أخوي سلمان
أحب أوضح ،، أنا اولا ما همشت بقية الاعضاء ،،،لأني قلت في العنوان (( ليه يا سلمان ليه يا ادارة الموقع)) فأرجو انها ما تكون نقطة حسبت ضدي عشان شي زي كذا فهذا خارج عن الموضوع لأنكم كلكم سوا في نظري وكلكم على العين والراس وانتم عارفين هذا الشي فسبق وان ارسلت رسالة للإعصار ولك انت يا سلمان على الايميل والمرة الجاية كوكتيل لو فيه رسالة او شكوى .
ثانيا انا بالفعل خصيتك لأني اشك(((أشك فقط))) انك انت يا سلمان كنت السبب في اقفال الموضوع (ما اعتقد ان الشك يخالف سياسات المنتدى)،، وعلى قولتك ( ولك حرية الرأي) في ردك السابق .وبعدين بصراحة انا ربما كتبت سلمان لأنه اكثر عضو من المشرفين له مواضيع في الوقت الحالي قلت يمكن انه اكثرهم (تفاعلا مع الأعضاء) هنا باستمرار .
ثالثا وهو سؤال ،،، في موضوعكم عن سياسات المنتدى وصفتم ( وهذي بالجمع حتى لا اتهم بتهميش بقية المشرفين) وصفتم هذا المنتدى بالبرلمان ،، هل اقفال هذا الموضوع من سياسات البرلمان ومن ديمقراطية وحرية الرأي بالمنتدى اذا كنتم تطبقون كلمة ( البرلمان) بمعناها الحقيقي وليست شعارات،، مع ان الموضوع لا يمت بصلة لا من قريب ولا من بعيد بالدين ولا بالولاء والبراء ولا هو خارج عن الشأن الهلالي ولا فيه اي مقارنات ،، بالعكس شوفو الموضوع اللي بعنوان (نواف افضل من سامي ) وقارنوه بموضوع الكاسر .
لو كان الموضوع عن محمد النزهان بتحذفونه ؟؟؟
لو كان اللي كتب موضوع الكاسر كاتب هلالي وكتبه في صحيفة ،، هل تعتقد بيجي المشرف الرياضي ويرفض نشره،، طبعا لا ،، ولو افترضنا ذلك فالأولى انه على الانترنت مسموح.
على العموم انت قلت انكم ترون أشياء لا نراها نحن وهذي النقطة بالتحديد نسيتوا تظيفونها كسياسة جديدة من سياسات المنتدى .
اذا كان كثير من الأعضاء طلبوا حذف هذا الموضوع فهل هم على صواب دائما،، هل مطالباتهم على حق دائما ،، طيب على اي سياسة من سياسات المنتدى استندتم في الموافقة على طلبهم ؟؟ طيب والأقلية (المساكين) اللي لهم رأي ثاني في الموضوع ،،،، الا في حالة انكم تبون جميع الأعضاء في المنتدى تكون أرائهم موحدة ،،، لازم كلهم يعشقون سامي حتى الثمالة ،، لازم كلهم راضين كل الرضا عن نواف ،، والاختلافات اللي بينهم خلوها عن المدربين والتكتيك والأشياء البسيطة هذي (وهذي والله في اعتقادي قمة الملل)
اذا كنا ما رح نناقش أدق الأمور الحساسة (والحساسة جدا) في منتدانا(بيتنا) هذا تبونا نروح أحسن لمنتدى مثل الساحة العربية مثلا لأن فيها مشرف مهوب هلالي بس محايد لذلك نجد حريتنا في الطرح برا بيتنا وأكرر((( برا بيتنا )))وهذي غريبة جدا وأقسم بالله العظيم لو طرح مثل هذا الموضوع هناك لن يقفل ،، لكن انتم فيما يبدوا اعتبرتم هذا الموضوع مثل الغسيل وقلبتم الآية بدل من ان ينشر داخل البيت ليتم تنظيفه حبيتوا انه ينشر خارج البيت .
على هالمنوال سوف أتردد وأخاف وأرتعد الف مرة قبل التفكير بطرح وجهة نظري في أي موضوع هنا .
لأني خايف يجون أعضاء ويقولون احذفوا هذا الموضوع لأنه موهوب على هواهم .
تعرف يا حضرة المشرف وش اللي عاصر قلبي على هذا كله ،، ان فيه اعضاء مثل ( *** *******) دخيلين علينا ،، والأولى حرمانهم من المشاركة بدل من حرمان الهلاليين المتيمين بحب النادي .
أخوي سلمان ،، أرجوك لا تقسى علي في الرد ،، انا اعتبر هذا المنتدى حلقة الوصل بيني وبين من يشاركوني الميول وانا في الغربة ،،
اخوي سلمان ،، انا والله منيب زعلان عشان موضوع الكاسر بالتحديد لا والله ،، انا زعلان من هذي السياسة تحديدا واللي قاعد اقوله كله عشان خايف تصير سياسة اقفال المواضيع وتكميم الأفواه هنا ديدنكم حتى لو كان كثير (وليس الأغلبية) من الأعضاء يرغبون بحذفه وبقية الهلاليين حتى لو كانوا يمينيين متطرفين للهلال يؤيدونه .
انا عارف ومتأكد ان الموضوع ما رح يرجع مرة ثانية لو احب على روسكم من هنا للسعودية ولا أبيه يرجع .
بس الكيل بميكيالين صعبة ولا تزعل من هذي لأني مستعد أحطلك هنا عشر لنكات موجودة بالارشيف تخالف سياسات المنتدى .
الرجاء كل الرجاء من الأخوان الأعضاء عدم الرد والرجاء من اخوي المشرف اعتبار هذا الموضوع منتهي تماما بعد رده اذا حب يرد
ولكم كل الاحترام والتقدير وسامحونا ....
------------------
كــل عـــام وانـــت الهـــلال ،، عسى الــلــه لا يــفــرقــنا | 