إلى الأخوان العتربين ممكن مساعدتكم .؟ - نادي الهلال السعودي - شبكة الزعيم

محمد بن عبد المحسن ا · #1 25/08/2007, 05:33 AM

السلام عليكم ورحمة الله وبركاته ,

حبيت اطرح هالموضوع طالب مساعتدكم وانا عارف ان اكثركم مغترب للدراسة بالبعث الحكومية

ولايخفى هالأيام فتح البعث

ودي اقدم بعثة

ونسبتي 89 والمركبة 87.05

ودي بدولة ممتازة وهم بعد توفيق الله انقبل يعني ضمان ؟

ياليت تفيدونا ياأخوان

ولكم مني الشكر الجزيل

AL_ZA3EEM · #2 25/08/2007, 05:52 AM

والله ياخوك انا مثلك ودي ببعثه بس الله ييسرها ويوفقنا

بالنسبه للوقت الحالي افضل دوله في العالم كندا بدون منازع

في المرتبه الثانيه استراليا ونيوزيلاندا

اتمنى اني افدتك

الله يوفقك

....
...
..
.

محمد بن عبد المحسن ا · #3 25/08/2007, 06:03 AM

اخوي انا عارف افضل الدول كندا وامريكا واستراليا لكن القبول فيها صعب

وفي دول كثيرة اهل وربما تكون افضل لكن اللي يخليها سيئة اللغة الرسمية

غريم الزعيم · #4 31/08/2007, 11:02 AM

الله يوفقك وين مارحت يالغالي بس انتبة تجي امريكا انا عايش فيها قبل وبعد احداث سبتمبر والوضع جداً ما يساعد فنصيحة اخوية اذا كنت ناوي تحط براسك امريكا شلها من مخك ورح لكندا هذا في القرار الآخير اذا ناوي على ان تتعرف على الحياة الآمريكاندية! وماليزيا الآفضل من نواحي امنية وجمال البلد ايضاً والحياة بسيطة وممتعة جداً امريكا اخي الغالي تراها مقلب وراح تطفش بسرعة واعرف الكثير من الطلبة اللي غيرو وجهتهم الى دول اخرى .واي معلومات خاصة تواصل معي لعلي افيدك بالكثير رغم دخولي بالصدفة اليوم ودخولي في منتدى الزعيم على فترات متقطعة تصل الى عدة اشهر ولكن اتمنى لك التوفيق والنجاح

Canada's gallant · #5 31/08/2007, 01:23 PM

إقتباس

الرسالة الأصلية كتبت بواسطة AL_ZA3EEM


	بالنسبه للوقت الحالي افضل دوله في العالم كندا بدون منازع

إقتباس

الرسالة الأصلية كتبت بواسطة غريم الزعيم


	الله يوفقك وين مارحت يالغالي بس انتبة تجي امريكا انا عايش فيها قبل وبعد احداث سبتمبر والوضع جداً ما يساعد فنصيحة اخوية اذا كنت ناوي تحط براسك امريكا شلها من مخك ورح لكندا هذا في القرار الآخير اذا ناوي على ان تتعرف على الحياة الآمريكاندية!

كفيتوا و وفيتوا

حي الله الجميع في كندا

ما راح تندم إذا رحت لمدينة كندية كبيرة زي فانكوفر و لا تورنتو و لا مونتريال و لا حتى كالقري

ثلاث مدن كندية دخلت قائمة أفضل مدن في العالم للعيش و الاستقرار و تصدرتهم فانكوفر في المركز الأول عالميا

الله يوفقك

هلالي ما احلاه · #6 06/09/2007, 01:16 PM

أخي محمد بن عبد المحسن

القبول في الجامعات في الغالب غير صعب الا في جامعات معدوده

الصعب هو الحصول على بعثه ،

اما اي البلدان أفضل فهذا تحكمه عدة عوامل منها مستوى الجامعات ، الغلاء ومستوى المعيشه ، المناخ ، مستوى الامن ، الانظمه والقوانين و مدى صرامتها وواقعيتها ، ثم التكيف في البلد فهذا له دور ايضا .

والله يوفق الجميع .

almobde3 · #7 07/09/2007, 05:33 AM

إقتباس

الرسالة الأصلية كتبت بواسطة غريم الزعيم


	الله يوفقك وين مارحت يالغالي بس انتبة تجي امريكا انا عايش فيها قبل وبعد احداث سبتمبر والوضع جداً ما يساعد فنصيحة اخوية اذا كنت ناوي تحط براسك امريكا شلها من مخك ورح لكندا هذا في القرار الآخير اذا ناوي على ان تتعرف على الحياة الآمريكاندية! وماليزيا الآفضل من نواحي امنية وجمال البلد ايضاً والحياة بسيطة وممتعة جداً امريكا اخي الغالي تراها مقلب وراح تطفش بسرعة واعرف الكثير من الطلبة اللي غيرو وجهتهم الى دول اخرى .واي معلومات خاصة تواصل معي لعلي افيدك بالكثير رغم دخولي بالصدفة اليوم ودخولي في منتدى الزعيم على فترات متقطعة تصل الى عدة اشهر ولكن اتمنى لك التوفيق والنجاح

انا مادري ليش كل الكره لامريكا

انا ولله الحمد لي في امريكا مايقارب السنتين الان ... واللهم لك الحمد كل مره احب الديره اكثر من قبل ....
امريكا احس انها الافضل من اكثر من ناحيه اول شئ الاسعار فيها هنا مره متوسطه وراتب الملحقيه يكفي ولله الحمد :: إذا عرفت كيف تصرفها طبعاً
الشئ الثاني المناخ في اغلب المناطق معتدل وخصوصاًَ المناطق الغربيه والجنوبيه مقارب للسعوديه تقريباً او افضل بعد
الشعب مره مرح وبالعكس نقولهم من السعوديه ماعندهم اي مشكله .. بس طبعاً لازم تعرف وين تقولهم

يعني في امريكا إذا مشيت بطريقك انت عدوك بيحتار فيك ... اما إذا تغى تعلمهم انك

بيعلمونك وشلون تصير

بالنسبه لكندا ايضاً ممتازه ولكن مشكلتها البرد والثلوووج كندا بشكل عام مرررره بارده إذا كان يعجبك الجو هذا
بالعكس رووح فيزتهم اسهل بكثير من امريكا وشعبهم تقريباً نفس الامريكيين ... بس مادري عن الاسعار هناك بس اتوقع مقاربه

والله يوفقك إنما ذهبت

هلالي ما احلاه · #8 07/09/2007, 10:47 AM

انا اتفق تماما مع الاخ almobde3

أمريكا هي الافضل ،

صحيح ان بعض الانظمه فيها شوي صعبه لكن بامكانك التغلب عليها بالنظام ،

اذا انت رجل هدفك الدراسه و ماشي عدل صدقني ما راح تواجه اي مشاكل باذن الله .

وبعدين لا تنسى ، شهاده من امريكا غير عن شهاده من ماليزيا او من اي بلد آخر مع احترامي للجميع ، لكن هذا هو الواقع عندنا.

almobde3 · #9 07/09/2007, 11:40 AM

إقتباس

الرسالة الأصلية كتبت بواسطة هلالي ما احلاه


	انا اتفق تماما مع الاخ almobde3 أمريكا هي الافضل ، صحيح ان بعض الانظمه فيها شوي صعبه لكن بامكانك التغلب عليها بالنظام ، اذا انت رجل هدفك الدراسه و ماشي عدل صدقني ما راح تواجه اي مشاكل باذن الله . وبعدين لا تنسى ، شهاده من امريكا غير عن شهاده من ماليزيا او من اي بلد آخر مع احترامي للجميع ، لكن هذا هو الواقع عندنا.

الله عليك

اقول هلالي

خلنا نفتح انا وياك منظمه ديمغراطيه

ونخليها لمحاربه الدول الاخرى

هلالي ما احلاه · #10 08/09/2007, 11:20 AM

هلا و غلا بمشرفنا العزيز almobde3

نفتح منظمه اوكي ،

لمحاربة الدول الاخرى لا

يا رجل ترى بعض الناس ما يصدقون خبر و بعدين يحطوني واياك على البلاك لست

أحساس مغترب · #11 08/09/2007, 01:19 PM

السلام عليكم

أذا تبي النصيحه فلا تقدم على أمرريكا لانها صارت شوي صعبه ما تجي الا بالواسطه والسعوودين بشكل خاص والعرب يشكل عاام زي النمل ما فيه قريه الا وفيها اقل شي اثنين يعني تصعب عليك الدراسه وخاصتا اللغه فبه دول ثانيه يمكن تجي معك فيها بس فيه دول لاتفكر فيها أذا ما معك واسطه زي أمرريكا وكندا ,استراليا.

زعيم متغرب · #12 09/09/2007, 12:17 AM

كل اللي قالوه الاخوان صحيح وبالنسبه للدول ترى تختلف من شخص لشخص
والله العظيم ترى تختلف ... وهي على حسب الشخص اهم شي المكان اللي يرتاح فيه ولو في وسط المحيط
وبالخط الاحمر اقولها وخليها في بالك تماما يا غريب كن أديب
وانت تفرض احترام الناس عليك بأخلاقك

وأتمنالك كل التوفيق من قلبي

AZUZ · #13 09/09/2007, 12:42 AM

اخوي انا طالب في امريكا..

بصراحة انا اعرف ناس من (الربع) في كندا وبريطانيا

كندا :الدراسة فيها صعبة وبالذات اللغه يعني اذا لغتك مررره زفت راح تعاني هناك
لانهم بصراحه تعجيزيين..
واحد من الشباب هناك درس فوق السنه ونص لغه بس.. ولسه مادخل الجامعة..
بس انه طفش من اللغه واللحين جاب قبول (كليه) يعني دبلووم وبعد مايخلصها ان شاء الله
راح يعادلها يعادل ويكمل الجامعه

اما بالنسبة لبريطانيا انا اعرف فيها 2 من الشباب..
والله اني ارحمهم ..لان بريطانيا غاااااالية.. والمكافئه اللي تمشي لهم من الوزارة
ماتكفي.. كل شهر اهلهم يحولون لهم فلوس ..فوق المكافأه..وبرضوا إذا
بتشتري سياره هناك.. التأمين إلزامي وبسعر خيااااالي...
انا قبل سنتين هنا كنت اشتري الببسي بواحد باوند.. يعني 7 ريال للببسي الواحد!!!

اما امريكا..
اقوى الجامعات فيها..
يعني شهادتها اقوى شهاده بلا منازع والكل عارف هالشي
وانا في معهد اسمه ELS ..هذا المعهد 12 مستوى.. كل شهر مستوى...
وفيه هنا جامعات في امريكا تقبلك اذا خلصت المستوى التاسع بس..
بس اكيد الجامعات اللي تقبلك اذا خلصت المستوى 12 افضل..
يعني مافيه بلد في العالم احسن من امريكا وشهادتها..
بس فيها مشكله وحده بس..
هي الفيزا
هاذي مشكله الطلاب.. وهي والله حظوظ.. بعضهم سنتين ..بعضهم 9 شهوور..
والمشكله الكبيره انووو بعض الطلاب الله يهديهم يكونون في فتره اللغة وينزل اجازه
للسعودية..وتكوون فيزته منتهيه..<<<هنا المشكله
لما يروحون يجددون الفيزا في السعوديه.. يسألون هم السفاره ويشوفون الآي توني حقهم
ولما يعرفون انهم لسه طلاب لغه ماخلصوا وهم صار لهم فتره في امريكا..
بعض الاحيان ترفض السفاره التجديد..
يعني الطلاب المساكين يروحون للوزاره ويختارون دوله ثانيه..
هاذي المشكله بس

8
8
8
ملاحظه: هذا الكلام قد كتبته انا من قبل وحبيت انك تقراه

اتمنى اني افدتك..

واتمنى لك التوفيق
اخوك عزوز