#1  
قديم 12/09/2007, 07:24 AM
الصورة الرمزية الخاصة بـ دافنشي الازرق
زعيــم فعــال
تاريخ التسجيل: 18/05/2006
المكان: في الثقب البرمودي في مكان تنعدم فيه الجاذبية
مشاركات: 296
&^&هلالك في قلب بزرانك&^& ||||)(*)(افكار جديدة لجذب الجماهير لحضور المباريات)(*)(

بسم الله الرحمن الرحيم

اليوم فجر وانا اقلب في هالقنوات - ساحب على الدراسة هالاسبوع
- واطالع هالتلفزيون والنوم يداعب اجفاني >>الموضوع خطييير اللسان انقلب فصحى .
ويوقف الريموت على قناة شعارها من فوق ارزق <<<لا تقولون قناة الزعيم
لان هالايام حتى الريموت ما يرضى يقلب عليها بالغلط للأسف وهذا موضوع ثاني
واتمعن في الشعار والاقيه شعار تشيلسي ...قلت يا ولد ما بدهاش على قولة اخواننا في مصر-وانتهز هالفرصة
عشان اوجه لهم التحية-اخواننا في مصر مو تشيلسي- <<حشى قلب برنامج تعارف في اذاعة مونتي كارلو
المهم مالكم بالطويله قلت ما بدهاش ابي اطور لغتي العنجليزية وآخذها من منابعها الاصلية وارطن مثلهم....
ويظهر لي برنامج الظاهر انه ترفيهي ويتابع جهود تشيلسي في تحفيز جماهيره على الحضور لمساندة فريقه ...
الله الله يالزمن حتى تشيلسي يبيله من يروج له والا ما يجي الجمهور الملعب ...
طباً ما فهمت غير نص الكلام لكن كان كافي لي عشان اجيب لكم كم فكيرة


ஐεïз ♪ ღالفكرة الأولى : البراعم ஐεïз ♪ ღ


اول فكرة للبزارين الصغار ...اي طفل يجي يتفرج على المباراة يدخل اسمه في سحب
خاص بالاطفال للمباراة اللي بعدها على ارض الفريق طبعاً
هذا السحب جائزته ان الطفل راح يلبس طقم النادي الاصلي و تتاح له فرصة الحديث مع
كابتن الفريق شخصياً و يدخل مع الفريق الاساسي لأرض الملعب - مثل كاس العالم يعني-
ويقدر يختار لاعبه المفضل عشان ينزل معاه وطبعاً في مصور خاص يوفر صورة بحجم بوستر للطفل
مع نجمه المفضل<<الله يعينك يا الشلهوب كل بزارين حارتنا يحبونك حتى اللي مو هلاليين
المهم البوستر يكون مجانا لهالطفل ما نبي نستغل وراعين خلق الله
واكيد اذا كبر الولد وعينه عليها وهي معلقة في وجه باب الغرفة طول حياته بيناظر فيها ويقول
في ذلك اليوم تصورت مع الكنق ياسر...ذاك كان يوم ميلادي<<كانها قصيدة لنزار قباني
المهم ان حتى ان ما كان له ميول راح يشجع الهلال



ஐεïз ♪ ღفكرة ثانية اللي هو سحب ثاني مستقل : ஐεïз ♪ ღ


وهو طبعاً للفئة اللي اكبر بشوي من البزارين اعلاه
يقدر يدخل السحب هالبرعم ويتمرن مع الفريق اثناء التحمية قبل المباراة
ويمكن يكون محظوظ ويتعلم كم حركة تسحيب من التايب و يشجعه الجمهور
بس يكون تواجده لمدة عشر دقايق عشان ما يضايق اللاعبين و يشتت انتباههم
وبالمرة يكون له اثر ايجابي و يزيد حماس اللاعبين ويقلل التوتر عنهم والشد العصبي عنهم
واكيد يوم يكبر بيذكر هاليوم كأحلى ايام حياته ..وبتزيد نسبة كريات الدم الزرقاء في دمه لأقصى درجه ممكنه

