عيون الرياض !! - صفحة رقم 2 - نادي الهلال السعودي - شبكة الزعيم

** عاشق البحر ** · #16 27/09/2007, 06:10 AM

ياسر ..

انت جـــــــــــــــــــــاحد ..

إقتباس


	تركت جدة وراي بجوّها الحارق وبحرها اللي بليل الهم يغرقني

وربي انك ماصدقت ..
والله ماصدقت .. والله ماصدقت ..

وانك تنافق .. وتجامل ..

الـنـادر · #17 27/09/2007, 06:15 AM

الا يا اهل الرياض اول غرامي

تسلم يا اخووووي على الابيات اللي تخلي الواحد يشتاق و يحن للرياض

قلبي تولع بالرياض يا نااااس

رعبوبة الزعيم · #18 27/09/2007, 07:16 AM

إقتباس


	أحبها و الهوى ما يجرح العاشق و طيفها في عيوني ما يفارقني

جبتها على الجرح<<تموت بالرياااض

صح لسانك اخوي ياسر ..
القصيده مررره روعه ..وخصاصا انها حملت اسم اغلى الأماكن على قلبي
يكفي ان الهلال من الرياض
ويكفي ان فلان وفلان من الريــاض
ويكفي انها عاصمتنا الحبيه ..

فديتهااا

تسلم ياسر ..

الهنوووف · #19 27/09/2007, 07:26 AM

***
**

إقتباس


	ما قلت أحب الرياض الا و أنا صادق

إقتباس


	و من لامني في هواها لا يرافقني

ماينلام من يحب الرياض

والي بيتغزل بالرياض

بيكتب دوواين ومابيخلص

ومثل ماقالو بزحمتها وحرهااا الا اننا مانستغني عنهااا
اسبوع برى الرياض تحس انك مو عايش

احلى شعور لمن تسافر وتروح المطار
ويقول تم الاعلان عن الرحله رقم1435 المتوجهه للرياض

**ساحر الحرف**

لحروفكـ لغه تميزهاا
وقد تبدو مختلفه هنا ايضا لانها كتبت بقلم شاعر وكتبت في الرياض
القصيده اعجبتني بصرف النظر ن انها عن الرياض بس حسيت انك شاعر صدقي

ود يليق بكل من تغنى بالرياض

الهنوووف

كانت

هنا

ورحلت

هلاليه و رافعه راسي · #20 27/09/2007, 07:31 AM

سح لسانك
ولا هنت على الكلام الطيب
ومن ما يحب الرياض
فديتس انا

LBa your heart · #21 27/09/2007, 07:35 AM

إقتباس

الرسالة الأصلية كتبت بواسطة ** عاشق البحر **


	ياسر .. انت جـــــــــــــــــــــاحد .. وربي انك ماصدقت .. والله ماصدقت .. والله ماصدقت .. وانك تنافق .. وتجامل ..

^
^
ليش الغيره

...
صح لسااانك
ياسر حبيتك زياده من بعد هالقصيده.
الرياض فيها سر محد قدر يكشفه

اذا طلعت من الرياض ,, قسم بالله تجيني ضيقه كأني تارك شخص أحبه

حتى لو كنت بقمة الوناسه بس غصب عني اشتاق لها

..
بعيد الاضحى اللي راح كنت مخيم بالصمان اربع ايام ,,وكل يووم يزيد شوقي للرياض
لدرجة تركت خوياي وشغلت السياره وعلى طول للرياض,, ويوم وصلت للرياض تذكرت أن مافيه أحد اجلس معه بالرياض

كل الشباب مسافرين

أنا مدري ليش أحبها

لان مافيها شي يخليك تحبها

الله يعطيك العافيه ياياسر على هالقصيده

المـشـاكـس · #22 27/09/2007, 07:47 AM

يا حب اهل الرياض بالرياض

..
ياسر ..
قصيدة رائعة ..
واروع منها ..
اختيارك لقافية الشطر الاول ..
كان موفق بعنف

..

إقتباس


	ما كنها الا السحاب / الخالق الناطق

إقتباس


	تقول للبدر حدّك لا تضايقني

اكثر بيت اعجبني ..
بس مهوب لازم في الرياض

..

