تبون تعرفون مين الي اخترع المدرسه ادخلوا شوفوا - نادي الهلال السعودي - شبكة الزعيم

هلالية بنت هلالي,, · #1 04/09/2007, 03:35 PM

اولا اعزيكم بقدوم المدرسة

ـــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــ

كيف اختـــــــــــرعت المدرسة ؟!!

الله يسلمكم سنه من السنوات جت حرمه هندية للسعوديه وشافت مافيه مدارس عاد انفضت اختراعها لنا كن احد اشتكالها*كان اخترعت لنا جيهاز اذا رقينا السطح نقدر نشوف نادي الهلال *(ماادري مين قالها تغير مدرسه اول بس قرآن وزائد وناقص وقراءه وبعد سادس ابتدائي تصيرون مدرسين

لكن يبغالها تكفيخ !!؟؟؟؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا وياليت اذا رحنا للمدرسة يفتحون نفسنا بديكورات كشخه مب طاولات من عصر الفراعنه ماتقبلون تحطون يدكم عليها لا بعد من صباح الله خير طوابير وخريطة هل تعلم ؟! انا ماادري كان اذا رحنا الجامعه هم فيه هل تعلم ؟بصراحه هل تعلم كنت بحسبها بتخلص ماادريت انها ورانا والزمن طويل؟؟!
ثمن تجي الابله الي علينا اول حصة وتأشر بيدها يعني امشوا ومن هذي اللحظه بدأ الهم

وتونا واصلين للفصل بنرتاح شوي الا ابلة النحو داخلة علينا هي ولوحتها الا اكبر منها كاتبه كل امثلة الكتاب في اللوحه عاد اذا خلصة تقول فهمتوا تجي (ام مصطفي )استازه المسال التاني مافهمتوش وتبدى تعيد الاسطوانه مرة ثانية وانا ودي اجيب الكتاب واصبخه في راس (ام مصطفى)عشان مرة ثانية ماتعيدها *شوفونا احنا ماشاء الله علينا يلي بالمنتدى ماندري وش قاعد\ة يقول تقول الاستاذ\ه هذي نسبتنا اتحدا تحت السبعين مافيه جامعه ليه تعب نفسنا!!

وتجي الحصه الثانية وحنا نفس الحاله ونفسها الحصة الثالثه واخيرا جت الفسحه واحنا في امان الله ني ننزل جونا بنات بزقات يبون يطاقون (احمدوا ربكم على النعمه فيه احد يبي يطاق؟!)
عاد صديقاتي ماصدقوا خبر بدوا بطقاق لين وصلوا لمعط الشوش بعد ماخلصوا من الطقاق رن الجرس المرعب كنه جرس انذار مب جرس حصة او منيرة (سخيفه مو)عاد تبدأ الحصة الرابعه وتجينا اداريه تشرح لنا النظام الجديد لكن شرح الاداريه بصوب وخلاقين ابله العربي في صوب انا والله ماادري من وين تجيب ملابسها حزام فيه اشياء تددودل مع تنورة السترتش وحلق من اذنها لين كتفها وسلسال مايناسب مع الحلق (اصلا مايصلح تلبس سلسال وحلق)
وبلايز مدري من وين تشتريها ترى مب لحالها خلاقين كلهم خلاقين من اولهم لاخرهم مافيه وحده انيقه تفتح نفسنا

لكن الشكوى لله بس الله يعدي هالسنه ع خير