نافذة منبثقة :هناك طرف آخر يحاول اخذ معلومات سرية من جهازك .. راجع اعدادات الامان .. بـ انتظار حلولكم لهـ المشكلة .. - نادي الهلال السعودي - شبكة الزعيم

** yaazeed ** · #1 01/09/2007, 09:25 PM

بسم الله الرحمن الرحيم ..

السلام عليكم ورحمة الله وبركاتة ..

مسائكم الله بـ الخير ..

بـ الامس وانا جالس على جهازي الكمبيوتر طلعت لي نافذة تقول : هناك طرف آخر يحاول اخذ معلومات سرية من جهازك .. راجع اعدادات الامان ..

طلعت لي يمكن حول الـ 5 او 3 مرات ..

انا معرفتي في الانترنت و الكمبيوتر محدودة .. قد نصحني احد الشباب قال اي احد يعطيك روابط في الماسنجر انتبه لا تدخلها .. واحذر ان تستقبل ملفات من ناس ما تعرفهم ..

قلت ابشر .. وحطيت هـ المعلومة بـ راسي .. وصرت حذر جدا في التعامل مع الاشخاص عبر المسن ..

انا نزلت برنامج على جهازي .. و كان يوم واحد بعدين يطفى وتطلع لكـ رسالة تقول : اشتر البرنامج من الموقع الرسمي بواسطة الفيزا الله لا يهيينك ماهنا شي ببلاش الحيين ..!

المهم تذكرت ان عندي بـ المسن شخص من شبكة الزعيم تحت اسمه " تقني مميز " .. قلت اكيد انه بيحل هـ المشكلة ويجيب لي السيريال او الكراك لـ البرنامج ..

رحت كلمته وقال ابشر .. جاب لي رابط دخلته على انه مصدر موثوق واحد اعضاء الشبكة المميزين .. لكن الرابط طلع مخترق ..

ومن هنا بدأت المشاكل ..

الجهاز صار ثقيل .. صارت تطلع لي نافذة : هناك طرف آخر يحاول اخذ معلومات سرية من جهازك .. انواع التعليق في الجهاز ..

الان اختفت النافذة الي تقول : هناك طرف آخر يحاول اخذ معلومات سرية من جهازك ..

حاليا اذا جيت بـ اقراء موضوع او اسوي اي شي في النت تطلع لي رسالة .. " سترسل المعلومات الي ارسلتها عبر اتصال غير مشفر وسيمكن قرائتها بسهولة من قبل الطرف آخر ..

هل انت متاكد انك تريد المتابعة في ارسال هذه المعلومات .. "

صورة لهـ الرسالة ..

انتظرت الي عطاني الرابط عشان استفسر منه بس للاسف ما جاء .. فـ قلت مالي الا اني انزل موضوع ..

للتذكير .. انا ما عندي برنامج حماية الا كاسبر سكاي .. سويت سكان طلع حول الـ 350 الف فيروس ..

يـ ليت احد ينقذني بـ طريقة لـ حل هـ المشكلة .. ويعلمني وش الحل مع الطرف الاخر ..!

.. قال لي واحد من الشباب مالك الا فورمات .. بس ما اعتقد انه ما فيه حل الا الفورمات ..

يالييت الي يجيب برامج يجيب رابط لـ التحميل ورابط لـ الشرح ..

وابشر من يدعي له بعد كل صلاة ان الله يوفقه .. لا تبخلون علي يـ اخوان ..

بـ انتظاركم ..

** yaazeed ** · #2 01/09/2007, 10:09 PM

معقولة ما فيه احد يقدر يفيدني ..!

H i L a L e · #3 01/09/2007, 10:37 PM

للأسف ما عندي خلفية

** yaazeed ** · #4 02/09/2007, 12:41 AM

إقتباس


	للأسف ما عندي خلفية

يكفيني مروركـ يالغالي ..

وبـ انتظار احد يحل لي مشكلة الطرف الاخر الي يبي ياخذ مني المعلومات السرية !!

...

أبوشلاخ الهلالي · #5 02/09/2007, 01:28 AM

الله يوفقك وتنحل مشكلتك أنا عن نفسي ماأعرف ...

هــــــــــلال · #6 02/09/2007, 02:06 AM

قفل الواير لس وجرب

** yaazeed ** · #7 02/09/2007, 02:08 AM

إقتباس


	الله يوفقك وتنحل مشكلتك أنا عن نفسي ماأعرف ...

هلا والله اخوي ..

الله يوفق الجميع ان شاء الله ..

ويكفيني مرورك يـ الغالي ..

...

** yaazeed ** · #8 02/09/2007, 02:20 AM

إقتباس


	قفل الواير لس وجرب

هلا والله ..

يالغالي الواير لس مقفل له شهر او اكثر .. وتقريبا بين كل فترة و فترة اغير كلمة السر .. ونادر جدا ما استعمله ..

والله المشكلة حيرتني ..

تكفون يـ شباب شوفوا لي حل ..!

R7AL · #9 02/09/2007, 03:58 AM

انا مالي خبره ..

لكن ... اذا كنت تبي تريح نفسك ... فرمت الجهاز .. وارتاح ...

وان شاء الله تنحل مشكلتك ....

تحياتي ,’,’,’,

خفوووش · #10 02/09/2007, 04:55 AM

انا عندي لك حل

انك يا طويل العمر تحط كل الي تبيه من جهازك في قرص ال D
وان كانك تعرف تفرمت الجهاز فرمت
واذا ما كنت تعرف رح لـ اقرب هندي وقله يفرمت بس قرص ال دي لا يجيه
واذا استمرت المشكله ما لك الا تفرمت كل الجهاز

وهذا كل الي عندي

** yaazeed ** · #11 02/09/2007, 06:36 AM

إقتباس


	انا مالي خبره .. لكن ... اذا كنت تبي تريح نفسك ... فرمت الجهاز .. وارتاح ... وان شاء الله تنحل مشكلتك ....

الله يجزاك خير يـ الغالي ..

انا والله ما ودي بـ الفرمته .. يمكن في طرق اخرا افضل من الفرمتة ..

ويكفيني مرورك يالغالي ..

فـ مان الله ..

...

ميسيدونا · #12 02/09/2007, 06:51 AM

اخوي

ملفات في الويندوز

windows- sistem32-rndll

عليها اخطاء
فرمت الجهاز افضلك انقل المفضلة لـD وفرمته
واذا كنت بمكة انا عندي وااحد يحللك المشكلة بدوون فرمته !!
بس اذا ما كنت بمكة سو الي قلتلك عليه
..
تحياتي

نــيـــ 5 ـــســــان · #13 02/09/2007, 12:37 PM

أنا ما ودي أشكك بخويك اللي عطاك البرنامج . . لكن ما لك إلا الفرمته بدل الدوشه وجع الراس

** yaazeed ** · #14 02/09/2007, 04:41 PM

إقتباس


	انا عندي لك حل انك يا طويل العمر تحط كل الي تبيه من جهازك في قرص ال D وان كانك تعرف تفرمت الجهاز فرمت واذا ما كنت تعرف رح لـ اقرب هندي وقله يفرمت بس قرص ال دي لا يجيه واذا استمرت المشكله ما لك الا تفرمت كل الجهاز وهذا كل الي عندي

والله يـ الغالي ودي بشي غير الفرمته ..

يعني يمكن يكون موجود ملفات تجسس بـ الجهاز .. ودي ببرنامج يحذف هـ الملفات ..

وما ودي بـ الفرمته واقعد انزل برامج مرة ثانية على الجهاز ..

على العموم الله يعطيم الف عافية يالغالي ...

** yaazeed ** · #15 02/09/2007, 05:31 PM

إقتباس


	ملفات في الويندوز windows- sistem32-rndll عليها اخطاء فرمت الجهاز افضلك انقل المفضلة لـD وفرمته واذا كنت بمكة انا عندي وااحد يحللك المشكلة بدوون فرمته !! بس اذا ما كنت بمكة سو الي قلتلك عليه .. تحياتي

هلا والله اخوي ..

والله انا كنت متوقع مثل كلامك .. وكنت متوقع انها ملفات تجسس .. لان الرابط الي دخلته كان مخترق ..

اصبر بس لين يجي مشرفنا رونالدينهو او احد الاعضار المميزين في الكمبيوتر ..

وان ما جوا فـ الشكوى لله مالي الا الفرمته ..

والله يالغالي انا من اهل الرياض .. ولو تخبر محل بـ الرياض يصلحه يكون افضل ..

وماقصرت يالغالي ..

فـ مان الله ..

...