14/09/2007, 03:55 PM
|
 | زعيــم مميــز | | تاريخ التسجيل: 03/07/2006 المكان: الرس
مشاركات: 2,094
| |
|
موضوع عن محمد بن فيصل...ولا عزاء للمطبلين
بسم الله الرحمن الرحيم
كثر في المنتدى اللي يقولون تطبيل
مثل طفة مندس
من أول اللي يسب على طول مندس
الحين لا اللي يمدح مطبل
المطبلين بصراحه أنتم
تطبلون للرياضي وللبلوي
يا اخوان ياللي تسبون محمد بن فيصل
لازم نقول مثلكم أو نصير مطبلين؟
كل واحد له وجهة نظر
يعني اذا ما سبيناه هذا رأينا ووجهة نظرنا
مانبي مصلحه
لا عاد الأمير بيتصل يوزع فلوس علينا اذا طبلنا له على قولتكم !!!!
لا
أنتم تشوفون الزلات
مع أنه قليل خبره
نعترف بأن له أخطاء لكن مو نحط كل مشواره بالهلال أخطاء وزلات
قبل يوقع مع موبايلي أكثر المواضيع تتكلم عن أن الأمير مسافر وترك الهلال
وما همه الهلال لأنه ما وقع مع موبايلي (واتحدى واحد ينكر)
والحين يوم وقع تقولون أنه ما يعرف وأنه وقع عقدين مع شركتين
وسبيتوه
يعني وش يرضيكم
طيب حتى لو كان مخطئ
انتقدوا الخطأ بأدب مهب تجريح وسب
والله قريت أحد الردود يقول خطة اسقاط الهلال
سلطان بن فهد والبلوي ومحمد بن فيصل يحاربون الهلال
يعني الى هالدرجه
تعال ياللي تتكلم
وش سويت أنت؟
محمد بن فيصل جاب 6 بطولات للهلال
ووقتها كنتوا تقولون أحسن رئيس نادي
وأنت وش سويت
ياخي محبوب الجماهير ياسر القحطاني من اللي جابه للهلال
ومجننهم طارق التايب من اللي جابه؟
وإذا كنت عيونكم مفتحه على الأخطاء والزلات
حنا عيوننا مفتحه على كل شي
الزلات
والانجازات
ونعرف نحكم
وبعدين نسيت أقول لكم أن محمد بن فيصل لحاله بالنادي
أعضاء الشرف محد يحضر للنادي ومحد يدعم الا كم واحد
من أول نسمع بعضو يقدم دعم
وعضو يتكفل بنقل
وعضو يتكفل بالشالات
وعضو يتكفل برواتب
وعضو يقدم مكافئات
الحين مانسمع الا بسمو الأمير عبدالعزيز وولده راشد
الله يديمهم للهلال ويحفظهم من كل مكروه
ومن غيرهم
ماعمرنا سمعنا بأحد
الرئيس لحاله
واللي يقولون ليه يسافر ويترك الهلال
محمد بن فيصل كان بيترك الهلال قبل سنتين يكمل دراسته
وأعضاء الشرف رفضوا ومدد سنه
وبارضه الأعضاء رفضوا
قال أكمل 4 سنين أحسن
يعني ترك دراسته ومستقبله لعيون الهلال
والحين تقولون جاي لاسقاط الهلال
والله ما تشكرون معروف
أهم شي لا تنسون ياسر وطارق لولا الله ثم أبو سلطان ماشفناهم بالزعيم
أبو سلطان
حنا جمهور الهلال
دايم معك
نشكر معروفك
وننتقد أخطاءك بأدب واحترام
وشكرا
(أرجوا التثبيت للأهميه) |
الوضع العادي
