#1  
قديم 16/09/2007, 11:09 AM
زعيــم فعــال
تاريخ التسجيل: 12/09/2007
المكان: الريآآآآآض
مشاركات: 309
سامي الجابر ونهاية عناد والدي وكبريائه

السلام عليكم ورحمة الله وبركاته .... أما بعد :
أصدقائي الزعماء يسرني أن أهنئكم بشهر رمضان المبارك جعله الله علينا وعليكم وعلى جميع المسلمين شهر يمن وبركااات ....
ف الحقيقة هذه هي المشاركة الأولى في عالم المنتديات حيث أنني لست من روادها قراءة أو مشاركة ويؤسفني القول بأني أجهل عالمها بصورة تامة ولكن أملك قصة لن تكون فائدتها إلا عند النشر ...... أول مشاركة لي إذا بايخة قولوا لي والله ما أشارك ثاني L
وإذا كانت حلوة وأعجبتكم فهذا من ذوقكم J

(قــــصــــ9 واقــــعــــيــــ9)
مــــدتــــها : مايقارب ال 15 ســــنــــ9
بطولـة : أنا+أبو تركي+سامي الجابر+الهلال
الهدف من النشر / ياترى كل العالم مثل أبوي ولا كيف .؟




ولدت ونشأت لأبو إتحادي وأم مالها ف الكورة بس أهم شئ عندها ما نتهاوش أنا وأبوي وأخوي عشان المباريات <والله أنها كانت تدعي قبل المباراة بإسبوع بإنها تنتهي بالتعادل طبعآ بين الهلاااااال والإتحاد>
وأنا صغير كنت مالي ف الكورة العب بس أميل لفريق معين ما جاء ف بالى هالشئ وأشجعه .... طبعآ أبوي ما ترك طريقه إلا وحاول إستدراجي لتشجيع فريقه المفضل إتحاد جدّه .... خصوصآ إني سليط اللسان منذ الصغر J
باءت محاولاته كلها بالفشل الذريع وأخترت الهلال (حبي الأول واللي راح واللي بيجي والأخير) مع الزمن كبرت وكبر تفكيري وبدأت أسمع الكلام ينقال عن الهلال فيه وفيه ومدري وشو .؟ كنت وبأظل أدافع عنه بكل شراسة وعن كل لاعبينه وجماهيره ...
أبوي <حفظه الله > حس بالخطر J معه ف البيت أصغر أخواني كان بينضم لصفي بس ابوي بطريقته الخاصة خذاه لصفه .... صرت أنا الوحيد في البيت هلاااالي ورااااسي عااااالي ... بس اللى ماجرب هالشئ يحمد ربه والله العظيم عنصريه لأبعد درجة عشان ميولنا الرياضية ....
المهم أرضى أن أحد يتكلم عليّ شخصيآ ولا يجيب طاري أي لاعب هلالي بخير أو شر خصوصآ سامي الجابر
كبرت العلاقة بيني وبين الهلال علاقة حب والله ما يعيشها غير الهلاليين بس أبوي لما أقتنع بهالشئ ما صار يلومني ف أي شئ أرد عليه فيه بخصوص الهلال J <كنت أحلف عنكم ياجماهير بهالعلاقة>
كثر الكلام والغلط على سامي يومآ مآ L طبعآ غير أبوي أعرف كيف أرد عليه بس المشكلة إذا أبو تركي أستغل إنه أبوي وقام يغلط L
توصلت أنا وأبوي لحل بخصوص المباريات ينص على إنه إذا إنتهت نقفل على الموضوع ف البيت الفائز مبروك والخاسر هارد لك .......
بس كثرت الهارد لك لهم ف البيت مني ّJ
قربت المباراة النهائية وكنت أحلف إنه مايفوز غير الهلال طبعآ الأجواء ف البيت صاااارت مشحونة بسبب مباراة الفاينل وتصريحاتي لأني كنت واثق من ذيك المباراة لدرجة إني اقول لو لعب الهلال مع البرشا ف الإستاد والله مايفوز غير هلالنا ياويلي على حالي L .... وأقتربت ساعة الصفر


إنتهت المباراة ولحد ألحين والله مو مصدق أحداثها LL
أعلن لاعبهم إعتزاله ....

فترة وليست بالطويلة أعلن القائد الكبير الزعيم النجم اللي حبيت الكورة والهلال ورقم 9
والله العظيم إنه حتى الساعة 9 تذكرني فيه قبل وبعد قرار الإعتزال .......
ماصدقت خبر إعتزاله إلا يوم شفته في قناة العربية من باريس L

بعدها بيومين تقريبآ كان الوالد <حفظه الله> جالس ف الصالة وكان في ريبوتااااج عن <الذيب> وكان يتابع ومايدري إني أشوفه ولما جيت غّير القناة L طلبت منه أنه يرجع لنفس القناة وفعلآ رجع J وكنت أنا وأبوي وأخواني كلهم إتحاديين وكانت الأغنية المركبة على المقاطع أغنية راشد الماجد الشهيرة <هلي لا تحرموني منّه> طبعآ دمعتي سريعة جدآ وقتها .... وأخوي كذلك وأبوي والله إني شايف الحزن ف عيونه وماقدرت أكلمه !!
وبعدها أبو تركي قال : الله يوفقه والله إني أحبه <يقصد سامي> !!!!!!!!

يعني أبوي طوال السنين اللي مضت كااااان يكابر ويعاند .؟ ورجع للحقيقة ف آخر لحظة
الله أعلم !!!!

س/ياترى هل فيه ناس عقلاء مثل أبوي بيرجعون لصوابهم !!!!؟؟
معهم إلين يوم إعتزال سامي J

آسف على الإطااااااااااالة


صديقكم الزعيم الجديد / تركى محمد الجابر



اضافة رد مع اقتباس
  #2  
قديم 16/09/2007, 11:15 AM
الصورة الرمزية الخاصة بـ غيـَث
زعيــم مميــز
تاريخ التسجيل: 02/05/2007
المكان: هنــآك ..!
مشاركات: 2,193
ومات البطل ومات المخرق ومات المؤلف





ههههههه
لا تزعل يالغلآ .. مزوح ,,


المهم تسلم يالغلآ ..
والهلآل ان شاء الله انه زعيم
وسامي راح وهذا حال الدنيا .. ما دايم الا وجه ربك سبحانه
والله يخليك لأبوك واهلك ..


بس انتبه تزعله عشآن (كوره)
اضافة رد مع اقتباس
  #3  
قديم 16/09/2007, 11:20 AM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
غيث ههههههههههههههههههههههههههه

وربي فصة ممتعه ولكن تصير في كل بيت

انا من ناحيتي كل اقاربي هلاليين ماعدا اثنين يشجعون النصر واحد ماله أي علاقه بالكوره والثاني متعصب وحالته ما يعلم فيها الا الله
من النـوع الي ( والله ما اتعشى اذا خسر النصر ) تشوفونه نحيــف مـره ههههه

قصة ممتعه وتقبل مروري
اضافة رد مع اقتباس
  #4  
قديم 16/09/2007, 11:56 AM
زعيــم نشيــط
تاريخ التسجيل: 16/09/2004
المكان: الرياض
مشاركات: 723
قصة حلوووه . .
ولكن اين العقلاء !! امثال والدك . .

سامي انت اسطورة لابد ان تخلد . .


تحياتي لك اخوي تركي
اضافة رد مع اقتباس
  #5  
قديم 16/09/2007, 12:17 PM
الصورة الرمزية الخاصة بـ عبير الروضه
زعيــم فعــال
تاريخ التسجيل: 29/07/2005
المكان: ريـــــــاض الحــب
مشاركات: 340
وربي قصتك حلـــــــــلوه انسجمت معها
اضافة رد مع اقتباس
  #6  
قديم 16/09/2007, 12:26 PM
موقوف
تاريخ التسجيل: 12/04/2007
المكان: المجلس العام
مشاركات: 11,440
قصه حلوه لكن من الأبطال ؟

خخخخخخخخخخخخ يعطيك العافيه
اضافة رد مع اقتباس
  #7  
قديم 16/09/2007, 12:35 PM
زعيــم نشيــط
تاريخ التسجيل: 06/02/2006
مشاركات: 563
والله قصة طيبه
اضافة رد مع اقتباس
  #8  
قديم 16/09/2007, 02:27 PM
موقوف
تاريخ التسجيل: 29/03/2007
مشاركات: 4,186
مشكور اخوي على هالقصه
اضافة رد مع اقتباس
  #9  
قديم 16/09/2007, 02:52 PM
الصورة الرمزية الخاصة بـ ♥ N E V E S ♥
زعيــم مميــز
تاريخ التسجيل: 17/05/2007
المكان: PIN:28E6FBA7
مشاركات: 25,539
بصراحه خشيت جو معها!!!
اضافة رد مع اقتباس
  #10  
قديم 16/09/2007, 03:10 PM
زعيــم فعــال
تاريخ التسجيل: 12/09/2007
المكان: الريآآآآآض
مشاركات: 309
أشكر مروركم أصدقائي ...... راكاااااان بطولة : أبوي وسامي وأنا والهلااااااال هههههههههههههههه
اضافة رد مع اقتباس
  #11  
قديم 16/09/2007, 07:44 PM
زعيــم فعــال
تاريخ التسجيل: 13/04/2005
المكان: الرياض
مشاركات: 355

يعطيك العافيه ياتركي ..

بالفعل هذي مشكله كبيره لما يكون أبوك يحب فريق وانت تحب الفريق المنافس ؟؟ بيصير رضا الوالدين في خبر كان


بخصوص سامي :
ماينكر الي سواه سامي الا واحد مايفهم كوره ؟؟ والحمدلله فيه ناس كثير اعترفوا به بعد اعتزاله ؟! واكدوا انهم كانوا يكابرون لانهم يكرهون الهلال ومايبون يمدحون ابوعبدالله .
اضافة رد مع اقتباس
  #12  
قديم 16/09/2007, 07:51 PM
الصورة الرمزية الخاصة بـ !!هلالي الرس!!
زعيــم مميــز
تاريخ التسجيل: 29/12/2006
المكان: الـ عـآصمة
مشاركات: 5,135
الله يحفظلك ابو تركي ان شاء الله وقصتك متعه تحياتي لك
اضافة رد مع اقتباس
  #13  
قديم 16/09/2007, 08:40 PM
الصورة الرمزية الخاصة بـ NO.2
زعيــم نشيــط
تاريخ التسجيل: 18/03/2007
مشاركات: 743
الله يخلي لك ابوك
استمتعت بقراءة كلامك
على فكرة اسم عايلتك (( ملكي ))
اضافة رد مع اقتباس
  #14  
قديم 16/09/2007, 08:50 PM
زعيــم متواصــل
تاريخ التسجيل: 20/02/2007
المكان: ...
مشاركات: 168
من قدك يالجابــر ... واحد(ن) منكم هز الملاعب باعتزاله وقبلها كان يهز ويزعزع فرق بأدارتها

رجل فقدنااااااهـ ... لاكن رجال الهلال كثير


نتطلع لنجم قادم .... شكراً لأتصالك

خخخخخ ... قصدي يعطيك العافيه .... والله يطول بعمر والدك
اضافة رد مع اقتباس
  #15  
قديم 16/09/2007, 08:51 PM
الصورة الرمزية الخاصة بـ هلاليه الرس,,
زعيــم مميــز
تاريخ التسجيل: 22/04/2007
المكان: ايطــاليا القصيم.."البندقيه"
مشاركات: 2,959
زين اعترف

خخخخخ
قصه ممتعه الله يحفضلك ابوك ويخليه ان شالله يشجع الهلال
ميـــــــــــــرسي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube