<><> يوميات الأعضاء في رمضان مع ابو طــلال<><> - نادي الهلال السعودي - شبكة الزعيم

المنتدى الاستشاري · #1 18/09/2007, 02:52 AM

فكرة : سندريلا الهلال
متابعة : الماسه الزرقاء - الكلاسيكي
تصميم : عاشق بو يعقوب
إعداد : الفيروسه الزرقاء

مرحباً بكم احبتي مع ضيفنا الرابع في يوميات الأعضاء في رمضان
وهو عضو المجلس العام المميز ابوطــــــــلال

بسم الله الرحمن الرحيم

السلام عليكم ورحمة الله وبركاته

تحيه طيبه لاعضاء منتدى الزعيم الكرام ... وخصوصا اعضاء المجلس

طلب مني وهو تشريف لي سرد الشريط اليوم الرابع من ايام شهر رمضان المبارك

وطالما طلب اني اقول وش صار من نومي الا وقت نومي ليله اليوم الخامس .. كل واحد يقول برب بالماسينجر .. واذا هو على الجوال يقفل جواله ويحطه على الصامت
واذا هو على المنتدى يوقف الردود والتعليقات ..

واذا متابع مسلسل يطفي التلفزيون .. ويتابع يومياتي .. لأنه ميه بالميه بتنعاد هالمسلسل اربع مرات .. وان فاتتك بتلقاها بعد رمضان على كل قنوات العرب سات والنايل سات ... يعني المسلسلات تقولك ( حترووح مني فين )

توكلنا على الله :

اول ماصحيت من النوم قلت ( اااااااااااااايييي ) تثاوبت

<< يبي يحط ادق التفاصيل ( راعي طويله )

اولا انا كنت مستأذن من دوامي قبلها بيوم يعني اليوم الرابع ماداومت فيه .. كان عندي شغل وبدال مااستاذن شويه من الدوام قلت ( مير منيب جاي خير شر )

بس الاستئذان مانفع وراح على الفشوش .. لاخلصت شغلي ولاوديت اهلي للموعد ( الموعد في المستشفى ملغي ) وطلعت من المستشفى ومعي العائله الكريمه الساعه 2 الظهر .. وماشالله الاجواء ربيع

قلت دامني انسلخت في هالحر وطلال يهاوشني ( وش مطلعك ياهالشايب في هالشموس ؟؟) قلت خير تقل ادبك على ابوك ... والله لااوديك للمستوصف ( يبطونك ابره ) طبعا الابره هي لحملة الحصباء .. واتمنى من الجميع اخذ اللقاح من المستوصفات الحكوميه اللى بالحاره ( دعوه للجميع ) لأنها الله يكفينا الشر منتشره هاليومين ..

وصلنا المستوصف وولدي يستغيث اني اهون .. وانا طالعة انيابي ودي يبطونه ابره ( اجل بهالشموس يشرب عصير وانا براطمي متشققه من العطش ولايقول سم يبه دوك اشرب

)

وصلنا المستوصف لقينا للاسف المستوصف مقفل .. راح ثلاث مشاوير على الفاضي واليوم باين عليه مهبب من اوله ...

نزلت اهلي للبيت وبعد صلاة العصر قلت بروح انا وطلال لحديقة الحيوان .. خله يشوف الغزلان عمومته

وصلنا للحديقه ( مهوب عاقل هالشامي )

لقيت الحديقه مقفله ومسوين تحسينات .. ومغيرين سور الحديقه وحركات والله

اعتذرت من ولدي .

. والله مدري وين اوديه هالحين .

. ماودي ارجعه للبيت لانه بيوذي امه خصوصا وقت الفطور والاهل تعبانين شوي وحبيت اعمل بااصلي وااخذه معي وابعده عن البيت واريحهم ( والا مهو ماخذه غصبن عنك )

؟؟

الموهم ... رحت للسدحان خابر فيه صالة العاب .. يلعب ومنها اتقضى للبيت
لقيت مكتوب على باب السدحان ( عفوا الشبكة معطلة والحساب بالكاش )

لا بئه !!! مستقصديني

حسيت ان طلال عصب ..

. احس انه وده يقولي ( ياخوي هات المفتاح ومسكني الطاره وانا اوريك وين نروح )

ركبنا وبديت اقوله ( اللى يسمع كلمة بابا شو بنئلووه :: وهو يقول شاتر شاتر وانا اقول: واللى يسمع كلمة ماما شو بنئلووه ::وهو يردد شاتر شاتر )

من طلعنا من السدحان لين ماوصلت لشارع الاحساء ( حلويات سعد الدين ) وهو معلق على شاتر شاتر وانا شو بنئلووه

عاد دخلت شوي من الكلمات مثل : اللى بيتفل بخشة بابا شو بنئلووه ..ويقول شاتر شاتر .. اقول لا مو شاتر )عيب .. لأنه قد سواها الزلابه

المهم .. دخلنا على سعد الدين وكالعاده اتفرج

الا هالمره قلت عيب اكتب بكرا تقرير عن يومي ولااكتب اني اشتريت شي .. قلت للمعلم . .لو سمحت عطنا ثمن كيلو

........... امزح عاد .. اخذت لي ربع كنافه بالقشطه .. وربع شي شكله زين بس مدري وش اسمه

رجعنا للبيت ... افطرنا ... صلينا المغرب .. كملنا على السفره بعد المغرب مع مسلسل طاش ماطاش .. وتراني من اكثر المعجبين بناصر القصبي .. وادري فيه ناس مايبون هالمسلسل بس مو بيدي هالناصر مصيبه

تابعت مسلسل باب الحاره .. وكان اليوم هو يوم مباراة فريقنا عيال ابو متعب مع مصاصي الدماء .. استعدينا ... سوينا خطط ( مالت على هالخطط )

اثناء المباراة .. وبعد المباراة .. اشتغلت انا بالماسينجر وبالجوال وبالمنتدى ( استقبل .. ودع .. هنئا) تذكرت اخبار القناة السعوديه الأولي

انهزمنا طبعا ... وتذكرت اول قومتي كان يوم اسود مطين .. ومنيل بستين نيله

الموعد تكنسل اللى انا اخذت علشانه عذر عن الدوام .. ولدي رحت للمستوصف لقيته مقفل ..؟ حديقة الحيوانات لقيتها مقفله ... السدحان مايبي الا كاش .. وانهزمنا في المباراة .. بس برضه ضحكت على بعض المواقف في المباريات .. منها اني مغشش واحد غلط طلعت صح ... وغششت فريق الاحلام صح وانا نيتي والله صح وطلعت غلط .. بس ماقصروا ارسلولي يقولون مشكور ولو ان اجابتك غلط بس اهم شي النيه

<<<<<<< ( ياليتك تسكت بس )

طلعت بعد المباراة وقابلت واحد كنت مواعده وخلص لقائنا بعد ساعه ورجعت للسوق تقضيت بعد ماصار معي الكاش ...

رجعت للبيت واجريت بعض المكالمات وتابعت بعض المباريات في المنتدى .. تصافقت انا وطلال شوي .. يطرحني مره وانا اطرحه .. لين ماجاء وقت السحور .. تسحرنا صلينا الفجر .... وخخخخخخخ خخخخخخخ نمنا

وتووتا توتا خلصت الحتووته .. واتمنى يومي ماكانت ثقيل عليكم وربي يحفظ الجميع والله يتقبل منا ومنكم صالح الاعمال ..

كل الشكر للمبدع ابوطــلال وانتظرونا غداَ مع ضيف آخر

لكم أرق التحايا وأطيبها
من مشرفي واستشاري
المجلس العام

abo_nasser · #2 18/09/2007, 04:09 AM

هلا وغلا بابوطلو

يوميات جميله وتحيفه

...وصراحه يوم فيه من النحس الشيء الكثير

...والله يكون بعونك

والله يخلي لك طلو

سلااااااااااااااااااام

الغدير الازرق · #3 18/09/2007, 04:12 AM

هلا ويامرحبا مليووون بالمبدع ابوطلال

نائب كابتن فريقنا وثاني وااحد يشوت فاولات بعد خالي

عليك يوميات انما اييه ياخووي والله اني قايل لخالي ان ابوطلال شامي

ومن طقة عبدالرحمن آل رشي ومصطفى الآغا

اجل بالله عليك فيه احد يروح حديقة حيوان في هالشموس ياشيخ ابصم بالعشره

اذا مو انت قاصد انك تفطر فيها وتستمع بالروائح الزكية في الحديقة

ياشيخ سلمني على طلال سميي قايلك ياوخيي اي وااحد اسمه (طلال ) ويحمل هالأسم

دايماً يكون منسم وراعي طويله .. ويقوول شاتر .. شاتر

وماقوول الا اللح يحرس سميي من كل شر ويقر فيه عين والديه

ويطول بعمرك ياعم ابوطلال << ماكنه زودها

وربي استمتعت في هاليوميات اللي مليانه شطحات انما اييه

والشكر موصوول للمشرفين والأستشاريين بيض الله وجيهكم

وعن اذنكم ابرووح اتسحر عند جدتي

الهنوووف · #4 18/09/2007, 04:15 AM

إقتباس


	وصلنا المستوصف وولدي يستغيث اني اهون .. وانا طالعة انيابي ودي يبطونه ابره ( اجل بهالشموس يشرب عصير وانا براطمي متشققه من العطش ولايقول سم يبه دوك اشرب )

إقتباس


	ركبنا وبديت اقوله ( اللى يسمع كلمة بابا شو بنئلووه :: وهو يقول شاتر شاتر وانا اقول: واللى يسمع كلمة ماما شو بنئلووه ::وهو يردد شاتر شاتر )

تغنووون برمضان

ابعد طلول عن هالخرابيط والا انت ماعلينا منك

وهاردلك الخسااااره

يعطيك العافيه ابو طلال ماشاء الله يوم مقفل

الله يحفظ طلال يارررررب وتشوف عيال عياله

الهنووف

كانت

هنا

ورحلت

Naif_farhan5 · #5 18/09/2007, 04:18 AM

جدول منظم ورائع
تقبل مروري

كل الفن هلالي · #6 18/09/2007, 04:24 AM

ـهههههههههههههههههههـ

ـهههههههههههههـ

هلا وغلا اخوي ابو طلال .....

تراني ما طفيت التلفزيون بس قصرت له عشان اقرأ يومياتك مع رمضان بدون شوشرة

ما شاءالله الظاهر انت ومواصل تقربون لبعض

يومكم حوووسه ما شاءالله .. اللهم ازد وأبارك

احسن شي انووو انت اللي تشققت براطمك وولدك طلال يشرب عصير عساه بالعافية دوم

مشكور على يومياتك اللي بصراحة مستحيل احد يحسدك عليها

تقبل تحياتي يالغالي

abo_nasser · #7 18/09/2007, 04:26 AM

إقتباس

الرسالة الأصلية كتبت بواسطة خروج المغلوب


	جدول منظم ورائع تقبل مروري

وممتاز

هلاليه كووول22 · #8 18/09/2007, 04:57 AM

الله يبعد عنك النحس
ويعطك العافيه

هلالي جامعه البترول · #9 18/09/2007, 05:06 AM

أبو طلال

يوميات مسليه وخفيفه على الجميع ........ وخصوصا استعداداتكم اللي سويتها لفريق عيال أبو متعب <<< بس خيرها بغيرها

........!!

ونشكر المشرفين والمعدين على استضافه عضو بمثل رقي أبو طلال

.........!!

تقبل مروري أبو طلال ... وصوما مقبولا وافطارا شهيا ...........!!!

فرصه ضايعه · #10 18/09/2007, 05:30 AM

888
88
8

على البركه الصبغه الجديده

ياهلا وسهلا بأبو طلال

إقتباس


	واذا متابع مسلسل يطفي التلفزيون .. ويتابع يومياتي .. لأنه ميه بالميه بتنعاد هالمسلسل اربع مرات .. وان فاتتك بتلقاها بعد رمضان على كل قنوات العرب سات والنايل سات ... يعني المسلسلات تقولك ( حترووح مني فين )

والله أنك صادق

عاد أنا هالمرة قايله اني ماراح أتابع

والحمد لله للحين مدري وش السالفه

اسمع عن نمر بن عدوان وباب الحارة وأشوف أخواني يتابعونهن

بس لاحقين عليهن قلّت يعني نشوفهن برمضان

إقتباس


	بس الاستئذان مانفع وراح على الفشوش .. لاخلصت شغلي ولاوديت اهلي للموعد

إقتباس


	وصلنا المستوصف لقينا للاسف المستوصف مقفل

إقتباس


	قلت بروح انا وطلال لحديقة الحيوان .. خله يشوف الغزلان عمومته وصلنا للحديقه ( مهوب عاقل هالشامي ) لقيت الحديقه مقفله ومسوين تحسينات

إقتباس


	لقيت مكتوب على باب السدحان ( عفوا الشبكة معطلة والحساب بالكاش )

إقتباس


	الموعد تكنسل اللى انا اخذت علشانه عذر عن الدوام .. ولدي رحت للمستوصف لقيته مقفل ..؟ حديقة الحيوانات لقيتها مقفله ... السدحان مايبي الا كاش .. وانهزمنا في المباراة ..

هههههههههههههههههههههههههههههههههههههههههه
ههههههههههههههههههههههههههههههه
وش وجه النحس ذا
تقوله صادق ولا مبالغه

وبعدين أحد يروح لحديقه الحيوان في عصر رمضان

أنا اشهد أن فيك عرق شامي

إقتباس


	اللى بيتفل بخشة بابا شو بنئلووه ..ويقول شاتر شاتر .. اقول لا مو شاتر )عيب .. لأنه قد سواها الزلابه

