|
مستوى الصويلح بصراحه وبدون زعل السلام عليكم ورحمة الله وبركاته أولا أبارك لكل الزعماء بهذا الفوز الذي لولم يتحقق لأصبحنا في حالة يرثى لها الموضوع باين من عنوانه ولكن لمن أراد الرد الرجاء الرد بعقلانية والابتعاد عن التجريح مستوى الصويلح في الآونة الأخيرة سيء جدا ولايعتمد عليه في الهجوم لاعب لا ينهي الهجمة بسرعة ويقتل مجهود زملائه بالفلسفة الزايدة مباراة أم صلال أتعبنا ولعب بأعصابنا والله لولا الله ثم مجهود البرنس التايب ودخول القناص لما فزنا تحركات الصويلح بدون كرة ممتازة ولكن بمجرد مايمسك الكرة تجده يراوغ ويتقطع منه الكرة أو يصدم باللاعب اللي قدامه يعني بهذلنا والله ودي أن هذا اللاعب يبدع وينفع الفريق عشان كذا كتبت الموضوع رجاء لايفسر كلامي بأني دخيل وووووو أنا تهمني مصلحة الهلال وكل من يخدم الهلال آآآآآآآآآه ياياسر ماكو غيرك اللي يبرد القلب في هجوم الزعيم تحية خاصة لياسر الكاسر وبوسه على راسك |
مستوى احمد الصويلح اكثر من رائع ... وموضوعك اكثر من رائع وبمحلة كمان ... تشكر اخوي !!! |
.... هذولي النجوم يوم يصيرون .. صح .. ويوم يصيرون ماااش ومشكووور .!!!!!!! والصويلح نجـ 18 ــ م وهو ثعلب السعوديه |
احمد فنان ثعلب اسيا خليفه سامي بس حااااار عجل يعني لو يصير هادي بارد كان احسن من مالك |
اصبرو عليه ,, |
يعطيك العافية أخوي هلالي من فالنسيا وهذا من ذوقك هلالي قوي ......هلالي 24....أشكر لكم مروركم الكريم |
اصبرو عليه والله انه لاعب ممتاز وراح تشوفون بس اصبروا عليه |
يالغالي كل اللاعبين كانو بنفس المستوى احمد مستواه جيد بغياب لاعبين مهمين كالشلهوب وياسر واعتقد احمد قادم وبقوة ويحتاج للدعم فقط وشكرا على الموضوع |
باختصاااار هو تيفيز العرب |
مع احترامي للاعب احمد الصويلح الا انه لا يرقى الي طموح الكيان الهلالي لولم ينسق عبد الله الجمعان لكانت فائدته اكثر من احمد الصويلح ليس تقليلاً في احمد الصويلح ولكن لاعب مجتهد وحسب امكانيته .او الاعب الرائع فهد سرور لاعب متمكن ولكن لا اعلم لماذا لا يعطى الفرصه. اتمنى ان يكون ردي لا يغضب احد . ولاكن هو مجرد رائي لا يقدم ولا ياخر من شيء. تحياتي. |
والله بصرااحه . احمد الصويلح . لو يركد ويخفف من ربشه الي اهو فيها راح يحقق اهداف بس هو الله يهديه ما يلعب بهدؤ يعني مثل الأنفراده الي صلح له التائب وشاتها ع الحارس. يعني لو انه مفكر وراكد شوي عرف وين يحطها شاتها على الطاير كنه يقول روحي وعلى الله . والصويلح يبيله فتره على شان يطلع مستواه . مشكور اخوي على الموضوع الرائع . |
لو يحلق شعره يضبط , مشكلته يحب يسوي في كل كوره اكشن , ما يعرف شيء اسمه خلص كورتك , اتمنى من الصويلح انه يراجع نفسه كثير و الا بينتهي مثل ما انتهى غيره .. (( في السابق و قبل سنتين كان مستوى الصويلح افضل بكثير من مستواه اليوم )) .. شكرا اخوي .. |
اللاعب صغير في السن الحظ كان معاند الصويلح كثير لكن ندعوله بالتوفيق |
لكل من رد....... الله يعطيكم العافية dr.yazan كلامك على العين والراس الصويلح لو بس يركز قبل ما يشوت ويرفع راسه ويترك عنه الالتحامات وهو ماسك الكرة كان صار لاعب هداف الله يعطيكم العافية وننتظر المزيد |
نقد محترم ويستحق الرد عليه بأحترام اتمنى ان لا يزعل منى احد ايضاً........الفرق مابين الصويلح ولاعبين مثل القناص وسامى الجابر وغيرهم هوا النوعية فى الموهبة الصويلح لاعب قوى ومجتهد وتكتيكاً ممتاز بحيث يخلق مساحات واسعة بسرعته للاعبى الوسط ويسهل مهمتهم........وهذا اتى من موهبة مكتسبه من اللعب والاجتهاد ....... وحتماً ستنموا بالخبرة وكثرة فرص اللعب.....ومعدل الفرص الضائعة سيقل والاهداف ستأتى........ ولنأخد لاعبين غير عاديين مثل لسامى تلاقيهم اهدى فى خط ال16 وحاسة التسجيل طبيعية ولا تحتاج قوة معينة او طريقة معينة.....اعطيه الكرة وهوا يسجل......كيف ؟.......لا تسأل .......موهبة طبيعية مع موهبة مكتسبه والخلاصة ........ الصويلح لا يمكن ان يحل محل لاعب مثل سامى ونتوقع منه نفس العطاء.......ولكن الصويلح ممكن تتوقع منه الرقى فى مستواه وتسجيل الاهداف بطريقة منتظمة تتناسب مع كمية مشاركاته وثقته بنفسه فالنعطيه الفرصة ولا نحمله عبء الموهبة التى ولد بها لاعبين مثل سامى.....وياسر الاتى على خطاه موضوع مميز اخى |
احمد يفتقد التركيز امام المرمى و خلق الفرص الكوره يشوتها في المكان الي فيه الحارس لدرجة ان المعلق وصفه ببفون يحسبها شطاره فيه ما درا انها قلت دبره من الصويلح ولا شفنا كيف ياسر جرجره في الارض جرجره0 ضربات الراس الي كان يتميز فيها كلها برا التمركز والتحرك السليم كان سيئ واكبر دليل الهدف الثاني وكيف كان يتحرك فيه بطريقه عقيمه جداً وعلى العكس تمام تحرك ياسر الي اوجد الحلول للبرنس الله يعطيك العافيه اخوي الازيرق الهلالي والله يوفق الصويلح |
كم عمر الصويلح .. 20 سنة .. يعني لعبه الحين ممتاااااااااااااااااااز بالنسبة لسنه وقلة خبرته .. الحر يزكي .. وعطوا الحر فرصة .. بطولة خارجية + الجو زفت .. مستضيفتها ام صلال ليش مدري .. من زين جوهم هالخايس .. لا تحكم عليه الحين .. بدري من عمرك >> فيه غلط !! |
الصويلح مانزل مستواه بس لو يكون اساسي مع الهلال ويتعود والله ان يصير عالمي ماشاء الله عليه عيني عليه بارده وبالتوفيق له وللباقين |
.... هذولي النجوم يوم يصيرون .. صح .. ويوم يصيرون ماااش ومشكووور .!!!!!!! والصويلح نجـ 18 ــ م وهو ثعلب السعوديه |
يبيله ثقه شوي |
السلام عليكم هذي اول مشاركه لي بمنتدى الزعيم اخوي اول مره اشوف احد يتفق معي في الرأي ان الصويلح مهو في مستوى الهلال مع احترامي له والشباب اللي يقولون صغير سن يسمحون لي مهو صغير سن 23 وين صغر السن؟؟ وأي كوره تجيه يدعم المدافع اللي قدامه جسمه قوي اوكى بس مو كل كوره يروح يدعم المدافعين يحسب هذا الاحتكاك واللي يقولون الصويلح احسن من الحوسني يوم كانت الاداره بتتعاقد معاه خلهم يتابعونه ويشوفون كم كوره ضيعها الصويلح في مباره مسقط؟؟ اتمنا من الجميع تقبل الرأي بروح رياضيه يعطيك العافيه اخوي على الموضوع |
يعطيكم العافية على التفاعل القوي واللي يدل على عقلية المشجع الهلالي المنصف برأيه الراقي بتعامله وأدبه هلالي طرابلسي والله أنت كبير وأشكرك على الإطراء وهذا من ذوقك الساحر الأبيض يعطيك العافية وتسلم...الله يكثر من أمثالك |
الصويلح لاعب ممتاز |
إقتباس:
اخوي وش دخل الشعر وعلى فكرة الشعر ليس بحرام ومن السنن تربيته والصويلح لاعب ممتاز ممتاز ولاتنسى اهدافه بالفريق العماني والوطني واتوقع انه نجم باذن الله تعالى قادم |
|
والله مهاجم خطير ماشاء الله عليه |
غريب الدار حياك الله في منتدى الزعيم الكبير أخوي قرقيعان...... الأهداف اللي جابها الصويلح في مباراة مسقط والوطني ؟؟؟؟ اللاعب ضيع أكثر مماسجل وأهدافه هذي لاتشفع له بمستواه هذا والأهداف جات بعد طلعة الروووووح يعني اللاعب مو في مستواه الحقيقي وشاكر لك |
إقتباس:
لانه بصــراحه أحمـد الصويلح مستـواه ضعيف بالمواسم اللي راحت يعني مثل بعض الاعبين اللي يبرز فتره محدوده وبعدين ينـام خلاص هذا هو أحمد الصويلـح. وقالوا لا لازم نعطيه فـرصه والخ.. في كذا مباراه عطـوه موب فرصه عطوه فرص ودخل أساسي والنتيجـه وحده تحياتي لكاتب الموضوع.. |
انا اوافقك الراي ليش لأنه لاعب يضيع الهجمات بشكل كبير والأفضل انه يكون احتياط حتى يتحين الفرص للدخول ويعطي كل مالديه ومن اهم اساسيات المهاجم استغلال الفرص بشكل أكبر لكن اتمنى انه يحاول يركز امام المرمى في المباريات القادمه |
كم مره في مباراة الأمس واجه الصويلح المرمى وتفنن في شي واحد بعد إضاعة الأهداف وهو التمثيل !!!! هذي البطوله فرصه لن تتكرر للصويلح وغيره من زملاء دكة الإحتياط ولكن بالأمس أثبت الصويلح إنه تقليد لياسر .. |
اقول اخوي نظرك هو السئ |
أوافقك الرأي |
مستوى احمد الصويلح اكثر من رائع |
لا تقارنه بياسر الصويلح لاعب يعتمد على القوة والتمركز داخل منطقة الجزاء بنية جسمانية جيدة قدمه حساسة تجاه المرمى ارتقائه جيد المهم انه لاعب يختلف عن غيره وله طريقته في حسم الاهداف انا ارى اننا لسنا بحاجة الى لاعب اجنبي كراس حربة الا اذا كان ذو مواصفات عالمية والا فالصويلح يكفي وباذن الله مع كثرة المباريات سيكتسب خبرة اكثر وسيعالج اخطائه |
الاعب صحيح صغير لكن عيبه مايشغل عقله ولا هو لاعب سريع أرتقاء عالي وجسمه قوي لكن ينقصه التركيز بس أعجبني >> تيفيز العرب << تصدق لايق عليه |
اصبر عليه |
اصبرو عليه ,, |
مستوى احمد الصويلح اكثر من رائع ... |
مستـوى الصويلـح جيـّد |
اصبرو عليه |
الصويلح تابعته يوم كان في منتخب الناشئين وتنبأت له بمستوى كبير في كرة القدم , كان لاعب مهاري وسريع وديناميكي وهداف وبعد ما انتقل للهلال الظاهر ان الشهرة أعمته أصبح يركز على المظهر , زعانف وشوشه وبوت ابيض وذهبي وزيوت على الشعر ومن يومها والصويلح في النازل. اليوم الصويلح الظاهر انه استوعب النجومية وتعدى المراهقة ويحاول يطور مستواه والمدرب يحاول يثبته والفرصة ما تجي مرتين , فيايثبت نفسه ويفرض نفسه بالفريق أو يتحمل صيحات واستهجان الجماهير التي لا ترحم الصويلح مشروع نجم بس ينتبه لنفسه ويقدر موهبته والأهم يطور مهاراته ويتفادى عيوبه هذا هو بالظبط مهمة اللاعب المحترف وترى الفرصة ما تجي مرتين |
مشكوووووووور ويعطيك العافيه ااحمد لاعب من الطراز النادر وموضوعك في محله وبتوفيق لزعيم امام الوحده الاماراتي |
والله احمد مستواه ممتاز ولاعب رائع مشكور ياطيب |
وربي صدقت الصويلح مستواه اقل من عادي واخذ اكبر من حجمه وربي حرام مبدع ومخلص للهجمه مثل بدر الخراشي احتياطي !! ما اقول غير الله يصبرنا ويعوضنا خير ولازم نبعد عن المجاملات مثل ماتحبون الزعيم حنا نحبه ونعشه والصويلح ماهو الرجل المناسب في الهجوم الهلالي |
هذا وقته ؟؟؟؟؟؟؟؟؟؟؟؟ |
.... هذولي النجوم يوم يصيرون .. صح .. ويوم يصيرون ماااش ومشكووور .!!!!!!! والصويلح نجـ 18 ــ م وهو ثعلب السعوديه |
الصويلح نجم قادم بقوه بس يحتاج اكثر مباريات لكسب الخبر |
بالعكس لاعب شويت لاعب سريع لاعب مهاري لاعب ممتاز يبيله التشجيع واعطائه الفرص لكي يثبت جدارته ونتمنا ان نشوفه بكره يسجل هدف بررررررربـ |
أطالب أعضاء المنتدى بشطبك أخي الكريم من واجبنا ان نقف مع الهلال وانت تشتت افكار لعيبتنا |
بالعكس الصويلح مستواه في تطور وتقبل تحياتي |
ياناس صغير اصبروا عليه |
حرام عليك يا اخي حرام |
ياحبيبي الصويلح من الاعبين المظلومين الاي ماعطيه المدرب حقه وعن مستوواه انا اقوول انه متطوور وبالعكس المدرب مقتنع فيه وانا متفااائل في هذا المدرب كوزمين وانشاء الله يشاااركه بجانب ياسر ونصببببر عليه شوووووووي وبالتووفيق لـ الصويلح.... ياارب |
لاعب ذكي ومرزغ بس لو يفك كوره بسرعه مشكور اخوي على الموضوع. |
الصراحه.......لاعب كبير |
حراااااااام عليك .. !!! والله الصويلـح خطيــر .. بس أصبـر عليـهـ شوي .. لاتنسى انهـ هالسنهـ جاب 3 أهداف من البدايـهـ .. الله يوفقهـ .. ! |
اللي انا مستغربه انه يلعب في الفريق الاول من الظاهر اربع سنوات او 3 سنوات ومااش ما احس انه موجود الا في قليل من المباريات اللي يبدع فيهاا ومن اكبر عيوبه انه يستعجل في أي كوره ومايركد ..!! للاسف ونشوف في قادم المباريات ... |
s13sفقع قلبي.........يعني يااسر ونحط جنبه الصويلح.....ياسر حط جنبه لاعب ذكي مره ولا لحط يلخبطه بلحاله افضل يعني نقد نقول ان الصويلح مستواه مايأهله انه يكون مهاجم الهلال وبس :evil: |
للحين هذا اسلبوكم جيبولنا وشيفشينكو واذا ماعبجكم جبيو اوين ولا انزاجي ورونالدو وان كانهم شياب جيبوا ميسي وروبينهو دامه يخدم الهلال وابن النداي يسوى عندي كل ذولا واكثر الصويلح يحتاج شوية ثقه بس لااكثر ولا اقل ولا الصويلح مهاجم ممتاز ومن طراز نادر بس لاتحاربونهم يكفي ان المدرب مقتنع فيه انتم بكلامكم هذا تدمرون الاعبين ولا تستفيدون شي تضرون الهلال وجمهوره الاعب يحتاج دعم واحمد غالي علينا ولانسيتو وش سوى ياجمهور المطالبات |
بصراحة الصويلح ....... مش مهاجم صريح بمعني ليس هداف واتمنى من الادارة الهلالية .... جلب مهاجم هداف بجانب القناص ياسر |
| الوقت المعتمد في المنتدى بتوقيت جرينتش +3.
الوقت الان » 07:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd