الأمير بندر بن محمد < تكفى اقبلها وريحنا ..!! - نادي الهلال السعودي - شبكة الزعيم

المجد السامي · #1 20/08/2007, 02:50 AM

بسم الله الرحمن الرحيم

السلام عليكم ورحمة الله وبركاته

صبحكم الله بـ الخير / مسّاكم الله بـ الخير

طبعاَ ياحبايبي تعرفون الأمير بندر بن محمد كـ شخصيه بارزه في الهلال وكـ رئيس سابق

في الفريق الأول .. وتعرفون الإنجازات اللي تحققت في فترة رئاسته والصفقات اللي

تمت وكسبها في وقته رغم ان هناك رؤوساء انديه ينافسونه في كسب صفقة اللاعبين

والأمير بندر بن محمد شخصيته قويه غير الأمير محمد بن فيصل مع احترامي الشديد له

شخصيته ضعيفه جداَ واكبر دليل فشله في الصفقات ( في المزايده ) يستسلم ويقول

مابندخل في صفقه فيها مزايدات ، غير الأمير بندر بن محمد اللي إذا قال كلمته قالها

اذكر وقت مفاوضة اللاعب الكويتي الكبير( جاسم الهويدي ) كانت هناك اطراف اخرى

تفاوضه اللي هو نادي الجار ( النصر ) بس الأمير بندر بن محمد قال كلمته الهويدي لنا

يعني لنا وراح لـ الكويت بـ الكاش وكسب الصفقه .. موالأمير محمد بن فيصل الخواف

ذو الشخصيه الضعيفه .. انا هنا بعمل مقارنه بسيطه بين الأمير محمد بن فيصل وبين

الأمير بندر بن محمد :

في فترة رئاسة الأمير بندر بن محمد كسبنا بطولات عديده وكبيره وكسبنا صفقات لاعبين

لهم كلمتهم في الملعب مثل جاسم الهويدي وبشار عبدالله وغيرهم من اللاعبين الوطنيين

( لااذكر اسمائهم ) وفوق كل هذا تأهلنا لـ كأس العالم لـ الأنديه ..

الأمير محمد بن فيصل :

كسبنا بطولات عديده وكسبنا صفقات لاعبين لهم كلمتهم في الملعب مثل ياسر القحطاني

وتفاريس وكماتشو ( سابقاَ ) وطارق التائب بس في نقطه سلبيه الا وهي عدم مداخلته في

الصفقات اللي تكون فيها مزايدات يمكن يكون السبب عدم وجود الماده لكن هذا مايمنع انه

يدخل والنقطه السلبيه الكبرى عدم اهتمامه بـ النادي وتلاعبه بـ اعصاب جماهيره ومحبيه

، بـ ختصار اوزبدة الكلام احنا نبغى الأمير بندر بن محمد رئيس لـ النادي بديلاَ عن

الأمير محمد بن فيصل .. لاسيما ان الأمير بندر بن محمد شخصيه بارزه وقويه في النادي

وفوق كل هذا محبوب عند الكل ... تكفون اخواني صوتوا معاي لـ الأمير بندر بن محمد

عشان يمسك رئاسة النادي من الموسم المقبل لـ عدة مواسم

وإذا فيه خطأ والا شي .. ارجوا المعذره والسموحه فـ انا اعتب على من احب :sad:

سـ6ـام · #2 20/08/2007, 02:58 AM

ماهكذا تورد الابل اخوي

اصبرو ياجماعة الخييييييير,,,,

Z3EEM . FC · #3 20/08/2007, 03:02 AM

انا معكـ

عاشق الزعيم!! · #4 20/08/2007, 03:06 AM

غريب امركم يا اعضاء

والله حرام تفعل عضوياتكم

الله يعينك يابو سلطان

عقلاء الهلال وراك يا ابو سلطان

المجد السامي · #5 20/08/2007, 03:07 AM

ماهكذا تورد الابل اخوي

اصبرو ياجماعة الخييييييير,,,,
طفح الكيل والله وانا خوك .. ماعاد فينا صبر ،، نفذ صبرنا والله والسبب الأمير محمد

بن فيصل

المجهول الهلالــ10ـي · #6 20/08/2007, 03:11 AM

وين
الأمير بندر بن محمد أوكي رئيس ممتاز
ولكن محمد بن فيصل أيضا رئيس ممتاز ولا تنسى إن الأمير محمد
# ضحى بدراسته من أجل الزعيم 0
# أحضر للهلال أبرز نجوم المملكة من لاعبين محليين وأجانب
# دشن في رئاسته جوال الهلال وقناة الزعيم
# الأمير محمد ينقص رئاسته كأس أسيا وهذاه بالطريق
تحياتي

أخوك / المجهول الهلالــ10ـي

(سفير الزعامة) · #7 20/08/2007, 03:14 AM

لا تعلييييييييييييق

المجد السامي · #8 20/08/2007, 03:17 AM

# ضحى بدراسته من أجل الزعيم
مدام انه يدرس ليه وافق على رئاسة النادي ؟

الأمير بندر بن محمد وبسسسسسسسسسسس مع احترامي لـ بوسلطان

Deniro · #9 20/08/2007, 03:20 AM

محمد بن فيصل ارحل وكمل دراستك
اثبت فشلك..ولاتنسى خذ معك نواف التمياط وريحونا انت وياه

الحبيب3 · #10 20/08/2007, 03:21 AM

والله انك صادق ياأخوي

رمال شقراء · #11 20/08/2007, 03:25 AM

إقتباس

الرسالة الأصلية كتبت بواسطة عاشق الزعيم!!


	غريب امركم يا اعضاء والله حرام تفعل عضوياتكم الله يعينك يابو سلطان عقلاء الهلال وراك يا ابو سلطان

سامي جده · #12 20/08/2007, 03:37 AM

الامير بندر بن محمد على العين والراس
ولكن الامير محمد بن فيصل ايضا على العين والراس

والله انكم غريبين الرجال ما قصر معكم وهذا جزاه

انا وجميع العقلاء الهلاليين معك يا ابو سلطان

@ابو مطلق@ · #13 20/08/2007, 03:39 AM

انا معك بس بعد نهاية الموسم ..

أ ح ب 9 9 9 · #14 20/08/2007, 03:45 AM

قال ايش قال ضحى بدراسته !!!!!!!
اتمنى بعض الاعضاء يتكلم بما يعلم اي دراسه الي تتكلم عنها .

مشكورمحمد بن فيصل ماقصراعاد جمهور الهلال للمدرجات لكنه لايملك فن الادارة

الامير بندر بن محمد رجل قيادي بمعنى الكلمة
تكفى ياسمو الامير بندر تدخل الهلال في خطر

gado3 · #15 20/08/2007, 04:05 AM

اقول المجد السامي سقها سقها ماباقي غير الاشكال تكلم على الظاهره اطلع بر االمنتدى
ياحـــــــــــــــــــــــــــــــقيـــــــــر