<><> يوميات الأعضاء في رمضان مع مواصل من عام 1413هـ<><>
 

إعداد : سهل
فكـــرة:سندريلا الهلال
تصمــيم : عاشق بو يعقوب




وهو عضو المجلس العام المميز مواصل من عام 1413هـ s13s










وبرعاية
http://www.up4pal.com/files/2007-9-15-v28ztqqev.jpg
للقاء حلاوته :d
______________________________
السلام عليكم ورحمه الله وبركاته
صباح الخير / مساء الخير
على حسب قارئ اليوميات :d

بداية يومي مثل كل يوم لا جديد أبداً وهو ثالث يوم من شهر رمضان :
أنا بالعادة أصحى على صحة وإزعاج ، وكل يوم أصحى فيه أتخيل نفسي ، وأقارن نفسي بالأوربيين.
الأوربي إذا قام من نومه يصحى على تغريد العصافير ، وإذا فتح الدريشة وفي رواية ( الشباك ) يشاهد الورود والأشجار والخضرة والطبيعة الغناء ، ويكون كل شئ جميل بالنسبة له ، شمس الصباح والمساء والهواء العليل ( الأغنية هذي أذكرها بمسلسل الكارتون مدينة النخيل :d ) ، أما أنا إذا صحيت وفتحت الشباك أشوف عمال مشهبين وطاقتهم الشمس يحفرون قدام بيتنا وسموم تلفحني لفح.:d
أنا صحيت الساعه 9 الصباح وما نمت طبعا إلا الساعة 7 يعني ساعتين بس وكنت منقهر:evil:
كنت أحلم بأختي الكبيرة ، تقص لي قصتها مع جني :d
:d <---- عليك أحلام
وصحوني أخواتي الصغار علشان أوديهم للمدرسة ، أنا ودي إنهم صابرين شوي علشان أعرف وش فيها أختي الكبيرة ، أكيد إنها بخطر ومحتاجة للمساعدة ، وإلا ما إستخدمت الإتصال الروحي وقالت لي قصتها وأنا نايم:d.
قمت وديت أخواتي ورجعت للبيت أمشي مليون ( من السرعة أخذت المطبات بالشوارع على الدزه ، أهم شئ أوصل للمكان اللي أحتضني طول عمري ( سريري الغالي ) :d
حاولت أنام وأكمل الجزء الثاني من الحلم ، بس للأسف ما ضبط شبك الإتصال معي وما قدرت أنام:d.
كنت مركد المنبه على الساعه 11 الظهر علشان عندي إختبار على الكمبيوتر على وظيفة ثانيةعلى مرتبة أحسن من الوظيفة اللي إنقبلت فيها لعل وعسى.
طبعا الساعه 11:30 الظهر ما راح أوصف الجو ، كلكم عارفينه ، بس اللي لفت نظري إن أكثر اللي بالشوارع عيونهم مغمصه ( محللين كل دقيقة بالنوم :d ).
خلصت الإختبار الساعة 1 الظهر وأنا راجع على طريق الملك فهد قلت أكيد طريق الملك فهد وخريص الحين فاضيه ، لأن الناس بدواماتهم ، والطلاب بمدارسهم ، لقيت الشوارع زحمة ( ودي أعرف من اللي يداوم ويجلس على مكتبة إذا كل الشعب بالشوارع :d)
http://www.up4pal.com/files/2007-9-15-0p3cxsxod.jpg
رجعت لمدرسة أخواتي وإنطقيت لحد ما طلعوا الساعة 1:50 دقيقة ، أحلى شئ بالموضوع إنهم يدرسون بمجمع واحد ( إبتدائي - متوسط - ثانوي ) وعلى البيت وصلت الساعة 2 الظهر.
( تعبان - قرفان- جوعان............الخ :sick: ) وكل الكلمات اللي تنتهي بحروف الألف والنون توصف حالتي:d.
حسيت بإحساس الأبوه بوقتها اليوم ( صحيت غصب - وديت أخواتي - شغل - رجعت إنطقيت عند مدارسهم - رجعتهم للبيت :d).
دخلت لغرفتي بعد ما وصلت ، وأحاول أحط راسي أبغا أنام عجزت ، لحد ما أذن العصر ، قمت صليت ، وفتحت النت على المجلس العام بشوف وش اللي تغير ( يمكن كنب إنسرق - تغير الديكور - تغيرت الستاير بالمجلس ...... إلخ :d).
شوي إلا ويدخل علي أخوي اللي أصغر مني عمره ( 26 ) سنه ، الإنسان هذا كل ما شافني بغرفتي يقولي ( هاه تبيني أدعس على وجهك ):d
تعريف كلمة أدعس على وجهك لغتة : وضع الرجل على الخد.
بالإصطلاح اللي بيني وبين أخوي : لعب كورة قدم بالبلي ستيشن ويحاول إنه يهزمني.
اللي رافع ضغطي ما في راسه شئ ، وخويكم نشيط بالبلي ستيشن:d.
ومن قوة النشاط اللي فيني كاتب بـ cv ( السيرة الذاتية) إذا جيت أقدم على وظائف:d :
المهارات :
1- الإلمام بالحاسب الآلي.
2- نشيط جداً بالبلي ستيشن ، وصعب أن أخسر بسهولة:d.
قلت لأخوي شغل ، وكالعادة دعست على وجهه ، وقام يتعذر ( إنطرد مني واحد ، أهدافك فاشله مثلك ، أنت تكسر ......... وخذ لك أعذار ).s13s
بمجرد ما خلصت منه نزلت تحت عند أبوي وأخواتي ، ننتظر الآذان ، وفجأه لقيت أختي الكبيرة موجودة بالبيت ، قلت بنفسي أسالها عن الجني أو لا :d :d .
صليت المغرب ورجعت لغرفتي لحد ما نادوني أهلي أتعشى ، بعدها وديت أمي وأختي الكبيرة للمسجد ، وصليت العشاء ورحت للإستراحة ، وهذي صورة لموقعي بالإستراحة ، ومكان الإرسال اليومي لكم.:d :d :d
http://upload.alhilal.com/img/008/2007-9-15-].jpg
طبعا الساعة 9 لازم أشوف مسلسل ( باب الحاره ) ومن قوة الحماس اللي فيني من السنه اللي راحت ، ما أجلس إلا وأنا حاط جنبي ( سكين ) :d
خوفي بيوم أخربها من الحماس وأطعن أحد
:d <----- متأثر من الشبريات
المسلسل كله تطعين وتشريح ومضارب :d.
خلص المسلسل ورحت أخذت أمي من المسجد ووديتها للسوق هي وأختي وجلست معهم لحد ما رجعوا للبيت ، وأنا معهم.
وفتحت على المنتدى ، أشوف المسابقة من اللي فاز ومن اللي إنهزم. s13s
وأبارك لفرق المجلس العام اللي فازوا وأقول هارد لك للي طلعوا. :thumbup: :thumbup: :thumbup:
ألحين أنا دايخ جداً جداً ، ما نمت إلا ساعتين :sick: .
وهو إستمرار للوضع اللي أعانيه من سنه ، أكثر وقت أنامه 4 ساعات باليوم إلا ناداً ما أنام 8 ساعات :sick: .
وهذي هي النهاية ليومي :d .


أشكر مشرفي وإستشاريي المجلس العام على إستضافتي.
وإن شاء الله أكون عضو خفيف عليكم.
:d :d :d :d



[center]دمتم أعضاء










من مشرفي واستشاري المجلس العام





<!-- / message --><!-- sig -->

خخخ مع اني مااعرفك لكن اقرا مسلسلك و ارد

ـــــــــــــــــــــــــــــــــــــــــــــــــــ




تقبل مروري مااستفدت شي << عمرك ماتستفيد :d




امزح معك




ماشاء الله عليك شكلك تسمع بالي يواصلون << :sick:


يعني بالاخير تبي تقنعني انك بس نايم ساعتين ومسوي كل هذا ماشاء الله عليك


<< ماخشت مزاجي :whacko:







يعطيك العافيه

هلا وغلا اخوي عبدالله


يوميات غير طبيعيه ...يا شيخ ارحم نفسك نايم ساعتين بس

والله يخليك لابوك وامك واخوانك:)


وتقبل مروري بابعد البي:d













سلااااااااااااااااااااااااااااااااام

مواصـــل من عام الفيل

انت شكلك بتدخل موسوعة جينس للأرقام القاسية ..

لأنك أكثر واح في العالم تستخدم >> http://vb.alhilal.com/images/smilies/biggrin.gif

الله يعينك على دوام المدارس >> يعاني من نفس المشكله ..



ردي برعايــــــة

http://tbn0.google.com/images?q=tbn:.../10/mobily.jpg




الله يعطيكم العافيه

يوم كله مشاوير وإلتزامات
بصراحه من أحلى اليوميات اللي قرأتها
الله يخليك لأهلك ويخليهم لك
يعطيك العافيه

يعطيك الف الف عافيه اخوي مواصل...:)
والله يومك ممتع...:thumbup:
الله يوفقك وتلقالك وظيفه زينه ان شاء الله...:wink:




تقبلوا مروري...:)

يعطيك العااااافيه اخوي مواصل على اليومياتـ..
والله يتمم عالجميع صيام رمضان بخير وصحهـ ..

الشكر موصول للقائمين على اعداد الموضوعـ ...

هـلآ واللهـ مواصــل ....

صراحهـ يوميات رهيبــهـ :d

بس استغربت يوم تقول مانمت إلآ ساعتين أنت المفروض متعود

أنكـ تواصــل :d:d

هههههههههههههههههههههههههههههههههههههه

حلوهـ كالعادهـ يعني دائماً يتحداكـ وتفووز عليهـ :d

بس شكلكـ متأثر مرهـ بـ مسلسل باب الحارهـ :laugh:

أنتبهـ لآ تسوي مثلهم :d

واللهـ يرزقكـ الوظيفهـ الزينهـ والي ترتاح لهــا ...

يعطيكم العافيهـ على هالآختيــار ...

تحياتـــي ..:)