قدر الله وماشاء فعل

إقتباس الرسالة الأصلية كتبت بواسطة ابو سند2008 انتي لانك مشجعه بارده ماتراعين مشاعرنا كمشجعيين حقيقيين راحت علينا البطولة وتبين مانزعل ونعصب قهر والله قهر زعلنا هو الواقعية ولن نرضى بغير الآسيوية

؟؟؟؟

كلامك صحيح 100%
بس عاد وش نسوي
قضاء وقدر
بس بصرا حه حرام يطلع مثل هالجمهور خائب

هلاليه انتي بصراحه معندك سالفه ابد تحطين الاسيويه مثل الخليجيه حناا تعبناااا خلاااااااااااااص الاداره فااشله والاعبين مستهترين نبي الاسيويه ماانبي غيره وانتي خلك في المطبخ احسن لك ليتك حسيتي الى حنا حسيناا فيه مشوار الطرايق من الشلاقيه لين الرايض ينااس حسووووو فينااا

أختي كلامك عين الصواب واللهـ

واهني الهلال على الشبااب اللى راح يصير لهم مستقبل مثل الزوري والعنقري

صراحه الهلال قدم مستواه

وفهـد المفرج صرااحه أفضل لاعب عندي اناا وعند عشاق الزعيم

وياحاقد مالك مكااان بيننا

ولااحد يهمك اختي هلاليه

ترىى من الاشكال هذي على الحفه يعني لو يخسر الهلال اول الشاتمين للاعبين والناادي
ولو فاز قالوا وقالوا ..,,
ويبقىى الزعيم زعيم

يازعيم الانديه ( العالميه)

فديت كل هلالي محب للهلال

ياذا المطبخ لهدرجه عقلياتكم صغيره يعني البنت مالها الا مطبخهااااااا للاسف انكم من جماااهير الزعيم
واذا جيت من الشرقيه ترى كلها 3 ساعات احنا بالرياض وبالزحمه 2 لين يوصلون للملعب مو عذر ع
همجيتكم بالردود

إقتباس أختي هلالية . . نرى حنا ما ضيعنا الا مثل هالكلام اذا خسررنا طلعنا وقلنا عدم توفيق و و و و وحنا نلعب على أنفسنا فرييقنا فييييه خلل غير طبيعي ليش ما نقول خل الادارة تراجع حساباتها ونفسها تشوف حال ووضع فريقها الى متى اذا خسرنا قلنا مكتوب . ؟؟ نعم مكتوووب لكن لماذا لا يكون الفوز ؟!! لماذا لا نفكر في أسباب الخساااائر التي ضحينها العشاق والمتيمون والأدارة ولا هااااامها كالعادة لأنهم تعودو مننا أن نسامح و و و لكن الآآآآن لا لا وألف لا الادارة لازم تشوف وضع الفريق ونحن ما راح نصبر على الفريق أكثر من كذا وصدقوني ما راح ننجح في اي مناسبة قادمة اذا ظلينا بهالعقليات والتسامح اللي ما يودي ولا يجيب . . لازم نحااااسب الكل . . حنا كجمهور ما قصرنا وقدمنا كل اللي علينا لكن ما شفنا شي بالملعب ؟ ؟ وش اللي طيب خاطرنا نقول قدر وحظ و و و . . لاااا ما راح نرضى الا بأسباب مقنععععه على الأقل نفهم وضع فريقنا ولا نسكت عما يحدث

هلابك اخوي حاااااااااسه بك بس والله ان الهلال مستواه حلو اليوم لو انه مالعب ولاضغط ع الوحده
قلت معك حق لاعبين الوحده منهبلين يحترون تنتهي المباراه

كلامك صحيح بس وش نستفيد اذا زعلو الاعبين

نشجع ونروح الملعب ونحرق دمنا واعصابنا واخر شي ما نتأهل

ما اقول الا الله يصبرني على الهلال

كلامك عين العقل والكل منفعل لا تلومينهم
بس هالشي مايمنع ان فيه لاعبين مو في مستوى بطوله آسيويه ولا حتى خليجيه

إقتباس الرسالة الأصلية كتبت بواسطة ««× هلاليــــه ×»» هلابك اخوي حاااااااااسه بك بس والله ان الهلال مستواه حلو اليوم لو انه مالعب ولاضغط ع الوحده قلت معك حق لاعبين الوحده منهبلين يحترون تنتهي المباراه

عزاائنا الوحيد . .

هو أان نجد اسباب مقنعة وحلووول مناسبة للفترة القادمة والا .سنعااااني فالقادم أصعب . . !!