أفا ياطلوله عيب عليك

اكره الطفل اللي يسوي ذا الحركه

الله يصلح ماعطى <<< دعوة جدتي الله يحفظها

ألف شكر بابو طلال على هاليوميه اللي كلها نحس

استمتعنا فيها الله يجزاك خير

والشكر موصول للقائمين على هالجهد ألف شكر لكم

<<<ماتلاحظون يوم ترد ويوم تريّح

كاريزمـا · #11 18/09/2007, 06:28 AM

هلا أبو طلال

اولاً : هاردلكم وهارد لنا على الخروج

مقيوله مايطلع الا الفرق الكبيره

ثانياً: يوم رمضاني يضحك وتعيس

ندخل بالتفاصيل:

إقتباس


	... والله لااوديك للمستوصف ( يبطونك ابره ) طبعا الابره هي لحملة الحصباء .. واتمنى من الجميع اخذ اللقاح من المستوصفات الحكوميه اللى بالحاره ( دعوه للجميع ) لأنها الله يكفينا الشر منتشره هاليومين ..

حتى أنتم وسيلتكم الأبره ههههههههههه

والله أني أرحم المبزره ياأبره أو شطه

إقتباس


	( اجل بهالشموس يشرب عصير وانا براطمي متشققه من العطش ولايقول سم يبه دوك اشرب )

ياحياة الشقا غنيمه سكر وماء ماينفع ولا يشفع

إقتباس


	وصلنا المستوصف لقينا للاسف المستوصف مقفل .. راح ثلاث مشاوير على الفاضي واليوم باين عليه مهبب من اوله ...

)

إقتباس


	لقيت الحديقه مقفله ومسوين تحسينات .. ومغيرين سور الحديقه وحركات والله

إقتباس


	الموهم ... رحت للسدحان خابر فيه صالة العاب .. يلعب ومنها اتقضى للبيت لقيت مكتوب على باب السدحان ( عفوا الشبكة معطلة والحساب بالكاش )

أعوذ بالله راعي شغلك ماسمح لك بالاجازه

إقتباس


	ركبنا وبديت اقوله ( اللى يسمع كلمة بابا شو بنئلووه :: وهو يقول شاتر شاتر وانا اقول: واللى يسمع كلمة ماما شو بنئلووه ::وهو يردد شاتر شاتر )

والله منتب هينين تغنون

إقتباس


	على شاتر شاتر وانا شو بنئلووه عاد دخلت شوي من الكلمات مثل : اللى بيتفل بخشة بابا شو بنئلووه ..ويقول شاتر شاتر .. اقول لا مو شاتر )عيب .. لأنه قد سواها الزلابه

بعد تفال والله شكل ولدك عصبي ماعنده بأحد

إقتباس


	اثناء المباراة .. وبعد المباراة .. اشتغلت انا بالماسينجر وبالجوال وبالمنتدى ( استقبل .. ودع .. هنئا) تذكرت اخبار القناة السعوديه الأولي

ههههههههههههههههههههههههههههههههههه

هههههههههههههههه
هههههههه

هاذا حالنا >> وش فيها القناة السعوديه كلها حلا وطرا ..

إقتباس


	... وغششت فريق الاحلام صح وانا نيتي والله صح وطلعت غلط ..

هاذا اللي يقول بيكحلها اعماها

هم لو سالمين منك أحسن لهم

الف شكر لك أبو طلال على يومك الخفيف والظريف والتعيس

مَاهِينُورْ · #12 18/09/2007, 06:53 AM

:

وعليكم السلام ورحمة الله وبركاته ..
:: ، ::
أبو طلال
:: ، ::
استمتعت بقراءة يومك ..
أبدعت بالوصف ماشاء الله ..
الله يتقبل منا ومنكم صالح الأعمال ..
والله يخليك لطلال وخليه لكم يارب ،، والحمد لله على سلامة الأهل ..
هارد لك الخسارة بالمسابقة ..
شكراً لك ابو طلال ..

ـــــــ

مشرفي واستشاري الجلس العام
جزيتم خيراً على جهودكم
،،،،،،،،،

فمان الله ..

مــــهــــنــــد · #13 18/09/2007, 10:17 AM

اقول شكلك متصبح بوجه المستشار ههههههههههههه

بس والله من جد نفس الوضع يصير لي إذا رحت انا والمستشار مع بعض !!

ياحلو يومياتك وشكلي بصير ولد لك عشان توديني لحديقة الحيوان ههههههههههه

وتقبل تحياتي ،،،،

Hictar · #14 18/09/2007, 10:18 AM

وعليكم السلام
هلا أبوطلال حبيب ئلبي

يومك كله نحس

إعذرني يا أبوطلال ما أقدر أفصل بيومك بحاول أرجع إن شاء الله
توني متطاق مع مديرة مدرسة أختي والحين الساعه 10:17 والنفسيه في خشمي

أبغا مشكلة ، أبي المديرة

<-- قسم بالله خربها اليوم

dal3_uae · #15 18/09/2007, 10:31 AM

يوميات رائعه وممتعه ... يعطيك العافيه ...