|
ســـامي في خطــر ....! إنتشـر خبر مؤخرا مفاده أن المدرب الجديد بعد إنتهـاء معسكر تونـس قد نصـح الأدارة الهلاليه بعــدم التجديد مع الكابتن الأسطورة ســامي الجابر وعلل رفضه لتجديد العقـد بانه كبير في السـن وانه يوجـد من هو افضل منه يقصد بذلك يـاسر وكذلك ذكر أنه سامي لا يستطيع ان يلعب مباراه كامله ولو انه في بلاده لأجبروه على الأعتزال. وقد آثار هذا الخبر غضب اعضاء الشرف الهلاليين الذين هددوا بمقاطعه الاداره الهلاليـه اذا لم يتوقف المدرب عن إنتقاد سامــي أنا هنا أطلب منكم إبداء رأيكم في هذا المدرب وكلامـه بأن ياسر أفضل من سامي ؟؟؟ أنا زعلانه على هذا المدرب وأتوقع انه فاشل وربي جنني إن شاء الله يطردون هالمدرب |
اسمحلي معاه حق حفاظا على اسم سامي لازم يعتزل لانه لاعب كبير وما يبي يتبهذل اخر عمره ونسويله اكبر لقاء اعتزال ضد النادي الي يبيه بس يعتزل |
أولا أنا بنـت ثانيا سامي اكبر من هالمدرب وكلامـه والمفروض يطردون هالمدرب وأشكرك على مرورك |
أنا هنا أطلب منكم إبداء رأيكم في هذا المدرب وكلامـه بأن ياسر أفضل من سامي ؟؟؟ لو يلعب ياسر 100 سنه مايجيب نص الانجازات الي جابها سامي الجابر مااقصد الاهانه طبعا بس هذا معروف والهلال يحتاج الى كابتن محنك مو ياسر بس هذي الامور ماتفرق بين لاعبين هلالين واتمنى من الجمهور دعم الكابتن المحنك سامي الجابر وشكرا لكي اختي هلاليه |
اولأوش مصدرك على كلامك هذا ثانيأ مشكلة سامي فلوس +عناد محمد بن فيصل لاتقولين مدرب وخرابيط ................................. مع ان المندسين مأخذين راحتهم اليومين هذي الى ان عتبي على ادارة المنتدى لترك مثل هذه المواضيع الي تسيء للأسطورة سامي |
مشكور على مرورك يا هلالـي بس بصراحه انا ما اؤيد كلامك بأن ياسر لو يلعب 100 سنه ما يجيب إنجازات سامي هذا رأي الخاص فيني طبعا |
مصدر كلامـي منتدى رياضي ثاني سامي بخير ونعمه ليش تبين للناس أنه فقير وأنه ما يحب الهلال وانه يحب الفلوس أكثر ؟؟؟ وبعدين محمد بن فيصل رياضي محنك ولو ما صار حازم في بعض القرارات ما يصير يكون رئيس نادي الهلال وبعدين من تقصد بالمندسين , هل اللي ردوا ضد سامي ولا مين بالضبط انا مو عارفه وش تقصد !! الرجاء الرد يا ذئب الهلال |
لووووووووووووووووول اذا بطولات ياسر ما راح يجيب زي سامي لاكن مستوى ياسر افضل من كل مستوى قدمه سامي في تاريخه مع احترامي الشديد |
مندس كذاب اسأل الله أن ينتقم منك ويعاقبك عاجلاً غير آجل على كلامك المغلوط وبتموت بحقدك يامندس ! |
|
اختي هلالية.....كلامك ما يستحق تكتبين عليه موضوع.....من دون زعل :) انا أعتقد المدرب كان له وجهة نظر وقالها للإدارة بعدين صح ان سامي اسطورة ولاعب كبير لكن هذا مايعني انك تطالبين يقيلون المدرب عشانه انتقد سامي ..... ويييييييين الدعوة فوظة ؟؟!! ترى المدرب ماكمل شهرين معانا |
