مشكور ع الموضوع الرائع وننتظر الجزء الثاني الي عقب الاول

.. وعليكم السلام ورحمة الله وبركاته ..

.. مووضووع رائع جدا هلاليه وافتخر ..

.. وانا بنفس وقتك كنت شايف الصويلح والعبدسلام ووو اغلب لاعبين المنتخب الاولمبي في سوق الراشد حتى الصويلح مباشر عليهم ..

.. بانتظار الجزء الثاني ..

إقتباس الرسالة الأصلية كتبت بواسطة الـمـشـاغـب ^ ^ فاهم عليك هالاحساس بس البنت العاقلة تكون راكدة مو خفيفة ...!! لو أي واحد يشوف بنت تأشر للاعب أو غيره من المشاهير ( الرجال) .. راح يشك في تربيتها ..!! وشوفي وش يقول الناس عن البنات اللي بمقطع البلوتوث مع فزاع اللي قامن يصارخن عليه ..!! ;) أتمنى تكونين فهمتي قصدي

إقتباس الرسالة الأصلية كتبت بواسطة هلاليه و افتخر مشكورين كلكم عالمرور و المدح ,, و اخوي المشاغب انا فاهمه قصدك بس قسم بالله اني يوم شفته ما قدرت امسك نفسي و صرخت لا شعورياً !! و انا عارفه ان هذا خطأ و اكبر خطأ بعد ,, بس اقسم بالله ما قدرت ,, و انت لوك بنت و مجنونة كوره مثلي بتسوي مثلي ,, بس انت تقول كذا لأنك ولد و تقدر تدخل ملعب و مليت من خششهم .. و اتمنى انك فهمت قصدي ,, و الف شكر على مرورك ..

شكرا على الموضوع المميز والطويل شوي بس حلو
انا شفتهم مباراه الهلال_الكويت
والهلال_فريق عراقي يوم يطلع الهلال من الدور الاول تعادلوا 1_1
وانسكر ذاك اليوم تلفوني من الزحمه عند الباص حق النادي

السلام عليكم و رحمة الله و بركاته

هذي اخر جمله وصلنا لها ::

إقتباس يوم دخلنا المصعد ابوي يهاوش و انا اسلك له ابي اذكر اسم اللاعب ..

الجـزء الـثـانـي ::

يوم وصلنا للدور و باب المصعد توه ينفتح تذكرت اسمه و قلت بقوه بس موب مره :: اييييييييييييييييييييييييييييه صح هذا سعد الذيااااااااااااااااااااااااب ,, المهم يوم طلعنا من المصعد اثر فيه لاعب بس للحين ما عرفت منهو و طبعا سمعني و ضحك و ضعيف كارفينه كان شايل 5 شناط ثنتين يمين و ثلاث يسار ,, يوم رحنا للغرفه دخلنا الكرت و لاطاع يفتح نزل ابوي يشوف وش سالفتهم و كنت بانزل معه بس هونت << طبعا انتم مصدقين ,, المهم وقفنا انا و امي و اختي عند الباب و كانت الغرفه اللي ورانا حاطين على مباراة الاهلي و الاتحاد و مطولين له و صججه شوي ,, قمت افكر بصوت عالي شوي قلت :: مادام ان اللاعب قبل شوي ساكن بهالدور اكيد ان الصويلح برضه في هالدور <-- ذهينه .. و طلع واحد من الغرفه اللي جمبنا مليان شوي قالت امي :: يمكن هذا تبعهم " طبعا قالته بشويش " عاد انا ما اتكلم بشويش يا اتكلم بقوه و لا ما اتكلم .. المهم قلت :: لا هذا دب اما يصير مع المنتخب التفت و ناظر اختي بحقققققققققققققققققققققققققققققققققد على باله ان هي اللي قايلته و انا كذا >> ,, قالت امي :: بعذر ابوك معصب عليك :p,, المهم جا اللاعب اللي كارفينه و دخل في الغرفه اللي ورانا و قلت :: اما يكون الصويلح بهالغرفه و التفت ابي اشوف كم رقم الغرفه و لا ابو الشباب ما سكر الباب و سمعني و طاح وجهي للمره الثانيه ,, عقبها جا ابوي و دخلنا الغرفه و دقيت على بنت عمي قلت لها عنهم و قالت لي طيب صوريهم قلت لو صورتهم كان ما كلمتك !! ,, من بكره اللي هو السبت طلعنا العصر رحنا و طلبنا المصعد و انا ما غير التفت يمين و يسار ادور واحد منهم ,, المهم يوم وصل المصعد التفت على اختي و قلت لها :: تخيلي يطلع الصويلح الحين قالت لي :: اص بس ,, يوم انفتح المصعد صار فيه " يوسف السالم و واحد اسمر شكله حسن معاذ " هنا ما ادري وش اسوي و مسكت نفسي الحمدلله ,, السالم متتتتتتتتنح فيييييني مررررره مدري وش يبي و انا التفت عنه يعني تراك ما هميتني ,, و حسن معاذ يضحك مدري ليه " عسى ما يضحك علي " ,, المهم و انا انزل قلت خلاااص بااشوووف الصويلح ان شا الله ,, المهم و احنا نازلين لقيت 3 لاعبين واحد منهم عبدالسلام << يا كثره ,, و الباقين واحد شبابي و الثاني مدري منهو ,, و كانوا رايحين يتدربون طبعا طلعنا وراهم و كان الباص ملبق يسار الباب و كانت سيارتنا عند المواقف اللي ورا الباص التفت علينا ابوي و قال :: اجيب السياره و لا تروحون لها ؟؟ ,, قلت له :: لا نروح لها احسن رياضه ,, قال :: انا اكلم امك ما كلمتك ,, عادي متعوده من ابوي يسكتني ,, قالت امي :: لا انا ودي امشي شوي ,, هنا حبيت راس امي و قلت لها :: يا فاهمتني ,, المهم و احنا رايحين كان عند باب الباص مدرب المنتخب الاولمبي " بندر الجعيثن " و ما غير يناظر هو و خشته مدري وش يبي ,, القهر يوم ناظرت الباص اثره مظلل وش دعوه ؟؟,, و مشيت عادي و لا سويت شي بس ناظرت الدرايش و لقيتها مظلله و نزلت راسي " مقهوره "
,, يوم ركبت السياره على طول طلعت جوالي و قمت اصور ,, اول صوره باصهم عشان تصدقون ::







