اني اسمع جعجعتا ولا ارى طحنا
اولا السلام عليكم ورحمة الله وبركاته
احبتي اعضاء الزعيم الكرام .. تحيه طيبه وبعد
اقدر محبتكم للكابتن سامي .. وانا واحد منكم .. اعشق هذا الاعب الفذ
لكن الهلال بحاجه الى من يسد خانة ابو عبد الله .. سامي بالنسبه لكثير من جمهور الهلال هو معتزل اصلا .. من سنتين وسامي فعليا معتزل ... لااحد يقولي .. نسيت هدف الوحده .. او هدف الحزم ؟؟
نتكلم عن المستوى .. ابو عبد الله ماقصر .. قدم الكثير .. واجتهد .. واثبت انه لاعب مخلص لناديه
الى متى سنحزن على فراق ابو عبد الله .. هذي سنة الحياة .. من حق الوجوه الجديده ان تاخذ فرصتها ..
الهلال بحاجه كبيره الى بطوله ياناس .. من زمان مااخذ الزعيم بطوله يستعيد بها هيبته وحماسه .. ( اقصد خارجيه )
انا متاكد باان اول من يدعم الزعيم هو سامي .. ولكن بمكان اخر .. كما نحن الجمهور داعمون للهلال خارج المستطيل الاخظر
اتمنى ان نتفهم وضعيه عمر اللاعب .. خصوصا في مركز كمركز سامي .. مهاجم .. يحتاج الى لياقه عاليه وقوة جسمانيه .. وسرعه
فيه بعض العقلاء يقول
ليه محمد الدعيع مااعتزل وهو اكبر منه !
اختلاف المراكز ياجماعه .. الحارس مايتطلب منه مجهود وركض .. ولياقه زي الحارس اللى اكثر شي مطلوب منه هو التركيز وسرعه ردة الفعل ..
سامي اعتزل وربي يوفقه .. وماقصر ورايته بيضاء .. واعتزل قبله يوسف الثنيان .. وصالح النعيمه .. والمصيبيح والقائمه تطول
وبيعتزل .. ياسر .. والصويلح .. والشلهوب .. ونواف
وسنرى بااذن الله مواهب اخرى .. ويبقى الهلال كبير بنجومه المتجدده ... نعم معكم باان سامي حاله خاصه بالنسبه لشريحه كبيره من جمهور الهلال .. كما كان يوسف الثنيان بالنسبه لنا حاله خاصه
وخاصه جدا (
خصوصا انا )
البطوله القادمه خليجيه ( نبيـــــــــــــــــها تكفون ) وخلونا نوقف مع الهلال في كل حالاته ومع كل اللاعبين
ارجع اعيد واكرر .. هالبطوله اهم من سامي ,, واهم من يوسف ,, واهم من ياسر ,, ومن الشلهوب وهذا هو رائي اللاعبين انفسهم صدقوني .. مع احترامي وحبي الشديد لجميع من ذكرت اسامئهم من اللاعبين الرائعين
ابداءو بدعم الهلال .. بداية بطوله جديده ان شالله
تقبلوا فائق احترامي وتقديري
اخوكم الصغير ابو طلال
الوضع العادي
