من افضل الكتب والروايات اللي قريتها

رواية (الجنية ) للدكتور غازي القصيبي هالرواية فيها

خرافات الماضي يوم كانوا يخوفونا بأم السعف والليف وغيرها يعني رواية حلووة

وقريت كتاب (لاتحزن ) للشيخ عايض القرني وكان الكتاب في قمة الرووعه وهذا ماتعودناه

من الشيخ الفاضل ..


وقريت رواية (شفرة دافنشي ) واللي حمسني على قرايتها اللي سمعته عن الفلم

المأخوذ من الرواية وانه سبب مشاكل مالها اول ولاتالي ..


وبيني وبينكم قريت رواية (بنات الرياض ) وليتني ماقريتها لانها سخيفه لأبعد

درجه وبعيده عن الواااقع في مجتمعنا ..


وشاكر لك اختي عبث طفلة .. والله يخليلك والدتك ويطول بعمرها ..

إقتباس الرسالة الأصلية كتبت بواسطة مجنون الزعيم(9) moi .. je lis levrers le francais.. أقرا الكتب الفرنسيه ,,[ boon

وعقبالنا وانا اخوك......

لأني بصراحه لاأعرف الفرنسيه .....

إقتباس رواية (الجنية ) للدكتور غازي القصيبي

افاااااا اكيد انك غلطان موغازي القصيبي الله يصلحك رح تأكد وانا اخوك لايكون نسيت ان مؤلفها ديك الجن خخخخخخخ<<بقراها ان شاء الله عشان الأغراءات اللي سويت عليهاياخي شوقتني

إقتباس وبيني وبينكم قريت رواية (بنات الرياض ) وليتني ماقريتها لانها سخيفه لأبعد درجه وبعيده عن الواااقع في مجتمعنا ..

من جد روايه في غاية السخف .....

ياحسافة الوقت اللي قعدته عليها......

إقتباس والله يخليلك والدتك ويطول بعمرها

جزاك الله خيرا اخي الكريم..
ومشكووووور على ردك يشرفني حضورك دائما....

الله يخلليك امك والكتب كثيره بس احتفظ فيها لنفسي

اخي الكلاسيكي لكم يشرفني ردك علي.......
كتبك رااااااائعه عله يسعفني الحظ ان أقرأها...
وجزيت خيرا اخي الكريم...
لك مني كل الشكر والتقدير ووافر الأحترام...

كتاب لا تحزن للشيخ عائض القرني


و كتاب لله ثم للتاريخ

إقتباس الرسالة الأصلية كتبت بواسطة أول العنقود كتاب لا تحزن للشيخ عائض القرني و كتاب لله ثم للتاريخ

كتاب قرأته من ذو فتره ولكنه لم يشدني بتاتا

واشكرك على تفاعلك مع الموضوع

امممممممممممممممممممممممم < < يقاله يفكر ..


رغم تقصيرنا ..في القراءه ..
وعدم توفيقنا في اختيار بعض الكتب ..
لكن ..

من امتع ماقرئت ..


1- الجواب الكافي لمن سأل عن الدواء الشافي ( الداء والدواء) لابن القيم الجوزيه ..
من امتع واجمل ماقرئت .. استنتاجات .. واستنباطات عجيبه فريده .. يكفي .. انه
شككني في الفتره التي عاااااااش فيها حتى عدت .. وتاكدت من ترجمته .. انه لم
يعاصر هذا العصر ولم يكن به ... رحمه الله رحمة واسعه ..

2- كيف تقوي ذاكرتك .. نسيت المؤلف .. لكنه بالفعل مفيد جدددددددددددا ...
وبه طرق استخدمت بعضها ولازالت .. اذكر قصه من القصص ..
في اول ترم بالجامعه قبل ثلاث سنوات تقريبا ...
كان هناك استاذ .. لا اذكر اسمه .. انساااااااااه .. بالعربي .. مو راضي يدخل براسي ..
استخدمت معه احد الطرق المذكوره في الكتاب ..
ولله الحمد .. اسم هذا الدكتور لازال عالقا باسمي .. عكس البقيه .. زااااااالوا مع الزمن .. لاتذكرهم الا من فينة لا اخرى ..


بعض الكتب ذكرها الاخوان .. والبعض نسيت اسمائها ..


قبل ان اغادر .. جزاك الله ووالدتك خير الجزاء ..



موضوع موفق ..


سلملم , , ,

1- السجينه رواية حقيقة لـ ((مليكة أوفكير)) وهي مغربية الجنسية ..الكاتبه (( ميشيل فيوتسي))

اظلم الكتاب وما تناوله من احداث لحياتها أن وصفته بالأروع !!!!!!

2- ذهب مع الريح ... رواية لـ (( مارغريت ميتشل)) ..


شكرا للموضوع ...

لاعدمتك ...

