الــتــهــور الـصــدقـي ,, " قصتي يوم شفت لاعبين المنتخب السعودي " في احد الفنادق !!
بسم الله الرحمن الرحيم
السلام عليكم و رحمة الله و بركاته
اذا هامور و ابوطلال و مدري مين تهوروا و حطوا مواضيع ,, وش اقول انا
بدون مقدمات و لا شي لأن اسلوبي مدري وش يبي من الحياة و انتم بتشوفون من القصه
باقول لكم سالفتي يوم عطله الربيع الطويييييييله ::
اذكر يوم مباراة السعوديه و الامارات خليجي 18 كان علي حديث و مكتبه و كل واحد اطول من الثاني و ساحبه عليهم و اناظر المباراة و في الاخير انهزموا :sad: ,, المهم من القهر ما رحت اذاكر قمت احلل المباراة مع ابوي ,, و فجأه و احنا نسولف جاب طاري الشرقيه و قلت له ::
انا :: ايه صح ابوي وش رايك نروح الشرقيه بهالعطله ؟؟ ابوي :: و الله انا عندي شغل فيذاك في العطله و كنت بأقول لكم تخاووني بس سبقتيني انا :: هع هع يا حبي لي بس ,, وش رايك فيني بس ؟؟ ابوي :: لا يكثر و قومي ذاكري ازين لك و لا ترا ما فيه روحه !! انا :: طيب ان شا الله :sad: << من دون نفس طبعا
المهم الحمدلله حليت زين
و جا يوم الاربعاء اخر يوم و كنت انتظره من زمااان ,, و خلصت من النحو و على طول ع البيت ؛؛ حتى خوياتي ما سلمت عليهم من الوناسه << الله من زين الصديقه ..
و طبعاً ما جهزت اغراضي الا في اليوم اللي بنمشي فيه من الوناسه ,, و جمعت اغراضي و نزلت ,, و انا نقلت الشنط في السياره و شلت ثياب ابوي لأني اطول من امي و اختي ,, و لأن اللاند صاير له حادث خذ ابوي سياره " سفاري " وعع اقسم بالله مخيسه هالسياره يا زين اللاند مليون الف طعش مره عندها !! ..
المهم رحنا و وصلنا بالسلامه و لله الحمد و رحنا سكنا في الشيراتون " الدمام " اللي على اخر الشارع ملعب الامير محمد بن فهد ;) ,, و من بكره اللي هو الخميس جاب لي ابوي الله يطول لنا بعمره جوال ,, في نفس اليوم كنا متواعدين احنا و عماتي اننا نتلاقى في العزيزيه و رحنا ,, احلى شي ان ابوي رقى فوق الرصيف عشان نلف و كان فيه سياره و وقفنا لها و السياره تقريبا بعيده يعني يمدي ابوي يمشي قلت له ابوي امش ريضه السياره لا تجي قال :: لا ما عليك انا اللي اسوق موب انتي ,, يوم قربت السياره اثرها دوريه ,, قمت اضحك على ابوي قلت له :: الحمدلله ان انت اللي تسوق مهوب انا ,, قال لي :: بالله لا يكثر ,, بس الحمدلله ما صار شي ..
يوم وصلنا برضه تواعدنا اننا نتغدى مع بعض في الراشد في يوم الجمعه ,, و جا بكره اللي هو الجمعه و طلعنا الساعه 2 و نص ,, و احنا طالعين لقينا عند الباب باص زي النقل الجماعي و ساد علينا قلت لابوي :: اضرب بوري لأن من جد وقفته اليمه و مدري وش تبي هالوقفه ,, قال :: لا شوفي اللي ينزل من الباص اجانب و مابي اضغط بوري و اخرب سمعة السعوديين " ياحبي لك يابوي بس " سكت و قلت ايه نسيت انت اللي تسوق موب انا عطاني نظره من المرايه عشان اسكت ,, المهم نزلت راسي احثبر بجوالي شوي الا شفت واحد من هاللي نازلين لابس بلوزه سودا مكتوب عليها puma بالابيض و كان معه شنطه خضرا عليها علامة و شبهت عالعلامه انه مثل علامة المنتخب يعني سيفين و نخله بس قلت لا وش يجيبهم ,, و نزلت راسي مره ثانيه و قعدت افكر بهالعلامه قلت يمكن فعلاً المنتخب و انا مدري ,, يوم رفعت راسي لقيت عبدالسلام هنا انهببببببلللللللت و كانت السياره اللي معنا مهيب مظلله و ابوي كان فاتح الدريشه ,, و يوم شفت عبدالعزيز قمت اصارخ :: عبدالسلام اقسم بالله انه عبدالسلام .. التفت علي ابوي قال :: خير وش تبين ؟؟ قلت له :: هذا عبدالسلام لاعب هلاااااالي اقسم بالله انه هو ,, قال و الكوبه فيهم كلهم ,, طبعا عبدالعزيز سمعني و شافنا و ضحك " الظاهر انبسط على باله ان عنده معجبات " , و يوم درى ابوي انهم لاعبين قام يضرب بواري خخخخخخخخ , قلت لا بدري تو الناس و برضه عطاني نظره المهم وخر الباص اشوا و مشينا يوم شفت بنت عمتي قلت لها شفت عبدالسلام قبل شوي قالت :: بشري امك " وراهم الناس يحطمون " قلت :: شكله راح للشباب عشانه كان لابس ابيض و اسود << على نياتها , قالت :: يالخبله هذولي المنتخب الاولمبي انا سامعه انهم بيعسكرون في الشرقيه قلت :: اصلا اصلا انا ادري بس استهبل و تغدينا و الحمدلله ,, و كان في نفس اليوم مباراة الاهلي و الاتحاد نهائي كاس فيصل بن فهد و طبعا ما همتني لأن كل واحد اردى من الثاني ,, و يوم رجعنا لقيت باصهم الحمدلله ملبق و وش زينه و قلت لامي تخيلي اشوف الصويلح و كالعاده ما عطتني وجه ,, و احنا داخلين شفت واحد مقبل عالباب و لابس بلوزه مكتوب عليها السعوديه يوم طلع عرفته بس نسيت اسمه ,, و قمت أشر عليه و طلع مني صوت مدري وشلون التفت علي و ابتسم و راح ,, ما دريت الا و جا ابوي و مسكني مع يدي قال :: اذا قلت لك شي تقولين ان شا الله و تسمعين الكلام .. قلت :: طيب انا اسفه ,, و انا برضه منب لم ابوي ابي اذكر اسم لاعب و تراه هلالي ,, يوم دخلنا المصعد ابوي يهاوش و انا اسلك له ابي اذكر اسم اللاعب ..
تتوقعون اني ذكرت اسم اللاعب و لا لا ؟؟ و تتوقعون اني شفت الصويلح و لا لا ؟؟ و وش صار معي و مع ابوي ؟؟
هذا ما ستعرفونه في الجزء الثاني من القصه فكونوا مستعدين اذا كنتوا متحمسين مع اني خابره ما تحتمستوا مع الاسلوب الجميل
<< حسيت اني مهمه و قويه
برايفت :: انا كتبت القصه كلها في الوورد و حسيت انها طويله فـ عشان كذا خليتها جزئين برايفت ثاني لكمـ كلكمـ :: لحد يحجز و يسحب تكفووووووون :sad:
,, المهم من القهر ما رحت اذاكر قمت احلل المباراة مع ابوي
تعاندين نفسك يعني اشوا انا استحيت على وجهي ورحت اذاكر
إقتباس
المهم الحمدلله حليت زين
حليتي زين حطي عيني بعينك @!@
إقتباس
و جا يوم الاربعاء اخر يوم و كنت انتظره من زمااان ,, و خلصت من النحو و على طول ع البيت ؛؛ حتى خوياتي ما سلمت عليهم من الوناسه << الله من زين الصديقه ..
هذي هي الصداقة الصح
إقتباس
المهم رحنا و وصلنا بالسلامه
الحمد لله على سلاامتكم عسى ما تعبتي من الرحله
إقتباس
,, احلى شي ان ابوي رقى فوق الرصيف عشان نلف
ليه ما تتبعون النظام
إقتباس
و احنا طالعين لقينا عند الباب باص زي النقل الجماعي و ساد علينا قلت لابوي :: اضرب بوري لأن من جد وقفته اليمه و مدري وش تبي هالوقفه ,, قال :: لا شوفي اللي ينزل من الباص اجانب و مابي اضغط بوري و اخرب سمعة السعوديين " ياحبي لك يابوي بس " سكت و قلت ايه نسيت انت اللي تسوق موب انا
يعني لو انهم سعوديين طلع ريحتهم بالبواري
إقتباس
و يوم شفت عبدالعزيز قمت اصارخ :: عبدالسلام اقسم بالله انه عبدالسلام
احد قال شي
إقتباس
.. التفت علي ابوي قال :: خير وش تبين ؟؟ قلت له :: هذا عبدالسلام لاعب هلاااااالي اقسم بالله انه هو ,, قال و الكوبه فيهم كلهم
قويييييييه يا حليلة ما يعرف يجامل
إقتباس
,, طبعا عبدالعزيز سمعني و شافنا و ضحك " الظاهر انبسط على باله ان عنده معجبات " ,
لحوول خليه ينبسط
إقتباس
و يوم درى ابوي انهم لاعبين قام يضرب بواري خخخخخخخخ , قلت لا بدري تو الناس و برضه عطاني نظره
انتي ما تتوبين يعني لا زم يعطونك نظره خاطفة المهم وخر الباص اشوا و مشينا يوم شفت بنت عمتي قلت لها شفت عبدالسلام قبل شوي قالت :: بشري امك " وراهم الناس يحطمون " يالب قلتك دايم معطينك اشكل
إقتباس
قلت :: شكله راح للشباب عشانه كان لابس ابيض و اسود << على نياتها , قالت :: يالخبله هذولي المنتخب الاولمبي انا سامعه انهم بيعسكرون في الشرقيه قلت :: اصلا اصلا انا ادري بس استهبل
عااااااش مصرف تحيه كبيره للي تعرف تصرف
إقتباس
تتوقعون اني ذكرت اسم اللاعب و لا لا ؟؟
الله اعلم
إقتباس
و تتوقعون اني شفت الصويلح و لا لا ؟؟
برضو الله اعلم
إقتباس
و وش صار معي و مع ابوي ؟؟
الله يستر منك انتي بس
إقتباس
هذا ما ستعرفونه في الجزء الثاني من القصه فكونوا مستعدين اذا كنتوا متحمسين مع اني خابره ما تحتمستوا مع الاسلوب الجميل
وين الجزء الثاني
اسلوبك في (سرد الرواية )ر ائع جدا والله من جد!.
عجلي علينا بالجزء الثاني ، وشكلك من البنات الي هم يكونون(ماهم صاحيين ) يعني مايهم الي حولهم ابد يصارخون ويسلمون كذا.!
وشكله ابوكي مدلعكي (هههههههههههههههههـ
ولاتعودينها ، لايطر العدب السلام بالعجة.!
يالله يااسماعيل يالله ياشباب>>>>فارس عوض فيه هذي اللحظه والدقيقه90 وباكيتا مابعد سوى تغيرات جا الهدف
بعد ماجا الهدف ماكملت المباراة معد بقى شي رحت اذاكر اصرف لي طبعا منيب دافور بس الطفش حدني
كل اللي اعرفهم يقولون لي اسلوبك بايخ و اللي ما اعرفهم يقولون حلو ,, مدري مين اصدق هلالي شقراوي :: الحين انا البنت ما قدرت اذاكر من القهر و انت الولد ذاكرت ,, دنيا عجيبه و الله البالون :: انت اشطر واحد ,, حجزت و على طول رديت ما شا الله عليك ,, و انا اسفه لأني قهرتك
إقتباس
مايستفـاد من القصـة شيء واحـد فـقـط :
هنا تقول شي واحد فقط و قلت لي اربعه r7l :: اقول لكم و الله مدري متى بنزل الجزء الثاني لا تحرجووني تكفوون ThE MaGiCiAn 10 :: ياخي قصتي و لا بريزن بريك الله يهديك مع اني ما قد شفته
الــتــهــور الـصــدقـي ,, " قصتي يوم شفت لاعبين المنتخب السعودي " في احد الفنادق !! 
::
..
!! ..
,, في نفس اليوم كنا متواعدين احنا و عماتي اننا نتلاقى في العزيزيه و رحنا ,, احلى شي ان ابوي رقى فوق الرصيف عشان نلف و كان فيه سياره و وقفنا لها و السياره تقريبا بعيده يعني يمدي ابوي يمشي قلت له ابوي امش ريضه السياره لا تجي قال :: لا ما عليك انا اللي اسوق موب انتي ,, يوم قربت السياره اثرها دوريه 
,, قال :: لا شوفي اللي ينزل من الباص اجانب و مابي اضغط بوري و اخرب سمعة السعوديين " ياحبي لك يابوي بس 
" سكت و قلت ايه نسيت انت اللي تسوق موب انا 
هنا انهببببببلللللللت و كانت السياره اللي معنا مهيب مظلله و ابوي كان فاتح الدريشه ,, و يوم شفت عبدالعزيز قمت اصارخ 
" , و يوم درى ابوي انهم لاعبين قام يضرب بواري خخخخخخخخ , قلت لا بدري تو الناس و برضه عطاني نظره 
,, يوم دخلنا المصعد ابوي يهاوش و انا اسلك له ابي اذكر اسم اللاعب 
الوضع العادي
