▓███ جـــــــــــــــوازي اليوم ( باركوا لي ) ▓███ - نادي الهلال السعودي - شبكة الزعيم

Hictar · #1 11/08/2007, 07:39 PM

السلام عليكم ورحمه الله وبركاته
صباح الخير / مساء الخير
عاد على حسب القارئ

اليوم بترك شطحاتي باللغه الفصحى بكم موضوع كتبته ، وحبيت أنوع

شوي سياسي ، شوي ديني ، شوي ثقافي

<--- وش عنده المتنوع

أكيد سحبتكم على وجيهكم بكلمه جوازي اليوم

بس أنا صادق أنا أقصد بالجواز ( جواز السفر ) مو الجواز باللهجه المصريه.

اليوم حبيت أقولكم قصتي مع جوازي ، وراح تبين لكم القصه مدى الفداغه والدلاخه اللي أحملها بين إذني اليمنى وإذني اليسرى.

بحكم إني إنسان عاطل من سنه ونص تقريبا ، لا شغله ولا مشغله ، وأدور الفله والوناسه بأيه مكان ، وأيه واحد من أخوياي يقولي تخاويني للمكان الفلاني أو الدوله الفلانيه ما عندي إلا كلمه ( قـــــــــــدام ) ( شيبت براسي أميمتي الله يحفظها ).

بعد الإفتتاحيه اللي قلتها بقولكم قصتي :

بيوم من الأيام إتصل علي واحد من أخوياي الساعه 10 الليل وقالي وش عندك.
قلت له : ما عندي شئ ( فضــــــاوه )
قال لي : تخاويني البحرين.
قلت له : قـــــــــــدام ( كالعاده ) ، بس تراني ما نمت ومواصل يعني بحط راسي وأنام إذا ركبت معك.
قال لي : اوكي بجيك الساعه 2 الليل.

أنا رحت للبيت وجهزت الشنطه ( اللي يشوفوني يقول بيهاجر كلها يومين ) ، ركبت معه ومن مسكنا الخط وأنا نايم.
* نبذه عن خويي هذا ( إنسان جنتل للغايه ، ويقدر شئ إسمه لبس ، وترسيم ) بس المشكله ( إنه يقدر شئ إسمه شاص ) ( كيف تجي جنتل وشاص ما أدري

) و 24 ساعه بالتحليه يدور بالشاص.
بعيدا عن الترجمه لخويي أرجع لقصتي :
وأنا نايم بالشاص إنكسر ظهري كل شوي أصحى وأتعدل وأسب فيه هو وسيارته

، وأرجع أكمل نومي ، وما صحيت إلا على الجسر.
وبعد يومين وحنا راجعين إستلمت شفت النوم كالعاده ، من طلعنا من الجسر وأحط راسي وأنام ، ولا صحيت إلا عند سيارتي ( خويي حاقد علي لحد الآن )

.
مو هنا السالفه ، بس هذي بدايه قصه الجواز وآخر مره شفته بين يديني.

بعد شهور طويله ( تراها ثلاث شهور أي طويله يا أبوقذيله ) إتصل علي واحد من أخوياي ثاني عن الأول العصريه ، وكان ماخذ إجازه من دوامه ( طبعا ما فيه إلا أنا مونس الشعب ).
قال لي : عبدالله تخاويني للبحرين.
قلت له : قـــــــــــدام ( لا جديد الكلمه هي هي بكل مكان وبكل زمان )
قال لي : اوكي ، الساعه 10 الليل نمشي.

أنا كنت بالبيت وقت إتصاله ، وكنت مشهب وطاقتني الشموس ودقني ما حلقته من إسبوعين ، قمت حلقت وتضبطت ووديت ملابسي المغسله ، وجهزت ملابسي وصرت سيمباتيك ( يا شيني إذا سويت فيها زين )
بعد التجهيزات جت الساعه 9 الليل ، علشان بروح لخويي ، لبست وركبت أغراضي بالسياره ، وتذكرت جوازي ، إني ما جبته

رجعت لغرفتي علشان آخذه ، مالقيته بمكانه

( جوازي دايما بدرج جنب سريري ) ، جلست أدوره بكل مكان بغرفتي ما لقيته

.
قلت أكيد إني ما دورته زين ، ويبي لي أتركد وأنا أدوره ، وأدوره بكل تمحص وتمعن ( دلاله على الدقه بالتدوير ) برضوه ما لقيته

جلست ساعه ونص ما خليت سم بغرفتي ما دورته وما لقيت جوازي ، إتصلت على خويي وقلت له بصراحه ما لقيت جوازي.
قال لي : ياخي دوره زين لا تستهبل.
قلت له : ما لقيته دورته بكل مكان ما لقيته ، بس بدوره مره ثالثه وإن شاء الله بلقاه.
دورت عليه للمره الثالثه ، طلعت كل غرفتي برا غرفتي ( ما أدري كيف جت الجمله لا أحد يدقق بس أقصد إني نفضت غرفتي نفض ) وبعدها رحت نفضت سيارتي نفض ، برضوه ما لقيته

.
المهم إتصلت على خويي وإعتذرت منه ، وقلت له الله ما كتب إني أسافر معك ، وإن شاء الله تكون خيره لي.

( طبعا أنا مخطط لسفره مدتها 21 يوم خارج المملكه بعد ثلاث شهور من بدايه ضياع الجواز

).
وهنا تكمن المشكله ( بدينا فلسفه اللغه الفصحى )

.
طبعا ضاع الجواز وضاع معه كل الأمل ***والرجوع صار صوت بلا حقيقه أو ثمن ( شطحه عاطفيه مالها دخل ).

ومع ضياع الجواز ، قلت يا ولد مالك إلا إنك تدور لك واسطه علشان تطلع جواز جديد ، ولمده شهرين متواصله وأنا أعاني من أخوياي وتعبت وأنا أشكي لهم.
اللي يقول لي : ما راح يطلع لك جواز إلا بعد سنتين

.
والثاني يقولي : بتآكلها على مخك وبيتهمونك ببيع الجواز

والثالث يقول : إنت إنتهى موضوعك خلاص ، الجواز مافيه واسطات

.
ورابع يطمني : يقول لا ما عليك أعرف واحد ضاع جوازه وطلع بعد ثلاث أيام

.

أنا إنلحست من الناس ، كل واحد يعطيني رأيه بالموضوع ، والأغلبيه يقولون لي إني أنسى أطلع جواز إلا بعد سنتين ، ما عرفت من أصدق ومن أكذب ، وسفرتي قربت واللي بسافر معهم كل يوم متصلين علي يسألوني وش سويت ، بتسافر معنا أو لا

.

بعد ما أشتد علي الأمر حاولت أهدئ من روعي وأقلب خلجات أفكاري ( أركد ) ، قررت إني أروح للجوازات وأستسلم للأمر الواقع ، تحقيق - تحقيق مو مشكله أهم شئ أريح بالي ، بس قلت قبل ما أروح للجوازات ، أسوي بحث بسيط خارج غرفتي ( أيه بسيط قلبت أم البيت فوق تحت ) يمكن أحد من إخواني مآخذه أو أميمتي الله يحفظها ( ما تبيني أسافر).

أول ما دورت بغرفة أخواني قلبتها فوق تحت وإخواني يناظرون فيني ( كأنه يقولون وش تبي إنت ) بس علشاني الكبير ساكتين

، وبرضوه مالقيته ، وسألتهم قالوا ما عندنا خبر عن جوازك.

طلعت بعدها على غرفة أخواتي الصغار ( مالهم دخل بس علشان أريح بالي ) وقلبتها فوق تحت ، وسألتهم أحد مآخذ جوازي أو شايفه ، قالوا ما ندري عنه ولا عمرنا شفناه

.

من بقى بالبيت أمي وأبوي.

*نبذه عن أبوي الله يحفظه ، كبير بالسن وبنفس الوقت شبابي ، وما يهمه أسافر أو لا ( حتى إذا جيت أسافر بنفس اليوم ، أروح أسلم عليه أقوله يبه ترا بعد شوي رحلتي للدوله الفلانيه ، يرد علي يقولي الله يحفظك ) يعني أبوي طالع منها

ما بقى إلا أميمتي الله يحفظها ، هي اللي تفتح تحقيق كل ما جيت أسافر

، ورحت سألت أمي.
قلت لها : يمه إنتي شايفه جوازي

.
قالت : ما أدري عنه ولا عمري شفت صورتك فيه

.
قلت لها : يمه تكفين إذا هو عندتس طلعيه ترا المسأله فيها تحقيق وسالفه طويله ، وبيتهموني إني بايعه

.
قالت لي : يا وليدي والله ما أدري عنه.

وأنا أعرف أميمتي الله يحفظها ، الشئ اللي مو لها ما تلمسه علشان كذا أنا مصدقها.

بعد الحوسه هذي كلها وأكثر من شهرين من العناء والتعب النفسي والبحثي والتدويري ( كنايه عن التدوير والبحث )
قررت إني أروح للجوازات ، وفعلا رحت للجوازات وقدمت بلاغ بضياع الجواز ، وعطوني موعد علشان التحقيق

.

بيوم التحقيق طبعا ما نمت لأني ما أدري وش بيصير ، لبست وتجهزت وحلقت ( ما أدري ليه محلق دقني حاط براسي إنهم بيقولون هذا عاقل ولا باع جوازه )

.

وأنا أهم بخروجي من البيت إلا وأبي حفظه الله يسألني : وين رايح ( يحسب إني بروح أقدم على وظيفه).
قلت له : جوازي ضايع وبروح عندي تحقيق بالجوازات.
أبوي رفع حاجب ونزل حاجب ( نظره تعجب وإستنكار للدلاخه اللي أنا فيها )

.

قال لي : الله يخلف على أم(ن) جابتك بس

.
قلت له : ليه

.
قال لي : جوازك عندي

.
قلت له : إيش

قال لي : جوازك عندي يالفاغر ، إنت بنفسك بآخر مره جيت من البحرين عطيتي إياه علشان أخليه عندي

.
أنا بوقتها تذكرت السالفه والموقف ، ورجعت لي الذاكره وبنفس الوقت متنح

ما أدري وش أسوي أحضن أبوي أو أبدي إعجابي لشخصه الكريم إنه ساعدني وطلعني من التحقيق اللي بيصير

.

من الفرحه ما صدقته ، قلت وين جوازي طيب أبغا أشوفه علشان أتأكد

.
طلعت أنا وإياه لغرفته وطلع لي جوازي

.
حسيت بوقتها إني دلخ وأفدغ بكل ما تعنيه الكلمه ( تعذبت أكثر من شهرين والشخص الوحيد اللي ما إتهمته بحيازه جوازي أبوي ، طلع هو اللي محتفظ فيه ).

طبعا دايركت طلعت للجوازات فرحان ووريتهم الجواز وخرموه لي وطلعت جديد ، ومن الفرحه اللي أنا فيها أتصلت على كل أخوياي ( طبعا تهزأت منهم ) وأرسلت لناس مالهم دخل وعلمتهم السالفه وتمت السفره.

*تعريف سياره الشاص
باللغه : سياره.
بالإصطلاح : سياره تمشي على الطعوس كأنها تمشي على زفلت ما شاء الله تبارك الله.
*ملاحظه هامه للأعضاء الزكرت ، لا أشوف أحد يقولي إني كنت فاقد ( الحمد لله مالي بالخربطه ) ، وأنا راجع من البحرين بالشاص ونسيت الجواز مع أبوي.
بس السبب الوحيد إني مانمت من 15 سنه

.
*ما يستفاد من القصه :
1- لا تسافر مع واحد معه شاص ، علشان تنام وما يتكسر ظهرك إذا جاك النوم.
2- المتهم برئ حتى تثبت إدانته ( شطحه مالها دخل ).
3- اللي ما تشك فيه هو اللي يبهذلك

.
4- لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم

لاني قبل ما أضغط على نشر الموضوع لقيت اليابانيه منزله موضوع وبتاكل الجو

، وCanda‘s gallant و اليزابيث هيلري منزلين كلهم على موضوع اليوم ، وموضوع أبوطلال وهامورالبورصه لحد الآن ماشي سوقهم

.

* ملاحظه لجميع الأعضاء أو الزوار :
من يوجد لديه موهبه الرسم أرجوا مراسلتي على الخاص أو الإيميل ، لتفجير الحدث الأكبر بالمنتدى

saudi’s heart · #2 11/08/2007, 07:49 PM

محجوز
لي عوده

مطيع · #3 11/08/2007, 07:52 PM

سبحان الله الشيء يكون قدام عينك واذا جيت تبيه ما تلاقيه تحوس الدنيا

والمكان الي ما يجي بالك ان هالشيء موجود فيه وتستبعده من التشكيلة اقصد التدويرة تلاقيه فيه

مواصل استمتعت بالقصة وباسلوبك أكثر

الله يعطيك العافية

المختـار · #4 11/08/2007, 07:55 PM

بالخير يا مواصل

الحقيقة إنها قصة تبين حجم الفتاق اللي يتمتع فيه سموك الكريم

<<< شفرت معك فصحى

شكراً على الموضوع و إن شاء الله يزين سوقه في المنتدى

فتى الرس الهلالي · #5 11/08/2007, 07:56 PM

ههههه

والله ياحالتك حاله انت والجواز

الحمد لله انك لقيته

وعلى فكره فيه احد يسافر بشاص والله لو انه محشش ماسافر بشاص

معروف الشاص بتكسير الظهر لو انا منك رجعت بالطياره احسن لي

ومبروووك عليك الجواز

ويعطيك العافيه على الموضوع الروعه

saudi’s heart · #6 11/08/2007, 08:07 PM

إقتباس


	وأيه واحد من أخوياي يقولي تخاويني للمكان الفلاني أو الدوله الفلانيه ما عندي إلا كلمه ( قـــــــــــدام )

ماشاءالله عليكم يالشباب ماعندكم وقت فجأه وبدون مقدمات الا قايلين بنسافر
مو حنا يالبنات نخطط ونسوى دراسه جدوى للطلعه وبالاخير مانرووح

إقتباس


	( جوازي دايما بدرج جنب سريري )

ذكرتني بجوازي ذابحه الغبار بالخزانه مااشوفه الا مره وحده بالصيف لاسافرنا

إقتباس


	لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم

بالعكس موضوووووعك راايق ويفرض عالجميع يردون عليه

بس عندي لك نصيحه مره ثانيه حط الجواز بدرج السياره عشان مايضيع مثل اخوي<<<<

مشكووووووور مواصل عالموضوع الحلووووو
الله يونسكــ بالعافيه
لاعدمناك

هامور البورصه · #7 11/08/2007, 08:19 PM

حجز

ـــــــــــــــــ

باااك

هلا والله مواصل وش هالزين وش هالجوازات :p

انا قلت شسالفه الشهر العالمي في زواج الشيااب

فيااض تزوج مواصل تزوج باقي بس انا اتزوج

<=== فاهم الموضوع خطأ يااخي والله انك تذكرني بعبيط :p الحين تنسى وين حاط جوازك فيه

اهم شي الجواز يحرموونك سنتين ماتطلع قسم قهرررر

يا حبيبي الجواز خله في درج يا درج :p خااص

يااخي بعض الاحيان تقول وين القلم او المفتااح وهو بيدك فما بالك بجواز

اكيد انك بتنسى

مواصل الله يعطيك العاافيه ع الموضوع قسم بالله تعباان وبنزل طبخه :p

على العموم يمكن تكون لي عوده عشان افصل الموضوع تفصيل ايه احترني

F I N A L · #8 11/08/2007, 08:21 PM

المواصل من عام الفيل نزل موضوع مو معقووولـــه

حجز ولي عوووده

_______________________________

عـــدنا

تراك سحبتني سحبه مو طبيعيه
فرحت أحسبك عقلت وتزوجـــت

لكن علشان السحبه ما راح أعلق إلا على نقطه وحيــده

إقتباس


	4- لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم

هذي أهم فايـــده من قصتــــك

الله يعطيك العافيه على هذي الفايده

تقبل عودتـــي

NA777 · #9 11/08/2007, 08:40 PM

ألف ألف ألف مبروك منك المال ومنها العيال.... هذا كان تفكيري بالبدايه !!

بس وش عندك في البحرين !! يالدب الداشر !!

لا لا امزح معك ...

هذا المشكله اي واحد يروح البحرين عالطول اتهاماااااات !!

ما يدرون عن بلاوي جده !!

تحياتي لك

تاكسـي الغرام · #10 11/08/2007, 08:55 PM

هلا اخوي مواصل

والله حالتك حاله . اجل

شهرين وضايق صدرك ...

إقتباس

الرسالة الأصلية كتبت بواسطة مواصل من عام 1413هـ

إقتباس

الرسالة الأصلية كتبت بواسطة مواصل من عام 1413هـ


	وحنا راجعين إستلمت شفت النوم كالعاده ، من طلعنا من الجسر وأحط راسي وأنام ، ولا صحيت إلا عند سيارتي

أقول أنت مثلي أول ما أركب السيارة نووم ..

بس ما تجي من جد جنتل وشاص

إقتباس

الرسالة الأصلية كتبت بواسطة مواصل من عام 1413هـ


	وأيه واحد من أخوياي يقولي تخاويني للمكان الفلاني أو الدوله الفلانيه ما عندي إلا كلمه ( قـــــــــــدام )

على فكره أنا بروح للبحرين .. تخاويني ..

