طالبكم يارجالات الزعيم ماطلبت رخوم !! - نادي الهلال السعودي - شبكة الزعيم

هلالي63 · #1 14/08/2007, 06:41 AM

السلام عليكم ورحمه الله وبركاته ,,,,,,

انا اخوكم رايح بعد يومين لكندا بتحديد برتيش كولمبيا ولكن الجامعه في فانكوفر

ياشباب الي عنده معلومات او صور او اي شي تكفون لايبخل علي لاني رايح

وتخبرون مثل الاطرش بالزفه وياليت اي معلومات عنها لو شي بسيط ..

فديتكم يالزعماء الارض ..

NayeF.FC · #2 14/08/2007, 06:49 AM

الله يوفقك في دراستك

واذا تقصد جامعه برتش كولومبيا الي بفانكوفر فانا قد زرتها وهي جاامعه جميله جداً
ومدينه فانكوفر من اجمل المدن في االعاالم

والله يعيينك على البرد بالشتاا

واذا بغيت اي مساعده وانت هناك راسلني بالخاص لاني انا موجود في كندا لكن في تورونتو

تحياتي لك

هلالي63 · #3 14/08/2007, 07:02 AM

الله يسلمك يالغالي ماتقصر والله

ويعطيك العافيه ’’’

almobde3 · #4 14/08/2007, 11:34 AM

والله للاسف

زرت كندا وبالخصوص فانكوفر والله رووعه المدينه من اجمل المدن اللي زرتها بس المشكله
يكثر الاسيويين فيها الصراحه وهذا الشئ انا مايعجبني ... ولكن بشكل عام مدينه اكثر من رائعه بس غاليه شووي ...

ماودي وش اقولك بس اتمنى اني ساعدتك وإن شاء الله الشباب بيساعدونك خصوصاً اللي بكندا

هلالي63 · #5 14/08/2007, 03:46 PM

الله يعافيك المبدع وماقصرت والله

بالنسبه عندي حقين اسيا ولا العرب يكونون كثيرين تخبر من جانب اللغه اقصد

ربما تحتاج للعرب في البدايه ولكن بعدين تحاول تبعد عشان تستفيد من لغه ..

تحياتي لكم ..

almobde3 · #6 14/08/2007, 10:50 PM

بالنسبه للاسيوين انا اتذكرهم واجدين وتقدر تدخل على احد المواقع يطلع لك الاحصائيات بس ماهو عندي اللحين
ادورها لك إ ن شاء الله....

وبالنسبه للغه طيب وشرايك تسكن مع عائله ... او في الدورم .. الدورم هو سكن الجامعه بس انصحك عند عائله افضل
ويكونون عندهم اطفال الإستفاده إن شاء الله بتكون سريعه ... وطبعاً ترتب مع الجامعه بخصوص العائله هم يعطونك

ويالله ان يوفقك يالغالي وتتيسر امورك

هلالي63 · #7 15/08/2007, 05:31 AM

من ناحيه السكن انا دافع حاليا لسكن الجامعه

وبعد فتره ان شاء الله اسكن مع عائله ..

كناري الهلالي · #8 15/08/2007, 08:42 AM

اي والله انك صادق يالمبدع ذا الصينيين والطــقه فــل بفانكوفر يوم رحت لها

حتى عندنا باستراليا مليااااااان الله يقلعهم >>>>>الي ذابحني اكلهم ياشيخ

كـرم الله النـعمه

وبالنسبه لفانكوفر مدينه ولا احلى الصراحه بس تراا فيه مناطق فيها ما انصحك تجيها بالليل

هـع هـع

هلالي63 · #9 15/08/2007, 04:10 PM

دام فيها ليل يالطيف

ممكن تقولي وشي عشان ناخذ الحذر والحيطه ..

الذئب الأزرق · #10 15/08/2007, 04:36 PM

هلا اخوي

فانكوفر لعبتي انا متواجد فيها الان , إذا بغيت اي خدمة راسلني على الخاص .

تحياتي

زعيلالي · #11 17/08/2007, 02:41 AM

ترجع بالسلامة وتحقق مناك ان شاء الله