قريت الردود كلها ،، قريتها كذا مرة
وش اقول ؟؟ ،، ترددت كثيرا قبل ما ارد ،، بس من الواضح اني ما رح اخسر شي دامي خسرتكم ( هذا الكلام للي ردوا بس باسثناء سلمان )
تعرفون الواحد لا صار عنده كلام كثير وده يقوله ،، وبعدين يقول لنفسه لا لا خلاص ما في فايدة من الرد دام هذا كلامهم وهذي اقتناعاتهم .
تدرون،،، طلعت برا المنتدى ورجعتله بعد شوي ،، تصدقون لما شفت صورة عبدالرحمن بن سعيد جاني شعور غريب وكأني صرت غريب في ذالمكان ،،، تتوقعون ليه ؟ لأني ما توقعت ان في الزعيم مشجعين مثل اللي ردوا.
بس السكوت عن قناعاتي مهيب من عادتي ،، ما أحب أفرض رأيي على الآخرين لكن في نفس الوقت ما أحب أحد من الغير يفرض رأيه علي .
بناء على طلبكم انتم اني أرد برد وبناء على طلب سلمان بكون صريح الى أبعد الحدود اذا كان هذا طلبكم .
وقبل ما أبدأ الردود أحب أقولكم ان الموضوع الآن بعد ردودكم طلع برا الموضوع الرئيسي وهو موضوع الكاسر وصار عني انا لذلك برد عن نفسي والكاسر اذا حب يرد على موضوعه هو بكيفه .
*************************************************
بداية أخوي سلمان ..
بصراحة أعجبني فيك رحابة صدرك لكلامي ،،
أخوي الحبيب ،، انت قلت ((بالنسبة لموضوع المقارنة بين سامي ونواف احنا أعدنا كتابة سياسات المنتدى لأجل ذلك )) يعني ما حذفته أو على الأقل قفلت باب الرد مع انه يخالف مخالفة صريحة المادة الثالثة من سياسات المنتدى اللي تمنع كتابة موضوع مقارنة بين اللاعبين . بينما الموضوع اللي ((انتم رأيتم)) إنه يدخل تحت باب المنع تم اقفاله ولم تكتبون في حينه سياسات المنتدى .
تقول اخوي سلمان (((واخي مرة قلت انك تشك ومرة قلت لاني متواصل مع الاعضاء ولم تحدد لي علي ايهما استندت عندما اشرت لي دون غيري في العنوان فكم كنت اتمني ان تحدد علي ماذا استندت دون تشتيت لي عن السبب الرئيسي لذلك.)))
نعم انا قلت اشك لأن مواضيعك الأخيرة تحديدا اللي بإسمك تركز فيها على سامي وهذا شي رائع وتمتعنا فيها بكلام جميل عن سامي وهذا شي جميل ومن هنا بنيت شكي وقد أكون مخطئ بس الغريبة لو كان شكي خطأ كان مسكتها علي كنقطة ضدي وتقولي وقتها طيب وش رايك يا سيف انه مهوب انا اللي طلبت حذف الموضوع ،،،، أما عن مسألة التواصل أو التفاعل زي ما قلت أنا فنعم أنا أعني ما أقول فكوكتيل مثلا لا نرى له مواضيع الا بالنادر جدا ( وهذا مو غلط ) والاعصار كذلك ،، أو على الأقل بصيغة أخرى انت أكثر المشرفين كتابة في المنتدى في الوقت الحالي على الأقل .
تقول اخوي سلمان (((اما سؤالك اذا كان موضوع عن محمد النزهان هل سنحذفة ام لا فانت بامكانك تجريب ذلك وكتابة موضوع يسي الكابتن محمد النزهان بشرط ان تنتقي الوقت المناسب لمهاجمتة ))) أهدي اليك هذا اللنك اللي ما يسئ للنزهان بس بل للغامدي وللمفرج
http://alzaeem.com/ubb//Forum28/HTML/000408.html
بس الواضح ان فيه فرق بين الكباتن ،، ولو تجرأ الكاتب الذي أكن له كل الاحترام والتقدير في ذكر سامي من بعيد في الاساءة لحذف الكاتب بكبره من المنتدى ولأزبد وأرعد بعض الأخوان .
تقول (((من يحاول الاساءه للهلال ولنجومه ليس له مكان بيننا حتي لويدعي حب الهلال والانتماء له فنحن هلالييون قولاً وفعلاً))) ،،، من حاول الاساءة للهلال ،،، أنا؟؟ والله مدري،، بس الأكيد ان الجواب في اللنك السابق ،، الا اذا تعتبرون سامي هو النجم فقط وعشان صيغة الجمع يمكن انكم تعتبرون سامي والثنيان ونواف هم النجوم فقط .