ஐεïз ♪ ღوالفكيرة الثالثة السحب الكبير ஐεïз ♪ ღ

وطبعاً ذي االفكار للكبار فقط <<يعني ممنوع دخول الصغار
طقم النادي الأصلي 100 بالمية ما نلقاه الا في النادر باقي الاطقم مشوهة باعلانات ما ادري من فين جايبينها
ولا قماش تعبااااان ولا الكتابة على الظهر ما هي واضحه ..وبعض الاحيان مي موجودة...
و هذي ثغرة لازم نستغلها .... الطقم الاصلي ما يستحقه الا الجماهير الاصليه<<<نظرية جديدة باسمي
ذي الثغرة استغلالها مايكون الا اننا نعمل سحب على طقم افضل لاعب في المباراة ...
أو حتى هدافين المباراة...وطبعاً هالسحب ما يدخله الا الحاضرين في الملعب ...بعد اللقاء مباشرة..
الفائز ياخذ جائزته ويروح البيت ...وكل هالجوائز رغم انها قيمة الا انها غير مكلفة مادياً
يعني ادارة النادي ما تتكلف ابد ....وما هو لازم اصلاً الادارة تعملها ...
تعاون اداري واحد مع مجلس الجمهور الهلالي راح يكون كفيل بان الاقتراحات
ما تكون حبر على الورق
واتمنى ان تكون جلستي قدام التلفزيون مع هالزرق جابت فايدة <<خصوصاً اني تغصبت
على القعدة عل وعسى تجيب فايدة
وعشان ما تفهموني غلط تغصبت لسبب وجيه اني مانشستراوي..شيطان احمر
وختاماً اتمنى الموضوع يتفعل و اللي عنده اقتراحات لا يقصر ...
اضافة رد مع اقتباس
  #2  
قديم 12/09/2007, 07:51 AM
زعيــم متألــق
تاريخ التسجيل: 10/08/2007
مشاركات: 1,153
اوووكشخ انا اول وحدهـ ارد عليك
فكره مره حلوه الا ولى&الثانيه&الثالثهـ
ياليت ينفذونها بس ترى انت تتكلم ولاحد يسمع
اضافة رد مع اقتباس
  #3  
قديم 12/09/2007, 07:58 AM
زعيــم نشيــط
تاريخ التسجيل: 24/07/2007
المكان: استراليا
مشاركات: 506
عليُ الحلال ان افكارك إنما اييييييييييييييه


بس وين التفعيل

يعطيك العافيه يا بطل


وخل التسدح قدام التلفزون ورح للمدرسه << وش عنده اللي مداوم الحين
اضافة رد مع اقتباس
  #4  
قديم 12/09/2007, 08:00 AM
الصورة الرمزية الخاصة بـ غيـَث
زعيــم مميــز
تاريخ التسجيل: 02/05/2007
المكان: هنــآك ..!
مشاركات: 2,193
خووووووطط خطيره اوي اوي

بس ظنك اذا ما فزنا .. يبون يعطونا شي .. والا يقولون الباب مناك
ويصيرون ورعانا بلا كريات دم زرقاء ويصابون بالاحباط الشنيع
ويصيرون على بلادتهم في الدراسه بليدين في كل شي << وش هم فالحين فيه اصلن من اول



المهم يسلموووو وافكار اكثر من رائعه < امسك نفسك يالأسلوب
بس من يسمعها






برب
اضافة رد مع اقتباس
  #5  
قديم 12/09/2007, 08:16 AM
الصورة الرمزية الخاصة بـ دافنشي الازرق
زعيــم فعــال
تاريخ التسجيل: 18/05/2006
المكان: في الثقب البرمودي في مكان تنعدم فيه الجاذبية
مشاركات: 296

إقتباس
ياليت ينفذونها بس ترى انت تتكلم ولاحد يسمع

ما دمت في منتدى الزعيم ما على افكاري اي خوف<<<بدا الغرور
وان شاء الله نشوف هالحركات واكثر في مبارياتنا الجاية ...
بس نبي اكبر دعم من الكل هنا

إقتباس
عليُ الحلال ان افكارك إنما اييييييييييييييه
بس وين التفعيل
يعطيك العافيه يا بطل
وخل التسدح قدام التلفزون ورح للمدرسه << وش عنده اللي مداوم الحين

ههههههههههه...مشكور والمدرسة ميب طايرة...
والتفعيل كلمته على رقمه الجديد في موبايلي ويسلم عليك
و يقول مسافة السكة واكون عندك ...

إقتباس
بس ظنك اذا ما فزنا .. يبون يعطونا شي .. والا يقولون الباب مناك
ويصيرون ورعانا بلا كريات دم زرقاء ويصابون بالاحباط الشنيع
ويصيرون على بلادتهم في الدراسه بليدين في كل شي << وش هم فالحين فيه اصلن من اول
المهم يسلموووو وافكار اكثر من رائعه < امسك نفسك يالأسلوب
بس من يسمعها

انا من يوم شفت هالايقونه (( )) وانا غاسل يدي منك يا شيخ
وما دام الجمهور سوى اللي عليه وان شاء الله عيالنا اللاعبين
ما بيقصرون بنفوز ان شاء الله ...
وش ذنب الجماهير تشجع و تساند وفي النهاية يسحبون عليها..
و وش ذنب عيالنا اخاف يروحون يشجعون فرق ثانية يبون بطولات وما ينولهم
الا رفع الضغط و ميدالية يتيمة و بيانات بالكوم<<<ما اقصد نادي بعينه

مشكووووورين على مروركم
اضافة رد مع اقتباس
  #6  
قديم 12/09/2007, 08:20 AM
زعيــم مميــز
تاريخ التسجيل: 23/02/2007
المكان: كـتـلـونـيــــا
مشاركات: 2,265
اممممممممممممممممممم


..



الله فكرررررره حلوووو .. ,






انت بطل .. ,
اضافة رد مع اقتباس
  #7  
قديم 12/09/2007, 08:39 AM
زعيــم متواصــل
تاريخ التسجيل: 15/05/2007
مشاركات: 84
فكره حلوه مش بطاله
انشاءالله نشوفها قريبا
اضافة رد مع اقتباس
  #8  
قديم 12/09/2007, 08:47 AM
زعيــم متواصــل
تاريخ التسجيل: 04/08/2006
مشاركات: 139
والله افكــار حلوه وان شاء الله نشووفها
اضافة رد مع اقتباس
  #9  
قديم 12/09/2007, 08:50 AM
زعيــم مميــز
تاريخ التسجيل: 16/09/2005
مشاركات: 2,282
فكره حلوه
بس وين المنفذ
اضافة رد مع اقتباس
  #10  
قديم 12/09/2007, 08:58 AM
الصورة الرمزية الخاصة بـ دافنشي الازرق
زعيــم فعــال
تاريخ التسجيل: 18/05/2006
المكان: في الثقب البرمودي في مكان تنعدم فيه الجاذبية
مشاركات: 296
الظاهر انه جتكم صدمة عصبية مع الدراسة وتعطلت ادمغتكم
ما قريت ولا اقتراح جديد...الله لا يلومكم

إقتباس
اممممممممممممممممممم
..


الله فكرررررره حلوووو .. ,



انت بطل .. ,

إقتباس
فكره حلوه مش بطاله
انشاءالله نشوفها قريبا

إقتباس
والله افكــار حلوه وان شاء الله نشووفها

إقتباس
فكره حلوه
بس وين المنفذ

الحمد لله اعجبتكم الفكرة...
والتنفيذ بنعتمد على الله ثم حبايبنا في مجلس الجمهور الهلالي ما بيقصرون
واكيد انهم يدورون افكار جديدة لدعم النادي مع بداية المنافسات الآسيوية
مشكورين على مروركم الجميل
اضافة رد مع اقتباس
  #11  
قديم 12/09/2007, 09:01 AM
الصورة الرمزية الخاصة بـ ابو هلول
زعيــم نشيــط
تاريخ التسجيل: 24/11/2006
المكان: تـبـ الورد ــوك
مشاركات: 564
اقول خل الورعان في دراستهم احسلهم لايدجون في الملاعب من ملعب الى ملعب ....
اضافة رد مع اقتباس
  #12  
قديم 12/09/2007, 09:03 AM
زعيــم مميــز
تاريخ التسجيل: 09/07/2007
المكان: المدينه المنوره
مشاركات: 2,255
قلبته ـــــــــــبلازا مو نادي ههههه>>>>تحطيم
اضافة رد مع اقتباس
  #13  
قديم 12/09/2007, 09:05 AM
موقوف
تاريخ التسجيل: 12/04/2007
المكان: المجلس العام
مشاركات: 11,440
طيب والمدرسه وش لون تصرفها

ويعطيك العافيه وفكره حلوه وخلنا نطبقها تكفى خخخخخخخخخ
اضافة رد مع اقتباس
  #14  
قديم 12/09/2007, 09:09 AM
الصورة الرمزية الخاصة بـ غيـَث
زعيــم مميــز
تاريخ التسجيل: 02/05/2007
المكان: هنــآك ..!
مشاركات: 2,193
إقتباس
الرسالة الأصلية كتبت بواسطة ابو هلول
اقول خل الورعان في دراستهم احسلهم لايدجون في الملاعب من ملعب الى ملعب ....



هههههههههههههههههههههههههههههههههههههههههههههههههههههههههههههههه
يابن الحلال هم داجين يالله المستعان

وبالنسبه انهم يروحون للملاعب اصلن مشوتين .. ما تشوف الواحد منهم لا كبر
تقول فيه فراغ في راسه بين المخ والموخيخ

لأنه يوم انه صغير اخوه الكبير يتدرب عليه كيف يعطي مخمس
وتلقاه لا يبكي ولا شي .. متعود على من مره صفقه والا شاته على الدرب


<< شطح




اخوي دافنشي ... بالنسبه للأقتراحات اعتقد ان الشباب اتفقوا يحطونها في موضوع
الأخ خالي الهم وهلالي توب




وتسلم والعذر على القرقه
اضافة رد مع اقتباس
  #15  
قديم 12/09/2007, 09:22 AM
زعيــم فعــال
تاريخ التسجيل: 25/04/2007
المكان: الرياض
مشاركات: 205
التشجيع يأتي بالفطـــــرة وليــس بالترغيــــب ... تحياااتي

تقبل مروري يالغلا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:05 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube