يومــــــــــــــــــان بـــــلا نــــت .. (1 2 3 4 5 ..الصفحه الأخيره).. - نادي الهلال السعودي - شبكة الزعيم

كاريزمـا · #1 05/09/2007, 07:55 AM

في ليلة من ليالي الأونس >>>> بالحييل .. هطلت علينا الإستاذه ليز كغيمة مطر راعده >> يمديكم ع

المدح

هضلت عندنا والسبب الرئيسي لهضلتها هو ان شركه الدي سي أل الموقره الميمونه سعودي نت

متعطلتن عندهم

و طبحت ببيتنا .. و تحسبونها سلمت لولا أن أمي انطحتها تسان ما رده إلا باب غرفتي ...

و لا شلونتس ولا شخبارتس ؟؟

و تاقف شوي ولا تنجلط يوم شافتنا ملبقات عند التلفزيون تقل جموس نقل و تنهبل

و يطير عقله و

تمسك قلبه وراكن ؟ وشبكن ؟ و ين لابتوباتكن ؟؟ و شوي و الدمعه تنزل ... لا تقولون ما يشتغل عندكم ..

و تقعد تصيح و أنا مير اقوم واصكها بالخداديه ..

هاللحين ما تستحين ؟؟ يعني ما جيتي عشاني ؟؟ مهوب غلا بي ؟؟

و تجاوبني بدمعن يقوطر من عينيها و بصوتها الحاني تشعر :

غلاك بداخل عروقي و لا يوصل غلاك انسان *** يمر الوقت ويثبت لك غلاك ان الله احياني

و نقعد متقابلات متصافقتن و جيهنا .. عاد أنا قلت :: الله مير يبارك بها الليلة اللي خلتنا نتشاوف و

نتبادل الثقافات بين البيتين

والمعلومات الهادفه والقيمه حيث اننا الله يسلمنا

قوبل مسنترات ع النت .
.

و نسولف ونسولف ونسولف ونسولف ونسولف ونسولف ونسولف ونسولف ونسولف ونسولف

ونسولف >>> مع جدي يا السواليف ...

و خلصت السواليف .. و تاخذ ليز الجوال و تدق على اخوها ... و تسأل إذا مشتغل عندهم أو لا ..

قال لها :

سعودي نت كلن عطلانه عنده .. و أول نت بيت يشبك و بيت لا .. وهي قالت و لا ما قالت يا دافع البلا ..

و نطقه صيااااااااااااااااااااح ...

و نمسك الهاتف المجاني و مشغول اشتغلت ضرووس العدو .. و تطق صدرها ليز و تقول أنا لها يا

بنة العم ازهليها ..

اهوه سماعه الهاتف

.. ناوليني يا ريري أريد أن اجري مكالمه الله لا يهينك ..

و أنا امدلها السماعه .. و تدق على 907 و قطعوه بوجهها يقولون يصلون الفجر و تو المذن فاتحن افموه ..

قالت ليز : قاطعينه على هالعالم و هم قاضبينه ما غير يشتشتون بالمواضيع >>> نحسب الناس مثلنا ..

و بعد الصلاة عاودنا .. و نسمع الخيارات .. 1 dsl شامل .. 2- dsl سعودي نت ...

و لا بوه أول نت

.. اخترنا سعودي نت و قلنا نسأله عن أول نت كلهم سعوديين و عيال بلد و حده ..

قال الله يعافيك حنا سعودي دقي على أول اسأليهم .. قالت : ما عندي لهم رقم غير المجاني اللي له

ثلاثة أيام مشغول و قاطعينه عنا >>> الله أكبر يا ليز 3 ساعات صارت 3 ايام ..

عطانا رقم و مير تمسكه شيشي ولا ردوا عليها .. و تدق ع 907 و تختار سعودي نت تسألهم وراه

منقطع عند بيت ليز ومتى بيرجع .. سألها عن الأسم و البيت و الرقم ,, و سألها عن رقم البطاقه ..

جدعت أقرب رقم 90 ..

قال : يا ختي ما فيه شي اسمه 90 .. قالت : و الله مدري .. بس ما تدري عن أول نت متى

يرجعونه؟؟؟

قالت : أقووووول مع السلامه ...

و ماش منغثين و فاقدين الأمل ..

أصبح الصبح .. و حنا متجدعات بالصاله تسننا مرشوشات بفليت ..

و تقوم تقشنا ليز بالغرفة .. وتطلب شماغ و ثوب مير ما لقيت لها ثوب و عطيته روب أبيض ... قلت

يفي بالغرض ..

و تطق اللطمه

وتغطي كل وجهها و تلبس الروب .. و ننزل تحت مسوين خايفين أنا وخواتي و ننادي سيتي ((الشغاله))

و اقولها :: بسرعه تعالي

فيه رجال جيب عصا مكنسه عشان طوخ بعدين مووت >>> ع باله بعرصي

و نرقى معه للغرفة و ليز ورا الباب متغبيه .. دخلت سيتي الأوله و حنا وراه ميتين من الضحك .. و

تقضبه ليز مع رقبته ..

و تزتنا ليز بهكا الزاوية و تههدنا بالإشارات >> حرامي أطرم .. و أنا دموعي من الضحك

و

الشغاله تحسبن اصيح .. و تقبس بنا ليز الصوت تسنها سلفستر ستالوني ...

و تهدد الشغاله تقولها .. :: شوفي نفر هاذا كلوه كتل سوا أنتي بس جوف انتي سوي رقص ما فيه موت فيه معلوم ..

و أنا انفلت عليه :: سيتي ارقصي أنا صكير ويا خواتي ما ابغى موت .. ارقوصي سيتي لازم اسمع كلام هرامي ..

و تنزرها ليز .. شوفي لازم قبل أرقص لازم شيل هذا إيشارب و فلي شعر .. لازم أرقوص سوا سوا

سئودي ..

يمين شعر يسار شعر .. بئدين فوق بئدين تهت ..

و رقصت ذاك الرقص اللي خلانا يغشى علينا من الضحك لدرجه عجزنا ناقف .. اللي هي ليز فكت

اللطمه و تشاهق من الضحك ...

و تشتب تسبده الشغاله .. وأمسكها وأقولها :: شوفي سيتي ما في كول لماما .. أنا و انتي صديق .

. سم سم أنا ...

انت كول اسرار أنا كول اسرار .. انتي رفيق أنا >>> ايه هين ..

الخلاصه

1- ليش نضيع أوقاتنا بالنت و الله يالسواليف و الجلسه مع البنات والأهل تسوى الدنيا

2_ ليش 907 جاحدين أول نت

3_ معذور محمد بن فيصل يوم سحب على الأتصالات وراح لموبايلي

4- ارفقوا بالخادمات تراهن ضعيفات ولا بأس بقليلن من الهستره معهن بدون اضرار ...

5_ اذا خرب لكم شي ارضو بالأمر الواقع لاتزعجون الخلق >> علمي نفسك

6_ كل الشكر لمن سأل عني وأفتقدني وجلس يشيك على ملفي الشخصي

هاذا الموضوع نزلته عشان خاطر ((ليز وهنوف ورعبوبه ) ) فرغوا طاقاتكم

بـنـ**الزعيم**ــت · #2 05/09/2007, 08:02 AM

يااااااااااااهلا والله بريري أسفرت وأنورت هلا بس
والله تقطعت من الضحك أخر هبال وياويلي ياهالشغاله والله لو أنا منها كان أنتم الحين بالمقبره الله يرحمكم...
الله أول وحده أرد على الموضوع خطيييييييييييره

بريماكس · #3 05/09/2007, 08:12 AM

هههههههه

يو انا قلت شنو السالفه المرور 2 وواصل الصفحه الاخيره

[حلو العنوان]

يادافع البلاء الاتصالات وش سالفتهم كل شوي قاطعين الاتصال

معي وحد مسنجر ترى مب الشايب

ماعمري كلمته الا لازم ينقطع عنده

الا اقول مير ليته ينقطع علشان كلن يروح لصديقه ! .. بس المشكله اذا صار

صديقه الواحد مب بنفس المدينه وغالي عليه وش يسوي !

ريري موضوعك رائع واللي حلاه التنسيق الاكثر من رائع

..

تقبلي مروري المتواضع لاني مواصل من 1413 قصدي من امس

سلامو عليكم

اليزابيث هيرلي · #4 05/09/2007, 08:23 AM

ما شاء الله وش هالتنسيق الزين ...

ايييه ما بغوا يرجعونه و وهم ... الله يقلع و جيههم اللي مهيب على رجال

>>> به حره ما طلعت

...

يوووووه يوم شفت الفجر اليوم المودم لمباته خضر و أنا أصرخ ذيك

الصرخه كل الحي قاموا يصلون الفجر

..

و أروح ابشر أمي و يضيق صدره

..

تقول و أنا فرحه شفت عيالي يتعشون و يتغدون معي

..

ربي و أنا سائلته بكرا يقطعونه >>> يا ويله أمي تسيف تسطي

...

أجل كل الشكر لمن سأل عني من زين خشتس ع بالتس اليزابيث هيرلي

..

((ما لقى الجداد يلقى متحتت))

أقول لا تاخرين اليوم عن الإستراحه حنا بنروح ع آذان العشا >>> لزوم

بدري أخاف نجي نلقاهم لا هفين الحلا و شافطين القهوة

..

يوووه يا لإنتعاش بس اخيي ضايق صدره

..

النت شبك و الشوتايم و أوربيت تقطع >>> أزين تخفيف ذنووب

..

يالله عاد اقلبي و جهتس و امطخي لي سيتي قولي تقول آنسه ليز

(( معزي سويلم ))

مَاهِينُورْ · #5 05/09/2007, 08:32 AM

الله يهديتس قريت البداية وقمت اصيح مادري وش صار عليكن يا لتوأم

::::::::::::::::::::::::::
عدت بعد ما نشفت عيوني وحاسفة الدموع الي راحت احسب عندكن سالفة

امزح والله ان قلبي ينبض بحبكن يابنات ديرتي

:::::::::::::::::::
الله يخلف علي والله اني مادري وشلون يشتغل النت عندنا ولا ادري وش الخدمة الي حنا مشتركينن به افتح الابتوب وادخل على النت مادري وش شغلة تراي دلخه بمور التكنلوجيا

مادري وش تقصدين بالدي اس ال

::::::::::::::::::::::
اما سالفتكن مع الشغاله فما لكن داعي تهبلن به حرام عليكم ترا عنده مشاعر واحاسيس << بدت تهمق

لا والله الصدق مع اني ما اواطنهن حتى ماعمري بحياتي كلمت شغالة اخاف منهن الا اني ارحمهن ولو ان بعضهن مايستاهلن

بس موقفكم يهبل القلب بس وش مسهره شغالتكم هالحزه

ترا مادري حنا باي حزه

::::::::::::::::::::::::

ياملا العافي ريما على هالموضوع السنع

والله يوسع صدرك مثل ماوسعتي صدري على هالصبحية

من الفجر وانا على مواقع وزارة التعليم والخدمة المدنية اتحرا نتايج الترشيح تطلع

::::::::::::::::::::::::::::::::
شكرا
والسلام ختام

تذكرت ايام الاذاعة

::::::::::::::::::::

:: ، ::
ياخي ماشاء الله عليك
رجعت اقرا الموضوع مرة ثانية ولا زالت عيوني تنثر من الضحك صار خزان موب عيون

يا قلبي اعذرين يمكن يكثر هذري

<< جايزن لي هالوجه ورجعت عشان احطه بردي

لا والله اكتشفت اني مارديت السلام ورجعت عشان اقول
وعليكم السلام ورحمة الله وبركاته ..

