اخوي انا طالب في امريكا..

بصراحة انا اعرف ناس من (الربع) في كندا وبريطانيا

كندا :الدراسة فيها صعبة وبالذات اللغه يعني اذا لغتك مررره زفت راح تعاني هناك
لانهم بصراحه تعجيزيين..
واحد من الشباب هناك درس فوق السنه ونص لغه بس.. ولسه مادخل الجامعة..
بس انه طفش من اللغه واللحين جاب قبول (كليه) يعني دبلووم وبعد مايخلصها ان شاء الله
راح يعادلها يعادل ويكمل الجامعه

اما بالنسبة لبريطانيا انا اعرف فيها 2 من الشباب..
والله اني ارحمهم ..لان بريطانيا غاااااالية.. والمكافئه اللي تمشي لهم من الوزارة
ماتكفي.. كل شهر اهلهم يحولون لهم فلوس ..فوق المكافأه..وبرضوا إذا
بتشتري سياره هناك.. التأمين إلزامي وبسعر خيااااالي...
انا قبل سنتين هنا كنت اشتري الببسي بواحد باوند.. يعني 7 ريال للببسي الواحد!!!

اما امريكا..
اقوى الجامعات فيها..
يعني شهادتها اقوى شهاده بلا منازع والكل عارف هالشي
وانا في معهد اسمه ELS ..هذا المعهد 12 مستوى.. كل شهر مستوى...
وفيه هنا جامعات في امريكا تقبلك اذا خلصت المستوى التاسع بس..
بس اكيد الجامعات اللي تقبلك اذا خلصت المستوى 12 افضل..
يعني مافيه بلد في العالم احسن من امريكا وشهادتها..
بس فيها مشكله وحده بس..
هي الفيزا
هاذي مشكله الطلاب.. وهي والله حظوظ.. بعضهم سنتين ..بعضهم 9 شهوور..
والمشكله الكبيره انووو بعض الطلاب الله يهديهم يكونون في فتره اللغة وينزل اجازه
للسعودية..وتكوون فيزته منتهيه..<<<هنا المشكله
لما يروحون يجددون الفيزا في السعوديه.. يسألون هم السفاره ويشوفون الآي توني حقهم
ولما يعرفون انهم لسه طلاب لغه ماخلصوا وهم صار لهم فتره في امريكا..
بعض الاحيان ترفض السفاره التجديد..
يعني الطلاب المساكين يروحون للوزاره ويختارون دوله ثانيه..
هاذي المشكله بس



8
8
8
ملاحظه: هذا الكلام قد كتبته انا من قبل وحبيت انك تقراه


اتمنى اني افدتك..

واتمنى لك التوفيق
اخوك عزوز