ابو سلطان من حصل شي يستاهله ولكل مجتهد نصيب - نادي الهلال السعودي - شبكة الزعيم

وردهـ هلاليه · #1 27/09/2007, 04:54 AM

السلام عليكم

ابو سلطان ضاع الحلم لكن هل فكرت في استثمار الفرص واهتميت بالفريق وضحيت بأجازتك ( الثلاث شهور ) عشان الفريق وعشان الآسيويه !

للأسف ما وفرت مهاجم اجنبي مثل الناس ولا اهتميت بترميم خطوط الدفاع وحتى لو ما توفر لاعبين الدفاع والظهير المحليين عندك الاجانب ليش ما جبتهم ؟

ايه صح تذكرت الضائقه الماليه اللي مر فيها الهلال

ياسر ما يقدر لحاله يشيل هجوم الفريق لان اليد الوحده ما تصفق !!

لو غضينا الطرف عن كل هذا نجد ان الهلال كان قادر على الفوز بسهوله وجداره والتأهل لنصف النهائي

لكن ( غباء ) المدرب واستهتاره بالخصم والاحتفاظ بأهم مفاتيح الفوز ( التايب ) لآخر 10 دقائق فقط من المباراة والمطلوب احراز ( هدفين ) في ظرف 10 دقائق !!!

والله انها حماقة من المدرب لو انه على الاقل دخل التايب في بداية الشوط الثاني هو والشلهوب كان فزنا بالرااااااحه .

ياسر ضيّع بلنتي لكن هل في المباراة لا يوجد سوى ياسر لألقاء اللوم عليه ؟ وهل لا توجد سوى هذه الفرصه ؟؟؟؟؟

ياسر لم يجد ( التمويل ) من الوسط , كان فيه افتقار للاعبين وسط بغياب التايب والشلهوب

الكل عارف ان التايب والشلهوب هم الوحيدين اللي ( ينغزا بهم ) بالوسط وان نواف ما عندك احد واذا ما ضر ما راح يفيد

فيه شي زياده ودي اقوله :

انا اذا شفت التمياط بالوسط ما اتفائل فيه مع احترامي له

وبالمقابل اطمئن كثير لوجود التايب والشلهوب

لكن يالمدرب تدخل التمياط على حساب التايب وتغامر وانت عارف امكانيات التمياط فهذا غباء ومغامره ..

بعدين فيه نقطه ثانيه :

الدعيع بالله مو شكله غلط بالكابتنيه

!

شلون كابتن بيتواصل مع اللاعبين وهو حارس

لا وبعد طالع من مرماه بأخر دقيقه وقط مع الفريق يقالك مهتم وفشلنا

معليش هالحركه فشلتنا كن هالمباراة على كاس العالم مهوب تأهل لنصف نهائي آسيا

اخر شي ابي اقوله :

ان ياسر عمله نادره وكنز لأي فريق وكل لاعب بالعالم يضيع فرص مهمه موب بس ضربة جزاء !

الحقيقه بس اللي لاحظتها ان ياسر لحد الآن موب لاعب ( حسم ) يمكن لأنه يفتقر للخبره الكافيه مثل سامي الجابر

ياسر لازال صغير والخبره تجي مع الوقت والممارسه وليس في ظرف سنه او سنتين !

تمنينا سامي الجابر وهذا اللي كنا خايفين منه تضيع البطوله بسبب عدم وجود عامل الخبره سامي الجابر

لكن محد يدوم واللي جاب سامي بيجيب مثله و احسن منه لكن اصبروا ولاحقين خير ان شاء الله وبطولات اسيويه وعالميه

ولا زعيم الا الزعيم

تحياتي,,