السلام عليكم ورحمة الله وبركاته


تحية طيبه وعطره لاطيب واجمل واروع اعضاء في العالم

اعضاء منتدى الزعيم ... اهلا بكم

فكرت اكتب موضوع .. وعلى قولة ( هامور ) ابتهور ... تهورت ,,, د. ابو طلال تهور هالمره ... نعم انا ,, هذي حقيقتي

انا (د. ابو طلال )

بس قبل مااكتب موضوع .. بعطيكم اكتشاف ( مشروب ) ,,,,( شاني) .. وماذا فعل الشاني الحار بالاعضاء الكرام

وبعد ماشربتهم الشاني وهو حار .. وش طلع منهم كلام ؟!!! انصدمت .. اندهشت .. انفخشت . . طلع المستور .. ظهر ماوراء النك او اليوزر .. اكتشفت ان الاعضاء داخلين بيوزر لايمت الى شخصياتهم بصلة .. . خلونا نبدا من ( كبيرهم اللذي علمهم السحر )) عرفتووه ؟؟؟ ايه فيــاض

فياض : معروف عنه الحركه الزايده .. والربشه .. وشعللة المواضيع وكثرة الحجز والسحب في النهاية
اول مافتحت قوطي الشاني .. قلت اشرب يالشايب .. اول ( جغمه ) داخ هالشايب وجاب العيد ..
علمني انه زول . . يتغدى ويتعشى وهو منبطح على بطنه .. يشال شيل وبالقوه علشان ياخذ دش من الكسل ...
المشوار يضيق صدره .. يزمل حتى للقومه والقعده .. اجمل كلمه عرفها بحياته ويقدرها كلمة ( عز الله مقامك )

هامور البورصه : المعروف لايعرف . . هالشخص من خلال اليوزر حقه سبب له بلاوي . . وطبعا الكل يناظره كـ( دب واصلع ) مااقصد البلوي ويلعب بالفلوس لعب .. بعد ماشرب الشاني .. علمني قصة روحته للبنك علشان ياخذ قرض ( سبعميه وثلاثين ريال ) .. شفتوا وين واصله معه الطفره هالهامور البورصه .. اشغل البنوك .. وكفيل ومشاوير علشان هالمبلغ

المشاغب : ياكثر مشاغباته في الردود .. والمواضيع . . و و وو عطيته شوي من الشاني ( بملعقه صغيره ) خمس دقايق ومادريت الا والرجال يصيح ؟!! والخشم احمر . . ولعت لمبة الخشم ويشاهق .. وش فيك يالمشاغب ؟؟ قال ايت مشاغب الله يرحم والديك ؟؟ دنا غلبـــــــــــــــــــــــــــــــااااااان . .. قلت وش فيك .. قال تذكرت مواقف المدرسه .. والحاره .. رغم اني ابعد عن المشاكل الا ان المشاكل تجيني .. ونوعية المشاكل ( طق + تصطير + خقله على الطاير + اخذ مصروف مدرسه ) الى اخره وكانت اخر كلمه له ( الله يجازي اللى كان السبب )

خالي من الهم : اللى يشوفه يقول هالولد مامثله ... ومن مواضيعه تحس انه خالي فعلا من الهم ..لكن تحسفت عليه اشربه شاني .:p . قلت له شم بس القوطي . . شمه شمتين .. ودلى يشاهق مثل خويه اللى فوق . . وقالي شوف ياابو طلال الصراحه راحه . . فصخ الشماغ والا اشوف شعر ابيض يكسو دميجته والهامه كلها حتى الحواجب يصبغها ؟؟ قلت اجل شايب ؟؟ قال لا .. الا من كثر الهم والغم ؟؟ قلت اجل وش سالفه خالي من الهم ؟؟ يوم بغى يصارحني ويشتكيلي .. قلت له ارجع لك ( حجز ) (( افلقني ));)

مواصل من عام 1413 هـ : عاد هذا يبيله موضوع خاص ... هاليوزر يوحي لكل واحد يشوفه ان هالمسكين ماينام ابد
وعيونه صغرن من قل النوم ... عطيناه من هالشاني الحار .. وعلمني بعد مافقد ان له ثلاث سنوات من تخرج من الجامعه ماشاف النهار .. نوم بالنهار وسهرن بالليل . .. امحق مواصل يامواصل عيونك تقول عيون ( كرم مطاوع ) من كثر النوم تعبي بخياش

ماجد مقبل : عاد هالذيب مالقيت في اسمه شي .. لكن سبحان الله .. صدته في الجمله اللى تحت اسمه ( قلم اديب بالمجلس العام ). .. خلونا نشوف وش صار معه ...
جيته في مقر كتابة المواضيع لقيت على مكتبه ( فشار , فصفص منتثر في كل جهه , شماغ من هنا .. طاقيه هناك .. الوضع مزري ..) طبعا هذا قبل الشاني ..
قدمت له مشروب الشاني الحار .. المركز .. شربه تغير وجهه وقالي . . افتح الدرج وطلع مجلة ماجد !! وخذ الريموت وحط رقم 36 ؟؟ حطيته طلعت قناة جرس !! طلع الولد يموت بهاكا الحولا ..مد لي كاس الشاني فاضي وقالي .. اسكب لي المزيد ( مهوب عاقل الجاحظ ) طلع الاديب يقصقص من هالمجلات وينسخ في هالمنتدى .. وصار من هواة مراسله قناة جرس بااسم ( ريري الرومانسي )

كلاسيكي : اما هالاسم رزه فعلا ... كلاسيكي اسم جميل لشخص اجمل
ماطولت معه ... لأنه مشغول بتوقيف الاعضاء والله يستر لقيت الكلاسيكي مشغل شريط مزعل الفرحان وحاط على قناة الجماهيريه الليبيه . .. وعنده خبزه مفرود ملفوفه جبن سايل .. ماعرفت انها جبن سايل من داخل السندويشه .. عرفتها من الجبن اللى لاصق في براطمه وناشف .. شكل هالجبن المشهب حق امس ... قلت دوك هالشاني يالكلاسيكي مع هالسندويشه ؟؟ قال اي سندويشه قلت هاللى بهالصحن ؟؟ قالي لا ذي لها اسبوع وعجزان ارميها بالزباله الله يكرمكم قلت مايمنع تاخذ لك ( جغمه ) قال اوكي .. اخذ من هالشاني الحار وقال ( الحب عــــــــــــــــذااااااب )(( يعنني فقد )) ياحايات الشقى والغرابيل ؟؟ قلت هه!! كلاسيكي وش فيك ؟؟ قال ماعندك شي لأبو خالد ؟؟
عرفت ان كلاسيكي قفل نسبه خصوصا بعد ماصبغوه اخظر .. :p

جرح يشكي : اول مالفت نظري في العضو جرح يشكي .. اصابعه ؟؟ اصبع الابهام فيه مشكله ( ظفره مسود ) طبعا ماعرفت وش السالفه سألته من وين هالسواد ؟؟ قالي انه اكل خوخه بقشرها وماشرب مويه بعدها ( صرفني) قلت طيب نعرف وش عندك بعد هالشاني ؟؟;) واصب له هالشاني الحار واقوله سسسسسسسم : قالي شكرا وشرب من هالماخوذ لين ماعجز يسند طوله ... قلت هات العلم الحين ؟؟ وش سالفة الظفر الاسود ( الابهام ) قالي وماتعلم احد يابو طلال ؟؟ قلت لا ابدا . .. قالي من كثر مااشحن بطاقات سواء ..اكشط واعبي لهاالسحالي .. مابغيت اطول بالكلام لأنه نام وخلاني

الغدير الازرق : هذا من غير شاني ( الرجال هذ لي كل شي ) يعني لو لي احد بالهيئه كان قد جبت له صيده غير طبيعيه .. ( جاهز ) ماخلى منكر ماسواه . . والغريبه في هالادمي انه بعد الشاني الحار .. مسكت معه وصار كتوم ؟؟ ( هالولد غير ؟؟؟) عكس باقي الاعضاء .... الغدير الازرق .. حسيت انه اطيخم .. وليتني ماشفته,, منظر مروع ( شفت هشاشةعظام حقيقيه ) صورة اشعه .. معصقل ,,الجفاف الازرق .. يالغدير الازرق :p

ياخساره .. ماباقي من الشاني غير شوي .. خلص الشاني وماخلصوا باقي الاعضاء .. كنت ناوي اجرجرهم بهالمشروب الجديد .. اللى كل من شربه عطانا الصدق واللى في داخله ...
عاد تحسفت في اخر قطره للي تحبه ( يقلد اخر حبه للي تحبه ) وانا احب نفسي .. قلت خلني اشرب الباقي قبل ماارمي القوطي .. شربته دربق دربق دربق دربق ... اااااااااااااه ياحرررررررره
دخت.. ومدري وش جاني ؟؟ مر علي واحد وقالي وش فيك د. ابو طلال ؟؟ قلت اي دكتوووووووووووور يبه ؟؟؟؟؟؟؟؟ قال انت معنون موضوعك بالـــ د . ابو طلال ... اجل وش سالفة د . قبل اسمك ؟؟ قلت يعني دلالالالالالالال يالحبيب ( الدلال ابو طلال) .. تلقوني بسوق الخظره .. او في حراج السيارات .. وخلص الشاني .. على اخر فضيحه
تقبلوا تحياتي ...
الشاني المذكور .. لايوجد مثيله .. لايحتوى على الكحول ... لاننصح الاطفال بالمحاوله في شرب الشاني وهو حار ... تراه ( يشب التسبد )
وهذي اللقطات والمشاهد في هذه الموضوع ليست حقيقيه

اعتذر عن الاطاله وطبعا اعتذر لكل شخص اسمه موجود في هالموضوع ... وهو عارف ليه اخترت اسمه دون عن غيره
يعني للي مايعرف ليه .. لأنهم اكثر قربا الى قلبي من غيرهم ,,,,

حجــــــــــــــــــــــــــــز

محقووووووووووووووز

حجز مبكر وللاسف طلع انتظار
لاني الرابع

___________________________
عدنا يا حبي لك يا ابوطلال وياحبي لمواضيعك بس لو تدري

إقتباس انا (د. ابو طلال )

أمس بياع فصفص وبليله واليوم دكتور ، ما شاء الله عندك واسطه قويه وتغير المهنه

إقتباس اول ( جغمه ) داخ هالشايب وجاب العيد

يوووووووووه قديمه الكلمه من وين طلعتها ، آخر مره إستخدمت الكلمه هذي من 15 سنه ، الكلمه هذي ممنوع إستخدامها إلا بالجنادرية من قوه التراث

إقتباس هامور البورصه : .

انا متخيله دب وكرشه ( والله من سرق دراهم الضعوف ) ومصلع وعنده 11 ولد ، وقبل كم سنه سارق مساهمين باراضي قبل الأسهم

إقتباس المشاغب :

أنعشني الولد هذا بالذكريات ، وحسسني إني شايب

إقتباس مواصل من عام 1413 هـ : عاد هذا يبيله موضوع خاص . وعيونه صغرن من قل النوم ... عطيناه من هالشاني الحار .. وعلمني بعد مافقد ان له ثلاث سنوات من تخرج من الجامعه ماشاف النهار .. نوم بالنهار وسهرن بالليل . .. امحق مواصل يامواصل عيونك تقول عيون ( كرم مطاوع ) من كثر النوم تعبي بخياش

انا متخرج من ست سنوات وانت الصادق ، وبصراحه جبتها نوم بالنهار وسهر بالليل
خلني أضيفك على الماسنجر اليوم إن شاء الله وتشوف قوه المواصل اللي انا فيها
24 on line

إقتباس الشاني المذكور .. لايوجد مثيله .. لايحتوى على الكحول ... لاننصح الاطفال بالمحاوله في شرب الشاني وهو حار ... تراه ( يشب التسبد )

ما عليك إنت عطني الخلطه وندور أنا وإياك هندي من اللي يصنعون الوطني ، ونبيعه على الدول يستجوبون العالم ، احسن من جهاز الكذب

إقتباس اعتذر عن الاطاله وطبعا اعتذر لكل شخص اسمه موجود في هالموضوع ... وهو عارف ليه اخترت اسمه دون عن غيره يعني للي مايعرف ليه .. لأنهم اكثر قربا الى قلبي من غيرهم ,,,,

ما أقول إلا يا حبي لك يا أبوطلول



تسلم حبيب قلبي على الموضوع المفرفش على هالصبحيه

محجوز للشايب فيّاض

يؤ يؤ يؤ أشوف اسمي !!!!!!!
بررررررب اشوف السالفة
---------------
هههههههههههههههههههههههههههههههههههههههههههههههه
اقول الرد حقي خله بعد الفطور .....

إقتباس اعتذر عن الاطاله وطبعا اعتذر لكل شخص اسمه موجود في هالموضوع ... وهو عارف ليه اخترت اسمه دون عن غيره يعني للي مايعرف ليه .. لأنهم اكثر قربا الى قلبي من غيرهم ,,,,

>>>>>>>>>>>>كبر رااااااااااسه يعني انه ابو طلّو يغليه

إقتباس ابو طلال كنت تو مع واحد في المسن قلت له انك نزلت موضوع قال شي عادي ... كانك تقول المشاغب نزل رد

ههههههههههههههههههههههههههههه خلنا ساكتين بس :p

ابو طلال كنت تو مع واحد في المسن قلت له انك نزلت موضوع


قال شي عادي ... كانك تقول المشاغب نزل رد


لي عوده يالنكبه

------------------------------------------

عدنا

إقتباس بعطيكم اكتشاف ( مشروب ) ,,,,( شاني)

يووووووووووووه اذكر يوم كنا صغار كان فيه واحد من الجماعه مصاب بـ [ متلازمة داون ] ويحجر لنا في كل زاويه وانواع الظرب وياويلك اذا بكيت

المهم الولد جاب لنا مشروووب اول مره نشوفه جايب ببسي ولبن ويفك علبة اللبن ويصب البيبسي فيها واشرب يا ولد ما بقيت ولا نقطه وحده

<<<<<<<<<< انواع الشطحات

إقتباس ( جغمه )

يؤ يؤ يؤ يؤ يؤ يؤ يؤ يؤ قديمه ذا الكلمه

إقتباس فياض

والله من كثر الكلام عنده اتوقع ان له مستقبل مبهر ، واتوقع انه بيكون خليفة الكناري بعد عمر طويل

إقتباس هامور البورصه

بو طلال لو انك شايفه يوم نجتمع يهايط علينا والله ما احد يحاسب واثاريه متسلفها من البنك

إقتباس المشاغب

اجل بالملعقه بس سلطان يبي له علبة كامله عشان يفقد

إقتباس ماجد مقبل

كانه جاب العيد

إقتباس كلاسيكي

ابو طلال اركد خلاص ... الولد صار من الحكومه ، موب مثل قبل نذب عليه عادي الحين الوضع تغير ، الله يعزهم ولا يعز عليهم

إقتباس جرح يشكي

هههههههههههههههههههههههههههههههههههههههههههههههههههههههههههههههههههههههه

ابو طلال ذكرتني بواحد الله يجازيه ع قد نيته كان من اعضاء المجلس وانطرد من المنتدى لانه سب العلماء وقبل لا ينشات مع الباب اضافني ع المسن ومسمي نفسه [ خوخه ]

إقتباس اكشط واعبي لهاالسحالي .. مابغيت اطول بالكلام لأنه نام وخلاني

ابو طلال استر علينا الله يستر عليك ترا موب كل شي ينقال يتصدق

بعض سوالفي لك عليها خصوصاً اذا كانت بعد شرب هالشاني

إقتباس الغدير الازرق صورة اشعه .. معصقل ,,الجفاف الازرق .. يالغدير الازرق :p

ههههههههههههههههههههههههههههههه ابو طلال انت موووووولي

إقتباس اعتذر عن الاطاله وطبعا اعتذر لكل شخص اسمه موجود في هالموضوع ... وهو عارف ليه اخترت اسمه دون عن غيره يعني للي مايعرف ليه .. لأنهم اكثر قربا الى قلبي من غيرهم ,,,,

ابو طلال انت عزيز وغالي وترا الشعور متبادل بيننا وحنا اخوان

لا عدمناك

صباح الفل ,, ابو تلال,,

اسمحلنا بنحجز عندك هييييه انتم اللي وراي لا تدفون ...

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&7

شفت ياابو تلال هاللي وراي صكووووووووووووووني عينن قويه وحلف الرد ماينزل فيذا

سير على الصفحه الثانيه تلقى ردي

باااااااااااااااااااااااااااااااااياااااااااااااااااااتو

إقتباس تحية طيبه وعطره لاطيب واجمل واروع اعضاء في العالم

إقتباس اعضاء منتدى الزعيم ... اهلا بكم

إقتباس اول مافتحت قوطي الشاني .. قلت اشرب يالشايب .. اول ( جغمه ) داخ هالشايب وجاب العيد .. علمني انه زول . . يتغدى ويتعشى وهو منبطح على بطنه .. يشال شيل وبالقوه علشان ياخذ دش من الكسل ... المشوار يضيق صدره .. يزمل حتى للقومه والقعده .. اجمل كلمه عرفها بحياته ويقدرها كلمة ( عز الله مقامك )

ست حجوزات وردين ...... طيح من الست حجوزات واحد يصيرن خمسه ( فياض كالعاده يحجز وينسى )

بانتظار ردوكم وتفاعلكم ... فياض اذا مشغول خل احد عيالك يرد عنك يبه

خذوا راحتكم .. افطروا .. عينوا خير .. وانا بعد احط راسي وارقد كم ساعه قبل صلاة الجمعه

^
^
^
^
أبو طلّو...... لا تخاف لي عودة بإذن الله
كيف ما اعود(ارجع) وانت شربتني الشاني وتقول شربتني عشاني قريب من قلبك

سؤال :: كم مدى قربي من قلبك ...!!!!!

برايفت : للي ف التوقيع طلال؟؟؟! ماااااااااااااااااااشااااااء الله والله ماشاءالله تكفى قوله : ياذينو طلال

لي عودة بس والله مشغووول .

حجز حجز حجز والله أبو طلال ياجماعة الربع يبي يحتك بعد ما طلعنا فضايحه لا تحاول أنك تحتك المهك راجع راجع ومعي بقية الفضايح.