السلام عليكم ورحمه الله وبركاته (^*^)

بصراحة يازعماء من بداية الموسم أنا ملاحظ إن هالشمري اللي اسمه نواف بن بندر التمياط ماهوب مضبوط وناوي شر :eek: !!!!! طبعا شر على خصوم الهلال :d بس قلت ياولد لاتظلمه وخل نشوف وش عنده :evil: طلع الرجال مصمم وحالفن ستين يمين إنه يرجع نواف موديل 2000 بس مطور وفل كامل وسبيشل ايديشن <=== ياشين الشريطية لابغوا يكتبون مقال:d

المهم ومالكم بالطويلة ^^ ولد شمر ذا كان مضيق صدري بالحيل ^^ له تقريبا سنتين أو سبع سنين :d وهو يدور على مستواه الضايع وكل ماجا يلقاه هج :upset: بسبب الإصابة :cry: بس الذهبي رجل مؤمن بقضاء الله ولا اصابه قنوط بالله رغم إن بعض الجماهير هداهم الله عجلين شوي ويبون الواحد 24 ساعة في 365 يوم في مستواه :upset:

الزبدة ياشباب ^^ مثل ماقلت لكم نواف 2000 بدت ملامحه من مباريات معسكر تونس واتضحت أكثر في مباراة الوطني واتضحت أكثر في الخليجية :thumbup: وآخرها هدف أمس :thumbup: بالله ماذكركم بهدف الذهبي اللي شبك أبو أم اللي جابوها في باب الكويت في بيروت s13s لدرجة إن فيه صبايا لبنانيات كانن حاضرات ذيك المباراة ورفعوا قضية يطالبون نواف بتعويض بسبب الروعة :d

بس صدقوني اللي يبيه ولد بندر من جمهور الهلال ^^ شوية تحفيز وشوية تشجيع أضيفوا عليها شوية ثقة ونص فنجال صبر واخلطوهن بالخلاط وبالهناء والعافية واستمتعوا بأحلى نواف في الدنيا نواف 2007 فل كامل :d<== اله يستر لاينقلون الموضوع لمنتدى السيارات لابوك لابو اللي خلاك تكتب يالشريطي :d


(( سرقليات برقليات ))

&& اللهم ياربي المعبود ^^ اكف الهلال شر خنبقة العقود :)

&& يقول المثل : اليد اللي ماتقواها صافحها :) وفيه مثل موديل 2007 يقول : نجم ماتقواه البس فنيلته :wink:

&& حسن العتيبي إبداع البارحة وكل مباريات الخليجية :thumbup: ياخي كان من زمان لبست شورت :d

&& شكل مدربنا قبل كل مباراة يجيب وردة ويبدأ يقطع بأوراقها ويقول : مفرج .. مرشدي .. مفرج .. مرشدي .. مفرج :d والمشكلة غنها غالبا تطلع آخر ورقة للمفرج :upset:

&& كل سنة إدارة الناشئين والشباب توقع مع ثلاثين لاعب ناشئ وشاب :eek: وتعال ياحبيش ورح يادعيرم وتعال يادعيرم ورح ياحبيش وخذ ياتصوير مع اللاعبين :pleased: المشكلة ماشفنا أحد فلح معهم :upset:

&& بعض الجماهير يرفع الضغط بصراحة باعتراضه على تنسيق الجمعان :upset: لاعب له ست سنين وهو يسوي ريجيم ويزيد ولا ينقص ويالله يشيل عمره ولا جا يشوت لازم ياخذ عزم ويحتاج مساحة كأنه تريلة تبي تسوي يوتيرن :d <== وش قصته مع السيارات :d والهلال شبابه الحين مالقوا فرصة وشلون هو :sick: خلاص الله يوفقه ويمكن ينجح مع نادي ثاني بس مع الهلال أثبتت التجارب المليون إنه مافيش فايدة وبدل ماننشغل بالتحسر على لاعب منتهي مع كامل احترامي له المفروض ننشغل مع لاعبينا الشباب ونشجعهم s13s

&& وفقت إدارة الهلال بالتعاقد مع أفضل أجنبي في ملاعب الشرق الأوسط من ناحية تنقيزه على دكة الاحتياط مع كل هدف :d أما برونو هذا كاكا الدخل المحدود تحفة :d حتى في ظل غياب الشلهوب مهوب مقنع المدرب ومجمده آخر مباراتين :sick: أجل إذا رجع الشلهوب وشلون بيلعب برونو :upset: أنصح إدارة الهلال الاستفادة من كاكا الدخل مع حقوي في المدرجات لأن اللاعب شكله متحمس ومحترف تشجيع ومناقز :d

&& والله لو سامي معتزل وهو مشبك هاتريك ببابنا مايهتز تاريخه الناصع قيد أنملة <=== شكلي بعتزل الكتابة بعد قيد أنملة وأحافظ على تاريخي مدري وشلون جت :d

&& في حفل اعتزال الذيب لازم يتم دعوة ماجد عبدالله وأحمد جميل وحمزة إدريس علشان يعرفون الفرق بين الرجال اللي يوعدون ويوفون وبين المهايطية :d الفرق بين عيال مساعد ورجال الهلال وبين برميل المندي :d

&& الهلال محتاج لمهاجم مع ياسر ياجماعة مع احترامي للصويلح والكلثم بس شفنا وشلون الهلال بدون ياسر يسجل بعملية قيصرية :upset: طيب هل ياسر مضمون في كل المباريات المصيرية والحاسمة :) ؟!

&& لو كنت مكان العنقري كان اعتزلت بعد رفعة الهدف أمس مدري وشلون طلعت :) مع احترامي له لاعب خلوق ومجتهد بس إمكانياته أقل من طموح ومستوى الهلال :)