المفروض من زمان ذا الكلام مو الحين
بعد ماطاح الفاس براس

كلاااااااااام

واقعي جدا

إقتباس الرسالة الأصلية كتبت بواسطة المدفعجي الجمعان الحين تقول لمحمد بن فيصل ارحل عشان مباراة؟؟؟ الحين تنتقد اللاعبين عشان مباراة؟؟ للاسف هذه العقليات هي من دمرت الهلال اخوي انا بسالك سؤال شفت الجمهور الي طلع من ال د70؟؟؟ وهم زعلانين الله يديم زعلهم...اللي يشجع الزعيم يشجعه مهما صارت الظروف شوف جماهير الليفر والارسنال يوم طلعوا من نهائي دوري الابطال كلهم يصفقون للعيبتم..لكن بعض جمهور الهلال ما يستحقون جزمة سواق المفرج!! المباراة وعدت الحظ وقف ضدنا وما نقدر نسوي شيئ...الحمدلله على كل حال...من المعروف ان اللي يضيع هجمات بيدخل فيه الاهداف وبعدين انت تنتقد ابو سلطان علشان العنقري وبرونو؟؟ وما تقول الحمدلله جابلنا ياسر والتايب وتفاريس اللي هم اعمدة الفريق صدق جمهور ناكر الجميل..اسمحلي لكن انا انقهر من الناس اللي يقلبوا الدنيا علشان مباراة

اي ياسر ؟؟

ياسر هو اللي اراد الهلال ولو تتذكر البلوي عرض 40 مليون وياسر قال ابي الهلال !!

صدقني لو كان اي رئيس نادي ثاني غير محمد بن فيصل يرئس الهلال جابه الاعب مهوب لاعب الا بالهلال !!



اما التايب يمكن حسنته الوحيده !!

ومع ذالك ما قدم لالي يشفع له انه يجيب كاس اسيا !!


ما اقول الا زي ما اقول احد الأخوان اطلع يامحمد بن فيصل وطلع معك كديش فريقنا !!

والله كلامك عين العقل

والمتفرج والعنقري مانبيه لاكن الواسطه تسوي بلاوي

يامحمد بن فيصل الهلال لايحتاجك لانه يريد رائيس يحمل المسووليه

والله ماقول الا حسبي الله ونعم الوكيل

مسكور أخوي مولع بالزعيم ............. والله موضوعك كبير ..... ولكن مؤثرك فيك مباراة البارحه .

وهو شي واضح ........ لكن كلامك عن المفرج والعنقري .هو والله عين الصواب ....... وعن أميرنا

المحبوب . محمد بن فيصل .... فيرحل .... ويدع المكان لمن هو آهل له ...........



وأخواننا الزعماء اللي معطين المفرج أكبر من حجمه . نقول . لمصلحة الهلال ..... أبقو مودتكم للمفرج


خارج المستطيل الأخضر . ونحن لن نعاتبكم على هذه الموده .........



تقبل مروري : أخـوكـ هلالي مـتـيـم .......

70 نحضر للملعب للمره الثانية ونخرج بدون فايده

مجمد بن فيصل اذا كنت هلالي وتحب مصلحة الهلال خل الواسطه عنك وين المرشدي بدل المفرج

والعنقري الله ياخذ بليسة

تكفووووووون مصلحة الهلال فوق كل شئ

كلامك عين العقل والصواب ...

واضف الى ذلك عمر الغامدي مع احترامي للجميع هذا اللاعب لايقدم شيئ للهلال ولو احلف انه هو ايضا من اصحاب الوسطات فكم مرة ينكبنا الغامدي ويموت هجماتنا بلعبه السخيف وموتة الحيل ..