و كان فيه 3 لاعبين توهم طالعين و قلت لابوي بس وقف و باصورهم من بعيد ,, و الله انه اسرع شوي و بغينا نرقى الرصيف بس ربي ستر الحمدلله ,,
بس صورتهم و مهوب واضحين بعد بس عشان تصدقوني ::








يوم رجعنا في الليل قبل ما ندخل شفت واحد مشبهه عليه ,, يوم قربنا شوي اثره الصويلح هنا انهبلت و التفت على اختي :: الصوييييييييييلحححححح بس بصوت خفييف و مشدده الححاء ,, و انا مرره مبسوطه و ما قدرت اطلع الجوال لأن كان معي كيستين و كيسة ماكدونالدز ,, يوم قربنا مررره مررررررره ما طلع الصويلح :sad: طلع يوسف السالم ,, من بكره اللي هو الاحد نزلنا نفطر و شفت واحد لابس بلوزه و من ورا مكتوب عليها " السعوديه " و شكله تبع الجهاز الطبي ,, و للأسف في هذا اليوم ما شفت و لا لاعب بس المدرب و المساعد و الطبيب و مدري مين و الصويلح ما شفته ,, بس الذياب و العبدالسلام ,, عاد يوم الاثنين رجعنا للرياض و الثلاثاء رحنا للبر لين الجمعة يعني العطله كلها وناسه بوناسه الحمدلله ,,

و أبوي ابشركم نسى السالفه على طول و لا قال شي ..

و هكذا أعزائي القراء اختتم معكم قصتي " اللي مدري وش تبي " ,, و اتمنى انكم انبسطتوا مع الاسلوب الجميل ,, و تراني ما اعرف اختم للأسف فـ " اعذروني " ..

و الـسـلامـ خيـر الختـامـ ,, ( برضه خشه تلوح بيدها الكريمة )

..

عواااااافي اختي

ياهلا والله هلاليه وافتخر



صحيح الاعضاء امتدحو اسلوبك في سرد <-- بالله ركزي على سرد لانه متعوب عليها

القصه .. لكن ان تأتيك الشهادة من ليو ميسي حبيب الشعب فهذا انجاز بحد ذاته


موضوع مميز اختي الغاليه ... وطريقة رائعه في الالقاء <-- سلامات قصدي الاسلوب

وزي ماقالت الهنووف عقبال ماتشوفين سامي وتصورينه وتسدحين الصور هووون

اما انا بصراحه مليت كل يوم وانا مقابل خششهم

عاد امس ياسر مرسل لي كوووول مي ثلاث مرات وانا ساحب



اقول ابوقف الرد لحد هنا ويكفي <--- لاتلومينه تو منزل الاخبار


عواااااااافي هلاليه وافتخر على هيك موضوع عسل وإنتظار جديدك


.

هلا هلاليه وافتخر

الحمدلله على السلامه

الصراحة اسلوبك في القاء القصة حلو وياليت كل يوم تتهورين وتكتبين موضوع

اما عن نفسي مليت من كثر ما اشوفهم

عقبال ماتشوفين الصويلح

احس اذا شفتي الصويلح الرياض موب سالمه منك <<< احس اني اول مره بنطق من بنت

يعطيك العافيه هلاليه على الموضوع