#1  
قديم 19/08/2007, 05:23 AM
زعيــم متألــق
تاريخ التسجيل: 12/12/2005
المكان: مدري
مشاركات: 1,176
محمد بن جارالله وابن حمري"الزعامه للهلال"++قصيده للشاعر محمد السهلي للامير راشد

هذا حوار اجري للشاعرين العملاقين في مجلة المختلف للعدد الاخير 193

"الهلال دايماً فايز" هكذا قال علي بن حمري, <الهلال زعامه دايمه>وهكذا عبر محمد بن جارالله السهلي.. شاعران مبدعان اجتمعا على حب نادي الهلال السعودي واعلنا هلاليتهما من مجلة المختلف من دون خوف من جماهير الانديه الاخرى.

سؤل علي بن حمري :
س:ماذا تحب في الهلال ؟
اجاب: احب في الشعر الابداع وفي الكرة اعشق الابداع , والهلال وجه خير, لاشفنا"الهلال" شفنا الرواتب, ولاشفنا "الهلال "صمنا, واحب الامير محمد بن فيصل رئيس نادي الهلال,واشوفه بشكل يومي ومعه احس بالامان,والهلال حين يلعب مايوجعني ظهري وهو يلعب.

س:وإذا خسر الهلال ماذا تفعل؟
اجاب: لاشيء.. بس ازعل, يارجال حنا خسرنا ناس والخساره والفوز من سمة الابطال لكن عمر الهلال مايخسر في بطوله مهمه.

س: مانت خايف من جمهورك عشاق الانديه الاخرى؟
اجاب:يارجال لو الحب يخوف كان الناس صاروا موتى!!

س:وماذا عن ياسر القحطاني؟
اجاب:ياسر اكد لي اني صح يوم حبيت الهلال من الشبك الى الشبك, ومن الطويل الى القصير, ومن الحارس للهجوم, وعلى فكره احببت الهلال اكثر يوم شفت محمد جارالله يحبه بعد.

س: ماذا قلت لياسر ؟
اجاب:قلت له: الاندونيسيه "الشغاله" ماراح تستلم رواتبها لمدة ستة اشهر بعد المباراه اللي بين السعوديه واندونيسيا.

س: وماذا قلت للهلال؟
اجاب:
اعشق زعيم الانديه اللي مسميه الزعيم****ابن الزعيم من الاولمبي لين سماه الهلال
حنا على راس الشهر نقول يالله ياكريم****ولانعرفك يارمضان الا اذا شـفنا الهلال
وعلى فكره اللي مسميه " الهلال " هو الملك الراحل"سعود بن عبدالعزيز"رحمه الله.

في حين كانت ردة فعل الشاعر المبدع محمد بن جارالله السهلي قصيده كامله اوضح فيها سبب خسارة الدوري.. قصيده رائعه يكتبها شاعر القلوب بحرفنه لامتناهيه ويهديها للامير راشد بن عبدالعزيز ال سعود:

البارحـه من حـزنها ضاقت جمـاهير الـهلال
وانا على شان الهلال اشعر من البارح بضيق
شاعر ولاادري ليه ماجاله على شعري مجال
وانا اعشقه عشق الملوك لخدمة البيت العتيق
اشـجـعه مـن قبـل لبـسي للعـمامـه والعـقـال
ويـصـير شـعري عـقد لـولو وياقوت وعقـيق
بـدت عـلاقتـنا مـن ايـام الغـزو والاحـتلال
يعني هو: اول حـب واول تجـربه واول رفيـق
اجـامل احـياناً لـكن الـيا اشـغلوني بالجـدال
ابـلا تـردد اتـمـادى عــــشــق واولـع حريــق
اعلن"هلاليتي"واماريبه عـلى روس الطـوال
من قمـة الـضـلع الـمويق لـقمة الضـلع المـويـق
مـع احـترامي لـلجـميع مـن الجـنوب للشـمال
يبقى زعـيم الانـديه والمـجد والصـيت العـريـق
ماكنه الا ابداعـي بقـصيدتي"اصعـب سـؤال"
من بحـرها لافـكـارها لإحساسـها العـذب الرقيـق
سؤال لايـمكن يحـلونه ولـو طــال المــطال
لو يحــذفـون اجــابتــين ويســـتعينون بصــديق
كن المـحال يـمر مـوسم فـيه مـاحقـق مـحال
وهـذا هو الـلي صـعب نرضـابه وفيـنا مايـلـيـق
ياليلة الجــمعه تغــيرتي على كــل اللـــيال
فيك الــسعاده مـرت وتاهـت وظـل بــها الطريق
بين الضياع وصدمة الموقف وحسرة انفعال
وصدر يضــيق به الزفــير اليــا تقــفاه الشهيق
اغتيلت الفرحه عبث باللــخبطه والاخــتلال
كنها المحيط اليا انتـحر موجـه على جال المضيق
ومن قال لي وشلون والا كيف صار الاغتيال
اقــول وانـا ابتــسم من شــدة الحــزن العـــميق
جانـا"باكيتا"مــن فـشل ابوظبـي والـمونديال
واللي مــحطم منتخــب سهــلة يحــطــم لـه فريق
وانا قسـم بالله مافـيني على الـصبر احتــمال
بـارد على عــد الامــاني وارتــوي وابــل ريــق
يــاودي اتجــرد من الواقــع واســافر للخيال
وياودي اغفي"خمسة وعشرين عام"وثــم افــيــق
ويصير ذاك اليوم لامن فقت رئــيس الهـــلال
"راشد بن عبـدالعزيز " المجــد والفــعل الطــليق
وانا اشهد ان لامن ترأس مجلسه نسل الرجال
صــار الــهلال بوقــتها فريــق عن ميــة فـريـق


هنالك صور للشاعرين وهما يتوشحان شعار نادي الهلال كذلك صوره رائعه للامير راشد
هذا واشكر جميع من قرأ هذا الموضوع وعلى فكره تروه موضوع متعوب عليه يعني الله الله بالردود
واللي يقدر ينزل الصور يكون سوا خير
  #2  
قديم 19/08/2007, 05:25 AM
زعيــم مميــز
تاريخ التسجيل: 28/08/2006
المكان: سديـر ديرهٌ آلخيـر ~~
مشاركات: 7,391
موضوع رائع

تسلم يمينك

والف شكر لك
  #3  
قديم 19/08/2007, 05:33 AM
زعيــم فعــال
تاريخ التسجيل: 07/08/2007
المكان: حـــائــل
مشاركات: 366
صح لسان الشاعر
يعطيك العافية اخوي
  #4  
قديم 19/08/2007, 05:37 AM
زعيــم مميــز
تاريخ التسجيل: 30/10/2005
مشاركات: 3,803
اللهـ يعافيكـ يالغالي .. !!



واللهـ قصيدهـ رائعــهـ .. وصح لسان شاعرهـا .. محمد !!



الف تحية ..
  #5  
قديم 19/08/2007, 05:50 AM
الصورة الرمزية الخاصة بـ السلطاني
عضو ادارة الموقع الرسمي لنادي الهلال
تاريخ التسجيل: 20/03/2001
المكان: @alsultany15
مشاركات: 22,806
اخي الكريم

الموضوع مكرر

على هذا الرابط

مجلة المختلف>> محمد جار الله وابن حمري: الزعامة للهلال

نعتذر لك

وننتظر جديدك
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:51 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube