قـبـل مسـلـسـلـه .. نـمـر بـن عـدوان ][ شخصيته و بعض قصائده ][ - صفحة رقم 5 - نادي الهلال السعودي - شبكة الزعيم

الهلالي دائماً · #61 29/08/2007, 07:48 PM

هلا ثموري

صبحك الله بالخير

موضوع رائع عن شاعر رائع من عضو رائع ...

وهذا بلا ابوك ياعقاب

مشكور اخوي ثامر على المعلومات القيمة والابيات الجميلة ...

وماشاء الله عليك طلعت راويه

بس ما توقعتك كذا

الله يعطيك العافية وبانتظار جديدك يالغالي ..

دمت بحفظ الله ورعايته ,,,

الافضل · #62 29/08/2007, 08:50 PM

إقتباس

الرسالة الأصلية كتبت بواسطة badr-99


	][ البارحة ][ البـارحـة يـوم الخـلايـق نيـاما بيّحـت من كثر البكـا كل مكنـون لـي ونّـهٍ مـن سمعـها ما ينـاما ونّة صويبٍ بين الأطـلاع مطعـون والاّ كمـا ونّـة كسيـر الســلاما خلـوه ربعـه للمعاديـن مـديـون فـي ساعـةٍ قـل الرجـا والمحـاما فيمـا يطالـع يومهـم عنـه يقفـون تسمـع لهـا بيـن الجرايـد حطـاما من نوحها تدعـى المواليـف يبكـون والاّ خـلـوجٍ سـابـتٍ للهـايـاما على حوارٍ ضايـعٍ فى ضحا الكـون والاّ حــوارٍ نشقــوه الشمــاما وأمه تطالـع يـوم جـرّوه بعيـون والاّ رضيـعٍ جـرّعـوه الفطــاما أمه غـدت قبـل أربعينـه يتمّـون عليـلك ياللي شرب كـأس الحمـاما صـرفٍ بتقديـرٍ مـن الله مـاذون هذه القصيده لنمر بن عدوان الاغنيةهذي بالاساس الفنان بشير حمد شنان وسرقها راشد الماجد والله قهر طارو براشد ونسو بشير

الله المستعااااااان ... الله يرحم بشير شنان ملك الالحاااااان

الاغنيه بالاساس لبشير وسرقها راشد وعقبها طلع عالدنيا

آنسه هلالية · #63 29/08/2007, 08:50 PM

ماااقصرت اول العنقوود و شكل المسلسل رهـــيب بيغطي ع غيره

أول العنقود · #64 29/08/2007, 08:52 PM

^^^^^^^^^^^^^^^^^^^^

الله يعافيك يا بو مقبل .. و يا مواصل

مروركم زادني تشريف

<<<< نصاب

أول العنقود · #65 29/08/2007, 08:54 PM

هلا بك أخوي الأفضل

و هلا بك أختي آنسه هلالية

و مشكورين لمروركم

الافضل · #66 29/08/2007, 08:55 PM

إقتباس

الرسالة الأصلية كتبت بواسطة أول العنقود


	أخي المسلسلات الخليجية هي من تشوه سمعتنا , الكل يظن أن الفساد و الطلاق و المخدرات منتشرة عندنا بسبب المسلسلات الخليجية غناها بشير شنان قبل 40 سنة و لكن الناس لا يستمعون للفن الشعبي

طيب وأن قلت أكثر المحافظات الصغيره والقرى مازالوا يسمعون لبشير شنان وفهد بن سعيد والفن الشعبي

أول العنقود · #67 29/08/2007, 08:59 PM

^^^^^^^^^^^

ما عندي أي معلومة أخوي

و ندعي لبشير شنان وفهد بن سعيد بالرحمة و المغفرة

الافضل · #68 29/08/2007, 09:00 PM

إقتباس

الرسالة الأصلية كتبت بواسطة أول العنقود


	^^^^^^^^^^^ ما عندي أي معلومة أخوي و ندعي لبشير شنان وفهد بن سعيد بالرحمة و المغفرة

الله يرحمهم ويرحم كل مسلم

بنو هــــــــلال · #69 30/08/2007, 01:00 AM

مشكور أخوي على هالمجهود

وكلنا ننتظر المسلسل على mbc في رمضان

الـساقي · #70 30/08/2007, 04:01 AM

السلام عليكم ,,

هلا فيكـ أخ / ثـامر ,,

أحبـ أحييكـ على طرحكـ لقـصة نمـر بن عـدوان .. وعن حيــاته ..!

ونمـر بن عدوان .. الكـل سمـع فـيه .. وجمـيل من القنواتـ كـ إم بي سي وغيرهـا

تـطرح مسـسلات تـاريخيـة .. وأتمـنى من القنـواتـ تكثف من المسـلسلات التـاريخية ..

لأني أرى والجمـيع يـشدهمـ مشاهدة المسـلسلات التـاريخية مثلـ الزير سالم والحجاج بن يوسف

وخالد بن الوليد .. بدلاً من اللي يحصـل الآن من المسلسلات الخليجـية المتكررة وغيرهـا ..!

؛؛

ثـامر .. أشكركـ بحـق على الموضوع ,,

دمتـ بخــير ,,

.. سليمـــان ..

أول العنقود · #71 30/08/2007, 04:06 AM

^^^^^^

و عليكم السلام أخوي سليمان

و كلنا إتفقنا على هذا الكلام .. إن المسلسلات التاريخية أفضل من الخليجية الكئيبة ..!!

العفو أخوي سليمان .. و أرجو المعذرة من ناحية القصور

جرح يشكي · #72 30/08/2007, 08:43 AM

طرح جميل لـ شاعر مشهور

شاعر الحكمة وشاعر الغزل

واظن له قصيدة يقول فيها

قالوا تتوب من الهلال قلت لا لا .... الا ان يتوبون الحناشل عن السرق

قالوا تتوب عن الزعامة قلت لا لا ... الا ان تتوب الشمس من مطلع الشرق

^^^^
اظن انها له بس ثواني بدق على الشرهان اسئله خخخخخخخخخخ

الابيات الحقيقيه بدال [ الهلال و الزعامه ] كلمت [ الهوا ]

ثامر لك اجزل الشكر

وفي إنتظار المسلسل

تحياتي لك والاسف ع التاخير في الرد

اخوك محمد

المـشـاكـس · #73 30/08/2007, 08:53 AM

هذا رد الشرهان لاني كلمته وقال ان جواله مغلق

<<< اجل اشلون كلمته

اخوي محمد ..
الابيات اللي ذكرتها ..
اظن انها للشاعر محسن الهزاني ..
واللي يقول في بدايتها ..
برق تلالا قلت عز الجلالا ********* واثره جبين صويحبي واحسبه برق

<<< الحب عقر نعجة

حبيت اهكم << على قولة اللمبي يبي يقول اعقب ..
اقول حبيت اهكم على هالنقطة قبل ما انام

جرح يشكي · #74 30/08/2007, 09:22 AM

هلا والله بـ المشاكس

تصدق ان دقيت عليه بس مثل ما قلت مقفل ..!!

صحيح ان القصيدة لـ محسن الهزاني <<< كان مضيع

ولها تكلمه كنت بـ اضيفها بس هي ما تصلح لما دون الـ 18 عاماً

قصتها

ان فيه بنت مزيووووووونه في ديرة محسن

وكان يقول لها ابوها محسن لا يشوفتس

لان محسن كان مجنووووووون مغازل ويقولون انه كان يمر في سوق الجمعه ويوزع عليهم ارقام بيجره

المهم البنت كانت رايح لـ الكوافيره <<< اي كوفيره يا بو الشباب اشوا ان ما عندهم الا حناء ويخب بعد

دخلت بيت كوفيرتهم والحرمه قاعده تزين شعر البنت في الحوش

وتغني البنت بقصيده

أصفر مع اصفر ليت محسن يشوفه
توّه على حد الغرض ما بعد لمس

وصدفه كان مار من جنب البيت " محسن الهزاني " وسمعها وقال القصيده
قالوا كذا مبسم هيا .. قلت لا لا
بين البروق وبين مبسم هيا .. فرق

ويالله .. بنوٍ مدلهم الخيالا
طافح ربابه .. مثل شرد المها الزرق

لا جا على البكرين بنا الحلالا
ولاعاد لا يفصل .. رعدها عن البرق

يسقي غروسٍ .. عقب ماهي همالا
وحط الحريق ديار الاجواد .. له طرق

يسقي نعامٍ .. ثم يملا الهيالا
ويصبح حمامه ساجعٍ .. يلعب الورق

جريت انا صوت الهوى .. باحتمالا
في وسط بستانٍ .. سقاه اربعٍ فرق

طبّيت مع فرعٍ .. جديد الحبالا
وظهرت مع فرعٍ .. تناوح به الورق

روشن هيا .. له فرجتينٍ شمالا
وبابٍ على القبله .. وبابٍ على الشرق

مبسم هيا .. له بالظلام اشتعالا
بين البروق .. وبين مبسم هيا فرق

برقٍ تلالا .. بأمر عز الجلالا
واثره جبين صويحبي .. واحسبه برق

يا شبه صفرا .. طار عنها الجلالا
طويلة السمحوق .. تنزح عن الدرق

له ريق .. احلى من حليب الجزالا
واحلى من السكر .. الى جاء من الشرق

حنيت انا .. حنة هزيل الجمالا
ينقض ردي الخيل .. قد حسة الفرق

ويا قلتةٍ .. في عاليات الجبالا
ماها قراح .. مير من دونها غرق

ماعاد للصبيان .. فيها احتمالا
من كود مرقاها يديهم .. غدن طرق

قالوا تتوب من الهوى .. قلت لا لا
الا ان تتوب .. ارماح علوى عن الزرق

قالوا تتوب من الهوى .. قلت لا لا
الا ان يتوبون .. الحناشل عن السرق

قالوا تتوب من الهوى .. قلت لا لا
الا ان تتوب الشمس .. عن مطلع الشرق

وسلامتكم

الزعيم طارق · #75 30/08/2007, 09:36 AM

يعطبك العافيه على هذه القصه

وياحبي لهالقصيده

تحياتي