إعداد : سهل
فكـــرة:سندريلا الهلال
تصمــيم : عاشق بو يعقوب




وهو عضو المجلس العام المميز مواصل من عام 1413هـ










وبرعاية

للقاء حلاوته
______________________________
السلام عليكم ورحمه الله وبركاته
صباح الخير / مساء الخير
على حسب قارئ اليوميات

بداية يومي مثل كل يوم لا جديد أبداً وهو ثالث يوم من شهر رمضان :
أنا بالعادة أصحى على صحة وإزعاج ، وكل يوم أصحى فيه أتخيل نفسي ، وأقارن نفسي بالأوربيين.
الأوربي إذا قام من نومه يصحى على تغريد العصافير ، وإذا فتح الدريشة وفي رواية ( الشباك ) يشاهد الورود والأشجار والخضرة والطبيعة الغناء ، ويكون كل شئ جميل بالنسبة له ، شمس الصباح والمساء والهواء العليل ( الأغنية هذي أذكرها بمسلسل الكارتون مدينة النخيل ) ، أما أنا إذا صحيت وفتحت الشباك أشوف عمال مشهبين وطاقتهم الشمس يحفرون قدام بيتنا وسموم تلفحني لفح.
أنا صحيت الساعه 9 الصباح وما نمت طبعا إلا الساعة 7 يعني ساعتين بس وكنت منقهر
كنت أحلم بأختي الكبيرة ، تقص لي قصتها مع جني
<---- عليك أحلام
وصحوني أخواتي الصغار علشان أوديهم للمدرسة ، أنا ودي إنهم صابرين شوي علشان أعرف وش فيها أختي الكبيرة ، أكيد إنها بخطر ومحتاجة للمساعدة ، وإلا ما إستخدمت الإتصال الروحي وقالت لي قصتها وأنا نايم.
قمت وديت أخواتي ورجعت للبيت أمشي مليون ( من السرعة أخذت المطبات بالشوارع على الدزه ، أهم شئ أوصل للمكان اللي أحتضني طول عمري ( سريري الغالي )
حاولت أنام وأكمل الجزء الثاني من الحلم ، بس للأسف ما ضبط شبك الإتصال معي وما قدرت أنام.
كنت مركد المنبه على الساعه 11 الظهر علشان عندي إختبار على الكمبيوتر على وظيفة ثانيةعلى مرتبة أحسن من الوظيفة اللي إنقبلت فيها لعل وعسى.
طبعا الساعه 11:30 الظهر ما راح أوصف الجو ، كلكم عارفينه ، بس اللي لفت نظري إن أكثر اللي بالشوارع عيونهم مغمصه ( محللين كل دقيقة بالنوم ).
خلصت الإختبار الساعة 1 الظهر وأنا راجع على طريق الملك فهد قلت أكيد طريق الملك فهد وخريص الحين فاضيه ، لأن الناس بدواماتهم ، والطلاب بمدارسهم ، لقيت الشوارع زحمة ( ودي أعرف من اللي يداوم ويجلس على مكتبة إذا كل الشعب بالشوارع )

رجعت لمدرسة أخواتي وإنطقيت لحد ما طلعوا الساعة 1:50 دقيقة ، أحلى شئ بالموضوع إنهم يدرسون بمجمع واحد ( إبتدائي - متوسط - ثانوي ) وعلى البيت وصلت الساعة 2 الظهر.
( تعبان - قرفان- جوعان............الخ ) وكل الكلمات اللي تنتهي بحروف الألف والنون توصف حالتي.
حسيت بإحساس الأبوه بوقتها اليوم ( صحيت غصب - وديت أخواتي - شغل - رجعت إنطقيت عند مدارسهم - رجعتهم للبيت ).
دخلت لغرفتي بعد ما وصلت ، وأحاول أحط راسي أبغا أنام عجزت ، لحد ما أذن العصر ، قمت صليت ، وفتحت النت على المجلس العام بشوف وش اللي تغير ( يمكن كنب إنسرق - تغير الديكور - تغيرت الستاير بالمجلس ...... إلخ ).
شوي إلا ويدخل علي أخوي اللي أصغر مني عمره ( 26 ) سنه ، الإنسان هذا كل ما شافني بغرفتي يقولي ( هاه تبيني أدعس على وجهك )
تعريف كلمة أدعس على وجهك لغتة : وضع الرجل على الخد.
بالإصطلاح اللي بيني وبين أخوي : لعب كورة قدم بالبلي ستيشن ويحاول إنه يهزمني.
اللي رافع ضغطي ما في راسه شئ ، وخويكم نشيط بالبلي ستيشن.
ومن قوة النشاط اللي فيني كاتب بـ cv ( السيرة الذاتية) إذا جيت أقدم على وظائف :
المهارات :
1- الإلمام بالحاسب الآلي.
2- نشيط جداً بالبلي ستيشن ، وصعب أن أخسر بسهولة.
قلت لأخوي شغل ، وكالعادة دعست على وجهه ، وقام يتعذر ( إنطرد مني واحد ، أهدافك فاشله مثلك ، أنت تكسر ......... وخذ لك أعذار ).
بمجرد ما خلصت منه نزلت تحت عند أبوي وأخواتي ، ننتظر الآذان ، وفجأه لقيت أختي الكبيرة موجودة بالبيت ، قلت بنفسي أسالها عن الجني أو لا .
صليت المغرب ورجعت لغرفتي لحد ما نادوني أهلي أتعشى ، بعدها وديت أمي وأختي الكبيرة للمسجد ، وصليت العشاء ورحت للإستراحة ، وهذي صورة لموقعي بالإستراحة ، ومكان الإرسال اليومي لكم.

طبعا الساعة 9 لازم أشوف مسلسل ( باب الحاره ) ومن قوة الحماس اللي فيني من السنه اللي راحت ، ما أجلس إلا وأنا حاط جنبي ( سكين )
خوفي بيوم أخربها من الحماس وأطعن أحد
<----- متأثر من الشبريات
المسلسل كله تطعين وتشريح ومضارب .
خلص المسلسل ورحت أخذت أمي من المسجد ووديتها للسوق هي وأختي وجلست معهم لحد ما رجعوا للبيت ، وأنا معهم.
وفتحت على المنتدى ، أشوف المسابقة من اللي فاز ومن اللي إنهزم.
وأبارك لفرق المجلس العام اللي فازوا وأقول هارد لك للي طلعوا.
ألحين أنا دايخ جداً جداً ، ما نمت إلا ساعتين .
وهو إستمرار للوضع اللي أعانيه من سنه ، أكثر وقت أنامه 4 ساعات باليوم إلا ناداً ما أنام 8 ساعات .
وهذي هي النهاية ليومي .


أشكر مشرفي وإستشاريي المجلس العام على إستضافتي.
وإن شاء الله أكون عضو خفيف عليكم.




[center]دمتم أعضاء










من مشرفي واستشاري المجلس العام

خخخ مع اني مااعرفك لكن اقرا مسلسلك و ارد

ـــــــــــــــــــــــــــــــــــــــــــــــــــ




تقبل مروري مااستفدت شي << عمرك ماتستفيد




امزح معك




ماشاء الله عليك شكلك تسمع بالي يواصلون <<


يعني بالاخير تبي تقنعني انك بس نايم ساعتين ومسوي كل هذا ماشاء الله عليك


<< ماخشت مزاجي







يعطيك العافيه

هلا وغلا اخوي عبدالله


يوميات غير طبيعيه ...يا شيخ ارحم نفسك نايم ساعتين بس

والله يخليك لابوك وامك واخوانك


وتقبل مروري بابعد البي













سلااااااااااااااااااااااااااااااااام

مواصـــل من عام الفيل

انت شكلك بتدخل موسوعة جينس للأرقام القاسية ..

لأنك أكثر واح في العالم تستخدم >>

الله يعينك على دوام المدارس >> يعاني من نفس المشكله ..



ردي برعايــــــة

إقتباس إعداد : سهل متابعة : الماسه الزرقاء فكـــرة:سندريلا الهلال تصمــيم : عاشق بو يعقوب

الله يعطيكم العافيه

يوم كله مشاوير وإلتزامات
بصراحه من أحلى اليوميات اللي قرأتها
الله يخليك لأهلك ويخليهم لك
يعطيك العافيه

يعطيك الف الف عافيه اخوي مواصل...
والله يومك ممتع...
الله يوفقك وتلقالك وظيفه زينه ان شاء الله...




تقبلوا مروري...

يعطيك العااااافيه اخوي مواصل على اليومياتـ..
والله يتمم عالجميع صيام رمضان بخير وصحهـ ..

الشكر موصول للقائمين على اعداد الموضوعـ ...

هـلآ واللهـ مواصــل ....

صراحهـ يوميات رهيبــهـ

بس استغربت يوم تقول مانمت إلآ ساعتين أنت المفروض متعود

أنكـ تواصــل

إقتباس قلت لأخوي شغل ، وكالعادة دعست على وجهه ، وقام يتعذر ( إنطرد مني واحد ، أهدافك فاشله مثلك ، أنت تكسر ......... وخذ لك أعذار ).

هههههههههههههههههههههههههههههههههههههه

حلوهـ كالعادهـ يعني دائماً يتحداكـ وتفووز عليهـ

بس شكلكـ متأثر مرهـ بـ مسلسل باب الحارهـ

أنتبهـ لآ تسوي مثلهم

واللهـ يرزقكـ الوظيفهـ الزينهـ والي ترتاح لهــا ...

يعطيكم العافيهـ على هالآختيــار ...

تحياتـــي ..