المفرج - العنقري - الغامدي - الذياب غادروا الزعيم بلا عودة

قال عليه الصلاة والسلام: (ليس المسلم بالشتام ولا اللعان)اذا بتنتقد انتقد على مستوى.....اما اسلوب السب والشتم واللعان مااتوقع انها من اخلاق المسلم طبعا لاجديد المفرج هو اللي يتحمل خسارة الهلال وليه مايتحملها....والجمهور اصلا مايقدر الا على هالضعيف ابعطيكم اولا لفة على اهم لاعبين الهلال وليس تقليل منهم ولكن الارقام ماتكذب ياسر القحطاني...نجم النجوم....واحسن لاعب هلالي حاليا......ومعشوق الجماهير الهلالية ماهو عيب انه اليوم ضيع بلنتي لان فيه لاعبين قبله ضيعوا ولكنست مباريات في دوري ابطال اسيا....لم يسجل خلالها اي هدف هداف الهلال بطولة كاس ولي العهد العام الماضي لعب الهلال اربع مباريات.....لم يسجل خلالها اي هدف هداف الهلال اهم مباريات الهلال خلال السنتين الماضية نهائي 3-0 الدوري للشباب لم يسجل اي هدف نهائي الدوري 2-1 للاتحاد لم يسجل اي هدف نهائي كاس ولي العهد وكاس الامير فيصل ضد الاهلي 2-0 و 1-0 لم يسجل اي هدف مباراتين الفريق ضد العين الاماراتي ....لم يسجل اي هدفوللاسف ماسمعنا اي شخص من الاعضاء تكلم عن ياسر ولكن ماسمعناه تفداه البطولة ومن هالكلام طيب نروح لطارق التايب طارق التايب نجم كبير لا يشق له غبار ولاعب صانع لعب من الدرجة الاولى ولكن طارق التايب قضى نصف الموسم الماضي في غرفة العلاج وواضح انه هالموسم بيلحق الموسم الماضي وغاب عن اهم مباريات الموسم نواف التمياط نواف التمياط من الموسم الماضي وهو يقدم عك كروي كرات مقطوعة...احتفاظ زائد بالكرة.....مركزة صانع العاب ولكن للاسف انه مايصنع اي لعبة الاظهرةاليوم سواء الزوري او العنقري كانوا شوارع دفاعيا.....معدومين هجوم ياالادارة الادارة لم تتعاقد مع لاعبين محليينا لادارة لم تتعاقد مع لاعب اجنبي ثالث الادارة جددت مع طارق التايب على الرغم اصاباته الموسم الماضي الادارة تكرر نفس الخطا للمرة الرابعة على التوالي وهو الاعداد النفسي السئ للاعبين امام الشباب والاتحاد والكويت واليوم المدرب البدء بثلاث محاور البدء بجهه يسرى ضعيفة جدا بوجود لاعبين قليلين خبرة تاخير انزال التايب والشلهوب الجمهور والمنتديات والصحف التطبيل للادارة وان كل شئ ماشي تمام على الرغم من الاخطاء اللي كان يشوفها العميان الاستهانة بالخصم نرجع لسالفة الهدفانا ماراح اطلع المفرج منها المفرج اخطا ولكن الخطا الاكبر يتحمله تفاريس وخالد عزيزواللي يقول غير هالكلام يحمل الهدف ويعيده كم مرة ويتاكد من كلامياولا خالد عزيز تارك خانته بالمحور وسبب فجوة في منطقتهتفاريس اندفع علشان يغطي الفجوة اللي تركها خالد عزيز مع العلم ان تفاريس كان لاعب اغلب الشوط الاول رجل لرجل مع اسماعيل مطرالمفرج نزل لخانة تفاريس يغطيهاوكان عنده خيارين الخيار الاول يكسر اسماعيل وينطردوالخيار الثاني يحاول انه ياخر اسماعيل الى ان يجد التغطية وبالفعل اخر اسماعيل ولكن اسماعيل بذكائة استطاع انه يسددها ويسجل الهدف على فكرة اسامة هوساوي اللي يطالبون به اغلب الاعضاء سواها في كاس الخليج الماضية وبنفس الطريقة ومع نفس اللاعبوعلى فكرة سمعت اليوم كلام الاستاذ الكبير عبدالكريم الجاسر وعندها عرفت اغلب الجمهور الهلالي من وين يستقي كلامهالكابتن الخنين وهو لاعب سابق ومدرب حالي يقول ان الهدف ماهو غلطة المفرج وتفاريس وعزيز يتحملون الخطا الاكبر والجاسر يقول المفرج يلعب بالواسطة.....عاش الفهم الكروي يااستاذ عبدالكريم....وعندما طالبه المذيع بالدليل سكت وتلعثم وقال ايام باكيتا لو طلب منه سواق الباص انه يلعب فلان نفذ باكيتا ولكن كالعادة.....مافيه غير المفرج شماعة....والباقي يطلع براءة

إقتباس الرسالة الأصلية كتبت بواسطة يزيدالهلالي الغامدي لا مع العير ولا مع النفير .. اصلاً مالة خانة حتى تقول ما لعب في مركزة لا هو صانع لعب ولا لاعب محور ولا اذا كانك تراه كذلك فذكرنا الله لا يهينك متى صنع لة هدف أو هجمة صح .. واذا كان على هدفة النكبة في النهائي فترى الخير شبيهه سجل هدف مماثل وهذا أنت تتريق فيه ..

فيه هلالي ما يعرف مركز الغامدي ..؟؟؟؟؟؟؟؟


بالله أنت هلالي أو تعرف كوره ..؟؟؟

الغامدي صانع لعب ...!!!!... رح بس نم أصرف لك ....

إقتباس الرسالة الأصلية كتبت بواسطة leopard اقسم بالله حرام هذا كلام مشرف ...!!! اقتباس: بالله تعرف بالكوره شي .؟.؟؟ أجل المفرج هو هزم الهلال ..!!! رح نم ببيتكم أحسن و تغطى زين ..!!! اقتباس: حرام انت مشرف عشان مشرف كتب موضوع دل على انه مايعرف كوره ولا اشراف ما اقول الى واصل يامفرج ولا تسمع لكلام والله اذا هذي الاشكال اللي ترد بهذي العقليه وتدافع عن اسوأ تشكيله عز الله ماعرفنا اي بطوله ..

صحيح ...!!!!


أسوء تشكيله ...و الله للأسف ناس ما تعرف من الكوره الا اسمها ...!!!!

كلامك عين العقل

إقتباس الرسالة الأصلية كتبت بواسطة الــ قمرـــهـلال بإختصار تكلمنا من زماااااااااااان وطلعنا في نظر اللي يحبون المفرج ( لأنه ملتزم ) مانفهم كوره وحنا اللي نتابع كوره من حوالي 20سنه ماودي اقول منهو واسطته خله حلو بعيون الجماهير ::: والمصيبه ماهي واسطة المفرج المصيبه الفلوس اللي يبذرها النادي وفي الأخير بيروح تفاريس ونطق اصبع لين شفنا هم المفرج وفوقه هم غياب (قلب الأسد) تفاريس مانبي هوساوي قبل لاينشرى عقد تفاريس لأن عندنا لاعبين ممتازين في قلوب الدفاع من شباب الهلال لكن طبعاً معصي يلعبون ونيستا المفرج موجود انا من النادر اني افضفض او احكي بصراحه لكن الحين دامنا خسرنا آسيا وكلنا شوق لها بضطر اتكلم .. ( العتيبي - المفرج - العنقري - البرقان ) ماعندهم اي شيء ممكن يخدمنا ومن شباب النادي فيه اسماء ياتروح اعاره ياتباع ونرتاح لكن هم على قلوبها وعله على الفريق ولاحكينا قالوا لهم مستقبل اي مستقبل !!! ( العبدالسلام - العنبر - الخراشي ) ::: المشكله في ناس الله يصلحهم يخلطون بين موضوع اخلاق اللاعب ولعبه تلقاهم يمدحون ويزعلون لو احد حش لاعب هلالي ملتزم بصراحه وبدون زعل حنا نبي لاعب مو إمام مسجد ولا داعيه إن كان ممتاز كروياً وملتزم ( عز الطلب ) لكن ملتزم دينياً ومافي راسه كوره .. وبعد ندافع .. قمة الظلم والغبن ... ( ردي بيزعل ناس كثييييييييييييييير ) ::: ابو سلطان الآسيويه وضاعت لاتضيع شباب النادي ولا تفاريس ولا تفاريس ولا تفاريس ( كوزمين رائع ويعطي الشباب فرصه لكن مو ذنبه عدم التنفيذ داخل الملعب) اتمنى مايكون ضحيه للبطوله لتسكيت الجمهور من قبل الإداره ::: سوووري على كثرة الحكي لكن هو اركد موضوع شفته حتى الآن صباحك واسطه

اؤيدك بكل كلمــة
مولع شكرا لك

لقد أسمعت لو ناديت حياً .... ولكن لا حياة لمن تنادي ..


ما أقول غير الله يرحم أيامك يابندر بن محمد ..

إقتباس الرسالة الأصلية كتبت بواسطة روح الزعيم123 بالفعل الاخ مولع بالهلال او كما وصفته انت بالمشرف الذي اقسمت انت على حرمة ان يكون بين المشرفين قد اخطأ وسأبين خطأه في اخر ردي... ولكن مهلا.!!! الم يكن من الاجدر والاولى لك ان يكون ردك اكثر ادبا وتهذيبا.!!! فحقيقةان كان بعض اللاعبين سبب تدهور الفريق.. فبعض الاعضاء هم سبب تدهور جمهوره..!! اعتقد ان الاشراف اصبح جريمه الان..!! او بمعنى اصح فاقد الشي هو اكبر حاسديه.. فان كان مشرف او من مجلس الاداره او عضو جديد مالفرق بطرح الراي سواء اتفق معك اولا ... هل من يخالف رايك يصبح طفل؟؟ غريبه عقول اطفال هذه الايام انت ترى انه فتح موضوع لسب المفرج... عجيبه حقيقه فيبدو انه لم يشاهد هذا الامر سواك.. او بمعنى اصح فانت تجيد السب وماشابهه فترى الموضوع مفتوح للسب.. وكما يقال " كل يرى الناس بعين طبعه" واتضح هذا من ردك السابق كنت كتبت رد طويل اوضح فيه بعض النقاط الغائبه عنك واشرحها لك حتى تكون الصوره واضحه لك.. ولكن استوقفني امران.. الاول هو جملتك عندما قلت ان جميع الفرق تتمنى ان تلعب مثل الهلال امس.. فعندها ايقنت بانك شاهدت مباراة اخرى... فمصيبه ان كنت تقصد مباراة الامس لانها باختصار كانت يوم اسود بتاريخ الفريق فهل تتمنى عودته او هل تتمنى باقي الفرق ان تمر به..!!!!!!!!!!!!! والامر الاخر هو اسم طفله فعندها ايقنت انه لم يكن لدي مجالا للنقاش ------------------- اخوي مولع بالهلال اعتقد انك اخطئت بطرح موضوعك دون التنبيه بانه يمنع دخول من هم دون التاسعه من العمر... فعلى ما ارى بعض العينات كانت تحت هذا السن والرقم

بما أنك موافق على عدم دخول من هم دون التاسعه من العمر ...ليش داخل أنت ..؟؟

و الله للأسف فيه عينات تحت هذا السن و الرقم وهو أنت فياليت تخلي الكبار يتناقشون و لا تدخل مرة ثانيه ...

شاطر حبيبي و ان شاء الله ابعطيك حلاوه ...


و بعدين الي يخالفك عن المفرج أصبح بزر و طفل .... والي يقول رأيه عن مشرف أصبح بزر و طفل ..

ما تلاحظ فيه قاسم مشترك بين الشيئين ... وهي الي يخالفك غلطان ...!!!

تراك منتب ملاك ...ممكن أنت تخطأ ... ممكن أن تكون مجهة نظرك خاطئه بس لو تفكر فيها بعقلك ...

و نصيحه لك .... حاول أن تفكر بعقلك قبل أن ترد ... واذا لم تستطع لا ترد ....