|
:. عـفوا اليوم للـعـوائـل فـقـط ,, والـشبـاب خـلـي يـولـي .: السلام عليكم ورحمة الله وبركاته ,, والف الصلاة والسلام على حبيب الله محمد ,, قبل ما أدخل بصلب الموضوع تكفون خلوني أتكلم بالعامية أحسن تكفون << طيب أحد قال لأ ؟:d والله يا شباب ان الشباب عندنا مهضوومه حقوقهم ,, والله مالنا مكان نروح له ولا شي ,,!! إن بغينا نروح للسوق قالوا عـفـوا للـعـوائـل فـقـط !! طيب والعزاب الشباب يعني حرام ما يدخلون ,,!! أي سوق في الرياض عفوا للـعـوائـل فـقـط !! طيب والشباب مو من حقه يدخل السوق يتقضى او حتى يتمشى ,,!! ليه العــوائـل بس !! ويقولون شباب السعودية دايم يلفون بالشوارع ,,!! طيب وين يروحون إذا ماكان فيه سوق يدخلهم او مجمع !! والله انا وأصدقائي إذا كنا ناوين نروح الفيصلية او المملكة دايم ما نقدر !! ليه طيب ؟ عفوا يا شباب اليوم الـعوائـل فـقـط .. طيب إذا كل يوم جينا للسوق وقال السكيُرتي " عفوا شباب الـيـوم للـعـوائـل فـقـط " طيب يعني الشباب مالهم يوم ..؟! اوكي يقولون ان الشباب ما يدخلون مع العوائل أو البنات للسوق عشان ما يصير فيه مغازل ..!! اوكي ليه طيب ما يكون فيه نظام مثل مراكز دبي ( سيتي سنتر-إمارات مول - بن بطوطه ) الوضع فري جدا لكن أي واحد يغازل بنت تكون امه داعية عليه !! طيب ليه ما يصير عندنا كذا ..!! ليه ما يُسمح بدخول الشباب العزاب والي يغلط او يغازل يُعاقب أشد عقاب !! يعني تتوقعون ان المراكز بالرياض ما تقدر تزيد من التقنيات الي في المراكز مثل الكاميرات للمراقبة او حتى زيادة الأمن في المركز ..!! والله عندها الإمكانيات ولكن ........ والله لو يُسمح بدخول الشباب للمراكز راح تفيد بأشياء كثيره .. منها ,, 1- إنهاء متطلباته بنفسه ,, 2- التقليل من المغازل في الشوارع 3- ملء وقلت الفراغ نرجع للنقطه الثانيه " التقليل من المغازل بالشوارع " وللأسف توجد بالرياض لسبب واحد وهي مافي أماكن للشباب أبدا ,, البنات والعوائل لهم كل شيء أما الشباب والله مضطهدين إذا بغوا السوق الصبح وياله ,, طيب على كذا الشباب مالهم إلا الدوران بالشوارع ,, لأنها الطريقة الوحيده لهم أو المقاهي الي يكثر فيها الشيشه ,, يعني يكون الشاب معرض لإستخدامها ,, حتى الدوران بالشوارع للشباب صار فيها تعقيد ..!! تقولون كيف ..؟! أقولكم كيف ,, الحين الشرطة إذا شافت السيارة أكثر من مره في نفس الشارع توقف راعي السيارة وتكتبه تعهد انه ما يجي هذا الشارع إلا للضروره !! يعني مو مسموح أقعد أدور في الشارع ..؟! لأ مو مسموح .. والله ياأخواني مرة كنت مع صديق لي كنا بنرجع صديق لي ثاني لبيته بالملز شافنا شرطي وقفنا على جنب وخلنا نكتب تعهد اننا ما ندخل هذا المكان إلا للضروره ..!! يعني لهدرجة الشباب مسكرين عليهم كل شي ..؟! يعني لا مراكز ندخلها ولا شي ..؟! والله انا بالنسبة لي أنتظر الصيف عشان الواحد يسافر يحس انه حر:d يروح أي سوق أي مكان يبيه ,, لا ويقولون الصيف هنا أحلى :laugh: ..!! والبنات ماشاء الله مكوشين على كل شي :d ,, اما الأولاد بتصورهم ما يحتاجون شي اسمه سوق أبد ,, المشكلة في الخارج في شباب كثير عرب في الأسواق اما هنا لأ التفكير ان الشباب لأ ما يدخل السوق ,, المهم أخواني انا حبيت أقول الي عندي وأتمنى انكم تشاركوني برأيكم ,, وانا حبيت أنقل مشكلتي وأتوقع مشكلة كل شاب ,, وآسف على الإطالة ,, اخوكم بندر ,, |
والله يالغالي بقول لك واتمنى محد يفهمني غلط تقريبا العائق على الشباب في الدخول الاسواق وغيرها الهيئه اتمنى محد يفهمني غلط بس كل نسان يغلط محد منزل من السماء وانا والله سار لي كم موقف معآهم والنهآيه ماحصل الا كل خير ,,؟ مانقول الا الله يهدينا وياهم الى السراط المستقيم |
والله العظيم إنكم إنتم مضيقين على أنفسكم تقولون الاسواق عوائل طيب رح العويس رح طيبة :thumbup: إلا للازم يعني صحارى طيب تبي تروح صحارى رح الظهر تغدى أنت وأخوياك هناك يدخلونك عادي نجي لسالفة ماعندك مكان تروح له الاماكن كلها مشتاقة لك :wink: قصدي الاماكن كثيرة المقاهي ياكثرها أماكن البلياردو والبلايستشن كثر التراب عندك طيبة والعويس :wink: عندك المخططات عندك التزلحق حق الجليد :stoned: الضيقة أنتم اللي مسببينها لأنفسكم طيب تقفلت بوجهك مرة مالقيت مكان أطلع مع اهلك رح المملكة مع أهللك مع إني أفضل العويس إنما هم حطوا للعوائل لتزيد أواصر المحبة بين العائلة الواحدة التي تتكون منم الام والاب والابناء والخادمة والمنزل والمطبخ ..... الخ الخ الخ :pleased: وبس :d |
إقتباس:
ياخوك اقولك الفيصلية والمملكة تقولي العويس وطيبه :d انا أتكلم عن الليل وطلعتنا الليل وانت عارف الواحد في الصيف ما يطلع إلا في الليل :d لأن الجو عندنا في الظهر والعصر خيالي جدا :d والله داري ان المقاهي كثيره عندنا واماكن ابلاي ستيشن كثيره لكن يخوك من عرفنا نفسنا واحنا عليها ,, وطفشنا منها ,, طيب دام ان في أمكانية دخول الشباب للأسواق ليه ما تُطبق هذا الي أقصده بالموضوع ..؟! اما بخصوص الطلعه مع العائلة ,, اوكي أطلع مع العائلة يوم طيب والأيام الي أبي أروح فيها للسوق انا وأصدقائي ما نقدر عني ,,!! على العموم شاكر لك مرورك الكريم ,, والإختلاف بالرأي لا يفسد للود قضية ,, |
ماتحتاجون السوق اغلبه ملابس بنات اما المملكه كثرة المغازل والخطف وحتى الفيصلية وغير كذا البنات والعيال لازم اذا جو يروحون زينوا اشكالهم ..!! السوق لقضاء الحاجة مو للتزين بس الحين الواحد اذا يبي يدخل يقول لسكرتي اعطيك 50 وتدخلني ..! طبعا انا اشوف قدام عيوني كذا .! وهذا شي غلط ..! طيب وش شعوورك الحين البنات بعد يبون يدخلون الملاعب :D بيقولون لك لا عوائل فقط :D |
والله ياحبيبي محد قال لكم لا تتزوجون <<<<< أمززززززززح لا تطب علي بكل الصراح بعد المواقف الشبه يومية والحالات المتكررة من شبابنا الله يخليهم لنا الواحد يكره أنه من نفس جنسية هالشباب .. بعطيك موقف ولاهو قصد إني أعمم .. مرة كنت داخل حياة مول عن طريق البدروم وكانت حوالي الساعة 12.30 ليلاً كنت أنا وزوجتي رايحين نتقضى من الدانوب , وأنا داخل إلا ثلاثة شباب يشحذون الحارس يبون يدخلون , مريت من عندهم ودخلت عادي , قال واحد منهم للحارس بذمتك هاذي مو خويته , إلتفت عليه لا شعورياً طررررررررررررررررررررراق يمشي مليون حتى يوم إلتف وجه الله يكرمك سعبل دم ... علماً بأن زوجتي حجابها كامل لافيه أدنى شك وريبة .. بس أتوقع الشك والريبة فيني كون شكلي توني صغير نوعاً ما .. هذا موقف من ألف موقف .. بالله عليك ما تتوقع إن الرجولة في بعض شبابنا أنعدمت .. وإن نظرتهم شهوانية وعدوانية في نفس الوقت .. ولا يخفى علي وعليك أن الباعة في السوق من بعض الجنسيات العربية وكما هو معروف أنجس من روث الحمار الله يكرمك وهم أشد خطر من شبابنا .. الجميل في الموضوع إقتراحك أن تكون العقوبة أشد مثل مافي الإمارت .. والأجمل من ذلك كله أن سامي زعيم الأساطير هو من كتب الموضوع ... |
إقتباس:
والله عاد كل واحد مسؤول عن نفسه من ناحية التزين سواء البنت او الولد ,, وانتي قلتيها السوق لقضاء الحاجه ,, طيب احنا ما نقضي حاجاتنا ..؟! اما بخصوص البنات والملعب ,, والله ما استغرب بعد كم سنه يمنعون دخول الشباب للمباريات بدون حرمه :d يعني إذا بغيت أحظر مباراة للهلال أجيب اختي :d ترا والله ما فكروا فيها ان يمنعون الشباب من الملعب ,, ولا لو فكروا أتصور راح يخلونها عوائل وبس ,, عاد والله ان يطلع الدوري السعودي احسن دوري في العالم كل الاعبين بتحمسون عشان العوائل << مو عشان البنات ترا :d شاكر لك مرورك الرائع ,,:wink: |
إقتباس:
فعلا اخوي القصه الي قلتها مؤسفه جدا وانا معك هناك شباب شباب كمسمى فقط لا شيء أخر ,, ولكن اخوي مع تطبيق العقوبة الي راح تكون رادع قوي جدا لمثل هؤلاء ستعدل بين الجنسين ,, يعني بين الشباب والبنات ,, يعني كل واحد ماشي في سبيلة أي تعرض من أحد الطرفين سيُردع ردع قوي ,, سيكون عبره لغيره ,, ومع تطبيقها نسبة المغازل راح تقل حتى في الشوارع ,, انت تقول ان الأجمل انني كاتب الموضوع وانا أقول لم يكتمل جمال الموضوع إلى بعد إطلالتك عليه ,, دمت بخير ,, |
إقتباس:
ما أتوقع ان الهئية هي العائق ,, وما أقدر اعلق أكثر على كلامك ,, تقبل تحياتي ,, |
طيب عندي لكم حل<<<<<والله يكووووووون بعووونكم المهم حلي انكم تقاطووووووووووون كلكم وتبنووووون لكم مجمع وتريحووون وترتاحووون وخلوووووووووووه بس للشباب ممنووووووووع دخووول العوووووائل والبنات ولا كل واحد منكم يروووح مع اهل للسووواق وانتم اذا دخلتوووا اجتمعوا انت واصدقاءك |
إقتباس:
يمنعون الشباب عشان المغازل يعني الشبابا لو خافين شوي عن الغزل وهالحركات اللي مالها داعي يمكن يدخلوهم بس يكون احيانا مع امه واخته ولاقيه يغازل والله عيب مايحترموا احد يعني مثل امس كانت قدامنا سيارة موقفه السير كامل قدام السوق لييييش؟؟ جالس يعاكس وحده ويبغاها تركب معه وبابا كان بيقوم يضارب لو ماهديته ومثل مرة كنا بندخل الصيرفي مع ماما طبعا وجو ورانا شباب يقولو دخلونا معاكم بس تبهدل من ماما واشتكت عليهم للسكيرتي خخخخخخخ يستاهلوون ومع كل هذا نقول لازم يكون في اماكن اكثر للشباب عشان يخفوا شوي عن اللفلفه بالشوارع مشكوور أخوي عـ الموضوع الرائع تقبل مروري عاشقة الزعيم15 |
هلا وغلا فيك اخوي سامي زعيم الاساطير .. طرح جميل .. وقبل سنتين تقريباً طرحت موضوع بنفس العنوان .. وهو عن حالنا كشباب .. بحكم ان اكثر الاماكن للعوائل فقط .. سواء الترفيهيه او الاسواق والمجمعات .. لكن الشي اللي ممكن نطالب فيها ان احنا تكون لنا اماكن ترفيهيه مثل مايكون للعوائل .. مانطالب باسواق .. ولكن اماكن ترفيهيه .. حتى مايكون فيه معاكسات ولا اي سلبيه .. وبيني وبينك الاستراحات فكت ازمات .. هي الوحيده اللي ضفتنا .. وفيه ناس يفضلون المقاهي .. وهي اللي ضفتهم .. والله يكون بالعون .. وعموماً الاجازه بتنتهي .. تقبل فائق احترامي .. دمت بخير .. |
طيب ياعزيزي إذا قالو لك ادخل السوق فترة وراح تطفش مثل ماطفشت من المقاهي أنا أكره شي إسمه سوق وإذا مريت من جمبه أتعوذ وترى فيه سوق مسموح للشباب لاتخاف موب العويس :D العزيزية مول طريق الملك فهد |
إقتباس:
|
إقتباس:
:thumbup::thumbup::thumbup::thumbup: صح لسانك |
| الوقت المعتمد في المنتدى بتوقيت جرينتش +3.
الوقت الان » 02:32 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd