#1  
قديم 03/09/2007, 01:10 PM
زعيــم جديــد
تاريخ التسجيل: 02/03/2001
المكان: في غرفتي مقابل غرفة أخوي
مشاركات: 32
الــــتـــــمــــيـــــ2007ـــــاط ^^ فل كامل ^^ الأوصاف


السلام عليكم ورحمه الله وبركاته (^*^)

بصراحة يازعماء من بداية الموسم أنا ملاحظ إن هالشمري اللي اسمه نواف بن بندر التمياط ماهوب مضبوط وناوي شر !!!!! طبعا شر على خصوم الهلال بس قلت ياولد لاتظلمه وخل نشوف وش عنده طلع الرجال مصمم وحالفن ستين يمين إنه يرجع نواف موديل 2000 بس مطور وفل كامل وسبيشل ايديشن <=== ياشين الشريطية لابغوا يكتبون مقال

المهم ومالكم بالطويلة ^^ ولد شمر ذا كان مضيق صدري بالحيل ^^ له تقريبا سنتين أو سبع سنين وهو يدور على مستواه الضايع وكل ماجا يلقاه هج بسبب الإصابة بس الذهبي رجل مؤمن بقضاء الله ولا اصابه قنوط بالله رغم إن بعض الجماهير هداهم الله عجلين شوي ويبون الواحد 24 ساعة في 365 يوم في مستواه

الزبدة ياشباب ^^ مثل ماقلت لكم نواف 2000 بدت ملامحه من مباريات معسكر تونس واتضحت أكثر في مباراة الوطني واتضحت أكثر في الخليجية وآخرها هدف أمس بالله ماذكركم بهدف الذهبي اللي شبك أبو أم اللي جابوها في باب الكويت في بيروت لدرجة إن فيه صبايا لبنانيات كانن حاضرات ذيك المباراة ورفعوا قضية يطالبون نواف بتعويض بسبب الروعة

بس صدقوني اللي يبيه ولد بندر من جمهور الهلال ^^ شوية تحفيز وشوية تشجيع أضيفوا عليها شوية ثقة ونص فنجال صبر واخلطوهن بالخلاط وبالهناء والعافية واستمتعوا بأحلى نواف في الدنيا نواف 2007 فل كامل <== اله يستر لاينقلون الموضوع لمنتدى السيارات لابوك لابو اللي خلاك تكتب يالشريطي


(( سرقليات برقليات ))

&& اللهم ياربي المعبود ^^ اكف الهلال شر خنبقة العقود

&& يقول المثل : اليد اللي ماتقواها صافحها وفيه مثل موديل 2007 يقول : نجم ماتقواه البس فنيلته

&& حسن العتيبي إبداع البارحة وكل مباريات الخليجية ياخي كان من زمان لبست شورت

&& شكل مدربنا قبل كل مباراة يجيب وردة ويبدأ يقطع بأوراقها ويقول : مفرج .. مرشدي .. مفرج .. مرشدي .. مفرج والمشكلة غنها غالبا تطلع آخر ورقة للمفرج

&& كل سنة إدارة الناشئين والشباب توقع مع ثلاثين لاعب ناشئ وشاب وتعال ياحبيش ورح يادعيرم وتعال يادعيرم ورح ياحبيش وخذ ياتصوير مع اللاعبين المشكلة ماشفنا أحد فلح معهم

&& بعض الجماهير يرفع الضغط بصراحة باعتراضه على تنسيق الجمعان لاعب له ست سنين وهو يسوي ريجيم ويزيد ولا ينقص ويالله يشيل عمره ولا جا يشوت لازم ياخذ عزم ويحتاج مساحة كأنه تريلة تبي تسوي يوتيرن <== وش قصته مع السيارات والهلال شبابه الحين مالقوا فرصة وشلون هو خلاص الله يوفقه ويمكن ينجح مع نادي ثاني بس مع الهلال أثبتت التجارب المليون إنه مافيش فايدة وبدل ماننشغل بالتحسر على لاعب منتهي مع كامل احترامي له المفروض ننشغل مع لاعبينا الشباب ونشجعهم

&& وفقت إدارة الهلال بالتعاقد مع أفضل أجنبي في ملاعب الشرق الأوسط من ناحية تنقيزه على دكة الاحتياط مع كل هدف أما برونو هذا كاكا الدخل المحدود تحفة حتى في ظل غياب الشلهوب مهوب مقنع المدرب ومجمده آخر مباراتين أجل إذا رجع الشلهوب وشلون بيلعب برونو أنصح إدارة الهلال الاستفادة من كاكا الدخل مع حقوي في المدرجات لأن اللاعب شكله متحمس ومحترف تشجيع ومناقز

&& والله لو سامي معتزل وهو مشبك هاتريك ببابنا مايهتز تاريخه الناصع قيد أنملة <=== شكلي بعتزل الكتابة بعد قيد أنملة وأحافظ على تاريخي مدري وشلون جت

&& في حفل اعتزال الذيب لازم يتم دعوة ماجد عبدالله وأحمد جميل وحمزة إدريس علشان يعرفون الفرق بين الرجال اللي يوعدون ويوفون وبين المهايطية الفرق بين عيال مساعد ورجال الهلال وبين برميل المندي

&& الهلال محتاج لمهاجم مع ياسر ياجماعة مع احترامي للصويلح والكلثم بس شفنا وشلون الهلال بدون ياسر يسجل بعملية قيصرية طيب هل ياسر مضمون في كل المباريات المصيرية والحاسمة ؟!

&& لو كنت مكان العنقري كان اعتزلت بعد رفعة الهدف أمس مدري وشلون طلعت مع احترامي له لاعب خلوق ومجتهد بس إمكانياته أقل من طموح ومستوى الهلال
اضافة رد مع اقتباس
  #2  
قديم 03/09/2007, 01:26 PM
الصورة الرمزية الخاصة بـ ♥ N E V E S ♥
زعيــم مميــز
تاريخ التسجيل: 17/05/2007
المكان: PIN:28E6FBA7
مشاركات: 25,539
كلام جميييييييل جدا....
والله يعطيك العافيه...
اضافة رد مع اقتباس
  #3  
قديم 03/09/2007, 01:34 PM
الصورة الرمزية الخاصة بـ الهلال السهم القيادي
زعيــم مميــز
تاريخ التسجيل: 28/05/2007
المكان: لاشجــر،، لانهــر،،لابحــر،،(آهـ ما ارق الرياض)
مشاركات: 3,119
والله كـــــــلامك سليـــــــم أخوي ،،،

و حنا في انتظار أبو بندر ،،،

يعطيك العافيه اخوي وشـــكراً لك
اضافة رد مع اقتباس
  #4  
قديم 03/09/2007, 01:34 PM
زعيــم مميــز
تاريخ التسجيل: 30/03/2005
المكان: الريـــــــــــــــــاض
مشاركات: 2,259
إن شاء الله نواف2000 راجع هالموسم
ويعطيك العافيه على الموضوع الجميل
اضافة رد مع اقتباس
  #5  
قديم 03/09/2007, 01:41 PM
زعيــم مميــز
تاريخ التسجيل: 01/05/2006
المكان: الهوى ** شرقــآآآوي **
مشاركات: 13,283
آآهـ يا نـواااف ما أروعـــك


مشكور أخوي عالموضوع الرائـع والجميــل

وانا واقلـه مـن اعضـاء الزعيــم صااابريـن على نــواف السنـه اللي راحت

وهذي السنـه اسكـت اللي سبـع وشتمـه بأدائه الرائـع
اضافة رد مع اقتباس
  #6  
قديم 03/09/2007, 01:46 PM
زعيــم متألــق
تاريخ التسجيل: 03/08/2007
المكان: النسيـــــــــــم
مشاركات: 1,200
هههههههههه
مشكوررررررررررررر
اضافة رد مع اقتباس
  #7  
قديم 03/09/2007, 02:01 PM
زعيــم جديــد
تاريخ التسجيل: 02/03/2001
المكان: في غرفتي مقابل غرفة أخوي
مشاركات: 32
عيون ياسر 20 : تسلم لي ياغالي
اضافة رد مع اقتباس
  #8  
قديم 03/09/2007, 02:11 PM
زعيــم جديــد
تاريخ التسجيل: 02/03/2001
المكان: في غرفتي مقابل غرفة أخوي
مشاركات: 32
الهلال السهم القيادي : هلا حبيبي وإن شاء الله الهلال هالسنة يكسر الهاي ويعطينا خمسطعش نسبة فوق

زين الدين تمياط : إن شاء الله يابطل
اضافة رد مع اقتباس
  #9  
قديم 03/09/2007, 03:14 PM
زعيــم فعــال
تاريخ التسجيل: 02/08/2007
المكان: sydney
مشاركات: 312
ماشاء الله موضوعكـــ فله ...

كلام قوي + إسلوب رائع ...

ماشاء الله ....

السرقلي برقلي .... لا تحرمنا من ابداعاتكـــ ..

ودمت بود .
اضافة رد مع اقتباس
  #10  
قديم 03/09/2007, 03:20 PM
زعيــم مميــز
تاريخ التسجيل: 08/11/2005
المكان: شايفني اتهادي ؟؟
مشاركات: 3,835
مشكوووووووووووور
اضافة رد مع اقتباس
  #11  
قديم 03/09/2007, 03:27 PM
زعيــم مميــز
تاريخ التسجيل: 15/10/2005
المكان: الرياض
مشاركات: 2,565
موضوعك ممتاز عزيزي ،

وخذني معاك في جميع الآراء اللي طرحتها باستثناء برونو ،

لأننا ما نبي نستعجل عليه

وأي واحد يحسب الهلال جايبينه عشان يقود الفريق للمنصات فهو غلطان

بالإدارة صرحت أكثر من مرة أن رونو جايبينه يتاجرون فيه ، يعني يحترون سعره يرتفع ويبيعونه لأي فريق

يعني شرعا لازم نزكي عنه بصفته : من عروض التجارة

ولاعبين الهلال فيهم الخير والبركة

أيضا بالنسبة لمهاجم إضافي على ياسر ، ياخي عندنا "العنبر + الخراشي + الصويلح" اما تنسقونهم ولا تجربونهم ، أما تبونا نجيب مهاجم ثاني ، لا لا هذا يسمى تبذير

وأشكرك عزيزي على الموضوع ...

سلام
اضافة رد مع اقتباس
  #12  
قديم 03/09/2007, 03:54 PM
زعيــم نشيــط
تاريخ التسجيل: 24/02/2007
مشاركات: 699
كفو ياولد بندر
اضافة رد مع اقتباس
  #13  
قديم 03/09/2007, 04:30 PM
زعيــم متواصــل
تاريخ التسجيل: 08/12/2006
مشاركات: 112
آآآآآآآآآآآآآآآآآآآآآآآآآآآآآآآه يانواف ..

صراحة اللي طالب بتنسيقه ...
إما بزر ... أو مرفوع عنه القلم .. خخخخ

يا ناس نواف أفضل لاعب وسط في السعودية ..
يطالبون بتنسيقه !!!!!!!!


نواف بفكره حاليا ... ولو أنه لم ولن يصل نواف 2000 ..
لكنه أفضل لاعب وسط في السعودية وبدون مجاملة ..
اضافة رد مع اقتباس
  #14  
قديم 03/09/2007, 07:11 PM
زعيــم جديــد
تاريخ التسجيل: 02/03/2001
المكان: في غرفتي مقابل غرفة أخوي
مشاركات: 32
أخوي غامد والقلب جامد : هلا بأهل غامد ^^ بس مايحتاج أسكت أو ما أسكت لأن اللي انتقدوه أكيد من حبهم للهلال بس كانوا مستعجلين وإن شاء الله يسكت خصوم الهلال
اضافة رد مع اقتباس
  #15  
قديم 03/09/2007, 07:53 PM
زعيــم جديــد
تاريخ التسجيل: 02/03/2001
المكان: في غرفتي مقابل غرفة أخوي
مشاركات: 32
أبو سليمان العبادي : ياجعل هالضحكة على الدوم ببطولات هلالية .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:28 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube