مايستفاد من الرد
1- رفع معنويه العضو
2- اقوله مشكوور
3-يجيه أحباط
4- انه يتقبل مرووري

ولكم باك يا نوواف

من 2000 وانت مسجل ..!!

حياك الله وانا برجع اقراء القصه بس حبيت احييك

اخوك جرح

تسلم اخوي نواف 11 على القصه وفوايدها ..

وسلم لي على حسنين

وعيلتهم ههههههههههههههه

تحياتي

.

وراك ماتسلم ترى عندي عقده من الي مايسلم ويدخل بسرعه بالموضوع
السلام عليكم ورحمة الله وبركاتة

إقتباس ترى معليش فيه لهجه مصريه عشان كذا حبيت الفت الانتباه

نو بروبلم حنا وش حليلينا نفهم اللهجات هم الي مايفهمون علينا
اكلم لي مصريتن تقول ايه دانتي بتؤلي ايه موش فاهمه
قلت هذا الزين انتس ماتفهمين مع السلامه

إقتباس صالح: حسنيه وش تبين نحلي لون الغرفه حسنيه : الله ياصالح انت مكلمني عشان تؤول لي ايه لون الغرفه دنا كنت فاكراك حتؤولي عاوزه تسافري فين شهر العسل

ملسونه هالبنت غريبه مهيب تستحي
ياحبي لناا وقت الملكه كل شي امرا وطاعه سيدي

إقتباس مدري ليش الولد اذا خطب يسألون عنه والبنت قليل جدا اللي يسأل عنها ولا تقول ملاك نازل من السما

في هذي صدقت والله اهم شي الشكل للبنت حاليا
الاخلاق صفر على الشمال محد يفكر يسال يمكن لان البنت سهله السيطرة عليهاا صحيح فيه ملوسات وصعب السيطرة
عليهم بس يعتبرون نسبة اقل من الامورات المطيعات

يعني البنت يمكن قدر الرجال يغيرهاا مع ان بنات هالجيل صعب التحدث معاهم فكيف السيطرة
لو يقول لهاا لاتسوين كذا قالت انا في بيت ابوي اسوي كذا تبيني والا طلقني

إقتباس ياكثر العوانس عندنا واذا جيت تخطب انفضوا عفشك تسنك جاي بتسرق بنتهم

كثرة العوانس ياخوي ماتعطي تنازل لحق الاهل بالسؤال عن الرجل ينفضون عفشه والا تتوهق بعدين
عانس والا زوجة لرجـال ........الخ اي صفه شينة يعني

إقتباس على كذا مااينلام الشباب اذا فكر يتزوج اجنبيه

علشان حنا نسال عن الرجال ماتبوناا بسلامتكم

إقتباس مشكلة الاجنبيه انها مو مثل بنت الديره تفهمك وتفهمها وعاداتكم وحده

وتحترمك وتقدرك وتضحي علشانكـ بنت الديرة

إقتباس الجمال مب كل شي بالبنت

يمكن الاجيال الاخيره بدو يتفهمون وصاروو يهتمون بالنواحي الاخرى
مع الجمال طبعاا
والجمال جمال الروووح جمال المظهر زائل ومايفيد بعدين



يعطيك العافيــة خيوو
اسلوب ممتع وان شاء الله الهدف من القصه يوصل للجميع
وحياكـ الله بينـا

الهنوووف

كانت

هنا

ورحلت

ما شاء الله تبارك الله

ابداع وربي,, وسعت الصدر يا بطل.. الله يعطيك العافية..

أعجبني حسنين الداشر يوم نشب لابوه وامه ما خلاهم يخلصون شغلهم D

بانتظار جديدك يا مبدع

يعطيك العافيه

يعطيك الف الف الف الف عافيه

وسعت صدري الله يوسع صدرك

إقتباس الرسالة الأصلية كتبت بواسطة نواااااااف11 ترى معليش فيه لهجه مصريه عشان كذا حبيت الفت الانتباه ولد حسنين في ظروف غامظه في بلدة دمنهور خلف حراج بن قاسم في حي عامر بالاخوان العرب والمقيمين والمنحاشين المتخلفين من الاقامه والجوازات وغيره من الجريات والجاليات ترعرع حسنين في احضان والديه فأبوه مدرس رياضيات ويدرس خصوصي بعد العصر وامه عنايات ممرضه في احدى المستوصفات الاهليه القاطنه خلف معارض الشفا : ويوم وصل عمر حسنين الى السادسه من عمره قام ابوه ودخله مدرسه بمنفوحه عشان يصير رجال ويتعلم وبدا حسنين يدرس ويختلط باالاولاد اللي معه عاد نص فصله معيدين وكسالى والبعض كبير بعمره يعني ربع الفصل دشير والباقي جحلط حسنين كان راسه كبير ويفهم بسرعه من اول سنه يوم وصل رابع ط صار توب في الدشاره ويعرف يذب ويقلب بالكلام وصار عنده اصدقاء يورونه الحمام وشلون يقلب << طراه القفل كان ابو حسنين توه داخل العماره بيروح لشقته ومافيه اصنصير لان العماره معوقه فيها ميول بالشاصي فصعب انهم يركبون الاصنصير وصل الشقه تعبان من الدرج لان شقتهم في الدور الثالث وكان الدرج حق العماره بين كل درجه ودرجه كيلو عشان تمغط رجلك لاخر شي فتح الباب ابو حسنين ودخل وصك الباب وراه ونطل شنطته اللي يحط فيها مذكراته وكانت ريحتها تفوح من البيض المسلوق (( العن شي ريحة بيض مسلوق بارد )) : يحلفون ان الشنطه تقول له يرحم والديك فكني تراك ذبحتني بريحتك تراني منب ثلاجه فصخ ابو حسنين ثوبه وطبعا كان لابس صروال بجامه احمر تحت الثوب عاد صروال احمر تحت ثوب ابيض مدري وش بيطلع ابو حسنين : يام حسنين هاتي ميه سخنه وأألعي الشراب احسن واللهي رقلي متورمه وبالمره ونتي قايه اندهي لحسنين عاوز اموصلو ودانو وهاتي معاك كباية ميه :<< كل هذا طلب ام حسنين : ايوه يابو حسنين فريره والميه تحت رقولك جت ام حسنين جابت قدر وربصت رجلين ابوحسنين وقامت تدلك اصابعه وابوحسنين يقول بالراحه يام حسنين ايه ده ياوليه ام حسنين : الله قرى ايه انتا كبرت ولا ايه يابوحسنين ابوحسنين حط يده على صلعته : كبرت ايه ياوليه دنا لسا شباب وحديد ام حسنين : تعالا كدا حط عينك بعيني ابوحسنين : اهو جلسوا يطالعون في بعض وام حسنين تتخيل انها سندريلا اللي بالتيتانيك وابو حسنين تسنه بدا يخور ويدخل جو الا ولدهم حسنين طاب(ن) عليهم حسنين : بتعملوا ايه ابوحسنين قفلت معه : ايه ياواد ماتختشيش مش تخبط عالباب ياواد ام حسنين : سيبك منو دا عيل موش عارف حاقه << تنرحم يالله ياواد روح نام انا وابوك عندنا شغل ابوحسنين : شغل ايه يام حسنين ايه يام حسنين مايصحش تنطئي الكلام ده اودام الواد ام حسنين : الله يابوحسنين وهو يعني حيفهم حاااااقه حسنين : ايوه انا كبرت ياماما امال << اعنبو الا انت دافوره يومك تعرف وشوله تخرب << قلب عليهم ابوحسنين: تعالا يواد ايه اللي انتا بتعرفه حسنين : دنا بهزر يابابا قام حسنين وراح لغرفته قبل مايتصفق وفي الصباح الباكر قام حسنين عشان يروح المدرسه شاف صديقه سعيد ((سعيد ولد اسمراني وعنده اخو اكبر منه من ابوه اسمه صالح )) مالكم بالطويله << دهن عود جديد يقالك فاصل اعلاني حسنين : ازيك ياسعيد سعيد: الحمدالله بخير وش اخبارك انت حسنين: والله زفت سعيد: ليش عسى ماشر وصلوا المدرسه ودخلوا الصف بعد ماطلعوا حلف سعيد على حسنين انه يتغدا عندهم في البيت حسنين انحرج قال اوكى ابتغدى عندك قام سعيد دخل حسنين المجلس وتجي ام سعيد وتشوف حسنين ام سعيد : هلا بولدنا حسنين وشلونك ونا امك عساك طيب ماشالله وش هالحمار والبياض الله يخلف عليك ياسعيد غاد(ن) تسنك نيقاتيف عنده حسنين توهق الدافور: الحمدالله ياعمتي انا تمام التمام ازيك وازاي الولاد سعيد : يمه وشفيتس لاتفشلينا مع الولد ام سعيد: ورى ماتعض لك على شحمه ام سعيد : ونا امك ياحسنين سلمني على امك وقل لها لازم تزورني باتسر حسنين : ان شاء الله ياعمتي حبأأ أأولها جابو الغدا وتغدوا بعد ماخلصوا غسلوا يدينهم بصابون (( ممسك)) لحد يقول وشو ممسك بعدها راح حسنين لبيتهم وسعيد جلس يطالع التلفزيون جت عنده امه ام سعيد: والله انك كبرت في عيني ياسعيد هذولي الاصدقاء اللي يفتحون النفس ونا امك مب عليان ولد سوير كود انك تصير مثل هالحسنين ان شالله سعيد : يمه تراه مصري عشان كذا صاير ابيض احمر ام سعيد: ايه مايخالف صر مصري وشفيهم المصاريه لحمتهم ماتقطعها السكين مرت الايام وكانت ام سعيد رايحه للمستوصف اللي بحارتهم وشافت ام حسنين جايه هي ولدها حسنين طبعا عرفت انها ام حسنين من ولدها وتنشب لها ام سعيد: السلام وعليكم مسيك بالخير ام حسنين : اهلين اختي ازيك انتي مين ام سعيد: (هو) ماقال لتس ولدتس حسنين ان ام سعيد تسلم عليتس ام حسنين : اااه افتكرت هو أألي انو اتغدا عندوكو متشكره واللهي يام سعيد ام سعيد : وش هالحتسي يام حسنين هذا ولدنا اذا ماشالته الارض تشيله عيونا ام حسنين: ربنا يخليكي ويعمر بيتك ياحـء ياكريم والنهارده لازم تزورينا يام سعيد يوم جت الساعه 6 المغرب ام سعيد مولمتن زمزميات شاهي وقهوه عشان تروح لام حسنين طرررن طررررن << ام سعيد ترن الجرس جت حسنيه وفتحت الباب اول ماشافتها صرخت حسنيه ماما الحئي : << تحسب ام سعيد طراره ام حسنين : مين ام سعيد يا اهلا وسهلا تفضلي ربنا يحييكي في مطرحك ام سعيد: هلا بام حسنين الله يحييتس ام سعيد : ماشالله هالبنت بنتس ام حسنين : ايوه دي بنتي البكر واسمها حسنيه ام سعيد: ماشالله الله يحفظها ويخليها ام سعيد: حسنيه بنتي وراتس مبعده تعالي عندي ونا امتس حسنيه كانت حلوه وشعرها اشقر وجسمها شي ماشالله << لحد يصدق جت حسنيه جلست جنب ام سعيد وتجلس ام سعيد تلمس شعرها ماشالله لا اله الا الله وش هالجمال وش هالبياض ام حسنين خافت على بنتها : بنت ياحسنيه يالله اومي شوفي دروسك قامت حسنيه وطلعت من غرفة الحريم ام سعيد: ماشالله كم عمرها الماخوذه ام حسنين : ايه ماخوذه أأصدك حسنيه . ام سعيد : ايه حسنيه ام حسنين : عمرها 18 ام سعيد : الله يخليها لتس ويرزقها بالزوج الصالح ام حسنين : امين يارب من بؤك لباب السما ام سعيد حطت البنت براسها خلصت الزياره وراحت ام سعيد لبيتها وفصخت عباتها شافت ولدها الكبير صالح جالس يتقهوي لحاله ام سعيد: هلا بولدي صالح وشلونك ونا امك صالح : قام وحب راس امه ام سعيد: ونا امك ياصالح ربي بيحقق امنيتك ون شالله بتشوف الحلم اللي انت محلم فيه صالح : خير يمه بشري ام سعيد : لقيت لك عروس تقول للقمر انزل واجي بدالك ونفس اللي تبي ونا امك شعرها اشقر (( اتعب ياصالح )) بيضا طويله جسمها عود ريحان صالح : قام يسرح في الخيال وش اسمها يمه ام سعيد : اسمها حسنيه صالح : وشو ام سعيد : وشفيك ونا امك اسمها حسنيه صالح: عاد وراها حسنيه ام سعيد: عشانها مصريه ونا امك بعدين وش عليك انت من اسمها اياه ومشاعل والجسم مشاخل تقول سنارة سمك لافي وجه ولا في مرقد صالح : ومصريه بعد ام سعيد : ايه مصريه وشفيها حمرن بيضا ازين من هالشيف للي حولك وعشان يصيرون عيالك وش زينهم لاطلعوا على امهم صالح : انتي شايفه كذا يمه ام سعيد : ايه شايفتن سذى ونص بعد كم يوم كان صالح طالع عند باب بيتهم وشاف حسنيه وهي بتركب مع ابوها يوصلها للجامعه هو بس شافها جته ام الركب في قلبه ماتوقع انها بها الجمال والقوام راح طاير يصايح يمه يمه جت امه وشفيك ونا امك قال وش صار بموضوع حسنيه قالت ياولدي والله للحين مافتحت الموضوع تبي احاسيها اليوم !! صالح : ايه اليوم لايجي احد ويلقطها ثم اصير عنتر ثاني من بكره راحت ام سعيد لام حسنين تجس نبضها جلسوا يسولفون قالت ام سعيد: ام حسنين بنتس مخطوبه ام حسنين : لا مش مخطوبه ام سعيد قلبها : طيب اها لو يخطبها احد تزوجونها ام حسنين : طبعا اذا كان شاب مناسب وبيخاف ربنا ام سعيد : انا بخطبها لولدي صالح مسمي ومصلي ولاهوب يتتن ولاشي وحبوب مره وكريم وموظف في البلديه وراتبه زين هاه وش قلتي ام حسنين فاقتن خشتها ابنك صالح عمره كام ام سعيد: توه بعز شبابه واصل الثلاثين ام حسنين : حشاور ابوها وارد لك خبر يام صالح دحنا مش حن لائي احسن منكم واللهي ام سعيد : شوي وتزغرد خخخخ خذت بعضها وطست لبيتها حسنيه كانت تسمع كلامهم اول ماطلعت ام سعيد جت لمها تصيح ايه ياماما عاوزه تخلصي مني ام حسنين : بعد الشر ياماما مين أأل كذا حسنيه : انا موش عاوزه اتقوزه ياماما موش عاوزه دي موش حلو ام حسنين مرفعتن حواجبها: ايه ياماما انتي كبرتي خلاص ولازم تتقوزي وبعدين صالح شاب كويس وبيشتغل وحيعيشك احلى عيشه يابنت وحؤول لابوك عشان اكلم ام سعيد حسنيه حاضر ياماما من بكره دقت ام حسنين على ام سعيد عشان تقولها تفضلوا الله يحييكم جا يوم الخميس وكان صالح قايم بدري عشان يضبط نفسه لان حسنيه اشترطت انها تشوفه قبل الملكه راح صالح لحمام سونا في البطحا وجلس ساعتين والهندي يفرك في جسمه وخاصه وجهه لعل وعسى يزين شوي وتخف القشعات اللي بوجهه بعدين طلع من السونا ومر الحلاق وضبط وجهه شوي وشخص وخذ امه وراحوا لبيت ام حسنين كان ابو حسنين في استقبالهم دخلت ام سعيد عند الحريم وصالح حب راس عمه ابوحسنين وجلسوا بالمجلس وكان صالح يتراقل من رهبة الموقف وبدا يعرق والكريم اللي على وجهه بدا يسيح شوي وست الحسن والجمال حسنيه داخلتن بطوفرية عصير جت قدام صالح وقالت السلام وعليكم صالح من الربكه ماقدر يستوعب جا يبي يرد السلام قال والسلام وعليكم حسنيه حست انه مرتبك وقاعد بها خخخ حطت العصير عنده وجلست قباله عشان يشوفون بعض صالح جلس يناظر السيقان المبرومه من تحت شوي ويرفع عينه فوق ويحط عينه بعينها بعدين نزل عينه شوي واول ماقامت تمشي طالعه من المجلس طق لها برنت في راسه طبعا الشوفه خلصت وكل واحد رضا بالثاني وتمت الملكه بينهم وصاروا نسايب قام صالح وشرى لها جوال وشريحه عشان يقدر يكلمها ايام الملكه طبعا هو ماعمره كلمها ابد واول ماعطاها الشريحه علمها رقمه عشان تتصل عليه يوم جا بالليل وصالح جالس على اعصابه يحتريها تدق بس عطته اشكل ماتصلت قام صالح واتصل عليها ودار الحوار الاتي صالح : الو السلام وعليكم حسنيه : وعليكم السلام مين على الخط صالح : انا صالح حسنيه : اه صالح ازيك وازاي امك صالح : الحمدالله كلهم بخير انتي كيفك وكيف اهلك حسنيه : الحمدالله كلهم بيسلمو عليك صالح يوم وصل هنا ربط فرامل لان الحتسي اللي عنده خلص ماعاد يدري وش يقول صالح: حسنيه وش تبين نحلي لون الغرفه حسنيه : الله ياصالح انت مكلمني عشان تؤول لي ايه لون الغرفه دنا كنت فاكراك حتؤولي عاوزه تسافري فين شهر العسل صالح : شهر العسل ان شالله بنقضيه في مزرعتنا بالخرج حسنيه : ايه مزرعتنا انتا بتهزر ياصالح عاوز تبيتني في مزرعه موش كفايه اني رضيت فيك ونتا وحش وكمان حتفسحني في مزرعه يابخيل صالح: قفلت معه يوم قالت له انت وحش لانه حس انه انجرح حسنيه : انا عاوزه شهر العسل يكون في مصر عشان اشوف ارااايبي صالح : انا ماعندي جواز وماعمري سافرت براا الا للبحرين ولا في حياتي ركبت طياره حسنيه : يعني ايه ياصالح مافيش شهر عسل ولا حاقه طب تصبح على خير سكر الخط صالح وجلس يفكر قال اللي هذا اوله وش بيصير تاليه الله يهديتس يايمه طيرتيني بالعجه معتس الحين وش بيفكنا من هالمصاريه مايستفاد 1_ ياكثر الامهات اللي يدرعمون ويوهقون عيالهم في زواجات مستعجله في هذي صدقت مع اني ماقد شفت بس اتوقع فيه بس انت من حقك ترفض 2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول ملاك نازل من السما بس الاغلبيه يسالون 3_ مثل ماهم يسئلون عنك اذا جيت تخطب انت برضو رح اسأل عن البنت من خلال جيرانهم البنت راح تقدر عليها انت بس هي لاواذا ماقدرت عليها مع اقرب باب قلها اطلعي اذا كان ماجابت معها بزوره<<< ياعيني اذا كنت حريص 4_ ياكثر العوانس عندنا واذا جيت تخطب انفضوا عفشك تسنك جاي بتسرق بنتهم لازم ترفض وهذا حقها زي مانت اذا شفت وحده وماعجبتك ورفضت انك تتزوجها 5_ على كذا مااينلام الشباب اذا فكر يتزوج اجنبيه مو عذر من حقها ترفضك اذا ماعجبها شي فيك ساء كان خلقي او خلقي 6_ مشكلة الاجنبيه انها مو مثل بنت الديره تفهمك وتفهمها وعاداتكم وحده يكفي انها راح تقدر ظروفك غير الاجنبيه راح تكون متفائله بعيشه عشان اسمك خليجي او بالاحرى سعودي 7_ الجمال مب كل شي بالبنت وانت صادق بس لازم يكون شكلها على الاقل مقبول عشان تنفتح نفسه اذا جا من الدوام ولا يحط حرته فيها 8_ مع السلامه

مع السلامه

إقتباس الرسالة الأصلية كتبت بواسطة نواف11 فأبوه مدرس رياضيات ويدرس خصوصي بعد العصر وامه عنايات ممرضه في احدى المستوصفات الاهليه

سبحان الله كل المصارية زي كذا

إقتباس الرسالة الأصلية كتبت بواسطة نواااف 11 ايوه يابو حسنين فريره والميه تحت رقولك

إستيعابها سريع

إقتباس الرسالة الأصلية كتبت بواسطة نواااف 11 هلا بولدنا حسنين وشلونك ونا امك عساك طيب ماشالله وش هالحمار والبياض

ههههههههههه

ما صار أسود مع جو منفوحة ؟

إقتباس الرسالة الأصلية كتبت بواسطة نواااف 11 عمرها 18

وراك جبتها عالجرح مرة وحدة

إقتباس الرسالة الأصلية كتبت بواسطة نواااف 11 حسنيه : ايه مزرعتنا انتا بتهزر ياصالح عاوز تبيتني في مزرعه موش كفايه اني رضيت فيك ونتا وحش وكمان حتفسحني في مزرعه يابخيل

وراها زعلت على خوينا كان غيرت من السيناريو واالحوار

إقتباس 2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول ملاك نازل من السما

وين يسألون عنها فيه ياحظي

إقتباس 8_ مع السلامه

فمان الله وشكرا على الموضوع اللي طرحته بصورة رائعة

مشكور على الموضوع الاكثر من رائع .

ما يستـفاد ,,

1- إنك مشرووع عضو كاتب نااااااااجح ما شاءالله.
2- إنك مسجل قبل أي احد
3- قصة ممتعـة , عيشتنا جو الصة ف منفوحــة



عوااااااافي عالمجهود المتميز ,, مرور متواضع

هههههههههههههههههههههههه

اجل ضاعت علوومه يوم شافها


الله يرجك