بمناسبة سفر صديقتي الخبلة سووسوو .. "عازفة الناي" احب اقدم لكمـ موضوعي المزين بالقشطة .. <<< متأثرة بمسابقة الطبخ :p
يعني احتفالية تاريخية لأنها فكتنا منها .. تراها ناشبتن في ذا .. مدري انا افتك منها من النت ولا المسن ولا الجوال !! كلن ناشبة لي بوه ..!
<<< محاولة للكلام بالقصمنجية

اما بعد ...,



مقالب x مقالب ..



يعني خذو راحتكم اسدحوا مقالبكم الوسخه كلها .. النذالة اللي مخبينها طلعوها .. اعترفوا بكل الجرائم اللي سويتوها بحق الناس الأبرياء ..
جرائم = مقالب :p
طبعاً محدثتكم ما نزلت لكم هالموضوع الا لأنها راعية مقالب من الدرجة الأولى .. واحلى شيء انها من طول الخبرة في هذي المهنة العريقة ما عاد احد يقدر
يسوي فيني مقلب .. صرت اشم ريحة المقالب من بعيييييييد .. قبل ما تتسوى بعد <<< بدى النصب
من الجرائم اللي لا تغفر لي ..








7
7
7

مرة دقت علي خالتي وانا كنت طالعة برى البيت , وقالت لي : سارة ولدي محمد وصلكم؟
قمت انا فجأة طنت براسي اسوي فيها مقلب نذل قلت : لا والله ما شفته !! ليه انتي ارسلتيه ؟! :p
وهي تنهبل قالت : اييييييه انا نزلته عند باب البيت !! وشفته وهو يدخل قبل خمس دقايق ..! ! امانة تأكدوا ..! :sad:
قلت لها : اوكي اوكي لا تخافين اللحين نشوف ..
المهم يوم قفلت من البرود لأني متعودة على المقالب نسيت السالفه ... دقيقتين وهي تتصل .. رديت عليها ولا صوتها راااايح فيها .. :p
عاد هي ما عندها غير ولدين واحد كبير والثاني هذا الصغير .. على قولتهم فلذة كبدها ..:p
المهم قالت لي وصوتها مبحوح من الخوف : لقيتيه ولالا ؟ :sad:
وانا يجيني الضحك .. واقول : كنت امزح معك
<<<< مالها داعي بقوة .. :p
عاد ما عليكم وش صار .. ما بقى احد ما هزأني ومسح فيني الأرض .. بجد هي خافت لأنها اصلاً كانت تتصل على امي وامي ما ترد ..
وتدق على خالتي وخالتي تكلم بالجوال ولا ترد .. وطاح قلبها على بالها انهم ما يردون عشان ما يقولون لها المصيبة .. وصراحة انا قعدت كم يوم ما قدرت اكلمها
طيحة وجه بقوة ..,
بس دقيت عليها ولا ردت علي ! قمت ارسلت لها مسج <<< مؤدبة :p
وقلت لها اعذريني هذا من عمل الشيطان











موقف ثاني ..