إقتباس


	تركت جدة وراي بجوّها الحارق

إقتباس


	وبحرها اللي بليل الهم يغرقني

الله يا الجو الزين بالرياض

..
ظلمت جدة يا ياسر ..
يعني البحر بأيام الشتاء ..
يسوى جو الرياض طول السنة

..
بس لا احد يشب علي من سكان الرياض ..
ويقول احسن وما احسن

..
فكوني .. مالي خلقكم

..

الجد ..
حقيقة وبدون تفرقة .. او انحياز ..
الرياض وجدة كلهم عينين في راس المملكة ..
والمملكة والكويت كلهم عينين في راس الخليج ..
والخليج والشام كلهم عينين في راس غرب اسيا ..
وغرب اسيا ووسطها كلهم عينين في راس اسيا ..
واسيا واروبا كلهم عينين في راس الارض ..
والارض والمشتري كلهم عينين في راس مجموعتنا الشمسية ..
ومجموعتنا الشمسية والمجموعة اللي حولنا من اليمين

عينين في راس المجرة ..

<<< مسك خط الرجال

..
ما تسوى علي مقارنة جدة والرياض

..

شكرا ياسر ..
وصح الله لسانك ..

.

الهلالي الثقفي · #23 27/09/2007, 08:10 AM

إقتباس

الرسالة الأصلية كتبت بواسطة leo messi


	يالبى قلبك يابو عمار لي عودة بعد ماانزل الاخبار

هلا غلاي

لا تأخر علينا

إقتباس

الرسالة الأصلية كتبت بواسطة BLUE SHADOW


	صح لســــانك يالب قلبي يالرياض

صح بدنك

إقتباس

الرسالة الأصلية كتبت بواسطة ريري هكتور


	وما حب الديار شغفن قلبي ... ولكن حب من سكن الديارا ما أقول الا يالبى قلبس يالرياض عوافي الهلالي الثقفي...

الله يعافيك ريما

مشكورة على الطلة

إقتباس

الرسالة الأصلية كتبت بواسطة نـــــــ15ــــــمر


	نبضات اتت من البحر الاحمر الى الربع الخالي

مراحب أخوي متعب

لاهنت على المشاركة الحلوة منك

إقتباس

الرسالة الأصلية كتبت بواسطة فهد عاشق البرسا


	ما قلت أحب الرياض الا و أنا صادق و من لامني في هواها لا يرافقني الرياض وما ادراك ما الرياض عوفيت اخي

الله يعافيك فهد

تسلم على المشاركة يالغلا

إقتباس

الرسالة الأصلية كتبت بواسطة عاشقة الزعيم15


	لهالدرجه الرياض حلوة !! انا عن النفسي ماقد رحت الرياض للاسف !! الف شكر لك ياسر عـ الابيات الرائعه بروعة كاتبهااا دمت بود أختك : عاشقة الزعيم15

هلا أختي عاشقة الزعيم15

مشكورة على الرد

إقتباس

الرسالة الأصلية كتبت بواسطة رائدة الزعيم


	الهلالي الثقفي قلم ينبض بالإبداع والروعة والجماااااااااااااااااااال لحروفة سحر يميزها ويتفرد بها من قرأها مرة يعود اليها كل مرة لتجدد بإبداع مختلف لايجيدة الا العمالقة والمبدعين شاعرنا المتميز دمت ودامت حروفك الرياض عشقنا جميعاً تغنيت بها فأبدعت هنيئاً لحروفك بالرياض وهنيئاً للرياض بحروفك ننتظر قادمك بشووووووووووق بالحب والإشراق

هلا و الغلا

الرائعة رائدة الزعيم

عريب

كم أشعر بالخجل و أنا أرى كلماتك في مشاركتي

أنتي شاعرتنا و أستاذتنا المبدعة

دمتي بود

إقتباس

الرسالة الأصلية كتبت بواسطة مواصل من عام 1413هـ


	بس لو الرياض يتعدل جوها بالصيف وينزل شوي ثلج ، ويكون فيه بحر شوي كان تصير أحلى المدن بالعالم وياليت مع الطلبات اللي طلبتها يقلل عدد السكان علشان ما نعاني من الزحمة أدري إن طلباتي كثيره بس يالبى الرياض يعطيك العافيه أخوي ياسر دمت ياسر

الله يعافيك أخي مواصل من عام 1413

يقول بشار بن برد

و من ذا الذي تُرضى سجاياه كلها
كفى المرء نُبلاً أن تُعد معايبه

سلمت على أطلالتك يالغلا

مَاهِينُورْ · #24 27/09/2007, 08:18 AM

.
::

ماشاء الله تبارك الله ..
صح لسانك ياسر ..
بغض النظر انها عن الرياض الا انها جداً رائعة ..
أبيات رائعة لن أمل من قرائتها ..
::

القاضي · #25 27/09/2007, 11:03 AM

الأخ الكريم ياسر ،

لم أر أحداً يحب الرياض من غير أهلها إلا أنت يا شاعرنا ، و كلما أطلقت بصري بحثاً عن الأسباب التي تجعل أهل الرياض يهيمون عشقاً فيها ارتد علىّ هو حسير. لو قلتَ لي جدة مثلاً لوافقتك أما الرياض و أنت من غير أهلها فهذا عجيبٌ غريب إلا اللهم إن كان شوقك من باب قول الشاعر "و ما حب الديار شغفن قلبي ... الخ" .

اقترح رئيس مجلس إدارة شركتنا أن يكون الإجتماع القادم في نوفمبر في الرياض قلتُ للرئيس : اقنعه يغير الرياض فلن تجد فيها لا بحراً و لا خضرة (و لن أقول و لا وجهاً حسناً

) و لا هم يحزنون ، إذا كان و لا بد فاقترح عليه الطائف مثلاً حتى يعرف أعضاء المجلس الأجانب على الأقل أن لدينا مدناً باردة مثل بقية العالم - ولو أن الفنادق هناك التي تصنف أنها خمس نجوم تصيبك بالكآبة - أو اذهبوا إلى جدة ففيها فنادق هي الأفخم في المملكة و فيها منتجعاتٍ متميزة راقيةٍ على البحر ، أما الرياض !!!

أنا أصنف نفسي أنني من أهل الرياض (ولو أن أهل الرياض الأصليون قلةٌ قليلة و البقية التي تدعي أنها من الرياض تجدهم من المدن والقرى التي تحيط الرياض فهذا من سدير و الآخر من القصيم و الثالث من الوشم و هكذا ) و حاولت مع حرمنا المصون -و هي من جدة - أن تحبّ الرياض مثلما أحبها أنا (و لا أعرف لماذا!! ) فاستجابت لمحاولاتي و فتحت قلبها لتحشر الرياض فيها فما استطاعت إلى ذلك سبيلاً و لا ألومها لكنها باغتتني بهجمةٍ مرتدةٍ و زرعت حب جدة في قلبي زرعاً لا فكاك منه

.

لولا خشية أنكم ستصابون بنوبة ضحكٍ طويلةٍ لأخبرتكم عن صديقٍ حبيبٍ رافقني إلى باريس قبل سنواتٍ في رحلة عملٍ و لم نكد نكمل اسبوعنا الثاني إلا و حرارة الشوق تصليه صلياً ليعود إلى الرياض !!

هذا عشقٌ جنونيٌ و ليس حباً

.

نصيحةٌ من أخيك يا ياسر لا توغل في الرياض حباً بل اقتصر على الإعجاب فقط و إلا ستصاب بهذا المرض الذي يسمونه حباً.

أعتذر عن الإسترسال يا ياسر لكن موضوع الرياض أيقظ المكنون فأنا أحد المرضى بحبها شفانا الله و إياكم.

بعد أن انتهيتُ من هذا التعليقِ وجدتُ تعليقاً آخر يعضد كلامي و يقويه ، انظروا ماذا قال العاشق المهيم الأخ الحبيب كلي هلالي :

إقتباس

الرسالة الأصلية كتبت بواسطة كلي هلالي


	^ أنا مدري ليش أحبها لان مافيها شي يخليك تحبها

أخوك.

اليزابيث هيرلي · #26 27/09/2007, 12:07 PM

ياسر صدق ... ما عندك سالفه !!

وأنا من هذا المنبر أعلن للجميع سحب اللقب (( ويبقى الحب ما بقي الثقفي)) وتبديله بـ

(( و تبقى الخربطه ما بقي الثقفي))

أجل الرياض أحلـــى من جــــدة !!

ياشيخ الرياض كتمة وزحمه ومظاهر

.. لا و تحسها جامدة خاليه من المشاعر والأحاسيس

>> عاد ليز والأحاسيس شي

الميزة الوحيده فيها ((قبل)) الأسواق بالنسبة لي طبعا .. لكن الآن صارت جدة أزين وأرخص بعد ..

الله يهديك بس ..

إلا أم الرخا والشده

>>> يا حبني لها

..

شكلك تحب القصمان لأن غالبية أهل الرياض من القصمان كما تفضل أخي القاضي

..

..كل الأماني لك بحياة معطره بأجمل احاسيس جـــدة

...

صقر فيصل · #27 27/09/2007, 12:20 PM

ما كنها الا السحاب / الخالق الناطق
تقول للبدر حدّك لا تضايقني

و ان شع من غيمها للعاصمة بارق
تاخذني أنفاسها حتى تطوّقني

قصيدة جزلة أخوي ياسر..

الرياض تستحق أن يتغنى بها الشعراء..

فقد تغنى الكثير بنجد عبر التاريخ، ولعل مما أذكره من أحد من كان يودعها:
تمتع من ذرى هضبات نجد
فإنك موشك ألا تراها

وأنت تستحق كل التحايا على والشكر على هذه القصيدة الرائعة..

صح لسانك يا ياسر..

وتقبل مروري المتواضع

^ العنود ^ · #28 27/09/2007, 12:46 PM

>>>>>> ازعلوا اهل جده

وراى ماكتبت فينا قصيده

بس الصدق ياحبي للرياض واهلها

صح لسانك وانا اختك وفالك المليون

...SoMe OnE... · #29 27/09/2007, 01:09 PM

,,,
,,
,

الهلالي الثقفي

صح لســانكـ

قلم يجبرني على الوقوف احتراما له ..!!
حقيقة دون ادنى مجامله .. ان رأيت هذا المعرف لا استطيع تداركـ خطوتي ركضا
خلف حرفـ يرسمه مثلما ريشة فنان .. تبدع في افقِ الاحسـاس ..
بـ حق رائع انت عزيزي ..
عيـون الرياض .. تُضاف لـ سلسلة ابداعاتكـ ..
فـ شكرا لكَـ من الاعمـاق ايها النقي ..

****

كن بخير
...SoMe OnE...

الـساقي · #30 27/09/2007, 01:41 PM

هـلا وغـلا بـ يـاسر ..!

قــصيدة روعــة , أختيـار جميل بعنوان أروع .. عيون الرياض ..!

اتوقـع الرياض لا أحد يوازي قيمتهـا وحبه لها , وحتى من كانوا خارجهـا لا تصرف عنهمـ

مع أن حرارة جوهـا قـوية , ومع الأزدحـام إلا أنهـا تبقى هي وأهـلها في قلوب الجميع ..!

ما أجملكـ يا رياض الثقـافة ..!

...

إقتباس


	القـاضي اقترح رئيس مجلس إدارة شركتنا أن يكون الإجتماع القادم في نوفمبر في الرياض قلتُ للرئيس : اقنعه يغير الرياض فلن تجد فيها لا بحراً و لا خضرة (و لن أقول و لا وجهاً حسناً ) و لا هم يحزنون ،

الأخ / القـاضي ..

والله ضحكت من ردكـ هذا .. شكلكـ تدور على بـاريس مرة ثـانية ..!

لكن السؤال .. أقتـنع وإلا ..!

...

يـاسر ..

الله يعطيكـ العافيـة على الموضوع ..

وكسبتـ قلوبـ أهل الرياض بأكملها بهذي القصيدة ..!

...

دمت بخير ,,