المستشار الفني الملائكه تقول ولك بمثل , اذا ما أعجبك الموضوع المفروض ما تدخله أو ترد رد مناسب يليق بنا كهلاليين مو تدعي وكأنك ملكت الدنيا وبعدين انا طفشت من كلمه مندس من كثر ما أشوفها تكفون غيروها :) |
هلا أختي هلاليه :) .. سامي أدرى بمصلحته .. وخففوا من ضغطكم على سامي :) .. وذا اللي يقول سامي مشكلته فلوس .. سامي آخر واحد يفكر بالفلوس فهمت يا بابا .. والثاني اللي يقول ياسر أفضل من سامي تبطي أنت وياسر .. وياسر من جا للهلال وش سوى ياليت تنورني :sleep: .. |
baanee شكر لمرورك , وأعذرني انا جديده على المنتدى ولازم تساعدني وبالنسبه للفوضى انت صادق بس صدقني وربي إني منقهره |
اولا ياليت نبعد عن المقارنه بين ياسر وسامي وكلهم نجوم وفي خدمة الزعيـــم ،،، و ياليت ما نفتح باب للحزازيات هاذي ،،، ثانياً وجود سامــــي مهم مع الهلال خصوصاً في هالمرحلة لو معنوياً بس ،،، سامي بأسوء مستوياته يبقى اللاعب الهلالي الي دايم يصنع الفارق في المباريات الحاسمه ،،، و لو تلاحظون بدت تغيب البطولات عن الهلال في الموسم الماضي مع غياب سامي ،،، انا ما اقول ان اذا سامي ما لعب معناتها ماراح نجيب بطولة لا لا لا،،، بس يبقى وجود سامـــي مهم جداً في ظل الظروف الي يمر فيها الهلال،،، |
أختي مدمنه سامي منوره الموضوع بالنسبه لسامي انا معه ولكن هذا الخبر اللي قريته وبعدين كلهم نجوم وما نظلم أحد على حساب الثاني |
الهلال السهم القيادي أتشرف بمرورك هنا , وتأكد اني مو داخله هنا أسوي مقارنه بس هذا كلام المدرب وأنا نقلته لكم كامل ولكـن زي ما قلت سامي مطلب معنويا وإن شاء الله تتحسن أمور الهلال |
اقول فسها انت وياه سامي حان وقته يعتزل خلاص فكوه بلا نشبات مالها داعي |
مندس داخل بنك مندسه يامندسين غثيتونا لعوزتونا..وادارة الموقع سامحه لكم ترتعون بدون اي حساب!!! |
وشفيكم الحين انتم اي شيء ينقال تصدقونه وبعدين انتي ياللي كاتبه الموضوع لاتجيبين كلام بدون مصدر وش مصدرك بالله الحين وش دراك ان المدرب قال هالكلام لايكون كنتب معهم بالمعسكر وانا مدري ثانيا خلوا عنكم المقارانات بين سامي وياسر لان سامس قدم كل شيء للهلال وياسر بيقدم بأذن الله ولاتجيبين مواضيع ثانيه بدون مصدر الشرهه موب عليك على الاداراه اللي مخليه الموضوع للحين هنا |
المقترح نورت الموضوع , وياليت أنك ما تكتب كلام ما يليق بالمنتدى وطبعا وجه نظر احترمها |
أبو نادر الهلالي تقصدني أنا ؟؟؟ انت المنـدس والدليل ما تبي تتكلام بقضايا تهم الهلال والأيام الجايه بتكشف لنا الخافي وخصوصا صغار السن أصحاب المعرفات ..... مع انه حرام الـرد على أمثالك |
عزتـي في سمو ذاتي لأنـي كاتبه الموضوع سويتوا لي هالمشاكل , ولكن لو أنك انت اللي كتبته ما راح ترضى الناس يقولون لك كذا . جميع الأعضاء لديهم مشاكل نفسيه مع أنفسهم , المقال الذي لا يعجبهم يقولون وين المصدر ولا يقولون منـدس ولا منـدس ( موضه اليومين هذي ) ولكن لو هو كاتب الموضوع ما يبي أحد يقول شئ أنا هنا أحترم وجهات النظر ولكن بأدب وبدون تجاوز للحدود ولا أنسى أني مع مبدأ عدم التفريق بين اللاعبيـن ياسر وسامي ولكن أنتم من صنع هالتفريق |