والله مبطي عن القراءة



أنا أي كتاب قصص أمسكه وأقراه بدون ما أشوف الغلاف




وفيه كتاب أسمه ( أعظم عظماء الاسلام )


هذا الكتاب روعة بكل ما تعنيه الكلمة يذكر بكل قرن أبرز من مر عليه ثم يفصل بحياة الأهم


بداية الكتاب طبيعية لأنه يتكلم عن حياة الصحابة الجيل الأول من التابعين


يعني غالبيتهم معروفين لكن مع مرور القرون بيجي ناس أول مرة يمرون علينا

بصراحه الكـتــاب اللي قريتــه

كـتـاب ... ( أنـــا خـــروف ) للـراويـة .. المـشـاغـب

ـخخخخخخخخخخخخخخخخخخخخخخخخخخخخـ




امزح لاتصدقيــن


افضل كتاب قريته ( قصص الانبياء ) والله روووووعه

كنت قبل لاانام اقرا قصه عاد القصه تكون طويله وماادري الا وانا اشاخـر

بس انصحك تقرينه اذا ماقريتيه وفيه كتب ثانيه ايضا مثل :


كتاب الذكاء العاطفي <--- لاتسأليني عن محتواه لاني زارفها من الكلاسيكي




عواااافي اختي ع الموضوع

إقتباس كان هناك استاذ .. لا اذكر اسمه .. انساااااااااه .. بالعربي .. مو راضي يدخل براسي ..

هلا اخوي خالد شكلك والله شيبت وانت توك صغير الله المستعان بس يمدحون الزبيب في ايام الأختبارات خذ لك كيس واقرض ابوه لاتخلي منه شئ<<وعلمني وين بتوصل
انا بدال ماأجلس اذاكر اجلس قدام ذا الزبيب وفرم
ومشكور لك اخوي على الرد...

إقتباس السجينه رواية حقيقة لـ ((مليكة أوفكير)) وهي مغربية الجنسية ..الكاتبه (( ميشيل فيوتسي))

هلا وغلا بأختي الغاليه اليزابيث بالفعل روايه غي غاية الروعه تجسد شخصيتها وحياتها في العيش عند الملوك الى الهبوط حياة السجن...
ومن ثم نزلت روايه تحكي حياتها مابعد السجن وكيفية تأقلمها مع الحياة وعلى ماأعتقد ان اسمها( الغريبه)ولكني غير متأكدة اسمها لأني قرأت موجزا عنها...
لاعدمتك اختي لطالما اسعدتيني بردودك..

إقتباس ( أنـــا خـــروف ) للـراويـة .. المـشـاغـب

اوف الصراحه شوقتني بقوه اني اقراها
من يشوف اسمها انت وخشتك بيهج وينحاش

إقتباس امزح لاتصدقيــن

لاياشيخ احلف بغيت اروح ادورها في الكتاب المستعمل

إقتباس وانا اشاخـر

اقول ليو عن الفضايح تكفى اللي يشوفني يقول اكيد فاقعة راس اهلها بالشخير

إقتباس كتاب الذكاء العاطفي <---

عيني عينك مره ماعاقت معك ياللاطوش ..وشاكر لك اخوي على الرد ...

وعليكم السلام ورحمة الله وبركاته
اختي اغلب الكتب التي قرأتها لم تحضرني اسمائها
بقدر ما يعلق بذهني محتواها
لكن اخر الكتب التي قرأتها منها مازلت عاكفة عليها

* الطب النبوي لابن القيم الجوزية
* قصص الانبياء للأمام الحافظ عماد الدين وابن كثير
* رُهبان الليل لـ د/ سيد العفاني عباره عن ثلاث مجلدات>> انصحكـ
والجميع بقرأته والله يقدرني واخلصه
* كتاب عن قارة اوروبا لـ د/ جودة حسين

الله يباركـ لكـ ولميمتكـ في شعبان ويبلغكن رمضان
في صحة وعافية واحسن حال وسائر المسلمين
ويجعلكـِ قرة عين لوالديكـ

كفاحي ــــــــــــــــــــ> لهتلر
ولاتحزن ـــــــــــــــــــ>الشيخ عائض القرني
الأيام الرهيبة ــــــــــــــــــــ> جنكيز طاغجي <<اللي قراه وش رايه فيها تنصحون اشتريها
البؤساءـــــــــــــــــــــ>فيكتور هوجو
دايفد كوبرفيلدــــــــــــــ> تشارلز ديكنز <<خطيره
ذهب مع الريح ــــــــــــــ>مارغريت ميتشل <<ماقريتها بس يمدحونه
رواية واسلاماه ــــــــــ> ماقريته طاح راسي ادوره

مع العلم أن القاريء ينبغي أن يتوخى الحذر عند قراءة الروايات مما قد يكون فيها من أفكار خاطئة ..

فيستفيد من المفيد ويترك الضار ..

تحياتي لك والله يطول بعمر امك بطاعته