السلام عليكم
والله اني من اشد المفائلين بالهلال الجديد لانه ممزوج وخليط بين الشباب والخبره
وايضا متفائل باداء المدرب كوزمين واللي اتمنى ان تصبر عليه الادارة ولا ننسى حظ الهلال مع الرومانيين
لكن اللي يقلقني بالهلال مشكلته الدفاعيه , ما فيه الا تفاريس وبيروح بعد شهرين وبنصور 4×6 والسبب المفرج !
المفرج كان مستواه هزيل وهو في ريعان شبابه والان اصبح عالة على الفريق مع احترامي للجميع
ادري بيجي كذا واحد مدرعم ومطفي النور ويقول مخلص وقتالي ... الخ
بالمختصر المفيد :
فهد المفرج مخلص للهلال
فهد المفرج قتالي
فهد المفرج يحب الهلال
فهد المفرج منضبط في التمارين
فهد المفرج قمة في الاخلاق
لكن هل ينفع مدافع في زعيم اسياء ؟ لا انا ولا اغلب النقاد والكتاب يرون ذلك
فهد المفرج قلتها مرارا وتكرارا ان اللي شافع له هو الجدار الفولاذي اللي قدامه ( عزيز والغامدي ) والحارس اللي خلفه ( الدعيع )
ولا ننسى تفاريس واللي نشوفه دائم يصارخ ويتشنج والسبب انه يقاتل الحاله , واكيد شفنا مباراة الكويت وكم كورة خلصها تفاريس والمفرج ماله الا هجمة الزايري
ولا انسى العنقري , جاه حقه من النقد لكن ما عنده محامين مثل المفرج
واللي وصل حد الدفاع عنه ان الرئيس يكافئه العام الماضي بـ100 الف ريال !!!
يا كابتن فهد ان كنت تقرا هالكلام , والله اني احبك وما احد يشكك باخلاصك للهلال , لكن اعتقد كفاية
الله يوفق زعيمنا في الاسيويه والخليجيه وفي البطولات المحلية وننتظر الخبر السار من الامير راشد بالتمديد لتفاريس لان وضع الدفاع من بعده ( حفلات )
شكرا لك اخوي على الموضوع واسف على الاطالة واعتذر للجميع