...o0o بمناسبة سفر سوسو انزل هذا الموضوع ... o0o - نادي الهلال السعودي - شبكة الزعيم

Dr.Sara · #1 13/08/2007, 11:59 PM

بمناسبة سفر صديقتي الخبلة سووسوو .. "عازفة الناي" احب اقدم لكمـ موضوعي المزين بالقشطة .. <<< متأثرة بمسابقة الطبخ :p
يعني احتفالية تاريخية لأنها فكتنا منها .. تراها ناشبتن في ذا .. مدري انا افتك منها من النت ولا المسن ولا الجوال !! كلن ناشبة لي بوه ..!

<<< محاولة للكلام بالقصمنجية

اما بعد ...,

مقالب x مقالب ..

يعني خذو راحتكم اسدحوا مقالبكم الوسخه كلها .. النذالة اللي مخبينها طلعوها .. اعترفوا بكل الجرائم اللي سويتوها بحق الناس الأبرياء ..

جرائم = مقالب :p
طبعاً محدثتكم ما نزلت لكم هالموضوع الا لأنها راعية مقالب من الدرجة الأولى .. واحلى شيء انها من طول الخبرة في هذي المهنة العريقة ما عاد احد يقدر
يسوي فيني مقلب .. صرت اشم ريحة المقالب من بعيييييييد .. قبل ما تتسوى بعد <<< بدى النصب

من الجرائم اللي لا تغفر لي ..

7
7
7

مرة دقت علي خالتي وانا كنت طالعة برى البيت , وقالت لي : سارة ولدي محمد وصلكم؟
قمت انا فجأة طنت براسي اسوي فيها مقلب نذل قلت : لا والله ما شفته !! ليه انتي ارسلتيه ؟! :p
وهي تنهبل قالت : اييييييه انا نزلته عند باب البيت !! وشفته وهو يدخل قبل خمس دقايق ..! ! امانة تأكدوا ..! :sad:
قلت لها : اوكي اوكي لا تخافين اللحين نشوف ..

المهم يوم قفلت من البرود لأني متعودة على المقالب نسيت السالفه ... دقيقتين وهي تتصل .. رديت عليها ولا صوتها راااايح فيها .. :p
عاد هي ما عندها غير ولدين واحد كبير والثاني هذا الصغير .. على قولتهم فلذة كبدها ..:p
المهم قالت لي وصوتها مبحوح من الخوف : لقيتيه ولالا ؟ :sad:
وانا يجيني الضحك .. واقول : كنت امزح معك

<<<< مالها داعي بقوة .. :p
عاد ما عليكم وش صار .. ما بقى احد ما هزأني ومسح فيني الأرض .. بجد هي خافت لأنها اصلاً كانت تتصل على امي وامي ما ترد ..

وتدق على خالتي وخالتي تكلم بالجوال ولا ترد .. وطاح قلبها على بالها انهم ما يردون عشان ما يقولون لها المصيبة .. وصراحة انا قعدت كم يوم ما قدرت اكلمها
طيحة وجه بقوة ..,

بس دقيت عليها ولا ردت علي ! قمت ارسلت لها مسج <<< مؤدبة :p
وقلت لها اعذريني هذا من عمل الشيطان

موقف ثاني ..

كانت اختي مطلعة رقم جديد لأن القديم خربته انا بفعل مصايبي السوداء .. اقصد لأني حرقت الشريحة لها كثر ما احط ارقام سرية ولا تنفع ..

المهم .. انا ما كان عندي جوال وقتها , وكنت اراسل صاحباتي عن طريق جوالها او جوال امي .. حتى اخوي ما سلم مني كل الناس دقدقت عليهم من جواله .. :p
المهم مالكم بالطويلة ..

اخذت انا جوال اختي وقمت ارسل مسجات لصاحباتي , وارسلت لصاحبتي ودلعها "S@wleef" مسج غزل وحب وحركات يعني ..

المهم البنت استغربت من الرقم قامت ردت على المسج وقالت " مين ؟! " :p
وانا تطن براسي استهبال .. قمت رديت عليها بمسج وقلت " انا خالد يا فيصل ..! افا ما عرفتني ؟! توني جاي من جنييف ولازم اشوفك .. هذا جوالي المؤقت اوكي "

المهم البنت استغربت هي تحب هالأسمين "خالد وفيصل " وهذي اسماء اخوانها اصلاً .. المهم البنت التبس عندها الموضوع واستغربت ..! ! !

وطنشت هالمسج , يوم جينا ثاني يوم للمدرسة قامت قالت لنا .. : "بنات انا مستغربة في احد مرسل لي مسج امس يقول انا خالد ومدري ايش ..! بنات احد يستهبل علي ؟! "

المهم اني سكت وقلت لها " والله ! اكيد هذول عيال يستهبلون تعرفين حركاتهم يسوون كذا يقالهم غلطانين يدورون مصيدة منا ولا منا " ;)
قامت البنت قالت " ايه يمكن كذا بس انا مستغربة لأني احب هالأسمين وهذول اسماء اخواني بعد !! مو شيء عادي يعني .! "

ولا تجيك ( مرمريتا ) وتقول <<< فضايح طلعت دلع خوياتها كبت العشى :p
" لا تنسين ان فلانة توها مسوية لك مشكله وشكلها تبي تنتقم وقامت عطت احد رقمك ! ولا يمكن هي تسوي فيك كذا!! "

المهم كل الشلة قامت ولا قعدت وقالت S@wleef : "يؤ اي والله صح ... هالبنت نذلة وبقوه والله اوريها بنت اللذين "

انا جاني ضحك ذاك الوقت بس خفت تشب مشكلة مالها داعي قمت فزيت من الخوف وقلت : "لا بنات لا تشكون في البنت مالها مصلحة مهما كان .. وتراها لو تبي تسوي شيء
موب لازم بالدس .."

المهم كل الشلة صارت تتكلم بالموضوع وبغى ينتشر بالمدرسة كلها ان سواليف احد مستهبل عليها بالجوال وشاكين انها فلانة ..! !

طبعاً الموضوع قعد حول اسبوع , وانا ما بطلت حركات وصرت ارسل مسجات وسواليف تسفهها وادق ولا ترد .. وانا اللي انقهر قسم بالله ..! !

المهم سواليف طقت خلاص وتبي تعرف منو هلي صاجها !! قامت قالت لأحد معارفها بالاتصالات عن السالفة وقالت ابي اعرف كل المعلومات عن هالشخص صاحب الرقم هذا ..
يوم قالت لي كذا .. قلت لها انا " لالا خلاص ماله داعي تكبرين السالفة اكبر من كذا ..! ":p
قالت لي : "يا سارة الولد صاجني كل يوم يدق ويرسل قسم بالله طقيت .. الصبح والليل !!! وش هالقلق ؟! "

قلت لها انا : "خلاص خلي اخوك يرد ويغسل شراعه مارح يدق ثاني مره "

قالت :" شكلي بسوي كذا ..! بس لازم اعرف هو مين , عشان لما اخوي يكلمه يقوله تراني اعرف انك فلان او فلانة ..يعني هالشخص هذا يعرف انه انكشف اصلاً ."

طبعاً صاحبتي ذي ماتترك احد بحاله لازم ترد الصاع صاعين ... خخخخخخخخخخخخخـ
المهم اني شفت الموضوع خلاص كبر بزيادة ماله داعي هالتمصيخة .. قمت اعترفت بالموضوع .. :p
ولا تسألوني وش صار بعدين لأن كل الشلة شبت

... ما عدا "دله" حبيبة ألبـي وقفت جنبي وقفتن ما بعدها وقفة <<< دله يعني دلال

بس طبعاً صار في ضحك مو طبيعي .. و S@wleef عدت الموضوع مع انها انقهرت حيل وزعلت مني يومين .. وانا كنت اقول .." يا زينك يا اللي زعلان مني "

لكنها ردت علي بمقلب ...

7
7
7

الا وهو ...
انا يوم الأربعاء كان عندنا عزيمة كبيرة بالعايلة .. مو عزيمة ... تقدرون تقولون حفلة .. <<< وش الفرق

المهم <<< هالكلمة لازم تنط ..:p
كنت راجعة من المدرسة وانا تعبانه وشايلة هم الحفلة هذي .. تعرفون البنات حركات لازم يتكشخون ولازم ينامون العصر كله عشان يكونون بحيويتهم للرقص والحركات

رجعت البيت .. وانا ادور الغرفة بس ابي انام .. يوم وقفت عند الباب وقمت ادور مفتاح الغرفة بشنطتي .. ما لقيته !! ادور وادور !! بس ما لقيييييته !! :sad:
وانا اللي ارمي كل الكتب و الملازم واقعد احوووس وادور !! بس مااااش مالك امل !! :sad:
قمت ارسلت اخواني للسيارة قلت روحوا دورو زييييييين لا ترجعون الا معاكم مفتاحي !! وادور بالبيت كله .. احوس احوس مالقييييييته !! :sad:
عاد جاء في بالي ان احد مسوي فيني مقلب !! اشم روايح المقلب من بعيد انا خخخخخخخخـ
واقوم اتهم اخواني واختي ..!! حتى امي ما سلمت مني اتهمتها بأنها تسوي فيني مقلب .!! وقعدت احلفهم انهم ما سووا شيء ولا اخذوا مفتاحي !!

ويا حرام جاء العصر وانا لسى ما ارتحت ولا نمت ..! والمشكلة ملابسي اللي مجهزتها من اسبوع مدري اسبوعين بالغرفة !! واكسسواراتي وحوستي اللي مجهزتها وشاريتها !!!

يا ربي كل ذا ويييين يروح بلحظة!! وانا اللي اطق من القهر !!

وجاء ببالي الماستر كي .. قلت بس يا بنت اطلبي الماستر كي من امك , يوم اجي اسألها ولا تقولي ما ادري وين راح !!! :sad:
<<< كنها نشلحه عشان نفتح المكتب ونقعد على النت انا واختي :p
ههههههههههـ :p
بصراحة بصراحة .. كان قهرررررررر .. لدرجة اني كرهت الروحة كلها ولا ودي احضر الحفلة ..شلون يعني ما اتصلح للحفلة ولا اتجهز !!

قامت امي حزنت علي " يا قلبي هي " وهي اللي تطيب خاطري وتروح للسوق وتشتري لي ملابس جديدة واكسسوارات وحركات ... عاد انا من القهر كنت فاقدة الأمل
اني البس شيء احلى من اللي كنت مجهزته من اول !! :sad:
طبعاً جابت لي أمي الملابس الجديدة ولبستها وانا مقهورة !! و وعدتني امي اننا بنجيب واحد يفتح الباب ثاني يوم لأننا ما عندنا وقت محنا بفاضين عندنا حفلة .. <<<والله لو انه عرس

رحنا للحفلة وهناك تحسنت حالتي النفسية شوي لأني شفت عبوره و نوف و جوجو و شهد .. و و و الخ <<< ما تبي تفضح زيادة

يوم رجعنا للبيت وانا افكر .. وين بنام ؟!؟! والله مالي غير اختي " الليدي الزرقاء" ... خلني اطب عليها بغرفتها

.. مالي شغل لازم هاليوم اعمل احتلال على اصوله .. يعني ابن كلب

اطيرها من سريرها وانام فيه

.. و البس ملابسها ... صح نسيت ولا انسى الجوال لازم اشلحه بعد .. هع هع عشان ابلغ البنات عن آخر تطورات غرفتي ..

هع هع هع :p
اكيد البنات فطسوا من الضحك علي ... :p
اما سواليف وما ادراك ما سواليف ..! الخاينة النذلة لازم ترد المقاااااااااااااااااالب !!

وجعووووووووووه ما تنعطى وجه بالمقالب هي وجهها .. لحد يسوي مقالب عقبها ...!

طبعاً قعد عندها مفتاح غرفتي من الاربعاء لين السبت .. لا والمشكلة يوم جيت للمدرسة . . وقلت لها عطيني المفتاح قالت لي " يؤ نسيته بالبيت " <<< تبي تقهرها

وانا اللي انفجر بوجهها .. قامت تضحك وعطتني اياه ..

بس وش رايكم فيها نذلة بقوه بعد ..!! <<< متعلمه منك :p

يالله طولت عليكم انتم ووجيهكم ... :p
يالله سدحوا لنا خبالكم هنا ونذالتكم الأكيدة

.. بس الله لا يوريكم مقالب مثل اللي انا سويتها ...
ولي عودة مع مقالب بنت كلب ..

سي ياااا

الهلالي الثقفي · #2 14/08/2007, 12:00 AM

هـــلا و الغــلا

د. سارة

أول شي سلمي على سوسو يا سوسه

أجل صاحبة مقالب هاه

قبل لا أحكي كني أدري أن اللي بيرد من بعدي أسمه مشاكس

و راح يحش

ههههههههههههههه

يا حبي له و الله عبيط !!

بالنسبة لمقالبك أحس أن قلبك مفقوع

و القلب المفقوع هو الخالي من الرحمة و الأنسانية و الفطنة

ههههههههههههه

ما راح أرد بستين سطر

مشغول و بسرعة كذه راح أحط موقفين على الطاير

أنا ما أحب أسوي مقالب

بس أحيان المقلب يتجهز و أنا أكمله بس

و للأسف كل المقلبين اللي راح أذكرها خطيرة و تسبب سكتات قلبية

على قولة السندريلا

بس مو بيدي الموقف جاء لحدي

كنا بالبيت و متجمعين العايلة كلها و نلعب لعبة أسمها مكشوف

نروح نندس في مكان و يجي واحد يدور علينا

و عشان اللي ألعب معهم كلهم صغار فما أندس في مكان صعب

عشان ما يتعبون و هم يدورون و يطفشون

حلاوة اللعبة أنهم يلقوني

المهم رحت أندس تحت السرير بغرفة أختي

طبعاً السرير من النوع اللي أقدر أندس تحته

>>>> قديم

و غير كذه شلت اللحاف من على الأطراف عشان أشوف الداخل و الخارج

كان قدامي على الأرض شنطة

و أنا جالس تحت السرير أشوف الشنطة قدامي بالضبط

المهم و أنا مندس

و جالس أفكر و أهوجس

فجأة دخلت أختي غرفتها

طبعاً هي ما تدري عن السالفة و لا تعرف عن اللعبة

و جات و جلست قدامي بالضبط

و تفتح الشنطة و تجلس تفتش في أغراضها

طبعاً لو أتنفس سمعتني

و أكيد بتنهبل

و لو تلتفت حاجة بسيطة بس

راح تتفاجأ بخشتي

و بعد تفكير عميق

قلت بصوت هادي و بكلمات سريه و متلاحقة

أنا ياسر لا تخافين أنا ياسر أنا ياسر لا تخافين جالسين نلعب مكشوف

و أنا قلبي يتقطع خايف أجيب العيد

هي صاحت و قامت زي المهبولة و حاطة يدها على قلبها

قلت أنا بس جبت العيد و ذبحت أختك يا ياسر

و أطلع من تحت السرير و أسمي عليها

و أقول أنا ياسر أنا ياسر

أسمي يجيب الأمان

هههههههههههههههههههه

المهم هدأت و جلست و هي تطالع فيني و تقول أعوذ بالله من الشيطان

المهم و أضحك أنا بعدها ضحكة قوية و أقول أعترفي أنك خفتي

>>>>>>>> يبغى يرقع فضيحته

قالت منت صاحي بغيت أموت و أنت تضحك

المهم ضحكنا و طلعنا من الغرفة بس أخذت منها عهد ما تعلم أحد

أخاف الوالدة تنشب لي و تقول بتذبح خواتك أنت و طلعاتك الغبية هذي

و بس

ما فيه موقف ثاني خلاص

أخاف أقول كم مقلب و تفكروني عضو شرير

و شكراً

نـــــــ15ــــــمر · #3 14/08/2007, 12:10 AM

لووووووووووووووووووووووووووووووول

اخاف اسرد المواقف وتسموني نمر الشرير

خلوها مستوره

تشــــــــــــــــــــــــــــــــاو

Hictar · #4 14/08/2007, 12:11 AM

تم الحجز
ما راح اقراه الحين لانه طويل
وبرجع ان شاء الله
----------------------------------------------
عدناااااااااااااااااااااااااااا

اهااااااااااااااااااااااااا الموضوع نذاله

<--------------- قمه بالنذاله وله سواليف كثيره بس بقول اللي يحضرني الآن

السالفه هذي صار لها 12 سنه
كنت بثاني ثانوي وكنت انا وإثنين معي أنواع المقالب ببعضنا

طبعا الاثنين هذولي عملوا فيني مقلب وتركوني بمكان مقطوع ما فيه سيارات ورجعت للبيت مع ليموزين بعد ما مشيت لمده نص ساعه علشان اطلع على الخط

وانا وواحد إجتمعنا على الثالث ونزلناه بمكان بس القهر إنه عام ورجع لبيتهم

لحد الآن المقالب عاديه

فكرنا أنا وخويي إنا نسوي مقلب بالثالث بس مقلب رومنسي شوي

كنا نطلع من المدرسه ونروح لبيت خوينا الثالث ونحط ورقه على إنها بنت عشقانه وميته فيه

عاد خوينا الثالث هذا ( شين لدرجه إن الشين بالنسبه له زين )

جلسنا على الحال هذا وحنا نحط على سيارته ورقه عن الحب والغرام لمده أسبوعين

وهو يشكي لنا ويبي يعرف من هي العاشقه المجهوله

ويعلمنا وش الكلام اللي وصله منها ويورينا الأوراق ، والولد خلااااااااص حب البنت وهو ما يعرفها

بعد الإسبوعين طلعنا من المدرسه وعلى طول عند بيتهم وحطينا ورقه إن البنت هذي تبغا تقابله المغرب بمكاااااااااان بعيد مره

المهم خوينا العاشق جاء عندي العصر فرحاااااااااااان ومبسوط بس رفض يعلمني وش السالفه

وكان كاااااااااشخ ، وقالي أنا بروح الحين قبل آذان المغرب
قلت له وين بتروح ، قالي مشغول مع اهلي

ههههههههههههههههههههههههههههههههههههههههههههههه
قلت اوكي وعدنا الليل ان شاء الله
طبعا خويي الثاني اللي متفق انا واياه على المقلب جاني قبل اذان العشاء وقالي خلنا نروح للمكان اللي محددين له الموعد

قلت اوكي مشينا

وصلنا للمكان بعد صلاه العشاء بفتره

ونمشي بالسيااااااااره من بعيد وإلا نلقى الأخ جاااااااالس ينتظر ويتلفت يمين ويسااااار

ورجعنا

بعدها بيوم جانا الولد يشتكي من البنت هذي وانه انقهر منها ، وانها سحبت عليه وانه بيتركها ( تكفى ياللي مشبكها أصلا علشان تتركها )

بعدها بيومين طلعنا من المدرسه وكالعاده حطينا له رساله إعتذار إنها ما قدرت تجيه على الموعد وعطيناه موعد ثاني بعدها بيومين بمكان أبعد منه على إنها بتروح عند خالتها

هههههههههههههههههههههههههههههههههههههههه
الحبيب رااااااااااح من جديد وتكشخ وجلس ينتظرها

وإلى يومك هذا على إن السالفه صار لها 12 سنه ما يدري إنها مقلب ، وما يدري عنها إلا أنا وخويي اللي مسوين فيه المقلب ، والحين إنتوا

المـشـاكـس · #5 14/08/2007, 12:12 AM

اكتب سطرين احصل قدامي اثنين <<< فيس وده انه مشرف ويحذف الردين اللي فوق

8 8 8
افى ياسر ما بعد كتب رده

اجل ما ودي اكتب الين يخلص

الرجال حجز الاول ولا ودي اتعدى عليه

<<< حجز بس بأخلاق

****************************************

عودة

انتظرت الهلالي الثقفي يرجع ما رجع <<< تصريف

والله سوالف النذالة واجد

اتذكر زمان وانا ادرس بالمتوسطة
كان فيه مدرس انجليزي مصري

المهم كانت بيني وبينه مناحلة *
طبعا ماني لوحدي كان الفصل كامل بس كنت انا وكم واحد اللي بالواجهة

مناحلة * : مشاكل لغير الناطقين بالكيف الحال

كان الادمي هذا يحب يظهر قدام المدير على انه هو اللي ماسك الفصل وانه هو اللي ما يفوته شي

المهم انا قلت والله لاسوي له حركة نذالة يكرهني بعدها
طبعا كنا اخر سنة

تصدقون ان المدير كان يقول بالتلميح مو التصريح سووا اللي تبون

هذا وهو المدير

المهم
قبل اخر السنة قال المصري انه يبي يصحح الدفاتر
واللي ما يكتب التاريخ ماراح ياخذ الدرجات اللي عنده

يعني تهديد عيني عينك

طبعا الهدف من التواريخ انه اذا صحح يكتب التاريخ
يعني انه صحح الدر بنفس اليوم

<<< ايش كان في راسه من النصب

المهم انا قلت هذي فرصتك يالمشاكس

طبعا ما فيه احد يكتب التواريخ :sad:

وآخذ اكثر دفترين تنظيم في الفصل
<<< طبعا دفتري ضبطت تواريخه لاني عارف انه يشك فيني

واستلم لك هالدفترين
والشباب كلهم مساعدة واقتراحات
وش نسوي بالتواريخ بالدفترين

اول شي حطينا تواريخ ملخبطة
يعني احنا بالفصل الثاني
وحطينا تواريخ قديمة بالفصل الاول

ثانيا الدرس اللي صفحتين
نحط الاولى بتاريخ والثانية بتاريخ
بعض الاحيان يكون الفرق بين التاريخين سنة كاملة

اخر شي نحط الدرس بتاريخ صح
والدرس اللي بعده بتاريخ اقدم

<<<< شياطين انذال

المهم سلمناه اياها

وبالفعل شرب المقلب وكتب بعض التواريخ مثل ما حطيناها له

طبعا على طول اخذت الدفاتر مع كم طالب ووديناها للمدير
وقلنا شف مدرسك

طبعا انتشر الموضوع بالمدرسة
والمدرسين صاروا يعلقون على السالفة

وبعضهم والله كرهوني

بس يلاه ايام وعدت ... ما بقي الا الذكريات

المدرس ترك المدرسة وراح مدرسة خاصة

مشكورة الدكتورة على المقالب اللي ذكرتني البلاوي اللي كنت اسويها

الله يرحم ايام الدراسة

Colin Bell · #6 14/08/2007, 12:31 AM

المواقف كثيرة

بقول واحد بس خطير

اختي كان عندها اختبار

و كانت تذاكر بغرفتها وكان الوقت متاخر

وكانت فاتحه الباب بشويش

ودخلت وانخشيت ورى الشمعة

انتظرها تقوم

قامت بعد ما خلصت مذاكرة

واطلع في وجهها

البنت اغمي عليها

والمشكلة زفتت في الاختبار

وانا صرت السبب

الهنوووف · #7 14/08/2007, 12:37 AM

...

..
اولا ياليت كان عنوان المووضووع غير هذا ظلمتي المووضووع باسم سوسو:p
>>> جحدوها لما سافرت:p
>>>>>>>صايرة تمشي وتنتقد العناوين

المقالب ومادراك مالمقالب

:sad:
حالياا انا احد مسوي لي مقلب بس مو عارفه مين

بس ماحب المقالب تصير لي

قبل فتره سويت مقلب خرافي

لاختي وبنات عمي :p
كانــووو بنات عمــي عندنا نايمين

المهم اضفت وحده منهم على اني شاب

و وطبيعي هم يحققون من انا وكيف جبت ايميلهم
جلست انصب شووووي وقلت اني من (ديرتنا ) وهم انجنوووا :p وخافوو بنفس الوقت
وبديت انصب شووي واقول لهم عوايل نعرفها:p
وحطيت صورتي

وصاروو يقولون لبعض انه فيه من ملامح هالعايله الفلانيه :p وبدو يخافووون
المهم قلت انا فلان بن فلان بن فلان وادرس بكنداا ومهندس

بس بدون ماقول العائلة
طبعا هم مازالو في رعب وخوووف
وقالوو بنجيب من انت قلت لاتتحدون اطلع من انتو بناته :p
المهم صارووو يتهاوشون ويقوولون لاتدخلين ايميلك لاتوهقينا لبنت عمي

وعصبوو اختي وخواتها

خايفين حيل وانا اسوي نفسي خايفه معاهم :p
المهم قلت لهم بكرة الظهر اجيب لكم من انتو بناته :p
المهم قلت لهم انتو الحين 5 بناااااااااات من غير اختكم ;) وجالسين عند عمكم :p بس لاتخافوون ماراح اسوي لكم شي

هنـا هم انجنوووووووووووا وكل وحده تصارخ على الثانيه :p وشوي يصيحون واختي معاهم منهبله:p
قالووو وشلون عرفنا قالت بنت عمي انهم يقوولون يقدرون يعرفون من انتو من الاقمار الصناعيه:sad: ههههههههههه

بعدين تركتهم وقلت الليل اشوفكم

واعلمكم من انتووو
المهم بنات عمي 3 واختي معاهم منهبلين شوي ويصيحون

وانا ضابطه الدور معاهم اني خايفه

بالليل خافو يدخلون المسنجر ورحت طلبت من رعبوبة

ترسل رساله من جوالها لجوال اختي
وتكتب وينكم ادخلو النت ضروري
مع تحيات فلان

اختي هنا انجنت قالت لو امي الي شايفه المسج وعصبت مررره

هنـا

انجنوووو وصاروو يدعون والي تقول بصلي وادعي والي تقول ماراح ادخل النت ثانيه

:p والي تقول ماراح اقبل اضافات

واختي معصبه على بنت عمــي تقوول وهقتينا

وكانت بتصير بينهم هوشه

واختها الكبيرة بعد تهاوش صاحبه الايميل اختها يعني :p

بعدين جلسو شوي بعد الرساله خايفين طبعاا وماكانو يبون يدخلون بس دخلو بالاخير
وقلت لهم اقول اساميكم وقلت اسم اختي وبعدين بديت اقول اساميهم بالكبر:p واسمي معاهم
كل ماقلت اسم هم تجيهم حاله هستريه :sad:

وقالوو اكيد انه يعرف زوج بنت عمتي وهي الي علمته اننا عندهم صارو يشكون بالناس

وبالاخيرر قلت تعرفون فلان بنت فلان (اسم خالي )
تعرفون بنت اخته الهنوووف هي محدثتكم

وبعدين طبووو علي

:sad:

وهالمقلب استمر كم يووووم وكنت ضابطه الدوووور
بس كنت راحمتهم مررره لانهم عاشو في رعب غير طبيعي شوي ويصيحوون

على فكرة كانو معجبين فيني كشاب :p وخصوصا صورتي الي حطيت كانت حلوة

وكنت عاقل ومحترم والظاهر حبوني

ماتوقعو ان فيه شاب مثلي بهالادب

وانتهت السالفه ومازالووو معجبين فيني حتى انا معجبه فيني

ومتحسفين انه مقلب :p
بس عطيتهم درس انهم مايقبلون اضافه من احد غريب

..

..
لي عوده مع مقلبي مع رعبوبة

الهنووف

كانت
هنا
ورحلت

ملـــــ الهلال ــــك · #8 14/08/2007, 12:45 AM

ياليتني أم محمد ياشيخ كان الحين مدفونه بالسطحـ .. حق البيت

بالله وش المقلب الغبي و الثقيل هاه بالله قوليلي<<عـصبـ

أمزح أمزح

مهيب زين هالمقالب الي شينه مره زي كذا أوكي الظاهر فهموك درس مانستيه

تقبلي مروري

ملك الهلال

leo messi · #9 14/08/2007, 01:09 AM

لي عودة وموقف

رعبوبة الزعيم · #10 14/08/2007, 01:16 AM

هــلا والله وغلا سويره

جــد لكـ خلفيات كثيره بالمقالب محد يقدر عليكـ

خذووهـا مني والله مره قبل كم اسبوع كنت ابسوي
في سـاره مقلب بالمسـنجر بس وجع راسها كنه راس تكروونيه

مامشى عليها المقلب
مع اني سويته بسهام وفي بنات كثار ومشى عليهم وطلعت فضايحهم بعد:p

ابقولكــم المقلب حقي

مره من المرات يوم نجــحت في صف أول ثانوي الترم الاول وكنا رايحين الترم الثاني
يعني مو من سنه لما ســنه .. ماشفت صديقتي يوم الشهادات بالمدرسه وأول مارجعت البيت دقت علي
تسألني عن نتيجتي أنــا قلت لها الحمد لله نجحت وقلت لها التقدير والنسبه
بعدين قلت لها منور

<<اسمها منيره
قالت هلا .. قلت بقولكـ شي مخبيته عليكـ بس مابيك تزعلين علي ..قالت قولي ..
قلت ترى انا اليوم أخــذت ملفي وبنقل من هالمدرسه بروح مدرسه ثــانيه:p ..قالت ايييش

قلت هذا اللي صار .. بعدين قالت تروحيــن وتخلين لحالي ومخبيه علي بعد لييش وقالت تصيح مسكينه

انا هنا توهقت صح اني اسوي مقالب بس يكسروون خاطري بسرعه

قلت لها منور ترى العب عليه

وماسمعت الا صوت القطار طوط طوط

..اثاري البنت سكرت بوجهي

ودقيت عليها بعدين واعتذرت منها
وسامحتني

ومره هنيفوه سوت فيني مقلب :p
نبدى بالسرد:p
انا كنت اسولف مع وحده بالمسنجر عن قصة واحد اسمه خالد وهــذا خالد كاتبه فيه اللي تحبه قصيده
أسألتني صديقتي انتي كاتبه هالقصيده

..انا استغليت الفرصه اني اسوي فيها مقلب

..قلت ايه انا اللي كاتبه هذي القصيده

..قالت منهو خالد ..قلت هذا خالد واحد يقرب لي كـانت بينا علاقه بس بالمسنجر..قالت اجل ليش افترقتوا عن بعض

..قلت ماافترقنا بس ابوه يبيه يروح يدرس برا طب وهو مايبي بس لازم يسمع كلام ابوه وانا بهالمناسبه كتبت فيه هالقصيده

<<مسويه المتنبي ..وبعدين قلت لها اني العب عليك وان هالقصيده لقيتها بالنت
وكنت انسخ الكلام واحطه للهنوووف تشوفه اللي بيني وبين هالبنت
شوي الا تجيني إضــافه بالمسنجر من اميل اسمه خالد

<<وجهي صــار كذا من هول الصدمه:p ..عاد تعرفون اللقافه قبلت الإضــافه ..المووهم سألته مين انت

قال خالد :p قلت من وين جايب اميلي..قال وش دخلك

قلت لهنيف ان جاتني اضافه من اميل اسمه خالد قالت يمكن احد ناشر اميلك

ومر يوم وهالخالد هذا الشخص المجهول عندي بالمسنجر باليوم الاول سويت انفايت بيني وبينه وبين الهنوووف وكنا نسولف عادي:p ..وقالي هذا خالد ان عمره 23 وخاطب
المهم سألته انت مســجل بمنتديات ..قال ايه انا مسجل بالزعيم بس ماتفعل يوزري ومسجل بالقناص
قلت تعرف احد بالزعيم قال مـاجد مقبل كان معاي بالجامعه

وكان صديقي ولي واسطات قويه بالزعيم يعني بما معنى كلامه وبعدين قال تدرين ان ابو ريمان اخو سامي الجابر

انا تفاجئت قلت صدق قال اييه

وقال مره انا وماجد مقبل رحنا لجده وجا نمر هناك

وتقابلنا مع الهلالي الثقفي:p وعزوز الازرق وحتى قالي ان عادل ((كلاسيكوا)) يقرب للهنوووف

وان الموج أبو الماسه الزرقاء:p
انا بصراحه وحده على نياتي واصدق بسسسرعه

صدقته :p
وبعدين اعترفت لي الهنوووف انها هي نفسها خالد

وهي اللي سوت فيني المقلب
ومن يومها وانا ماخذه الحذر من كل الناس حتى الاضافات مااقبلها

ردي صار موضوع

آســفه على الاطاله سويره بس موضوعك كذا وش اسوي

¤ ريـموو ¤ · #11 14/08/2007, 01:17 AM

والله انتس ختشيييييييييره وقنبله نوويه

اجل خالتتس وصديقتس احد ضحاياتس

والله يكسرون الخاطر

مااقول إلا الله يعين من تطيح بيدتس

<

======

وصراحتن عجبتني صديقتتس ردتها بقووووه <

والثانيه دلال الفزعه والله ياهيتس الصديقات يابلاش

والله كنت متوقعه اني انذل وحده بالعالم طلعت أنقط براءه بعد ماشفت موضوعتس :p

< في حال تذكرت موقف إبن *** سدحته لتس إن شاءالله :p

الهنوووف · #12 14/08/2007, 01:23 AM

إقتباس

الرسالة الأصلية كتبت بواسطة مواصل من عام 1413هـ


	تم الحجز ما راح اقراه الحين لانه طويل وبرجع ان شاء الله ---------------------------------------------- عدناااااااااااااااااااااااااااا اهااااااااااااااااااااااااا الموضوع نذاله <--------------- قمه بالنذاله وله سواليف كثيره بس بقول اللي يحضرني الآن السالفه هذي صار لها 12 سنه كنت بثاني ثانوي وكنت انا وإثنين معي أنواع المقالب ببعضنا طبعا الاثنين هذولي عملوا فيني مقلب وتركوني بمكان مقطوع ما فيه سيارات ورجعت للبيت مع ليموزين بعد ما مشيت لمده نص ساعه علشان اطلع على الخط وانا وواحد إجتمعنا على الثالث ونزلناه بمكان بس القهر إنه عام ورجع لبيتهم لحد الآن المقالب عاديه فكرنا أنا وخويي إنا نسوي مقلب بالثالث بس مقلب رومنسي شوي كنا نطلع من المدرسه ونروح لبيت خوينا الثالث ونحط ورقه على إنها بنت عشقانه وميته فيه عاد خوينا الثالث هذا ( شين لدرجه إن الشين بالنسبه له زين ) جلسنا على الحال هذا وحنا نحط على سيارته ورقه عن الحب والغرام لمده أسبوعين وهو يشكي لنا ويبي يعرف من هي العاشقه المجهوله ويعلمنا وش الكلام اللي وصله منها ويورينا الأوراق ، والولد خلااااااااص حب البنت وهو ما يعرفها بعد الإسبوعين طلعنا من المدرسه وعلى طول عند بيتهم وحطينا ورقه إن البنت هذي تبغا تقابله المغرب بمكاااااااااان بعيد مره المهم خوينا العاشق جاء عندي العصر فرحاااااااااااان ومبسوط بس رفض يعلمني وش السالفه وكان كاااااااااشخ ، وقالي أنا بروح الحين قبل آذان المغرب قلت له وين بتروح ، قالي مشغول مع اهلي ههههههههههههههههههههههههههههههههههههههههههههههه قلت اوكي وعدنا الليل ان شاء الله طبعا خويي الثاني اللي متفق انا واياه على المقلب جاني قبل اذان العشاء وقالي خلنا نروح للمكان اللي محددين له الموعد قلت اوكي مشينا وصلنا للمكان بعد صلاه العشاء بفتره ونمشي بالسيااااااااره من بعيد وإلا نلقى الأخ جاااااااالس ينتظر ويتلفت يمين ويسااااار ورجعنا بعدها بيوم جانا الولد يشتكي من البنت هذي وانه انقهر منها ، وانها سحبت عليه وانه بيتركها ( تكفى ياللي مشبكها أصلا علشان تتركها ) بعدها بيومين طلعنا من المدرسه وكالعاده حطينا له رساله إعتذار إنها ما قدرت تجيه على الموعد وعطيناه موعد ثاني بعدها بيومين بمكان أبعد منه على إنها بتروح عند خالتها هههههههههههههههههههههههههههههههههههههههه الحبيب رااااااااااح من جديد وتكشخ وجلس ينتظرها وإلى يومك هذا على إن السالفه صار لها 12 سنه ما يدري إنها مقلب ، وما يدري عنها إلا أنا وخويي اللي مسوين فيه المقلب ، والحين إنتوا

موقف خطير
طيب 12 سنه ليه ماعلمتوووة

علموووة خلااااااااااااص
الحين عمرك 12+17 = 29

صدق .؟

خلوه درس له

إقتباس


	ومره هنيفوه سوت فيني مقلب :p

ياعمري يانتي تصدقين بسرعه

لا وتجيني وتقول شفتي يعرف الاعضاااااااااء ومتحمسه :p ياحبي لك بس

يالله درس لك

الهنوووف
كانت
هنا
ورحلت

Hictar · #13 14/08/2007, 01:42 AM

إقتباس

الرسالة الأصلية كتبت بواسطة الهنوووف


	موقف خطير طيب 12 سنه ليه ماعلمتوووة علموووة خلااااااااااااص الحين عمرك 12+17 = 29 صدق .؟ خلوه درس له

لا تكبريني عاد توني صغير بالعمر طيشاني

28 بس

كل ما شفته ودي اقوله ، بس أخاف يحقد علي

لــوريــن · #14 14/08/2007, 01:44 AM

اهليييييييييين خيتو ....

بقول مقلب سويتوافي اختي وبنت خالتو
قبل كم يوم وكونا في الطايف ...
وروحنا منتزه وفيه ملاهي واشترينا تذاكر
بس خلصت مع انها تلاته دفاتر واحنا لسه نبغى نلعب
فأختي وبنت خالتو راحوا اشترو دفتر تذاكر كامل بس
لهم هما التنتين ......

وانا كونت مفلسه لاني اشتريت بفلوسي اشرطه بلاي ستيشين
وجلست افكر ايش اسوي....

قولت بلعب عليهم....

قولت لهم هيا دوره المياه
وراحو معايا ....

وبعد ماروحنا قولت لهم غسلو اياديكم وسخه....وهاتوا شنطكم امسكها لكم

هما في البدايه استغربوا
انو انا اقول كدا<<دايم شريره....

واعطوني هيا وبسرعه فتحت شنطه اختي
واخدت الدفتر ولقيت خمسين كمان معاها
قولت اخدها عشان ياحرام شوفت صوره
بابا عبدالله قولت لازم احطها في محفظتي
تباركلي هيا<<يابكاشه الحجه جاهزه...

واخدتها من غير ماينتبهوا وقولت لهم خدوا شنطكم تذكرت انو ابويه
كان يناديني وسويت نفسي خايفه....

وروحت على طول لولد خالتو وقولت لو على كل شي
<<هوا دايما يساعدني في مقالبي....

وقال خلينا نلعب بيه قولت اخاف يشكون فينا
ويقولون من فين جبتوه قال اقول انا اشتريتها مين راح يكدبني....

ولعبنا وبين كول لعبه والتانيه ابص لجهتهم واشوف
حالتهم مررررا يقطعون القلب
بس لما اتذكر انو راح العب اقول عادي مرررا
يزعلون فيها ماتأثر<<ندله..

واخدو لهم تهزيء محترم من ابويه وزوج خالتو...
انتو بزوره تضيعوا اشيائكم وانا
مسويه محاميه دفاع على غفله [هاع هاع هاع هاع ]
وبس اقول ايش ذنبهم اكيد طاحت منهم ولقيها احد واخدها
وانا لو مكانو راح اخدها....

ولما دحين مايعرفون بس ان شاءالله
اختي ماتدخل المنتدى وتشوف المقلب والله اروح فيها.........

ويسلمو خيتوا على الموضوع الحلو...

abo_nasser · #15 14/08/2007, 01:45 AM

الخالي من الهم ..سقها....ونحن وراك

تقصدون سوسو صديقة هامور

بقرا الموضوع وارجع

ـــــــــــــــــــــــــــــــــــــــ

هذا الموقف وانا في ثالث ثانوي

انا ومعي اثنين من اخوياي

السالفه يا طوال الاعمار

احنا اذا جت الفسحه وهي التي تقع بعد الحصه الثالثه

مانحب نفطر في المدرسه

عاد ذاك اليوم جالس مع واحد من اخوياي وجالسين نتناقش وين نفطر

هذا بداية

الحصه الثالثه والله وانتهت الحصه ...انا اعرف واحد من طلاب النظام الي يستقعدون

عند بوابة المدرسه

المهم جلسنا انا واحد من اخوياي نستني الثالث وتاخر علينا والله

وطلعنا...واشوي الا والجوال يلعب في جيبي

<<<<على الهزاز

الا الثور جالس يدق علينا ..انا هلا يا فلان ..هو ..وينكم قلتله خلاص طلعنا واحنا

في السياره في المواقف علشان لا يشوفوننا المدرسين

...المشكله الثور ما يعرف الولد

الي طلعنا والله وجاء يبي ينقز من فوق السور

تعرفون ان مكتب الوكيل دائما قريب

من البوابه.. في ذيك الحظه ما ادري وش الي صارلي وقلت للي معي شف ايش بسوي

واطق اللثمه علشان ما يعرفوني المدرسين واقرب من الاداره

وصديقي الثور فوق السور ....وشوي الا تسمعون صوتي

ياستااااااااااااااااذ ياستااااااااذ فلان فوق السور

بكل صوتي

وقام الوكيل ومسكه

وانا حطيت رجلي ورجعت بعد الفسحه وكاني ما سويت

شيء

ولاتسالوني ويش سوى فيني خويي

سلاااااااااااااااااااااااام