::::::::::::::::::::

رعبوبة الزعيم · #6 05/09/2007, 08:33 AM

هــلا والله ريري

الله يرج بليسك ياريري

قســم بالله اني جالسه بالغرفه وميته من الضحك تقولين وحده مهبوله

حرام عليكم على اللي سويتوه بالخـدامه

والله لو هـي ميته من الخوف كان تتحملون
ذنبها ..النت مسوي خدمـه لكم مانع الشر اللي تكتمونه

والله الاتـصالات ذولي تراهم مزااج

عـلى كيفهم يقطعون وعلى كيفهم يصلحون

الواحـد لازم يسوي اضرااب علشااان يحسوون مايبعدونك عنا

حراام عليهم فقدناك امس كنه سنه

الا خدامتكم اسمها ستي

نفس خدامتنا

والله ياريري هذي يسمونهــا اضرار الفضــاوه

افتحي ملفي الشخصي وشوفي
مواضيعي اللي عــن الفضاوة

بـس ياعمري الخداامه بقوة راحتهاا
اجل تقولون ارقصــي

بعدين مافي يعلم ماما

الله يرجكككم
ريري تكفيين انتي وليز لاتفضــون مره ثانيه خلوكم اربع وعشرين ساعه على النت

وجودكم خــطر على المجتمع

هاذا الموضوع نزلته عشان خاطر ((ليز وهنوف ورعبوبه ) ) فرغوا طاقاتكم
تســلمين ياقـــلبي

الله يعطـــيك العافيه

وسعــتووو صدورنا

abo_nasser · #7 05/09/2007, 08:38 AM

حظك والموضوع ....جاي مدرعم ماشي مليونين قلت الحين باحصلها شات

والله موضوعك فله ...ولكن خافوا ربكم في الخدم قلبتوا الحرمه رقاصه

اما مزودين الخدمه ..فلا اقول الا ...الله لا يسامحهم ..اكلوا دراهمنا وخدمه

مثل وجيهم

..كل يوم يقطع عندي اول نت الغبي

وموضوع صباحي جميل ...مع انه ما جاء على اللي في بالي

سلااااااااااااااااااااااام

اليزابيث هيرلي · #8 05/09/2007, 08:42 AM

أبو ناصر ...

و لا يهمك .. افااااا عليك ... نقلبه على اللي فبالك ...

الهنوووف · #9 05/09/2007, 08:45 AM

هلا بريري

افتقدنااك كثيراااا ياخرابة السفن

إقتباس


	تمسك قلبه وراكن ؟ وشبكن ؟ و ين لابتوباتكن ؟؟ و شوي و الدمعه تنزل ... لا تقولون ما يشتغل عندكم .. و تقعد تصيح و أنا مير اقوم واصكها بالخداديه .. هاللحين ما تستحين ؟؟ يعني ما جيتي عشاني ؟؟ مهوب غلا بي ؟؟

الحين الدي اس ال صارر هو سبب صله الرحم

إقتباس

إقتباس


	و أنا امدلها السماعه .. و تدق على 907 و قطعوه بوجهها يقولون يصلون الفجر و تو المذن فاتحن افموه .. قالت ليز : قاطعينه على هالعالم و هم قاضبينه ما غير يشتشتون بالمواضيع >>> نحسب الناس مثلنا .. و بعد الصلاة عاودنا .. و نسمع الخيارات .. 1 dsl شامل .. 2- dsl سعودي نت ...

توني اتصل عليهم مشغول الله لايشغلنا الا بطاعته

اجل يشتتون الدوووبين

إقتباس


	تهدد الشغاله تقولها .. :: شوفي نفر هاذا كلوه كتل سوا أنتي بس جوف انتي سوي رقص ما فيه موت فيه معلوم

هههههههههههههههههههههههههههههههه الله يرجكم

إقتباس


	و تشتب تسبده الشغاله .. وأمسكها وأقولها :: شوفي سيتي ما في كول لماما .. أنا و انتي صديق .

