هجمه .. وكأنها رميه من غير رامي .. يعني اللاعبين وش طالع بايديهم ؟؟؟!!!!

انا اكثر نقطه اؤيدك عليها .. هي تغييرات المدرب مررررررره جت متأخره ..

مشكووووور وتقبل مروري ووجهة نظري ،،


وضاع الحلم ..
اضافة رد مع اقتباس
  #3  
قديم 27/09/2007, 07:50 AM
زعيــم متواصــل
تاريخ التسجيل: 06/05/2005
المكان: في زمن سامي
مشاركات: 180
فتى العشه الذهبي للاسف بس للاسف

قلنا الذهب ما يصدأ ولكن شكله مغشوش
اضافة رد مع اقتباس
  #4  
قديم 27/09/2007, 02:52 PM
زعيــم مميــز
تاريخ التسجيل: 20/12/2006
المكان: من أهل المشاش
مشاركات: 1,631
إقتباس
الرسالة الأصلية كتبت بواسطة فتى الأمل
تسلم كلامك سليم ...


بس نواااف ما قصر .. والله انه لعب بحماااس .. ..


وبيني وبينك الفريق كله بشكل عام ما قصر .. يعني تسعين دقيقه وهم يلعبون في ملعب الوحده .. حتى هدف الوحده ما جا عن طريق هجمه .. وكأنها رميه من غير رامي .. يعني اللاعبين وش طالع بايديهم ؟؟؟!!!!

انا اكثر نقطه اؤيدك عليها .. هي تغييرات المدرب مررررررره جت متأخره ..

مشكووووور وتقبل مروري ووجهة نظري ،،


وضاع الحلم ..



لكل واحد وجهت نظر وأنا أشكرك على رأيك ومرورك
اضافة رد مع اقتباس
  #5  
قديم 27/09/2007, 02:54 PM
زعيــم مميــز
تاريخ التسجيل: 20/12/2006
المكان: من أهل المشاش
مشاركات: 1,631
إقتباس
الرسالة الأصلية كتبت بواسطة ياحبنيلك ياسامي
فتى العشه الذهبي للاسف بس للاسف

قلنا الذهب ما يصدأ ولكن شكله مغشوش



أما نواف تعب عالم على كلمة ( الذهب لا يصدأ )
الولد هذا فاشل فــــــــــاشــــــــــــل
وجزيت خير الجزاء على الرأي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:16 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube