اليوم الوطني و المرور - صفحة رقم 4 - نادي الهلال السعودي - شبكة الزعيم

غــــــلا روحــــــي · #46 24/09/2007, 09:59 PM

شف بصراحه << متحمسه

لو إني ولد صح انه بيضيق صدري ودي اهجول وانبسط بس احسن

اجل امس << قصدها اليوم الوطني

بغيت اروح فيها يعني بغيتوا تحطون في تواقيعكم رحمك الله ياغلا روحك

تخيل نزلت من السيارة بدخل محل مادريت الا وذا اللي يشطف جنبي ويستعرض ويربّع

وطاااااط طااااط مبسوط الاخ واللي يطل مع الفتحه و مدخل بظهره علم واللي يضحك على روعتي

وانا ياحيل الله مشصبه بمكاني مادريت الا واخوي يضرب لي بوري وفزيت

ياليت والله يفتحون لكم ساحة العروض والا ساحة هجوله والا سباق الفورملا والا شي يضفكم عنا

وبس

ولد سدير 1 · #47 24/09/2007, 10:11 PM

لاحول والا قوه الا بالله

مساكين والله هالشرطه

يبون يريحون من الازعاج والفوضه

وهذا احس احسن حل

عشان تخف حالات الازعاج والزحمه اللي صارت امس

LBa your heart · #48 24/09/2007, 10:13 PM

مايصلحششش احتفال برمضاان
يمدحون غرفتي بس

CLEAR · #49 24/09/2007, 10:16 PM

انا محتفل بالبيت

لا صدق اليوم الوطني صااار مصخره وقلت حيااااا مره معاد نبيه فيذا ناااس ما تنعطاااا وجه

صدى الامس · #50 25/09/2007, 12:06 AM

يوم وطني .. بإختصار .

شغل اغاني ووقف الشارع .. انزل ارقص واستهبل .. اصبغ سيارتك باللون الاخضر ..
علق علم السعودية .. (( ولا تنسى اذا طيحت اللي براسك ترمي العلم اللي في اسم الله بالارض ))
بنات ما نقول الا الله يستر عليهم .. ورجالهم الله يعافيهم ولا يبلانا ..

هذا هو بإختصار اللي صاير في اليوم الوطني ..

طبعاً ما اعمم على الكل .. لكن عينه كبيرة نشوفها بهالشكل ....!!

ما اقول الا يازين اليوم الوطني وانت بالبيت ..!!

لأنك ما تقدر تطلع لاي مشوار ..!! بسبب اللي ذكرناه فوق ..!!

مشكلة انك تشوف اشياء قسم بالله تفقع مرارتك ..!!

الله يصلح الحال .. والله يستر على المسلمين .. !!

اصلا من الاساس وش اليوم الوطني ؟؟!!

الفيروسه الزرقاء · #51 25/09/2007, 12:24 AM

^
^
^

إقتباس


	اصلا من الاساس وش اليوم الوطني ؟؟!!

عباره عن إجازة

، لم يعلم الناس عن اليوم الوطني والاحتفال به إلا بـ مناسبه هذه الاجازه

!

وإلا أول اتحدى احد يطلع ويحتفل بـ اليوم الوطني ! اصلاً كان يمر زي السلام عليكم ! ومانعرف انه يوم وطني إلا من الجرايد والإذاعة المدرسيه

.

الفيروسه الزرقاء

أسيرة الزعيم · #52 25/09/2007, 02:48 AM

أجمل تحية .. لِـ [ يوم الاختناقات المرورية ] ..

أجمل تحية .. لِـ [ يوم المسيرات الاستعراضية ] ..

أجمل تحية .. لِـ [ يوم المظاهر اللاحضارية ] ..

أجمل تحية .. لِـ [ يومنا الوطني ] !

صدى الامس · #53 25/09/2007, 02:56 AM

إقتباس


	عباره عن إجازة ، لم يعلم الناس عن اليوم الوطني والاحتفال به إلا بـ مناسبه هذه الاجازه ! وإلا أول اتحدى احد يطلع ويحتفل بـ اليوم الوطني ! اصلاً كان يمر زي السلام عليكم ! ومانعرف انه يوم وطني إلا من الجرايد والإذاعة المدرسيه .

هلا الفيروسه ..

طيب هذا هو الكلام .. وش الفرق بين قبل والحين ؟؟!!

منول ما ندري عن اليوم الوطني ولا نحس فيه ابد ..

الا اذا شفنا الجرايد مليانه تهاني وتبريكات بهاليوم .. والتلفزيون مليان اغاني وكل شي ..

منول اذا شفنا الوضع كذا يرتفع ضغطنا .. لا مسلسلات نتابعها ولا شي .. وننحرم منها بسبب هاليوم ..

بس صدق قالوها .. الله يحلل الحجاج عند ولده ..

ليتهم على شغلهم الاولي .. ازعاج الاغاني الوطنية بالتلفزيون والجرايد تهاني وتبريكات ..

ولا يصير مثل اللي يصير الحين ..!!

ترى هذا وهو برمضان شفنا المشاكل هذي .. اجل لو بشهر غير رمضان الله يشرفه وش يبي يصير ؟؟!!

الكبيتانو · #54 25/09/2007, 03:18 AM

والله من جد امس كانو ياخذون الاعلام من الشباب ليش؟
بس والله فيه شباب همج يوقفون سيارتهم ويرقصون في الشارع اللهم لك الحمد والشكر بزران قسم ..
بس المرور والله يعجبك فيهم...........ظبطهم امس ...

freedom sss · #55 25/09/2007, 04:03 AM

غريبة مخالفة علشانك معلق العلم

	التوقيع

mancity · #56 26/09/2007, 06:30 AM

الحمدلله أنه عدى على خير

عاااااااااااااااشت بلادي