إقتباس الرسالة الأصلية كتبت بواسطة M.7.A.M.M.A.D اي والله ياليت يفكونا من ذا الطبول الي تحسسك انك مع هنود حمر مهيب مباراه,,العالم تنهاظر المباراه وتلقى ذا الرابطه مسوين سامري الله يهديهم,,,واذا خرشو والله يقروشونك ماتقدر تركز بالهجمه,,,والله احسن موضوع شفته في القرن ال21 للحين,,,,,اهنيك على الموضوع يابطل

لله درًك يامحمد يابطل تسلم وهذا احلى رد في ا لقرن بالنسبه الي

إقتباس الرسالة الأصلية كتبت بواسطة خروج المغلوب السلام عليكم ورحمه الله وبركاته بالفعل ياشباب اذا حضر 70 ألف متفرج هل يعقل ان نردد خلف الرابطه!!؟؟ الجواب بالطبع لا وبصراحه لو رجعنا بذاكرتنا للخلف على ايام صالح النعيمه وابويعقوب والغشيان كان الجمهور يحضر بكثافه وبأهازيج قمه في الروعه وبصوت واحد دون الحاجه للرابطه والامر بسيط اذا جت هجمه للهلال تلقا الجمهور يهتف للهجمه بحماس واذا لاعب هلالي سوا حركه فنيه برضو يهتف له الجمهور تكفون نبي اهازيج الهلال ايام اول؟؟ وفكون من الرابطه وطبولها الله يرحم والديكم انا من النوع الي اكره الطبل واصير مهموم ويصكني راسي واحيانا اقول ياليتني ماحضرت المباراه بسبة الرابطه معليش ياشباب ان طولتها شوي بس انا اقول شي يصيرلي ويمكن لأشخاص غيري من جمهور الزعيم اصلا اللا عبين مايتحمسون اذا مااسمعو الجمهور يهتف بصوت وااااحد بالعكس يمكن يصيرون باردين مع طبول الحرب الي مع الجمهور واخر شي فكرو جمهور الزعيم العزيز في جماهير ليون الفرنسي وسان جيرمان واغلب الانديه الاوربيه كيف تهتف بصوت واحد يهز الملعب هز مااقول نبي نسوي مثلهم بس اقول نبي نرجع ايام اول

السلاتم عليكم ورحمة الله وبركاته ..

موضووع حلو وتشكر عليه ...

أولاً مسألة الاهازيج .. المفروض فيه أشرطة أو على قناة الزعيم .. تكرر عشان يحفضونهااا

والصرااحه انا بعض الأهازيج ما اعرفهااا مررره


لذلك أنصح المسئولين عن إصدار بعض الاشرطة او على قناة الزعيم .

بالاهازيج ياجويفاني يعني نرج المدرجات بصوووووت واحد مهب طبول وميكروفون ووجع راس

ماراح نحتاج للرابطه باذن الله اذا كان الجمهور .. يطبق المطلوب وهو اطلاق صافرات الاستهجان عند استلام الخصم للكوره .. وتشجيع الفريق اذا كانت الكوره معاه

إقتباس الرسالة الأصلية كتبت بواسطة ااسامه بصراحة أنا اتفق معك مئة بالمئة الرابطة أصبح لها مردود سلبي على الجماهيير في المدرجات أصبح الجمهور بارد وليس مثل السابق أتمنى أن يعود الجمهور الهلالي في الرياض تحديدا كالسابق

ينصر دينك الرابطه بدون صوت وحماس ويجبون النوم للاعبين والجمهور

حبيبي انا ما حضرت للهلال مباريات ((بالرياض)) الا مباراة وحده

و هي إعتزال يوسف الثنيان

الجهور مالي الملعب بس ما احد يتكلم ما احد يقول شي الا مع الرابطه

صحيح مع كل هجمه و كل زله و حركه حلوه يصيح الجمهور تلقائيا <======= خذ بالكـ من هالكلمه^_^

لكن حنا نبي تشجيع متواصل طول المباراة

بالعكس الحضور ممتع بوجود الرابطه خاصه بعد استلام ابو خليل لها

اول كنا نحضر ونشجع تشجيع مو منظم .. الحين تغير الوضع كثير

والله راوبط الانديه مادخلت راسي كلها
عرس ماصارت مباراه
بالله كيف يبي يؤثر على الفريق المنافس بطبوله
شف جماهير المغرب العربي والله انهم رعب من جد
هذا التشجيع مو ياويلو ياويلو ناوي والله ناوي

نبي هدير بصوت جماعي وحبذا لو تطرح الكلمات في موقع الزعيم ويتفق عليها الجميع ويردد
وتكون الكلمات لها وقع نفسي وتثير الرعب في المنافس
وبدون طبول الله يرحم والدا والديكم

الطبول الحقيقية والصحيحة التى تهز المشاعر وتحرك الجماهير وتجعله يغنى وينشد الأهازيج ويحفضها عن ضهر قلب تأتى من أقدام اللاعبين.

إقتباس الرسالة الأصلية كتبت بواسطة skroo السلام عليكم عدنا فعلا الملعب ما يحتاج رابطة والاسباب تتعدد اهمها ازعاج الجماهير وفي السابق ماكان فيه روابط وكان الجمهور مرعب , مثل مباراة الافريقي التونسي ونهائي البطولة العربية مع الترجي والاتحاد على التوالي ومباريات النصر ومباريات كثيره في ذلك الوقت , ايام التسعينيات , وماكان فيه رابطة بس كان الجمهور كله مرعب ويبث روح الحماس في اللاعبين لان الجمهور يشجعون بوقت واحد , وكان اي شخص يقوم ويشجع يقومون معه العالم ويشجعون والملعب يهتز وتخاف انك تطيح ونفس الكلام ينطبق على ملاعب مانشستر وليفربول وارسنال , حضرنا فيها ولا لقينا روابط ولا شي , كل الجماهير تشجع بصوت واحد واحد من جماهير ارسنال قام وقال ( FOR ARSENAL STAND UP ) يعني لاجل ارسنال انهضو , كل الجماهير اللي حوله قامو ويرددون معه نفس الكلمة , وكل الملعب نفس النمونة ارجو اني ما طولت عليكم واسف جدا واعذرونا

ياليتني مثقف زيك ياسعاده المشرف والله ودي اقول مثل كلامك بس ماعرفت هههههه
مشكوررررررر ولاهنت

اللي ما يبي يشجع مع الرابطة يقعد في بيتهم ويشجع على كيفة لان الرابطة في وجهت نظري لابد منها لاكن بدوون لاكن بدوون طبوول

بالعكس..وجود الرابطه ترتب تشجيع الجمهور.