صفحه من ذكرياتي - نادي الهلال السعودي - شبكة الزعيم

عمار الشلهوب · #1 07/09/2007, 05:23 AM

بسم الله الرحمن الرحيم

اليوم حبيت اجيب موضوع جديد هو عن المواقف يعني اي موقف يصير تكتبه او تكتبينه:.

المهم انا ما عندي موا قف لاكن جبت لكم من مواقف اختي ولقبها انهبلت طبعا لقبها هذا في المدرسه والمنتديات وعاد هي بتكتب لكم لقصه بطريقتها وبأسلوبها اليكم القصه:.

المهم موقف ايام اولى ثانوي اللي عدتها
<<عللي ذكرت انهبلت كلمة عدتها؟؟
عشان تعلمكم ماكانت تعرف بنات الفصل زين صديقاتها كل ابوهم نجحو وراحو ثاني

المهم

كان طال عمرك حصة انتظار
وملل×ملل
اظن كان ثاني او ثالث اسبوع مابعد منت ع بنات الفصل توني

المهم
وطفشاااااااااااااااااااانه
وجنبي صديقتي هذي دخلت معها ع طول من اول يوم مهبوله

كانت تكمل دفاترها..وانا اقول طفش...وهي ساكته اقول طفـــــــش..وساكته..
اقول طفــــــــــــش وادخل في وجهها<<ابووك يالبثاره

المهم طلعت شي من مقلمتها ورمته علي..
شي يتلزق لزج

اكتشفت انه ظاطور اسود مصنوع من ماده لزجه بس شكله رهيـــــب

قلت اوووخص وسيم والله

طيرت عيونها

قالت احسبك بتخافين...
قلت لاهين بس

المهم قعدت افغص فيه والعبه وهي تكمل دفترها..
اللي وراها حاطه راسها ع الطاوله ونايمه...ويعني امون عليها بس اوب مره

وتجي انهبلت وتلزق الظاطور على رقبتها..

هي رفعت راسها وقامت تحوس في رقبتها وتناظر تقول وشو ذا؟؟
قلت خل اشوف
وشهقت...مدري شي اسود يتحرك

قال لا وهي تضحك...
قلت مدري اوب واضح>>طاح في ظهرها من وسع البلوزه

<<
المهم قامت تحوس بظهرها وانا عادي نسيت السالفه وقاعده تكلمني اللي قدامي
يوم مادريت الا ذي اللي تمتر الفصل وطلعت بدون ماتستأذن>>اصلا الابله كانت لاااهيه تبربر

<<

المهم وخلصت سواليفي مع هالبنت والتفت ذي تكمل دفاترها والتفت ورى وذي مابعد جت
قلت كنها طولت ولا؟؟
المهم طلعت بشوف وينها

واروح للحمامات اللي تحت ومالقيتها ادور في الساحات مالقيتها؟؟
قلت وجع وين اختفت..
اشوف صديقتي اللي بالعلمي تطمر من 5 درجات وتتزحلق وترررررررررررركض!!
وتناديني وتقول روحي نادي ام خليل بسررررررررررررعه>>الفراشه<<
قلت واي

<<الى الان مدري وشي السالفه!!
قالت في بنت دخلت فيهها ظاطور بظهرها واغمى على اختها وهي بتنهبل الحين قاعده تصارخ!!
انا قلت يؤؤ

وهي راحت يوم توها ماشيه تذكرت !!
واصارخ ::هيه تراه لعبه قولي لهم لعبه وقسم بالله لعبه تتمطط!!
صديقتي تناظرني ولا استوعبت وكملت ركض!

انا رحت ماشيه220 لدور الثالث ..
واشوف جمس الهيئه وكم مدرسه واقفين عند حمامات هالدور<<جمس الهيئه اطوووع معلمه واررعب معلمه

المهم
انا بلمت مكاني اسمع صراااخ وذولا متجمعين وجع!!
ورحت انزل ركض
وتقابلني خويتي ومعها ام خليل واجرها وانزلها معي واشرحلها السالفه قالت ياحيوانه ..شكلها راحت لأختها ودخلت معها الحمام بتطلعه من ظهرها وشافت لونه اكيد عشان كذا اغمى عليها!!
انا قلت:هـــــــــــــــلا والله!!
وش السوات!
قالت انطقي هنا الين نشوف وش الاوضاع..
وانطقيت الين جت الفسحه وانا بالحمامات..
يوم جت لمي وقالت امشي ياحيوانه تعالي نتدارس وضعك

وقعدت معهم في الساحه بثقه واشوف البنت واختها والشايب تدخلهم غرفتها>>الشايب المشرفه الاجتماعيه

<<
المهم بقدرة قادر نادوني وطلعت وتدخلني وتسكر الباب والبنت يوم شافتني ضحكت

قلت حبتين خلصنا يعني

يوم بادلتها الضحك وتوني بحكي روعتني هالشايب وهي تصارخ بصوتها المبحوح..:ولتس عين تكركرين بعد!

انا كلت..تبن

وطيحي فيني تهزيئ...وهي تهزء اناظر في البنت تضحك عادي واضحك انا وتعصب هالعجوز علي كل ماضحكت..
قامت البنت قالت خلاص ماصار الا الخير انا كبرت الموضوع..
قالت اوب بكيفك ماصار الا الخير حركات المراهقين ذي لازم نوقفها عند حدها

وانا متشققه دام البنت راضيه خلاص لعلعي ع كيفك اوب لمك انا

المهم طلعت البنت..
وزاد الصراخ وقالت بفتح محضر

وانا ماسكه الباب بطلع
قلت اوووخص درت الشرطه!!
قالت محضر عند الاداره

قلت طاب خلاص ابروح عندي حصص

<<مسويه مهتمه

يوووم وانا في الفصل اسولف واعتذر وما الى ذلك

الا وتطل جمس الهيئه تقول وين انهبلت؟؟
انا قلبي طم طق طم طق!!وش تبي ذي بعد!!
طلعت ان شاءالله..
وتناظر فيني انتـــــــــــي

قلت :هاه

<<مستغربه الشكل هادي مو راعية سوابق

وس: وج:..وبربربربربربربربربربرب اخرتها الله يهديتس بس

وآخر اليوم مريت ع المديره ..بس مديرتنا حبيبه

.............................................

رجعت للبيت وعلمت امي السالفه...واقولها وانا اضحك<<يابثري!
وهي ساكته يوم خلصت تقوم وترقعني بكرتون المناديل اللي جنبها:لو انها ميته كان عليتس ديه الحين داريه ولا مادريتي و..واطلعي وصكي البا ب بقوووه وراك!!

^^في ذي اللحظه استوعبت اني مسويه شي غلط!!
ديه!!...

وجع!

عبدالله العتيبي · #2 07/09/2007, 05:51 AM

8
8
8

يــاكثــر مـواقفــي اللهـ من الدجــه

لــي بــاكـ

تقبــل مـروريـ

عمار الشلهوب · #3 07/09/2007, 05:58 AM

مشكور على المرور

فهد عاشق البرسا · #4 07/09/2007, 05:49 PM

=

موضوع حلو
بس وراه نازل تحت

للرفع

BLUE BIRD 10 · #5 08/09/2007, 03:46 AM

هههههههههههه
حلو الموقف..

بس فيه سؤال يطرح نفسه بقوه..

وش "" ضاطور"" ؟؟

تراي ما عرفته اللهجات تختلف..

عمار الشلهوب · #6 08/09/2007, 11:31 PM

إقتباس

الرسالة الأصلية كتبت بواسطة BLUE BIRD 10


	هههههههههههه حلو الموقف.. بس فيه سؤال يطرح نفسه بقوه.. وش "" ضاطور"" ؟؟ تراي ما عرفته اللهجات تختلف..

1)مشكور على المرور..
2)الضاطور هو البرصي او بريعصي ...
فهمت

هلاليه كووول22 · #7 09/09/2007, 03:17 AM

ههههههههههههههههههههههههههه
يسلموو عالموقف الحلو

سـمـو الـمـجـد · #8 09/09/2007, 03:31 AM

والله المواقف اللي زي كذا اموووووت عليها

عمار الشلهوب · #9 10/09/2007, 07:15 PM

مشكوورين على المرور بس ما ذكرتو مواقفكم