السلام عليكم ورحمة الله وبركاته


حبيت اعطيكم هالمعلومه للي يبي يحضر المباراه بعد العشاء او التراويح

بالنسبه للدوارات اللي عند الاستاد (دوارات طريق الشيخ جابر ) بحكم قربي منها هناك وقت زحمه اللي هو من 9 الى 11 زحمه مو طبيعيه حتى وانت جاي من مخرج 8 زحمه

البديل

انك تحاول تجي من عند الشوراع الفرعيه لان الرئسيه زحمه فيه طريق خريص وفيه اللي جاي من الطريق اللي رايح الشرقيه لا يدخل من مخرج 8 (كوبري الفحص) يروح سيده الين يجيه مخرج الخرج ويجي من هناك



هذا بس توضيح عشان ماتعانون وانتم رايحين

اللي يبي اي معلومه يحطها بالرد وانا ابشيك عليها



تحياتي

يعطيك العافية .. شكلك شغال بالمرور هههههههه

مشكوووور على التوضيح

اصلا اللي ناوي يروح يصلي العشاء هناك احسن له عشان يلقى محل مناسب ويفتك من الزحمه

مشكووور يا أخوي
وانا عندي استفسار
أنا راح أجي من خارج الرياض بأذن الله
سؤالي : متى الوقت الأمثل لحضوري للملعب
أقصد أبغى أحصل مكان حلوو
وصعبه بأني بقعد بالملعب من الساعه 7 وقت افتتاح البوابه
لكن أبغى الوقت الأمثل متى ؟؟
8 او 8:30 او 9

مسكين اللي عنده سياره صغيره

الحمد لله جيب انقز الرصيف ولا يردك الا مقاعد الاحتياط

مشكور عالتنويه

افضل وقت للحضور 8.20
شكرآ على الموضوع

حتى نفس الطريق اللي وصفت لهم عليه
راح يكون عليه زحمه ..

وحسب ما اذكر (إذا كآنوآ على خبري للحين) ان المرور يسكر طرق كثيره
والمحيطه بالأستاد خاصه من طريق الامير بندر واللفآت اللي على الدوارات



بس فيه اكثر من حل وهي > من عند مقهى ابو هيثم بحيث انه يطلع كأنه يبي الدمام
ويلف يمين بعد ما يعدي كوبري الفحص جهه المقاهي من الخلف ويدخل من عند ابوي هيثم سيده
بطريق موب كبير على خبري على الأستاد ..

وفيه طرق كثيره ,,






بس الأكيد اني احب انبه على شي وهو الأهم .. الصيام اهم من المباراه
ومن غيرها .. ولا يجرح صيامه بالزحمه والمخانقات مع خلق الله
لأني اتذكر هالمواقف زين






ولا هنت يا صاحب الموضوع
وبالتوفيق للزعيم

إقتباس الرسالة الأصلية كتبت بواسطة سـ9ـامي أرجوك لاترحل مشكووور يا أخوي وانا عندي استفسار أنا راح أجي من خارج الرياض بأذن الله سؤالي : متى الوقت الأمثل لحضوري للملعب أقصد أبغى أحصل مكان حلوو وصعبه بأني بقعد بالملعب من الساعه 7 وقت افتتاح البوابه لكن أبغى الوقت الأمثل متى ؟؟ 8 او 8:30 او 9

انت عارف عيالنا زين
عندهم قاعدة من سبق لبق وصدقني تبي تشوف
جماهير كثيره من بعد الفطور حول الملعب .. يعني للحيطه
تعال بعد الفطور على طول .. تبي تخف عليك الزحمه اللي اتوقع انها تبي
تلقاها من عصر ..

بس الله يعينك ان كنت تبي مقعد حلو
,,



معليش يا صاحب الموضوع
رديت عنك


وبالتوفيق للجميع
,,

يعطيك العافيه

والله موضوع مفيد جدا والله يعطيك الف عافية

مشكووور يالغاالي ،،

وان شااء الله من قبل الترااويح وحناا هنااك ،،

إقتباس الرسالة الأصلية كتبت بواسطة غيـَث انت عارف عيالنا زين عندهم قاعدة من سبق لبق وصدقني تبي تشوف جماهير كثيره من بعد الفطور حول الملعب .. يعني للحيطه تعال بعد الفطور على طول .. تبي تخف عليك الزحمه اللي اتوقع انها تبي تلقاها من عصر .. بس الله يعينك ان كنت تبي مقعد حلو ,, معليش يا صاحب الموضوع رديت عنك وبالتوفيق للجميع ,,

مشكــــور أخوي ويعطيــكــ الف الف الف الف عافيه
والله يعين شكل ابي اجيب قهوتي وفطوري من حائل وافطر عند الملعب

الله يعطيك العافية على التوضيح