تقول اخوي (((اما وصفك التهجم علي رمز الهلال بانه امر حساس فهذا شان اخر لم نره نحن واعتقد ان الكثيرين يوافقوني الراى ))) ،، نعم وانا من ضمن من يوافقك الرأي اذا كان فيه تهجم على سامي أصلا ،،
تقول اخوي سلمان (((اخي استمع للراي الاخر ولاتصف من لايوافقك الراى بانه متعصب ))) ،، الآن هل صدر مني شئ يدل على اني ما أبي أستمع للرأي الآخر،،، بالعكس الحبايب اللي ردو وقالوا احذفو موضوع الكاسر هم اللي ما يبون يستمعون للرأي الآخر اللي هو رأي ((الكاسر)) و((رأيي)) ورأي ((ابو العنود)) ورأي ((نجم النجوم)) ورأي ((ABU3ABED)) ورأي ((النمر وبس)) وهذولي اللي ردو ردود صريحة بالموضوع عدا عن آخرين ردو ردود مؤيدة ولكنها ضمنية .
تقول اخوي سلمان (((اما الاعضاء الذين اشرت اليهم اشاره مبهمه لااعرف فحواها فانني اناشدك عبر هذا الرد بايضاح ذلك لي اذا كان بامكانك ))) أنا أقصد نفس الشخص اللي انت قصدته لما قلت ان في واحد تهجم عليكم بمجرد تسجيله في المنتدى ،، هل عرفته ؟
أخيرا انت تقولي ((( اخي سيف للمرة الثانية توجه خطابك لي خاصة دون بقية اعضاء ادارة الشبكة ولااعرف علي اي اساس بنيت توجيه خطابك هذه المره لي ايضاً)))،،، أخوي سلمان انا قلت بردي بالحرف (((في موضوعكم عن سياسات المنتدى وصفتم ( وهذي بالجمع حتى لا اتهم بتهميش بقية المشرفين) )))،،، أحلفلك بالله اني ما عنيتك انت بالذات لكن عنيتكم كمشرفين . أرجوك يعني انت كررت هالنقطة بالذات كذا مرة وكأنها مشكلة مع اني قاعد أتحدث مع مشرف مثل بقية المشرفين ،، يعني ما ادري وين المشكلة في اني أتحدث مع مشرف ويقولي ليه تعنيني انا بالذات لدرجة اني خايف من ردي هذا انك تقولي نفس الكلام خايف لا كتبت لمشرف آخر يقول ليه تعنيني انا بالذات .
انت اخوي سلمان على عيني وراسي ووالله اني أحبك في الله وما بيني وبينك شي أبدا ونعم نحن بشر نصيب ونخطئ ولك كل تحياتي وتقديري .
**************************************************
أخوي طلال ،،، أتمنى انك تكون ارتحت فقد تفرق شمل الهلاليين بإقفال الموضوع وليس بإبقاءه كما تقول .
**************************************************
أخوي vip ،،كلامك مطاطي جدا لدرجة اني عجزت ابدا معاك من فين لكن بحاول أوضح لك وجهة نظري اللي أتمنى أن تتقبلها برحابة صدر ...
تقول انك تراني أشكك بالموقع وادارة الموقع وبالذات سلمان ،، وانا أقول الظاهر انك انت قريت كلمة أشك وبديت انت اللي تشكك ،، انا قلت بالحرف اني أشك ان سلمان هو اللي حذف الموضوع ،، ما شككت بإدارة الموقع والموقع فلا تتهم جزافا وتكبر كلمة انا قلتها وتغير معنى قصدته وتلصق فيني تهمة من لا شئ .
تقولي ((( انت الان في موقع المهاجم للشبكه وادارتها وانا ارى ان من كتب الموضوع بالاساس هو الذي له الحق بقول ما ذكرته دون تشكيك باحد لكن لا غريب في عالم المنتديات فقد نرى اناس يكتبون دفاعا لبعض وكانهم شخص واحد !!!))) ،،، اذا في نظرك مناقشة واستفسار عن شي صار بالمنتدى هو هجوم فبصراحة ولا تزعل مني آخر مهنة ممكن انك تنفع فيها انك تكون مشرف على منتدى . أما حكاية ان اللي يكتبون هم شخص واحد فبالفعل آخر مهنة تنفع فيها هي الإشراف على منتدى ،، ما بيني وبين الكاسر علاقة خاصة سوى اننا كلنا هلاليين وعرفته من هذا المنتدى أما حكاية انه هو الوحيد اللي له حق الرد فهذي اسمح لي فيها ولو ترجع لموضوع الكاسر انا قلت بالحرف الواحد لو ما كتبت يالكاسر هذا الموضوع كان انا كتبته لأنه شي في قلبي عن الهلال وودي أقوله،، اذن من حقي اني أدافع عن وجهة نظري حتى لو قالها غيري ،، وعلى كلامك هذا كل موضوع الواحد يطرح فيه وجهة نظره ماحد له حق يرد على الموضوع الا صاحب وجهة النظر .
تقول اني انا شكيت ان سلمان هو اللي حذف الموضوع ،،، ما جبت شي جديد سوى انك عبيت ايميلاتهم رسايل منك ومن كثير من الهلاليين تطالبون بحذف الموضوع ،،، والحقيقة ما عاد في شي غريب بعالم الايميلات توصل رسايل كثيرة من مصادر مختلفة ومرسلها شخص واحد !!! مو هذا كلامك ؟؟؟!!!!!
انت تقول انك تشك بهلاليتي وتهجمي على سامي وأتحداك ان تطلع موضوع واحد تهجمت فيه على سامي ،، وبعدين شكك في هلاليتي وفي حبي لسامي على كيفك فلن يهز كلامك في شعرة في حبي للهلال وسامي ،،، وعموما انتظر حتى النهاية لأن في كلام مهم موجه لكم جميعا في هذا الشأن .
بالحرف الواحد انت قلت (((ولا اعتقد ان الاخ سلمان حذف الموضوع الا بعد مطالبة الكثير من الأعضاء))) ،،، ممكن تقولي كيف عرفت ان سلمان هو بالذات حذف الموضوع ( نقطة محرجة صح ) ،، غريبة يعني ما شكيت مثلي بل انت متأكد ان سلمان هو اللي حذف الموضوع وقاعد ساعة تتهمني بالشك . تناقض غريب .
تقول (((لماذا اغلبية الاعضاء ليسوا على صواب وانت والقله هم الصواب او قولهم صائب ؟؟))) ،، وانا يخوي قلت هل داااااااائما هم على صواب ،،، لاحظت كلمة دائما ولا لا ؟
أما عن بقية كلامك عن سامي والتهجم (المفتعل) سوف ترى في النهاية الهجوم على سامي من مين وش اللي صار .
ولك تحياتي ( وعتابي على تشكيكك بهلاليتي )
**************************************************
أما انت يا مجنون سامي اذا كنت تقصدني بعبارتك (بعض من ابتلي بهم الهلال ) فلست انت الهلال ولست انت كل شي حتى تتهمنا بأننا بلوى على الهلال ،، انا هلالي و احب سامي غصبا عن اللي يشكك بهلاليتي ممن ابتلي بهم الهلال وبقول رأيي غصبا عنهم،، اذا كنت تفتكرني من مشجعي التيماوي ولا الثنيان فأحب أريحك وأقولك لا ،،انا مشجع هلالي للهلال ككل وجماهير النجم الواحد خليناها لك ولغيرك ممن ابتلي بهم الهلال لأنهم يكادو ينسونه بسبب غلوهم وحبهم لنجمهم المفضل وانا شخصيا اعرف واحد مثلك بس كان مجنون الغشيان ،، وبعد انتقال الغشيان للنصر فتح عينه وعقله وصار يشجع الهلال ككيان وليس كأفراد ولنا في مجانين ماجد عبرة ولكن لمن يعتبر .
خاطره
الله يطولنا بعمرك يا بندر بن محمد اللي قال
لا أخاف على الهلال الا من رجاله .
*************************************************
أما انت يا راعي الجيب ومع ان كلامك موجه للكاسر بس ولكنه موجود هنا في موضوعي فأحب أقولك انك لازلت عضو مشارك بسبعة وثلاثين موضوع بينما الكاسر اللي اتهمته بالاندساس فهو عضو نادر بأكثر من 320 موضوع ،، والله لو رأفت الهجان ولا جيمس بوند ما تحمل كل هالاندساس ،، يعني اسمحلي أقولك تراها قوية .
**************************************************
الآن بقى شغلتين مهمات ،، أول شي عن موضوع الكاسر وبعدين شغلة ثانية أهم .
بالنسبة لموضوع الكاسر ،،،، خلوني أكون صريح معكم من البداية اني أخالفه الرأي في جملتين ان التمريرة حقة سيرجيو لولا دباشة المدافعين ما مرت ،، لكن ترى من الأشياء اللي تميز المهاجم القناص الممتاز انه يستغل دباشة المدافعين من مميزاته انه أذكى من المدافعين ان لم يكن اذكى من في الملعب مثل سامي ،، ومع ذلك أخالفه الرأي فيها ،، الشغلة الثانية لما قال ( طيب وش سوى غير كذا) وهذي الجملتين بالامكان مسحها من قبل المشرف اذا كان يرى ان فيها تهجم على رمز من رموز الهلال ،، مع انه من الصعب بصراحة ان هلالي يتهجم على رمز من رموز الهلال .
