28/08/2007, 02:49 PM
|
| زعيــم نشيــط | | تاريخ التسجيل: 08/07/2005 المكان: الرياض
مشاركات: 562
| |
|
يالله وش هالحالة من الشغالة ........+( شكر وتقدير )
السلام عليكم ومساكم الله بالخير
وياهلا فيكم
وشلونكم وش أخباركم عساكم طيبيين ...
بصراحة بصراحة لكم وحشة وفقده لاتوصف .. مرة مرة لا يمكن وصفها ..
قبل كل شيء أحب أقولكم بمقدم شهر الخير
وأعاده الله علينا وعليكم أعوماً عديدة وأزمنة مديدة ..
من اللهفة والشوق لشبكة الزعيم وكل من فيها من الأحباب والأصحاب قلت مايصير أقطع ناس لهم محبة ومعزة بالقلب قد أخص ناس يعرفون أنفسهم أنهم هم المقصدوين لكن لهم خصوصاً ولكم عموماً أقول (( كلي شوقاً لكم )) .
وحبيت أذكر لكم موقف حصل لي الإسبوع اللي فات وأتمنى أن أكمل الموضوع قبل ماتنقرف نفسي ..
وماعليكم بالطويلة السافلة ومافيها ...
كنت الإسبوع اللي فات توني مسوي عملية , قلت للمدام خليك عند أميمتك لين أستقر شوي , وأنا بروح لميمتي ,
المهم يوم جى وقت النوم رقيت فوق لغرفتي أيام العزوبية , وألقى الثلاجة الصغيرة في البار اللي في الصالة وكانت الدنيا مظلمة حوالي الساعة 2 بالليل قلت ماراح أفتح النور عشان ما أزعج الوالد والوالدة
وقربت وفتحت الثلاجة وأخذ جيك الموية وأعبي الكاس وأشرب منه وإلا فيه طعمة غريبة قلت في نفسي الله من (( زمااااااااااااااااااااااااااااان عن موية زمزم )) وأشرب الكاس الأول والثاني الثاني .. وبكل هدؤ أروح لغرفتي وأنام ...
صحينا من بكرة وألقى أوخيتي الله يوفقها ويستر عليها ويسعدها ويهنيها تتقهوى تحت
قلت لها : مشاء الله من اللي جايب موية زمزم .
قالت لي : أي موية .
قلت : اللي فوق .
قالت : الجيك الصغير اللي في الثلاجة .
قلت : إيه .
قالت : عساك ماشربت منه .
قلت : إلا بلى وكاسين الله يطرح فيها البركة ..
كبت القهوة الل بيدها وقالت :  ووووووووووووووووعععععععععععععععععععععععععععع
قلت : وش السالفة .
قالت : تدري وشهو اللي شربته ..
قلت : لا
قالت : هذا غساااااااااااااااااااااااااااال ملابس الشغالة ...
ومن ذاك اليوم إلى اليوم وأنا مسوي إضراب عن الطعام ...
ممكن أحد يسأل ليش حاطينه في الثلاجة .. أقول عشان مايكبه حمقي البثر ..
وممكن أحد يسأل ليش ماخذين غسال من الشغالة .. أقول لأنه بعد عدة مواقف حصلت وأخذنا من الشغالة والحمدلله تعدلت الأمور .. وآلان الوالد والوالدة يرجون منكم الدعاء ...
قبل لا أنهي موضوعي هنا في شخصين أحب أشكرهم من كلي قلبي ..
فمن لا يشكر الناس لا يشكر الله ...
الأول مع مرتبة سمو الأخلاق
هامور البورصة
وأقول له أيضاً مرة تلو المرة لك كل الشكر والتقدير والود والإحترام على خدمتك لي في وقت قد مضى وعهد قد إنقضى , وأقول بيض الله وجهك على آرئك وإقتراحاتك لي .. والمعذرة عن تأخري لشكرك ..
الثاني مع مرتبة الإحترام والتقدير
أول العنقود
وأقول إشادتك وشهادتك تاج على رأسي .. ووسام على صدري ... ووشاح على كتفي .. أفتخر وأتباهى بها حيثما رحلت أو إرتحلت ..والمعذرة عن تأخري لشكرك ..
ولكم جميعاً حياتي قبل تحياتي ..
اخر تعديل كان بواسطة » زعيم سديراوي في يوم » 28/08/2007 عند الساعة » 03:13 PM |
...سلامات يبو الشباب وبالعافيه عليك...
...احس انك اليووم الثاني قمت تبي زوووود...
..
الوضع العادي