كانت اختي مطلعة رقم جديد لأن القديم خربته انا بفعل مصايبي السوداء .. اقصد لأني حرقت الشريحة لها كثر ما احط ارقام سرية ولا تنفع ..
المهم .. انا ما كان عندي جوال وقتها , وكنت اراسل صاحباتي عن طريق جوالها او جوال امي .. حتى اخوي ما سلم مني كل الناس دقدقت عليهم من جواله .. :p
المهم مالكم بالطويلة ..
اخذت انا جوال اختي وقمت ارسل مسجات لصاحباتي , وارسلت لصاحبتي ودلعها "S@wleef" مسج غزل وحب وحركات يعني ..
المهم البنت استغربت من الرقم قامت ردت على المسج وقالت " مين ؟! " :p
وانا تطن براسي استهبال .. قمت رديت عليها بمسج وقلت " انا خالد يا فيصل ..! افا ما عرفتني ؟! توني جاي من جنييف ولازم اشوفك .. هذا جوالي المؤقت اوكي "
المهم البنت استغربت هي تحب هالأسمين "خالد وفيصل " وهذي اسماء اخوانها اصلاً .. المهم البنت التبس عندها الموضوع واستغربت ..! ! !
وطنشت هالمسج , يوم جينا ثاني يوم للمدرسة قامت قالت لنا .. : "بنات انا مستغربة في احد مرسل لي مسج امس يقول انا خالد ومدري ايش ..! بنات احد يستهبل علي ؟! "
المهم اني سكت وقلت لها " والله ! اكيد هذول عيال يستهبلون تعرفين حركاتهم يسوون كذا يقالهم غلطانين يدورون مصيدة منا ولا منا " ;)
قامت البنت قالت " ايه يمكن كذا بس انا مستغربة لأني احب هالأسمين وهذول اسماء اخواني بعد !! مو شيء عادي يعني .! "
ولا تجيك ( مرمريتا ) وتقول <<< فضايح طلعت دلع خوياتها كبت العشى :p
" لا تنسين ان فلانة توها مسوية لك مشكله وشكلها تبي تنتقم وقامت عطت احد رقمك ! ولا يمكن هي تسوي فيك كذا!! "
المهم كل الشلة قامت ولا قعدت وقالت S@wleef : "يؤ اي والله صح ... هالبنت نذلة وبقوه والله اوريها بنت اللذين "
انا جاني ضحك ذاك الوقت بس خفت تشب مشكلة مالها داعي قمت فزيت من الخوف وقلت : "لا بنات لا تشكون في البنت مالها مصلحة مهما كان .. وتراها لو تبي تسوي شيء
موب لازم بالدس .."
المهم كل الشلة صارت تتكلم بالموضوع وبغى ينتشر بالمدرسة كلها ان سواليف احد مستهبل عليها بالجوال وشاكين انها فلانة ..! !
طبعاً الموضوع قعد حول اسبوع , وانا ما بطلت حركات وصرت ارسل مسجات وسواليف تسفهها وادق ولا ترد .. وانا اللي انقهر قسم بالله ..! !
المهم سواليف طقت خلاص وتبي تعرف منو هلي صاجها !! قامت قالت لأحد معارفها بالاتصالات عن السالفة وقالت ابي اعرف كل المعلومات عن هالشخص صاحب الرقم هذا ..
يوم قالت لي كذا .. قلت لها انا " لالا خلاص ماله داعي تكبرين السالفة اكبر من كذا ..! ":p
قالت لي : "يا سارة الولد صاجني كل يوم يدق ويرسل قسم بالله طقيت .. الصبح والليل !!! وش هالقلق ؟! "
قلت لها انا : "خلاص خلي اخوك يرد ويغسل شراعه مارح يدق ثاني مره "
قالت :" شكلي بسوي كذا ..! بس لازم اعرف هو مين , عشان لما اخوي يكلمه يقوله تراني اعرف انك فلان او فلانة ..يعني هالشخص هذا يعرف انه انكشف اصلاً ."
طبعاً صاحبتي ذي ماتترك احد بحاله لازم ترد الصاع صاعين ... خخخخخخخخخخخخخـ
المهم اني شفت الموضوع خلاص كبر بزيادة ماله داعي هالتمصيخة .. قمت اعترفت بالموضوع .. :p
ولا تسألوني وش صار بعدين لأن كل الشلة شبت ... ما عدا "دله" حبيبة ألبـي وقفت جنبي وقفتن ما بعدها وقفة <<< دله يعني دلال
بس طبعاً صار في ضحك مو طبيعي .. و S@wleef عدت الموضوع مع انها انقهرت حيل وزعلت مني يومين .. وانا كنت اقول .." يا زينك يا اللي زعلان مني "
لكنها ردت علي بمقلب ...







7
7
7


الا وهو ...
انا يوم الأربعاء كان عندنا عزيمة كبيرة بالعايلة .. مو عزيمة ... تقدرون تقولون حفلة .. <<< وش الفرق
المهم <<< هالكلمة لازم تنط ..:p
كنت راجعة من المدرسة وانا تعبانه وشايلة هم الحفلة هذي .. تعرفون البنات حركات لازم يتكشخون ولازم ينامون العصر كله عشان يكونون بحيويتهم للرقص والحركات
رجعت البيت .. وانا ادور الغرفة بس ابي انام .. يوم وقفت عند الباب وقمت ادور مفتاح الغرفة بشنطتي .. ما لقيته !! ادور وادور !! بس ما لقيييييته !! :sad:
وانا اللي ارمي كل الكتب و الملازم واقعد احوووس وادور !! بس مااااش مالك امل !! :sad:
قمت ارسلت اخواني للسيارة قلت روحوا دورو زييييييين لا ترجعون الا معاكم مفتاحي !! وادور بالبيت كله .. احوس احوس مالقييييييته !! :sad:
عاد جاء في بالي ان احد مسوي فيني مقلب !! اشم روايح المقلب من بعيد انا خخخخخخخخـ
واقوم اتهم اخواني واختي ..!! حتى امي ما سلمت مني اتهمتها بأنها تسوي فيني مقلب .!! وقعدت احلفهم انهم ما سووا شيء ولا اخذوا مفتاحي !!
ويا حرام جاء العصر وانا لسى ما ارتحت ولا نمت ..! والمشكلة ملابسي اللي مجهزتها من اسبوع مدري اسبوعين بالغرفة !! واكسسواراتي وحوستي اللي مجهزتها وشاريتها !!!
يا ربي كل ذا ويييين يروح بلحظة!! وانا اللي اطق من القهر !!
وجاء ببالي الماستر كي .. قلت بس يا بنت اطلبي الماستر كي من امك , يوم اجي اسألها ولا تقولي ما ادري وين راح !!! :sad:
<<< كنها نشلحه عشان نفتح المكتب ونقعد على النت انا واختي :p
ههههههههههـ :p
بصراحة بصراحة .. كان قهرررررررر .. لدرجة اني كرهت الروحة كلها ولا ودي احضر الحفلة ..شلون يعني ما اتصلح للحفلة ولا اتجهز !!
قامت امي حزنت علي " يا قلبي هي " وهي اللي تطيب خاطري وتروح للسوق وتشتري لي ملابس جديدة واكسسوارات وحركات ... عاد انا من القهر كنت فاقدة الأمل
اني البس شيء احلى من اللي كنت مجهزته من اول !! :sad:
طبعاً جابت لي أمي الملابس الجديدة ولبستها وانا مقهورة !! و وعدتني امي اننا بنجيب واحد يفتح الباب ثاني يوم لأننا ما عندنا وقت محنا بفاضين عندنا حفلة .. <<<والله لو انه عرس
رحنا للحفلة وهناك تحسنت حالتي النفسية شوي لأني شفت عبوره و نوف و جوجو و شهد .. و و و الخ <<< ما تبي تفضح زيادة
يوم رجعنا للبيت وانا افكر .. وين بنام ؟!؟! والله مالي غير اختي " الليدي الزرقاء" ... خلني اطب عليها بغرفتها .. مالي شغل لازم هاليوم اعمل احتلال على اصوله .. يعني ابن كلب
اطيرها من سريرها وانام فيه .. و البس ملابسها ... صح نسيت ولا انسى الجوال لازم اشلحه بعد .. هع هع عشان ابلغ البنات عن آخر تطورات غرفتي ..
هع هع هع :p
اكيد البنات فطسوا من الضحك علي ... :p
اما سواليف وما ادراك ما سواليف ..! الخاينة النذلة لازم ترد المقاااااااااااااااااالب !!
وجعووووووووووه ما تنعطى وجه بالمقالب هي وجهها .. لحد يسوي مقالب عقبها ...!
طبعاً قعد عندها مفتاح غرفتي من الاربعاء لين السبت .. لا والمشكلة يوم جيت للمدرسة . . وقلت لها عطيني المفتاح قالت لي " يؤ نسيته بالبيت " <<< تبي تقهرها
وانا اللي انفجر بوجهها .. قامت تضحك وعطتني اياه ..

بس وش رايكم فيها نذلة بقوه بعد ..!! <<< متعلمه منك :p






يالله طولت عليكم انتم ووجيهكم ... :p
يالله سدحوا لنا خبالكم هنا ونذالتكم الأكيدة .. بس الله لا يوريكم مقالب مثل اللي انا سويتها ...
ولي عودة مع مقالب بنت كلب ..



سي ياااا