& ادخـلأ وعطنـا رايـك وش افضـل عطـر رجـالـي & - نادي الهلال السعودي - شبكة الزعيم

M.ALSHALHOB · #1 12/08/2007, 06:02 AM

السـلام عليكم ورحمه الله وبركاته..

الصراحه اليوم وانا اتمشى في السووق قلت خلني ادخل واشوف لي عطر زين..

المهم وانا مكشخ وداخل وواثق اني داهيه بالعطور وانادي العامل وانا اناضر بنص عين

واقول له عطني واحد عطر ديور 100 مـل ناضرني العامل وقال لي اخوي ديور هذي شركه اي عطر تبي فيها..

الناس كلهم طالعووني بنظره وحده..

صراحه انا التفت ادور على اقرب باب عشان انحاش..

عاد خويي ذيب حس بالموقف وجاب هنا اسم مدري وش يبي هالاسم..

والمشكله ان ديور هذا عمري ماشريته كل الي اشتريها يكون قزاز..

عاد يالغوالي طلبتكم ابي افضل عطر رجالي ابي الواحد اذا مر من عند البيت تربع على ريحه العطر..

بالعربي تكوون الريحه قوويه..

انتظر ردودكم..

Hictar · #2 12/08/2007, 06:18 AM

العطر هذا اسمه CREED الأبيض وأترك عنك الأسود طبعا هذا رجالي
لا تشتريه إلا من دوبنهامز أو أيه محلات كبيره ، وإذا ما لقيت عند المحل اللي بتروح له 6 او 7 أنواع ، فتراه مو أصلي
سعره الأصلي 450 بس حطه وادعي لي ، هذا عطري الشخصي
بمجرد ما تبخه تحب نفسك مو الناس تحبك

العطر الثاني نسائي

اسمه Narciso_Rodriguez
مشكلته إنه عطر نسائي بس ريحته قوووووووويه
وصدقني الناس بيحضنونك علشان ريحته

سعره برضوه ما بين 400 الى 450

اتمنى اكون افدتك

أول العنقود · #3 12/08/2007, 06:20 AM

M7 لا تدور غيره

M.ALSHALHOB · #4 12/08/2007, 06:32 AM

إقتباس

الرسالة الأصلية كتبت بواسطة مواصل من عام 1413هـ


	العطر هذا اسمه CREED الأبيض وأترك عنك الأسود طبعا هذا رجالي لا تشتريه إلا من دوبنهامز أو أيه محلات كبيره ، وإذا ما لقيت عند المحل اللي بتروح له 6 او 7 أنواع ، فتراه مو أصلي سعره الأصلي 450 بس حطه وادعي لي ، هذا عطري الشخصي بمجرد ما تبخه تحب نفسك مو الناس تحبك العطر الثاني نسائي اسمه Narciso_Rodriguez مشكلته إنه عطر نسائي بس ريحته قوووووووويه وصدقني الناس بيحضنونك علشان ريحته سعره برضوه ما بين 400 الى 450 اتمنى اكون افدتك

ماقصرت يالغالي..

صراحه من افضل العطوور مرت علي بس نبي نشووف اذا فيه افضل منه..

وثاني مره لاتقربن العطور النسائيه..

إقتباس

الرسالة الأصلية كتبت بواسطة أول العنقود


	M7 لا تدور غيره

مشكور على مرورك..

بس حبيت اسئلك العطر نسائي او رجالي..

كم سعره..

كم لون للعطر ..

< ياكثر هرجك

أول العنقود · #5 12/08/2007, 06:40 AM

العطر رجالي

M.ALSHALHOB · #6 12/08/2007, 06:47 AM

إقتباس

الرسالة الأصلية كتبت بواسطة أول العنقود


	العطر رجالي

ياخي حرام عليك تقصدني انت..

ابي سعره ..

وكم لون للعطر..

يعني عندك لينك له لونيين افضلها الاسود..

عندك دينهل عندك ثلاث الوان افضلها الاخضر..

ياليت فهمت علي..

واذا ناسي سعره او مو عارفه عادي يالغلا..

الزعيم الكاتلوني · #7 12/08/2007, 07:24 AM

valantino

فالنتينو مافيه مثله

كل الفن هلالي · #8 12/08/2007, 08:03 AM

1. سكادا ماجنت

2. ألور سبوت من شانيل
3. تشانص من شانيل
@ @
وفيه عطر رجالي
سعره رخيص جداً ومرغوب وكثير وحلوووو
اسمه جنجر

omar_747 · #9 12/08/2007, 08:59 AM

تبي نصيحتي فيه عطر اسمه ابووووووووو (( خــيــشــه )) حركه لايفوتك بس خذ الاصلي
ومابه غيره مربوط بخيشه...

جرح يشكي · #10 12/08/2007, 09:12 AM

إقتباس


	2. ألور سبوت من شانيل

عطري المفضل من حوالي سنه وزياده

عطر قوووووووووووي قووووووووووووووي بمعنى الكلمه بس عيبه الوحيد انه منتشر مع كل الناس

انت حبي 20 · #11 13/08/2007, 12:21 AM

عطر ريمي مجنوووووووون ويهبل ,,,,,,,,صدقني ,

M.ALSHALHOB · #12 13/08/2007, 02:47 AM

^
^

مشكوريين على مروركم..

وصراحه اذواقكم حلووه..

ابو(الهلالي)سعود · #13 13/08/2007, 08:31 AM

كورس من اف سان لوران

زيزو المحايد · #14 13/08/2007, 09:07 AM

بسم الله الرحمن الرحيم
السلام عليكم ورحمة الله وبركاته

أنا بصراحة ناوي أهدي لبعض أصحابي عطور
لذلك أتمنى منكم أن تخبروني بأجمل العطور
على أن لايتجاوز سعر العطر الواحد 100 ريال كحد أقصى
=================================
وشكرا
=================================

الخطوة ملكية · #15 13/08/2007, 09:11 AM

احلى عطر شميته في حياتي
عطر اسكادا
رهيييييييييييب

بس مب اليديد لا الجديم ...

وعندنا سعره الصغير 45 درهم
والكبير75 درهم

اذا تبى الصراحه انصحك فيه

وان شاء الله افدتك