قداااااااااام

ههههههههههههههههه

تذكرني بواحد كل ماقلتله حاجه قال امر تدلل دوم تلقاني قداام

موضوع رائع

إقتباس

الرسالة الأصلية كتبت بواسطة مواصل من عام 1413هـ

إقتباس

الرسالة الأصلية كتبت بواسطة مواصل من عام 1413هـ


	4- لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم لاني قبل ما أضغط على نشر الموضوع لقيت اليابانيه منزله موضوع وبتاكل الجو ، وCanda‘s gallant و اليزابيث هيلري منزلين كلهم على موضوع اليوم ، وموضوع أبوطلال وهامورالبورصه لحد الآن ماشي سوقهم .

ولا يهمك بتكسر سوقهم .. بالمواضيع
صار سوق المقاصيص

نسمع بسوق اسهم بس سوق مواضيع اول مره نسمعبها

ألحين بقلب موضوعك شات >>>>

بيتصفق من المشرفين

يعطيك العافية مواصل
تحياتي لك

..

حمـ(الهلالي)ــد · #11 11/08/2007, 09:01 PM

إقتباس


	- لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم

هههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههه

تصدق اول مرة بتاريخي وجغرافيتي اقرا موضوع طوييييييييييل
اهنيك على الانجاز
اول انسان يقدر يخليني اقرا موضوع طويل

تهانيينا لك

بس موضوع تيكا

الســفيرة · #12 11/08/2007, 09:11 PM

هههههههههههههههههههاااااااااااااااااااي ضحكتني من قلللللللللللب

تذكرت واحد يقرب لنا يقول ضاع جواله ودور عليييه بكلللل مكان اليين مل وقال خلاص شكله انسرق والغى شريحته وطلع جديدة وكلم الاتصالات اتلفوا جهازه المسكين

واخرتها يقول وانا جالس بالصاالة والا الجهاز قدااامي

يالله ياخوي تعيش وتاكل غيرها اهم شي ماراحت عليك السفرة

¤ ريـموو ¤ · #13 11/08/2007, 09:44 PM

إقتباس


	السلام عليكم ورحمه الله وبركاته

إقتباس


	صباح الخير / مساء الخير عاد على حسب القارئ

ايه زين حطيت للي يقرون بالليل حساب <

مساك الله بالنور والسرور
===

إقتباس


	أكيد سحبتكم على وجيهكم بكلمه جوازي اليوم

إقتباس


	بس أنا صادق أنا أقصد بالجواز ( جواز السفر ) مو الجواز باللهجه المصريه

ايه بالله سحبتن بقوه على بالن بتعرس صدز

ماستفدته انا من موضوعك :p

ان فيك تناحتن مهيب صاحيه

اجل كل التعب والبحث والحوسه بالاخير مع ابوك الي معك بالبيت وشوله ماسألته يالذتسي < اسأله مره ثانيه لاتنسى

إقتباس


	يمكن أحد من إخواني مآخذه أو أميمتي الله يحفظها ( ما تبيني أسافر).

إقتباس

الله يخليلك ميمتك هذي حركاتهم الامهات < بس امك طلعت براءه :p

إقتباس


	أول ما دورت بغرفة أخواني قلبتها فوق تحت وإخواني يناظرون فيني ( كأنه يقولون وش تبي إنت ) بس علشاني الكبير ساكتين ، وبرضوه مالقيته ، وسألتهم قالوا ما عندنا خبر عن جوازك.

إقتباس

كاسرين خاطري :p اخوانك مايقدرون يقولون لك شي < ايه شكله مفترس

====

إقتباس


	قال لي : الله يخلف على أم(ن) جابتك بس .

إقتباس


	قلت له : ليه . قال لي : جوازك عندي . قلت له : إيش قال لي : جوازك عندي يالفاغر ، إنت بنفسك بآخر مره جيت من البحرين عطيتي إياه علشان أخليه عندي . أنا بوقتها تذكرت السالفه والموقف ، ورجعت لي الذاكره وبنفس الوقت متنح ما أدري وش أسوي أحضن أبوي أو أبدي إعجابي لشخصه الكريم إنه ساعدني وطلعني من التحقيق اللي بيصير .

الله يحفظ ابوك ولايحرمك منه < ياشيخ احس انه برد حرتي فيك

إقتباس


	حسيت بوقتها إني دلخ وأفدغ بكل ما تعنيه الكلمه ( تعذبت أكثر من شهرين والشخص الوحيد اللي ما إتهمته بحيازه جوازي أبوي ، طلع هو اللي محتفظ فيه ).

أحساس ميه ميه صحيح

اجل شهرين تحوس انت وجهك :p

إقتباس


	لاني قبل ما أضغط على نشر الموضوع لقيت اليابانيه منزله موضوع وبتاكل الجو ، وCanda‘s gallant و اليزابيث هيلري منزلين كلهم على موضوع اليوم ، وموضوع أبوطلال وهامورالبورصه لحد الآن ماشي سوقهم .

ولاتهون انت وخشتك

سوقك امشى وامشى

موزوعك.. يرفع الضغط .. يضحك .. يوسع الصدر

طااااااانكس كااابيرااا

Canada's gallant · #14 11/08/2007, 10:11 PM

إقتباس

الرسالة الأصلية كتبت بواسطة مواصل من عام 1413هـ


	السلام عليكم ورحمه الله وبركاته بحكم إني إنسان عاطل من سنه ونص تقريبا ، لا شغله ولا مشغله ، وأدور الفله والوناسه بأيه مكان ، وأيه واحد من أخوياي يقولي تخاويني للمكان الفلاني أو الدوله الفلانيه ما عندي إلا كلمه ( قـــــــــــدام ) ( شيبت براسي أميمتي الله يحفظها ).

عليكم السلام و رحمة الله و بركاته

يبو تعال هنا .. تصلح لي أنت

إقتباس

الرسالة الأصلية كتبت بواسطة مواصل من عام 1413هـ


	قلت له : قـــــــــــدام ( كالعاده ) ، بس تراني ما نمت ومواصل يعني بحط راسي وأنام إذا ركبت معك.

نعنبوك من أول ما خلقك ربي و انت تواصل <<<< يمون بقوة

إقتباس

الرسالة الأصلية كتبت بواسطة مواصل من عام 1413هـ


	، قمت حلقت وتضبطت ووديت ملابسي المغسله ، وجهزت ملابسي وصرت سيمباتيك ( يا شيني إذا سويت فيها زين )

وش دعوة أنت ويا دقنك

كلك على بعضك حلو

إقتباس

الرسالة الأصلية كتبت بواسطة مواصل من عام 1413هـ


	( طبعا أنا مخطط لسفره مدتها 21 يوم خارج المملكه بعد ثلاث شهور من بدايه ضياع الجواز ).

على وين ؟

<<<< يبي ينكب أبو العفش

إقتباس

الرسالة الأصلية كتبت بواسطة مواصل من عام 1413هـ


	*نبذه عن أبوي الله يحفظه ، كبير بالسن وبنفس الوقت شبابي ، وما يهمه أسافر أو لا ( حتى إذا جيت أسافر بنفس اليوم ، أروح أسلم عليه أقوله يبه ترا بعد شوي رحلتي للدوله الفلانيه ، يرد علي يقولي الله يحفظك ) يعني أبوي طالع منها

زي أبوي

الفرق الوحيد إن أبوي يتكفل أحيانا بشراء التذكرة

الله يحفظهم جميعا بس

إقتباس

الرسالة الأصلية كتبت بواسطة مواصل من عام 1413هـ


	طبعا دايركت طلعت للجوازات فرحان ووريتهم الجواز وخرموه لي وطلعت جديد ، ومن الفرحه اللي أنا فيها أتصلت على كل أخوياي ( طبعا تهزأت منهم ) وأرسلت لناس مالهم دخل وعلمتهم السالفه وتمت السفره.

مبروك

و ادع لي يجيني الجواز قبل ما تنتهي الاجازة بس

إقتباس

الرسالة الأصلية كتبت بواسطة مواصل من عام 1413هـ


	4- لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم لاني قبل ما أضغط على نشر الموضوع لقيت اليابانيه منزله موضوع وبتاكل الجو ، وCanda‘s gallant و اليزابيث هيلري منزلين كلهم على موضوع اليوم ، وموضوع أبوطلال وهامورالبورصه لحد الآن ماشي سوقهم .

لا و أول ثنين مواضيع لغات <<<< فاتحين معهد صيفي

و و ازيدك من الشعر بيت .. مصادرنا تؤكد نزول موضوع راح يكسر اللي فوق كلهم بعد عودة ذاك العضو

إلى ذلك الحين و في كل حين تقبل مروري الزريف

في امان الله يا عبد الله

أول العنقود · #15 11/08/2007, 10:28 PM

أولا سنيور عبد الله << متأثر من الإسبانية

موضوع تحفة مثلك طال عمرك

عبد الله .. تخاويني للكويت

عاد لا تصير لي مفهي هناك