خدامات من تالي جن بسم الله
اجل خدامتنا اول ماشتوفني هالصبحيه وتشوف امي تقول الهنووف مافي نوم الا الساعه

إقتباس


	هاذا الموضوع نزلته عشان خاطر ((ليز وهنوف ورعبوبه ) ) فرغوا طاقاتكم

هااااااااااه وشوو

لاتوهقيني وش افرغ طاقتي تبين اتوقف

والله ودي بس

الظروووف اكبر مني ومنتس
اذا راحو الاعضاء للاستراحه

جيناا

لقد تم رفع صورتك بنجاح

بخصوص انقطاع الدي اس ال

انا بيجين الضغط منــة

شفتي الصورة الي فوووق اليوم جتني الف مليوون مرة وكل مره يرتفع الضغط الله يستررر

تشكرات ريري هكتوور

الهنوووف

كانت
هنا

ورحلت

LBa your heart · #10 05/09/2007, 08:50 AM

ياحركات يالهنوووف اجل سبيد تش

ريري زين يقطع النت على الاقل نرتاح منك ..هذا اذا كنتي انتي اللي في بالي

abo_nasser · #11 05/09/2007, 08:57 AM

إقتباس

الرسالة الأصلية كتبت بواسطة اليزابيث هيرلي


	أبو ناصر ... و لا يهمك .. افااااا عليك ... نقلبه على اللي فبالك ...

<<<<انبسط

استنيت زيزي فرناديز

بتقول مثل كلامك بحكم الموضوع لها

لكن ما شكلها تبي ...وثانيا شكل عادل معنا

سلااااااااااااااااااااااااام

الهلالي دائماً · #12 05/09/2007, 09:21 AM

اجل الصفحة الاخير ه ههههههههههههههههـ

الله يرج ابليسك اللي اعتقد انه مهايطي

واحسن الله عزاءكم في اول نت

والحمد لله على السلامه وترا كل قطعت نت فيها خيره

مشكوره ريري على الموضوع وسليملي على ليزا

ويبقى الليز ما بقيت ليزا هههههههههههههههههههههـ

دمتم بخير ,,,

الخطوة ملكية · #13 05/09/2007, 10:20 AM

::: هلا والله بريري ... :::

::: تبين الصراحه قريته كامل ... لكن نصه ما فهمته ... لهجتكم يا وخيتي مرررررررررررة صعبه :::

::: بس تعرفين يعطيج العافية :::

كاريزمـا · #14 05/09/2007, 10:28 AM

صباح الخير

بريماااكس

عجبك العنوان وشدك >> ماحطيته عبث

الله يأخذ الاتصالات سروق مروق >> مقهوره منهم

مو معقوله اللي يسونه

عوافي بريماكس >> شمعنى النك قاعده افكر

نوم العوافي،،،،،

الـمـشـاغـب · #15 05/09/2007, 10:32 AM

الحمد لله والشكر بس .. اللهم أدم نعمة العقل ياااااااااا رب العالمين

يرحم أمك أنتي وياها ... متى افترقتوا عشان تشتاق لك أنتي وخشتك؟!!!!!!!!

توأم سيامي ما عمري شفتكم افرقتم أو حتى بعدتم عن بعض؟!!! قالت تشتاق لي قالت... تشتاق لك عقرب ان شاء الله

وياااااااااا رب ياااااااا كريم .. اقطع اتصال أول نت من الوجوووووووود يااا رب العالمين .. عشان نفتك من العراقيين المتقصمنجيين

ما أردى من ليز اللي طالة فزعتك إلا أنتي ..!! ما تستحون باللي سويتوه بالخدامة؟ ليت كلي هلالي القوي ينقلب خدامة يوم واحد عشان يصفقكن ويعلمكن الأدب

<<< أما عاد كلي هلالي خدامة .. أتخيل شكله وأضحك هو والحجاب حقه هههههههههه

المهم .. الله لا يفرقكن .. ويديم المحبة بينكن يا ملكعات يا متخلفات .. من جد وشهادة لله .. أشوفكن طيبات قلب وتستاهلن كل خير يالسحليتين الغبيتين

تقبلي مروري بأجمل خواطر وأحاسيس ماجد مقبل