طيب حتى لو كان كلامه لا يوافق كلام آخر وين المشكلة اننا نختلف معاه .
مع انكم لو ترجعون للموضوع شوفوا كم واحد أيد كلام الكاسر في الموضوع .
هل تعلم يا راعي الجيب يا من تتهم الكاسر بالاندساسية انه كان في فترة سابقة أفضل كاتب بالمنتدى بالمسابقة الاسبوعية . ولا القاء التهم صار أسهل من شرب المويه ،،،
الزبدة اللي أنا أييد الكاسر فيها وهو اللي يبي يقوله وماحد فهمها ان الكلام كثر حول سامي اكثر من الهلال مع ان سامي ما يمثل الهلال الآن .
طيب قولو اللي تبونه عن سامي من حقنا ومن حقكم هذا نجمنا الكبير ، لكن اللي انا ابي أقوله بالظبط من حقنا نقولكم ترى ملللللللليييييييييينننننننااا على الطالعة والنازلة في كل شي وفي كل نفس يتنفسه سامي وصار الكلام عنه على حساب الكلام عن الزعيم ومع ذلك ما انتقصت من حقكم في الكلام عن سامي بس لاحد ينتقص من حقنا في ابداء وجهة نظرنا في اللي قاعد يصير
**************************************************
آخر شي أبي أقوله لأني تعبت والله ....
الى كل من شكك بهلاليتي وبحبي لسامي بالذات أحب أقولهم
إني انا سيف السيف الكاتب بالمنتدى الهلالي هو انا طلاع الثنايا الكاتب بالساحة العربية وأقولكم هذا الشي حتى أورد لكم القصة البسيطة هذي اللي صارت معي .
قبل حوالي اسبوعين تجرأ أحد الحونشية من حونشية جدة من مشجعي النادي الأهلي اسمه القلعة 2000 وكتب موضوع عنوانه ( هل تعلمون أن سامي الجابر من أصل يهـ وأن جده اعتنق الاسلام )
تدرون بعد ما قريت الموضوع واسودت الدنيا بعيني ومر يوم علي وضايق صدري أجمع كلام أقوله لهذا الطرش وش سويت ،،، عالجت الخطأ بخطأ ،، وانا نادم على ذلك بس حبي لسامي دفعني في لحظة غضب اني اقول كذا .
سويت شي ما يخطر ببال أحد
كتبت موضوع جديد كتبت في عنوانه ( هل تعلمون ان القلعة 2000 من أصل ##### اعتنق جده الاسلام )
وكتبت في الموضوع نفس اللي قاله عن سامي ،، تدرون وش صار ،،، انخرس خرسة الشاة لذبحوها ولا عاد يكتب في المنتدى الا ردود ،، وبعد فترة كتب موضوع جديد عنوانه ( اعتذار) ومع ذلك ما تركته حتى كرهته في حياته حتى الأهلاويين كرهوه ولا زلت حاقد عليه ....
والله لو الموضوع ما حذفه المشرف كان حطيت لكم اللنك حقه هنا بس بحط لكم اللنك حق الاعتذار واقروا الكلام اللي قلته تحت اسم طلاع الثنايا (اضغطوا على زر جميع الردود)
http://209.39.13.51:81/[email protected]^[email protected]
أخيرا ،، شغلة وحدة بس ،، البعض من جماهير الهلال بدأت من حيث لا تعلم بخلق مفهوم جديد في كيان الهلال ،، وهو ،،،،، هل هذا المشجع سامي أو لا سامي ،، فإذا كان سامي فهو هلالي ،، واذا كان ( معادي للسامية)أي انه ما يحب سامي لدرجة الموت ويتحلم به ليل نهار فهو لا يمت للهلال بصلة وغير هالكلام ما عندنا .
ومع ذلك ،، بالنسبة لي سيبقى سامي هو أحلى الأسامي شاء من شاء وأبى من أبى ،، وليشكك من يريد ، فلن يستطيع احد ان ينزع هذا من قلبي
بناء على الردود ،،، من المحتمل ان يكون هذا الموضوع هو آخر موضوع لي بهالمنتدى حتى أريح وارتاح .
------------------
كــل عـــام وانـــت الهـــلال ،، عسى الــلــه لا يــفــرقــنا
تم تعديل الموضوع بواسطة سيف السيف (بتاريخ 02-01-2001) 
الوضع العادي
