عذراً لاحاجة للرابطه وطبولهـــــــــا!!!! - نادي الهلال السعودي - شبكة الزعيم

Naif_farhan5 · #1 22/09/2007, 05:04 PM

السلام عليكم ورحمه الله وبركاته

بالفعل ياشباب اذا حضر 70 ألف متفرج

هل يعقل ان نردد خلف الرابطه!!؟؟

الجواب بالطبع لا وبصراحه لو رجعنا بذاكرتنا للخلف

على ايام صالح النعيمه وابويعقوب والغشيان

كان الجمهور يحضر بكثافه وبأهازيج قمه في الروعه وبصوت واحد دون الحاجه للرابطه والامر بسيط اذا جت هجمه للهلال

تلقا الجمهور يهتف للهجمه بحماس واذا لاعب هلالي سوا حركه فنيه برضو يهتف له الجمهور

تكفون نبي اهازيج الهلال ايام اول؟؟

وفكون من الرابطه وطبولها الله يرحم والديكم

انا من النوع الي اكره الطبل واصير مهموم ويصكني راسي واحيانا اقول ياليتني ماحضرت المباراه بسبة الرابطه

معليش ياشباب ان طولتها شوي بس انا اقول شي يصيرلي ويمكن لأشخاص غيري من جمهور الزعيم

اصلا اللا عبين مايتحمسون اذا مااسمعو الجمهور يهتف بصوت وااااحد

بالعكس يمكن يصيرون باردين مع طبول الحرب الي مع الجمهور

واخر شي فكرو جمهور الزعيم العزيز في جماهير ليون الفرنسي وسان جيرمان واغلب الانديه الاوربيه كيف تهتف بصوت واحد يهز الملعب هز

مااقول نبي نسوي مثلهم بس اقول نبي نرجع ايام اول

T U R K I _ 15 · #2 22/09/2007, 05:10 PM

مسألت الطبول انا مثلك ما دخلت راسي ...الا اذا جاء هدف للهلال

جمهور الهلال صراحه فاهم الكورره .. اذا جت هجمه وشاف العيبه تحركوا بدا يصفق ويشجع

اذا كانوا اللعيبه باردين برد الجمهور

تقبل مروري

الحبيب3 · #3 22/09/2007, 05:13 PM

والله انك صادق

فدرالي_الزعيم · #4 22/09/2007, 05:14 PM

اما بدون رابطه شكلك ماتحضر مباريات

Naif_farhan5 · #5 22/09/2007, 05:15 PM

تركي ... لاهنت على ردك الي ناسب الموضوع ومشكور على مرورك

الحبيب.. يشرفني ان واحد مثلك وأيدني على موضوع مشكووووور طال عمرك

Naif_farhan5 · #6 22/09/2007, 05:18 PM

فدرالي الزعيم يمكن السبب الرابطه وطبولها في تصك الراس تقول في مرقص .....

سلماوي الخرج · #7 22/09/2007, 05:20 PM

انا توقعتك بتقول بدون طبول لاننا في شهر فضيل واثاريك تقصد على شان راسكك بينفجر اذا سمعت الطبول

الله يهديك بس

الوا يلي · #8 22/09/2007, 05:20 PM

لا بالعكس الرابطة تنضم صوت الجمهور ... بدلا من ان كل يأتي بلحن وصوت جديد ..

تكون الاصوات متحدة مع بعض ....

لكن بالشكل الحالي الرابطة لا تؤدي الغرض... اما ان يصلح حالها او يتم الغائها افضل .....,..

ااسامه · #9 22/09/2007, 05:23 PM

بصراحة أنا اتفق معك مئة بالمئة

الرابطة أصبح لها مردود سلبي على الجماهيير في المدرجات

أصبح الجمهور بارد وليس مثل السابق

أتمنى أن يعود الجمهور الهلالي في الرياض تحديدا كالسابق

ركود ركود حمود موجود · #10 22/09/2007, 05:26 PM

الرابطه تنظم التشجيع اكثر

Naif_farhan5 · #11 22/09/2007, 05:26 PM

إقتباس

الرسالة الأصلية كتبت بواسطة ااسامه


	بصراحة أنا اتفق معك مئة بالمئة الرابطة أصبح لها مردود سلبي على الجماهيير في المدرجات أصبح الجمهور بارد وليس مثل السابق أتمنى أن يعود الجمهور الهلالي في الرياض تحديدا كالسابق

والله اعلق واصفق يااااااسااااااااااااامه

الله لاهينك ومشكووووووووووووور كذا الردود الي تطيب الخاطر

Naif_farhan5 · #12 22/09/2007, 05:38 PM

مشكورين على المرور

هلالي ارسنلاوي · #13 22/09/2007, 05:40 PM

والله الرابطة فلّه بس المشكله الجمهور محد يردد

M.7.A.M.M.A.D · #14 22/09/2007, 05:44 PM

اي والله ياليت يفكونا من ذا الطبول الي تحسسك انك مع هنود حمر مهيب مباراه,,العالم تنهاظر المباراه وتلقى ذا الرابطه مسوين سامري الله يهديهم,,,واذا خرشو والله يقروشونك ماتقدر تركز بالهجمه,,,والله احسن موضوع شفته في القرن ال21 للحين,,,,,اهنيك على الموضوع يابطل

المغيري 1412 · #15 22/09/2007, 05:53 PM

لا لازم يكون موجود أسد المدرجات