سامي نجم كبير بس مع احترامي له ياسر بيغطي عليييييه ومستوبات ياسر ماقد قدمها سامي واتمنى انه يحافظ على تاريخة ويعتزل ويترك الفرصة للشباب عارف ان فيه بعض اصحاب العقول الصغيرة بيقولون اني مندس ومن هالقبيل لكن انا وجدت هنا لاطرح رأيي ولا يهمني الا مصلحة الهلال |
قسم بالله دردشه:d والي يقول يابابا سامي اكبر من الفلوس :sleep: اقوله صح النوم سامي باقيله مليونين ومحمد بن فيصل ساحب عليه مع انها من ضمن الديون ال14 مليون الي تكفل بسدادها فيصل بن سعود وفوق هذا كله المشكلة الي صايره لسامي مع محمد بن فيصل ومانبي نتكلم بالموضوع هذا .......................................... مع احترامي لموضوعك واحسن شيء فيه اطلعلك المندسين اشكالك:d |
ياخي وش هذا المدرب اللي جايبينة نادي الهلال من أول شي ينتقد كابتن سامي في مستواة ولا بعد يقول ان ياسر أفضل من الكابتن سامي الجابر ولا ويقول بعد انة كبير في السن والله معتقد يا مدرب الهلال الظاهر اللي كبير في السن والظاهر قمت تخرف من أول شي |
مشكوووووورررر |
مستركي نورت الموضوع وفعلا سامي نجم كبير وبرضه ياسر نجم كبير ولكن لكل عضو في هالمنتدى رأي وما دام أنك تكتب شئ وانت مقتنع فيه ما عليك من أحد, انت من أفضل اللي ردوا بحسن أخلاقهم ودمتم بود |
الذئب للمره الثانيه انت طرحت وجهة نظر ورد عليك بعض الأعضاء , ولا تكون أناني تتكلم على الناس وتقول كلام من راسك نبي المصدر على حقيقه أن سامي يحب الفلوس ؟؟ وثانيا انت مو عالم الغيب عشان تدعي معرفه المندسين فأحتمال أنت اولهم ولكن تبي تبعد الشبهه عنـك |
أسمحلي ياكاتب الموضوع أقولك أنك نصروي وتريد أن تثير البلبله في المنتدى ولحد يصدق كلام الصحف (والله كنت أشتري الجرايد كل صباح عشان الهلال وبعدين بطلة أشتريها سرة في أحسن حال لا تعصب ولا رفع ضغط وسرة أخذ أخبار الزعيم من المنتدى وأنصحكم بذالك ) الله لايوفق ولا جريده (الياضيه . عكاظ . الشرق . المدينه . الجزيره . اليوم . الرياضى . وأنصحكم بالوسيط ههههههههههه |
المدرب اخطى بهذا الكلام عن الكااابتن سااااااااامي والاوصلت نطررررد المدرب من الباااب للطاااقه |
فيلسوف 15 مشكور على مرورك وكلامك فعلا واقعي 100 % وبعدين أنا مقهوره وشلون يقول هالمدرب هالكـلام عموما الله يعين الهلال وبس |
ok.....alzaeem يعطيك ألف عافيه على المشاركه وقصر الـرد :) |
أولا : المدرب لم يشاهد سامي في التمرين ليحكم عن مدى جاهزيته... لذلك لايمكن ان يصدر مثل هذا الكلام ... ثانيا : ليعلم الجميع متى كان سامي في جاهزيته فانه سيزيح جميع المنافسين حتى ولو بلغ من العمر عتيا... ثالثا : من قال ان الذئب يسعى وراء الماده فهو لايعرف التاريخ ابدا وليتذكر الجميع العقود التي انهالت عليه وتجاهالها من أجل الهــلال ... وكم من المرات وقع للهـلال على بياض ... وكم من التضحيات قدمها من اجل الزعـيم ومن اجلنا نحن الجماهير ..... ختاما : لاتخافي اختي العزيزه فالذئب لن يكون في خطر .... ببساطه لأنه الذئب ويعرف من اين تؤكل الكتف ولا لا يهمـــــــــــــــــــــــــــــــــــــــــــــــــــــــــــــــــمونك |
ks911 أنا أول شئ بنت مش ولد وثانيا أنا كتبت الخبر من منتدى ثاني يعني ما جبت شئ من راسي , وبعدين أنا مثلك هلاليه وأحب الهلال انت ليش تبي تشوه سمعتي ؟؟ وانا بصراحه راح أشتكي عليك الأداره لأنك تكذبني وتكتب كلام ملفق , وتجي بالأخير وتقول جرايد يا تناقش الموضوع ولا لا تجي هنا تسرد لي قصة حياتك :( |
سامي افضل من خدم الهلال على امتداد تاريخ النادي وان وجد لأغراض الأعداد النفسي فهذا المطلوب , اما الحاجة له فنيآ !!!!!؟؟ فأعتقد انها راحت على ابوعبدالله , والمثل يقول لكل دولة زمن ورجال... |
أبغى أعرف أش تصتفيدو من المقارنه سامي وياسر كولهم خدمو الزعيم أماأنتي يالى كاتبه الموضوع والله من المندسين وبانو المندسين لونكم رجال كان مادخلتم على المنتدى يأدارة المنتدى أحذفو الموضوع |
ابو نواف الهلالي معاك حق وفعلا المدرب أخطأ بحق سامي ولازم يعتذر |
ks911 / اي واحد وجهة نظرة مخالفة لوجهة نظرك تعتبره مندس وموب رجال ؟!! الله يخلف عليك بس ..... |
عشقي الزعيم نورت الموضوع وبالنسبه للي يقول أن سامي محتاج فلوس هو الذئب الهلالي وانا رديت عليه وهو لا زال يغلط الظاهر أن الأعضاء يتكلمون على حسب هواهم اللي يعجبهم يقولون كويس واللي ما يعجيبهم يصير ( مندس أو مندسه ) فعلا ســامي كبير ولا يحتاج لمثل هؤلاء ليدافعوا عنه وإذا كان كلامي فيه خطأ ياليت تصحح لي يا عشق الزعيم |
ماعندكم سالفه |
زعيم لونلي صح كلامك , ولازم نقتنع بالواقع لكن هل تقصد أنها أهانه بالنسبه للكابـتن سامي بأنه يجلس على دكه الأحتياط ولا يلعب ؟؟ نحن نريد سامي أيام سامي يشارك ويبدع لكن جلوسه بالأحتياط لا وألف لا |
ks911 أنت المفروض ما تدخل المنتدى ولا تستحق الرد الاعضاء الهلاليين معروفين بحسن أخلاقهم وحسن تعاملهم , إذا أخطيت علموني لكن تشككون في هلاليـتي والله قهـر انا مقهوره منكم |
مستر كي يعطيك ربي ألف عافيه صدق أنك وسعة صدري من كلام بعض الحاقدين والله يجعل الأعضاء كلهم مثلك انا فعلا أحترم اللي مثلك |
لا تعليق |
الأفضل الموضوع للنقاش , لا تكن مهمش مجرد إضافه لعدد المشاركات . شاركنا برأيك وحدد لي الأخطاء عشان أقدر اتفادى المرات الجايه انا جديده ومحتاجه كل الدعم |
عاشق - الزعيم شاركنا برأيك ؟؟ ولا الدعوى زياده عدد مشاركات ! |
ما أعتقد ان الكلام صحيح ،، لان المدرب ماشاف سامي ولا يقدر يحكم عليه :) سامي اسطوره وياسر اسطوره قادمه وكل واحد له ميزه يتفوق فيها على الآخر والاهم كلهم في خدمه النادي العظيم نادي الهلال ويكفي ياشباب لاتخلونا اضحوكه عند كل من هب ودب من جماهير الأنديه الأخرى |
إقتباس:
وتقولين موضوع في منتدى ثاني اذا كان غير منتدى الزعيم ماراح يكون مصدر قوي... يعني كلام فاضي اذا جريدة الرياضي ماجابت خبر عن هالموضوع وهي معروفه بحقدها وكرهها على كل ماهو هلالي. اختي لا تخلين موضوع فاضي وتوهمين الاعضاء انه للنقاش وهو ماله اساس. وجمهور الزعيم اكبر من هالكلام |
مآدري بس أحس الكلام هذآ غير صحيح المدرب فآهم وعآرف أن سآمي مهم بالنسبه للهلآل بالاسيويه فمآ أعتقد أنه رآح يطلق مثل هذآ الكلآم سآمي مهم للهلآل بالمبآريآت الجآيه صدقوني تكفون << صدقوه .. هلآليه ماضبطت معآك دوري غيرهآ خخخخخـ |
ان شاء الله سامي راح يرجع ويسكت كل المشككين شكرا على الموضوع (( الابداء بالرائ لايفسد بالود قضية )) دمتم |
كلام المدرب صحيح 100% سامي كان لاعب ممتاز وفذ لكن الواحد ما يصير طول عمره على نفس المستوى سامي خلاص قدم ما لديه ويشكر على ذلك وله الثناء منا وإن شاء الله يقام حفل إعتزال خاص به في أسرع وقت لكن أفضل له ولأسمه وسمعته أنه يعتزل |
خاص مشكور على المرور وفعلا أن المدرب أن صح الكلام مو لازم يقول كذا عن سامي لأنه أسطوررره |
الأفضل أنا مو عارفه ليه انت قيمت الموضوع على كيفك ؟؟ يعني هل وصلت لمرحله انك كبير وتقيم المواضيع وغيرك لا , هل تبي تكسب عداوات ولا صداقه ! الأنسان مهما كان المفروض يكون أخلاق وانا مو جايه هنا أعلمكم وش تسوون وبعدين ليه تقيس كلامي بكلام جريده الرياضي , حنا في منتدى كبير والمفروض ما تذكر اسماء جرايد لأن فيه ناس تتابع وتحب تعرف هل اخبارها تجيب نتيجه ولا لا مثل الرياضي ياليت أن المووضع اذا كان مو زين أو مو عرضه للنقاش أنك ترسل رساله بالخاص تعلمني مو تجي وتكتب لا تعليق ولا تكتب كلام فاضي لأننا بشر ولازم نساعد بعض ونتعلم من بعض مو نصير مغرورين ونتوهم أننا أفضل الناس |
كره زرقاء ياليت يكون خطأ لأنه كبير بحق الكابتن سامي وبعدين انا مو عارفه وشلون ماضبطت ؟؟؟ هل لازم تكتب الموضوع أنت عشان تقتنع فيه ولا المساله خالف تعرف !! أتمنى الأجابه يا كره قطنيـه :) |
إقتباس:
مشكور على الكلام الرائع وفعلا سامي كبير وبرضه ياسر وإن شاء الله القلوب دايم زرقاء |
عبود الفيلسوف كلامك صحيح , لكن المشكله في في المدرب المشكله في الجماهير التي لا تقتنع أبد برأي أحد انا متوقعه انهم بيقولون لك منـدس عاد الله يعينك اتمنى نطبق مثل ( الأختلاف بالرأي لا يفسد للود قضيه ) بدل هالمثل ( خــالف تعرف ) |
الله يعطيك العافية على الموضوع بس حبيت اقول ان سامي مميز بلعبه وانجازاته وايضا ياسرمميزبلعبه وانجازاته كل واحدفيهم قدم للهلال اشياء كثيرة ومافية احديقدرينكرذلك مشكوووووووووووووورة |
ياناس أنا أحس بدت المقارنة تكبر بين سامي وياسر لكن يجب أن نتحد جميعاً في مصلحة الزعيم ولا يلعبون علينا المندسين |
لازم بقاء سامي لانه يضيف الخبرة للشباب ولانه قيادي محنك بعدين به مهاجمين باوربا مثل سولشاير مايلعب مبارة كاملة مع ذلك لم يطالبوه بالرحيل يجب بقاء سامي من اجل الهلال |
| الوقت المعتمد في المنتدى بتوقيت جرينتش +3.
الوقت الان » 11:47 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd