▓█ إحلف بالنبـــــــــي ولا تحلف بالله ▓█ - نادي الهلال السعودي - شبكة الزعيم

Hictar · #1 02/09/2007, 11:39 PM

السلام عليكم ورحمه الله وبركاته
صباح الخير / مساء الخير
على حسب القارئ الكريم

قبل ما أبدأ بموضوعي عن الحلف ، حبيت أنوه على موضوعي السـابق ( العجوز الشمطاء تتحدث ) ، وبعضكم إستغرب ليه ما رديت على الردود.
السبب أن الموضوع طلع من يدي

لأن أغلبية الردود كانت تتهجم على الكاتبة وما كان قصدي التهجم على الكاتبة ، والأعضاء تركوا الفكرة اللي حبيت أوصلها اللي هي ( إن جميع المحاربين للدين لا يردون على أيه أسئله بغير مجال تخصصهم كالطب مثلا ، أما بالدين فتجدهم يفتون بدون علم ).
_________________________________________________
أرجع لموضوعي الأساسي ، وهي قصتي مع حلاق

:

قبل ثلاث سنوات كنت أعمل بوظيفة تتطلب مني التنقل ما بين الرياض وجدة ، ولما أكون بجدة تنقلب حياتي فوق تحت ( حياة عزوبي

).
وكان الداوم شفتات 24 ساعة على 24 ساعه ، والوقت الوحيد اللي الموظف يستغل فيه وقته بالتلاعب والخروج من الدوام وفي رواية ( الفختة ) هو وقت المساء من 3 العصر إلى 11 بالليل ، وطبعا كل الموظفين بوقت العصر يستغلون عدم وجود مدراء الأقسام بالخروج من الدوام للغداء أو التسدح بالسكن إلى أن يجي وقت المغرب ( طبعا أنا سعودي مع السعوديين ولازم أستغل الأوقات هذي

).
بعد الإفتتاحية لحياة العزوبية الفاشلة أدخل بالموضوع :
بيوم من الأيام ، كنت مداوم فتره المساء ، وطلعت مع زميلي بالدوام علشان نتغدى في مطعم البيك ، وقلت له نزلني قبل المطعم علشان بحلق وبجيك مشي.
دخلت سوق بحي الخالدية قريب لمطعم البيك ومالقيت إلا حلاق واحد ، ولما فتحت الباب شفت اللي قدامي شخص كبير ، ضخم الجثة ، عريض المنكبين ( عليه يد لو صفق كافر أسلم

).
بعد ماسلمت رد علي الحلاق السلام وعرفت إنه من أحد الجنسيات العربية المعروفة بكثرة الكلام

.
* نبذة مختصرة عن الجنسية العربية هذي : يعرفون جميع العلوم بالحياة ( جيلوجيا ، علوم الذرة ، فيزياء ، كيمياء ، تاريخ ........ إلخ ) إنت إسأله بس وبتتورط حتى لو كان سباك يجاوبك

.
أنا وقفت عند الباب لفتره خمسة ثواني متردد أدخل أو لا ( المشكلة أنا مجبور إني أحلق عنده ما معي سيارة والوقت ما يسمح إني أتشرط

).
دخلت وقلت بنفسي ما راح أفتح له المجال للكلام ، بعد ما بدأ يحلق ، وهو ساكت وأنا ساكت ، والصمت يعم المحل.
قبل ما يخلص أنا ما أدري وش اللي لقفني وخلاني أقطع الوعد اللي أخذته على نفسي ، وسألته عن قيمة إيجار المحل

.
كأني شغلت راديو ، بس الفرق بين الجنسية هذي والراديو ، إن الراديو تقدر تطفيه

.
جلس يتكلم عن نفسه ، وعن مهاراته بالحلاقة ، وإن رجال الأعمال اللي بجدة يرسلون له سيارة شخصيا علشان تآخذه

.
أنا طبعا كبر رآسي من الكلام اللي أسمعه ( وطبعا كل ما كبر راسي ، زادت قيمة الحلاقة ، يعني بيطلع حسابي على حلاقة الراس 75 ريال

).
هو يتكلم وأنا ألوم بنفسي ( ليه سألته ، ليه تكلمت

) ، لحد ما سمعته يقول ( والنبي

) ، أنا إلتفت عليه وسألته بإستغراب.
قلت له : أنا ملاحظ عليكم ما تحلفون إلا بالرسول عليه الصلاه والسلام ، إنت ما تدري إن الحلف بغير الله حرام.
رد علي وقال : الله سبحانه وتعالى يقول ( ولا تجعلوا الله عرضه لأيمانكم )

.
أنا عصبت وتنرفزت وإشرئبت نفسي ( ما أدري ترا وش معنى إشرئبت نفسي بس تجي كنايةعن العصبية

).
قلت له وأنا معصب : والله سبحانه وتعالى يقول ( ولا تشركوا ).
هو سكت وأنا سكت وعم الصمت من جديد لحد ما طلعت من المحل .

ما يستفاد من القصة:
1- حاول إنك ما تسأل أيه سؤال لإخوانا العرب اللي أقصدهم وخلص شغلك معه بصمت علشان ما تبلش

.
2- لا تضغط نفسك وتخلص ألف شغله بوقت واحد علشان ما تتورط

.
3- إذا إشرئبت نفسك ( إذكر الله )

.

هلاليه@ميلانيه · #2 02/09/2007, 11:44 PM

ياهلآ واللهـ بمواصل مادري ليش إذا شفت اسمكـ

أو موضوع من مواضيعكـ أتذكرت هالسمايل >>>

إقتباس


	السلام عليكم ورحمه الله وبركاته صباح الخير / مساء الخير على حسب القارئ الكريم

وعليكم السلآم ورحمة اللهـ وبركاتهـ ,,

لآزم هالتحيهـ بكل مواضيعكـ شكلي بسرقها منكـ

إقتباس


	قبل ما أبدأ بموضوعي عن الحلف ، حبيت أنوه على موضوعي السـابق ( العجوز الشمطاء تتحدث ) ، وبعضكم إستغرب ليه ما رديت على الردود. السبب أن الموضوع طلع من يدي لأن أغلبية الردود كانت تتهجم على الكاتبة وما كان قصدي التهجم على الكاتبة ، والأعضاء تركوا الفكرة اللي حبيت أوصلها اللي هي ( إن جميع المحاربين للدين لا يردون على أيه أسئله بغير مجال تخصصهم كالطب مثلا ، أما بالدين فتجدهم يفتون بدون علم ).

معذووور معذووور

إقتباس


	بعد ماسلمت رد علي الحلاق السلام وعرفت إنه من أحد الجنسيات العربية المعروفة بكثرة الكلام .

ههههههههههههههههههههههههههههههههههههههه

اييييهـ واللهـ أنكـ جبتهااااا كثرة الكلآم والمشكلهـ مايتعبوون

مدرستنا بالمدرسهـ من هالجنسيهـ واحياناً ماتعطينا درس تقلب الحصهـ سوالف

إقتباس


	هو يتكلم وأنا ألوم بنفسي ( ليه سألته ، ليه تكلمت )

هههههههههههههههههههههههههههههههههههه

إقتباس


	- حاول إنك ما تسأل أيه سؤال لإخوانا العرب اللي أقصدهم وخلص شغلك معه بصمت علشان ما تبلش .

صـــادق واللهـ ...

إقتباس


	- لا تضغط نفسك وتخلص ألف شغله بوقت واحد علشان ما تتورط .

سمّ ولآيهمكـ

بس صراحهـ استغفر اللهـ الحلف بالنبي هذا زي مانقول حنا ((والله))

اللهـ يهديهم ولآيبلآنا ....

عوآآآآآآآآفي ياموااااصل ...

ڪـيــف الـζــآل ؟ · #3 02/09/2007, 11:49 PM

وعليكم السلام ورحمة الله وبركاته..!!

هلا فيك أخوي مواصل ..!!

انا اشرئبت نفسي يوم سمعت قصتك ..!!

لكن والله عجبتني ..بقولة ولا تشركوا ..

وإن شاء الله ..ماراح أتكلم مع احد بعد قصك ..<<< أصلا مايقدر يصبر ..

يعطيك العافية ..

Hictar · #4 04/09/2007, 03:32 AM

إقتباس

الرسالة الأصلية كتبت بواسطة the bast


	انا اشرئبت نفسي يوم سمعت قصتك ..!! لكن والله عجبتني ..بقولة ولا تشركوا .. وإن شاء الله ..ماراح أتكلم مع احد بعد قصك ..<<< أصلا مايقدر يصبر .. يعطيك العافية ..

هلا فيك اخوي the bast والحمد لله على السلامه
انت قطعت المنتدى والمنتدى نام من هنا

لا لا تشرئب نفسك ولا شئ

والله يعافيك وشاكر مرورك اخوي

Hictar · #5 04/09/2007, 03:29 AM

إقتباس

الرسالة الأصلية كتبت بواسطة هلاليه@ميلانيه


	ياهلآ واللهـ بمواصل مادري ليش إذا شفت اسمكـ أو موضوع من مواضيعكـ أتذكرت هالسمايل >>> هلا بتس ياليابانيه <----- هذا السمايل خلاص مني وفيني الحين وأسعدني أنك تكونين أول الردود وعليكم السلآم ورحمة اللهـ وبركاتهـ ,, لآزم هالتحيهـ بكل مواضيعكـ شكلي بسرقها منكـ أكيد لازم الواحد يكون مميز بشئ معذووور معذووور وأخصك بالذكر انتي بالإعتذار على فكره اييييهـ واللهـ أنكـ جبتهااااا كثرة الكلآم والمشكلهـ مايتعبوون مدرستنا بالمدرسهـ من هالجنسيهـ واحياناً ماتعطينا درس تقلب الحصهـ سوالف ما يكبر راسك من بربرتها سمّ ولآيهمكـ بس صراحهـ استغفر اللهـ الحلف بالنبي هذا زي مانقول حنا ((والله)) اللهـ يهديهم ولآيبلآنا .... عوآآآآآآآآفي ياموااااصل ...

سم الله عدوينتس
ويهدي الجميع ان شاء الله
وشاكر لك مرورك

هلاليه حتى المووت · #6 02/09/2007, 11:52 PM

وعيكم السلام ورحمة الله وبركاته
صبااااح الور واليااااسمين ..
الله يرجك انت وقصتك
بس ابي اقووولك شي ولاتنساه دايم ترى اتطفل بعض الاحيااان ماهو زييييييين
مشكوووووووووور مواصل
بس اقول شي بس ماتزعل ياليته اضربك بيده ضربه تنسيك امك وابوووك ههههههههههههه <<<<<<< البنت غاويه مشااااكل
يعطيك العافيه ......

Hictar · #7 04/09/2007, 07:15 PM

إقتباس

الرسالة الأصلية كتبت بواسطة هلاليه حتى المووت


	الله يرجك انت وقصتك بس ابي اقووولك شي ولاتنساه دايم ترى اتطفل بعض الاحيااان ماهو زييييييين مشكوووووووووور مواصل بس اقول شي بس ماتزعل ياليته اضربك بيده ضربه تنسيك امك وابوووك ههههههههههههه <<<<<<< البنت غاويه مشااااكل يعطيك العافيه ......

هلا فيك هلاليه حتى الموت

ما تطفلت ، بس كنت أسأل عن الإيجارات بالحي هذا وخصوصا إنه قريب عند طريق الأمير سلطان والتحليه وطريق الملك عبدالعزيز
أما يضربني ، أقولك لو صفق كافر أسلم فما بالك أنا وش بيصير فيني

الله يعافيتس
مشكوره على المرور

Hilali88 · #8 03/09/2007, 12:04 AM

وعليكم السلام ورحمة الله وبركاته

في البداية أنا أستغربت إنك ما رديت على الردود في موضوعك السابق
قلت شكل الردود واجد والأخ كسلان

ـــــــــــــــــــــــــــــــــــــــــــــــ

بالنسبة للمصاريا وهذرتهم أنا حصل معي موقف مع مؤذن المسجد
مرة من المراريت بعد صلاة العصر لقيت المؤذن جالس في الأخير ( ورى الصفوف ) عاد مريت أسلم عليه وهو يعرف أخوي قالي اجلس
وقام يسولف عن المدارس في مصر وعن الجيش
قالي في مصر جيش ابن كلب

وما خلاني أقوم إلا بعد نص ساعة
عاد أنا صرت أتجنب أسلم عليه

مشكور على الموضوع

Hictar · #9 04/09/2007, 07:19 PM

إقتباس

الرسالة الأصلية كتبت بواسطة Hilali88


	وعليكم السلام ورحمة الله وبركاته في البداية أنا أستغربت إنك ما رديت على الردود في موضوعك السابق قلت شكل الردود واجد والأخ كسلان ـــــــــــــــــــــــــــــــــــــــــــــــ بالنسبة للمصاريا وهذرتهم أنا حصل معي موقف مع مؤذن المسجد مرة من المراريت بعد صلاة العصر لقيت المؤذن جالس في الأخير ( ورى الصفوف ) عاد مريت أسلم عليه وهو يعرف أخوي قالي اجلس وقام يسولف عن المدارس في مصر وعن الجيش قالي في مصر جيش ابن كلب وما خلاني أقوم إلا بعد نص ساعة عاد أنا صرت أتجنب أسلم عليه مشكور على الموضوع

هلا فيك أخوي Hilali88 قلت لك مو كسل إني تركت الردود

هههههههههههههههههههههههههههههههههههههههههه
وش دخل سالفه الجيش وانت جاي تسلم عليه ، فتح عليك باااااب أهم شئ يبين لك إنهم أبطال ( صفقني )

أيه جيش إبن كلب ( هم إجباري يدخلون الجيش ) مسوي على كيفهم

شكلك حرمت تسلم عليه

شاكر لك مرورك

بلد الوليد · #10 03/09/2007, 12:04 AM

إقتباس


	نبذة مختصرة عن الجنسية العربية هذي : يعرفون جميع العلوم بالحياة ( جيلوجيا ، علوم الذرة ، فيزياء ، كيمياء ، تاريخ ........ إلخ ) إنت إسأله بس وبتتورط حتى لو كان سباك يجاوبك .

ايه اجل الظاهر مهوب مصري ابد ابد

الظاهر لي انه من جمهورية مصر بس مهوب من مصر

والله شف بالنسبه للحلف بالنبي فالمصري سكتك

ابو ابو ابوه من وين جاب التصريفه هذي

خذها عبره ودرس لا تتكلم مع مصري ترا يدخلك مع اذنه ويطلعك من خشمه

Hictar · #11 04/09/2007, 07:22 PM

إقتباس

الرسالة الأصلية كتبت بواسطة بلد الوليد


	ايه اجل الظاهر مهوب مصري ابد ابد الظاهر لي انه من جمهورية مصر بس مهوب من مصر والله شف بالنسبه للحلف بالنبي فالمصري سكتك ابو ابو ابوه من وين جاب التصريفه هذي خذها عبره ودرس لا تتكلم مع مصري ترا يدخلك مع اذنه ويطلعك من خشمه

هاااااااااااااااااه

لا لا مهوب مصري

<----------- عاش مصرف
أنا قهرني الدليل ، ما أدري من وين جابه مسوي ذيب المصري

وجاب دليل وحطه على كيفه ، وأفتى الأخ سريع سريع ما عنده مشكله

شاكر لك مرورك بلد الوليد

saudi’s heart · #12 03/09/2007, 12:08 AM

وعليكم السلام ورحمه الله وبركاته

الله يهديهم بس
قال الرسول صلى الله عليه وسلم(وهل يكب الناس على وجوههم الا حصائد السنتهم)
بعضهم يتكلم من غير حساب للكلام اللي يقول
وخصوصا بالحلف لان الحلف بغير الخالق عز وجل شرك والعياذ بالله
قال الرسول صلى الله عليه وسلم :"من حلف بغير الله فقد كفر أو أشرك".

جزاك الله خير عالموضوع...

Hictar · #13 04/09/2007, 07:25 PM

إقتباس

الرسالة الأصلية كتبت بواسطة saudi’s heart


	قال الرسول صلى الله عليه وسلم(وهل يكب الناس على وجوههم الا حصائد السنتهم) بعضهم يتكلم من غير حساب للكلام اللي يقول وخصوصا بالحلف لان الحلف بغير الخالق عز وجل شرك والعياذ بالله قال الرسول صلى الله عليه وسلم :"من حلف بغير الله فقد كفر أو أشرك". جزاك الله خير عالموضوع...

جزاك الله خير اختي saudiُ s heart
كفيتي ووفيتي
شاكر لك مرورك الكريم

الـساقي · #14 05/09/2007, 02:10 AM

..

هلا فيكـ أخوي مـواصل ..

..

دائمـاً مواضيعكـ ساخنة .. مع أنها لا تأتي بالمطلوب ..!

مثل ما قلتـ بخصوص القـصة .. بعض الأحيـان تكون الأمـور تقف بوجهكـ

عنـد لقائكـ بالاخوة العرب .. ولا تعرف معتقـداتهمـ وعـاداتهمـ ..!

ولكن ..

نتـعامل مع هذي الأمــور بـ تأني والتفكـير بعـقلانية ..!

وجمـيل ما لخصته من فوائـد .. ونـأخذ من موقفكـ هذا نظرة لنا

عنهمـ .. والتعامل معهمـ ..!

//

الله يعطيكـ العافية ..

ولاعدمنااكـ أخا العرب ..!

//

دمت بخير ,,

سليمان ,,

Hictar · #15 09/09/2007, 12:48 AM

إقتباس

الرسالة الأصلية كتبت بواسطة ღ سيموღ


	.. هلا فيكـ أخوي مـواصل .. .. دائمـاً مواضيعكـ ساخنة .. مع أنها لا تأتي بالمطلوب ..! مثل ما قلتـ بخصوص القـصة .. بعض الأحيـان تكون الأمـور تقف بوجهكـ عنـد لقائكـ بالاخوة العرب .. ولا تعرف معتقـداتهمـ وعـاداتهمـ ..! ولكن .. نتـعامل مع هذي الأمــور بـ تأني والتفكـير بعـقلانية ..! وجمـيل ما لخصته من فوائـد .. ونـأخذ من موقفكـ هذا نظرة لنا عنهمـ .. والتعامل معهمـ ..! // الله يعطيكـ العافية .. ولاعدمنااكـ أخا العرب ..! // دمت بخير ,, سليمان ,,

هلا فيك أخوي سليمان
أدري إنك تتريق ، لكن أنا حبيت أجيب الموضوع بصوره مبسطه علشان يقراه أكثر الأعضاء.
لو كتبته بإسلوب جااااف صدقني ما راح يكون تفاعل.
ربما تلومني بعد العقلانيه مع الحلاق ، لكن إستدلاله بآيه من القرآن الكريم وتفسيرها على هواه ، هو ما أغضبني

أشكرك على مرورك أخوي سليمان