|
هلالي الظهران كتبت فأبدعت سلمت أناملك وضعت يدك على الجرح الذي لاندري متى سيندمل نسأل الله أن يكون قريبا أعان الله شبابنا ويسر أمورهم ورزقهم من واسع فضله |
:( :( :( قسم بالله انك فله :d < < وش عنده جااي متحمس :p ,, هلالي الظهراان .. أزعجني كثير اللي كتبه .. بالفعل قصه شاب من بين الاف الشبااب .. اللي لجأوا لما يُسمى بالارهااب ( بالغصب ) .. يا ما تكلمنا وتكلم ( الاعلام ) عن ان التطرف هو سبب الارهااب .. ولا يقصدون الا الدين و ( المشاايخ ) .. بينما التطرف له وجهاان .. غلو بالدين .. أو الانسلاخ عن الدين .. وهذا اللي صااير الحين .. لو بحثنا عن اسبااب الارهااب ( بصدق ) و ( حياديه ) لوجدناا ان للإعلام يد طُولى فيه .. شبابنا ولله الحمد غيورين على دينهم ومتحمسين .. وجت البطااله ووضعت في وضع نفسي حرج .. ثم يأتي الاعلام و ( يفجرهاا ) بإسلوب علمااني حقيير .. لا يمت لـديننا بأي صله ,, للأسف .. رموز المتطرفين العلمانيين ( لا ) يعااقبون مثل المتطرفين الدينين .. بكلامي ذا مو معناهـ اني مع التطرف الديني .. لا أبداً .. بس ( وين العدااله يا حكم :d ) ,, االله يصلح الحاال .. هذا وقت فتن .. الله يكفينا شرهـ .. ننتظر وقفه خااصه من ابومتعب .. لان الشعب سوا اللي عليه .. برقياات لمكااتب المسئولين وأرسل .. موااضيع بالنت كثيييره .. و ( لو ) فتح الاعلام للشعب ( كله ) .. لأمتلت صفحاات الجرايد بمطالبات لـ وضع حد .. لـ شخصياات معروفه جداً < < ما يقصد ابو مدني وطيب الذكر غاازي :d عموماً .. اللهم اكفنا شر الفتن ,, مشكور عمر خليتني أفضفض .. صح أني أحس اني جبت العيد :d .. الله يسستر بس :d والله يكفينا شر المتطرفين ( بأنوااعهم ) !! نااايف |
يالغالي موضوعك روعه ,, هلالي الظهران اتعب وانا اقول موضوعك خيال وانا اوافقك بكل نقطة قلتها ,, وبيض الله وجهك والله يوفق كل شاب يتقدم للوظايف.. |
إقتباس:
والله انها قصه حزينه ومؤثرة وحسبي الله ع الدكتور بعد كل الثقه اللي اعطاه اياها يطلع كذا ولا هو اللي الله اعلم بحاله الله يرحمه سواء حي او ميت ولا ابوه اللي بدار العجزة وامه اللي ماتت يوو العيله تشتت الله يعينهم ويصبرهم والله يساعد شبابننا ويلاقوا وظايف وحسبي الله ع اللي كان السبب تحياتي،،، |
صراحة أقرا القصة ودموعي اربع اربع خلصت كرتون المناديل بجد أسلوبك الجديد روووووووووووووووعة وأكثر إمتاع يبقى هلالي الظهران الكاتب الأكثر تميز بأسلوبة الممتع مابيضتها مع ابلتكم أقصد استاذك الا بيضتها مع الكل وسودتها مع الرقابة ههههههههه يعطيك كل العافية ولاعطر بعد عروس أكتفيت بصمت وافر الأعجاب بك وبقلمك بالحب والإشراق |
حجـــــــــــــــــــــــــــز |
هههههههههههههههههههههه مرجووج ! |
وعليكم السلام ورحمة الله وبركاته .. إقتباس:
إقتباس:
إقتباس:
أعلم علم اليقين انه يوجد خلاف بين العلماء ولا ماكان تعددت المذاهب << كان الكل اتفق على مذهب واحد وخلااااص بس والله يا أحياناً فيه شطحات مدري وش تبي وما فتوى إبطال السحر بالسحر عنا ببعيد القرضاوي في برنامج الدين والحياة على قناة ( الجزيرة ) يقول مالمشكلة في تقديم واجب العزاء في وفاة بابتهم يوحنا بولس الثاني ( بابتهم تعود على المسيحيين ) معلل ذلك بأن ديينا دين سماحة واخلاقيات ..! والله العظيم اني جالسه اسمع له وأقول كيف يعني نعزيهم http://www.alrufaiah.net/forum/images/icons/icon46.gif.. على طريقتنا الإسلامية ونقول عظم الله أجركم وأحسن الله عزاكم وغفر الله لميتكم http://smilies.sofrayt.com/%5E/h0/nut.gif ولا على طريقتهم المسيحية ونقول لاتحزنوا فقد كان خادماً صالحاً أميناً ابتهجوا فـ قداسة البابا يوحنا بولس الثاني يلتقي بالرب وجهاً لوجه http://smilies.sofrayt.com/%5E/h0/nut.gif << استغفر الله العظيم ولا لاهذه ولا تلك ونقول لهم البقية في حياتكم http://smilies.sofrayt.com/%5E/r/giggles.gif << من جد أمر أثار دهشتي وحيرتي وياليت بعض العلماء يتورعون قبل اصدار آي فتوى << من أنتِ عشان تطالبين بكذا .؟؟ >>> أنا أحد المتلقين ..! http://www.arabhardware.net/forum/im...ilies/Wink.gif هذي وجهة نظر وياليت من يثبت لي خطأها واكون له من الشاكرين http://smilies.sofrayt.com/%5E/w/thumbs.gif.. عموماً الله يغفر لي ولهم ولكم . إقتباس:
إقتباس:
إقتباس:
إقتباس:
والله ان الشاب السعودي هو من يعطي فكرة سيئة ولا تنسى ان الشر يعم << منطق غريب بس هذ الموجود ... إقتباس:
ما اقول الا الله يصلح الحال .. إقتباس:
و سقى الله ايام الفارسي صدق ماراح تعرف خيري ياطيري حتى تجرب غيري .. برايفت غازي http://smilies.sofrayt.com/%5E/q/frown.gif : لن يغني عنك من الله شيء . إقتباس:
بعضهم ينطبق عليه باب النجار مخلع ,,, مخلوع ,,, مكسور << كل الطرق تؤدي الى روما :laugh: أذكرة قبل فترة وحدة من خواتي اتصلت علينا تطلب منا متابعة برنامج يستظيفون فيه أخصائي طب بديل واعشاب وتبينا نسجل لها ارقامه وعناوينه لأنها بتكون مسافرة .. واذا رجعت تبي تتصل عليه لان عنده اعشاب مفعولها مفعول السحر في معالجة السمنة والله ما كذبنا خبر واخذنا تردد القناة وانتظرنا حتى جا اليوم الموعود اقسم بالله بغيت أموت قهر منها هي وين عقلها يوم تصدق هذا الاخصائي تجاوز وزنه الـ 100 كيلو وثيابه لسان حالها يقول سيأتي يوم وأهرب منك غير مأسوف عليك .. وين اعشابه ما فادته :confused: إقتباس:
إقتباس:
مثل ما قالت لك الهنوف لا تشيل هم فنحن معشر النساء لا نحقد الا على من يأتينا مبكراً ماشاء الله تبارك الله مبددددددددددددع وقليلة في حقك ... الله لا يضرك ياخوي من أروع ماقرأت الله يزيدك من فضله ... واعذر لي اطالتي فموضوعك مثير للشجون http://www.asmilies.com/smiliespic/sad/032.gif سؤال خارج البث << عايشه أجواء الاعلام http://smilies.sofrayt.com/%5E/r/giggles.gif أنت تكتب في ساحة الاقلاع http://smilies.sofrayt.com/%5E/b0/deal.gif لان الأسلوب مو غريب عليّ هذا اذا ماكنت واهمة .. |
هلا اخوي عمر اه اه شي محزن اقسم بالله لو مهوب انت اللي كاتبها كان قلت مسلسل مكسيكي شي يقهر بقوه اقسم بالله اني احسبه مسلسل سعودي محزن \\ |
يــاهلا والله وغلا اخوي عمر ..:) مواضيعك دايما ماتتسم بالابداع سواء كــانت هزليه ام جاده .. فـ هلالي الظهران يفرض نفسه دائما من خلال كتاباته الرائعه والمتنوعــه ..;) مازن هو ضحيه من ضحايا هذا المجتمع وهذه قصه واحده فقط ومـاخفي كان اعظم.. فمازن كانت لديه الطاقه الكافيه للعمل ولكن لم يجد مايرضي يطــموحه ولم يستطيع ان يتنازل عن مبادئه في سبيل عمله !! وهذا هو الصحيح فأهم ماللإسنان سمعته بين الناس ..الباقي له حتى يحافظ عليها.. ولكن نهاية مازن كانت نهاية اليمه نتيجه صدمه لم يكن ليتوقعها رغم انه من خريجي الجامعه ..!!:sad: سلمت .. وسلمت اناملك على هذا الطرح الرائـــع :) |
أحسنت أبا سباستيان. كنت قد زورت في نفسي تعليقاً على بعض فقرات الموضوع لكنني عدلت عن هذا عندما قرأت إهداءاتك في الرد رقم 3. منذ أحداث الحادي عشر من سيبتمبر و العالم - و السعودية بشكل خاص - يمر في فترات مخاض يبغي علينا كمجتمع التعامل معها بشكل أكثر واقعية و شمولية. أخوك |
بدايه.. سلام من الله عليكم وتحيه.. تتبعها بوسةٌ ممردغةٌ بالاشواق الحيه.. ممزوجةٌ بسعابيل تقوطر من فاه حوريه.. وريحٌ ومسكٌ من محل عود العربيه:d .. ثانيا.. اعتذر عن التأخر للظروف المناخيه السيئه..فالرؤيه الافقيه كانت غير واضحه للأسف!!:yes: ثالثاً ورابعاً وخامساً وعشر طعشاً ومليوناً وسنكليوناً.. الف الف شكر على الاطراء اللي في ردودكم .. والله للحظات حسيت اني راضع مع ابو الدؤلي وابو ويه :d .. عموما مشكورين على مجاملاتكم وانا والله لست الا بمبتدئ:yes: .. نتوكل على الله ونشوف الردود.. بس قبل نشوفها ابي اوضح نقطه مهمه وهي ان القصه خياليه ومافيه احد اسمه مازن لكن عموما المواقف اللي حصلت لمازن صارت وتصير كثير.. مره ثانيه هالقصيصه من دميجتي وحاولت قدر الامكان تكون واقعيه.. بسم الله.. زعيم قحطاني هلا ومرحبا .. صادق وانا اخوك .. والله ابو متعب ماقصر ولا يقصر بس وش نقول غير الله يرزقه البطانه الصالحه.. اما سالفة انهم يجيبون ايهاب توفيق هذي تهون اذا صاروا يجيبون نور الشريف اللي مابقت وحده ما مطخها بكم بوسه:d .. ويهون الشريف اذا صارت افلام يسرا تنعرض اللي مابقى احد ما.....:sleep: زعيم قحطان حياك وشرفتني.. عبيط..!! هلا ومرحبا بالعبيط.. ياخي انا مشبه عليك! مهوب انت اللي لابس شورت بني مائل الى الحنطي هذاك اليوم يوم طبحت بالمسبح؟! الله يذكرهم بالخير اللي كانوا بالمسبح راحوا ضحيتك يا الدب ولاعاد اشوفك تطبح مرتن ثانيه .. الا ع الطاري هو صحيح الشورت لونه بني لان هذا اللي اذكر اني شفته من ارطال اللحم:d .. ماعلينا .. اوووووه ياخي انت باقي واقف! ياخي تفضل استريح بس تكفى انتبه فيه اوادم لا تفغصهم.. عاد شفت شلون كاتب هالمقدمه طول بعرض بس علشان أمهد للسالفه يحسبوني اراجوز وانا اخوك .. ومع هذا جاء واحد يضحك ويقول الله يرجك:sad: .. إقتباس:
تهنى يا الدلخ تهنى وانا عنك صديقي ما اتخلى << ايه هين.. وانت الصادق من واحد حتى المباريات يقطعها الى الثاني اللي جلس يعيد بالمقاطع اللي تقطعت.. على الطاري.. والله اذكر زمان ايام القناه الثانيه كانت فيه مباراه شفناها على باب واحد! مهوب من قوة الفريق لا والله لان الباب الثاني وراه اعلان كبيييير وحاطين بطل ويسكي .. فالحبيب حالف انه مايجيبها والقهر ان المباراه انتهت 2-2:d :d .. إقتباس:
إقتباس:
ياخي انتم ماتستحون!! حنا وحنا وحنا...!! وبالنهايه هالــ2000 اللي يبونك تعيش فيها يصرفها ولده برمشة عين:mad: إقتباس:
العفو وانا اخوك.. واتشرفت بطلتك يا القرنبيط.. abu riman حيا الله ابو ريمان.. حيا الله المثقف الاديب .. إقتباس:
وحياك مره ومرتين والف .. يعني بالعربي هلا بالصديق القديم الجديد والاخ الكبير.. اما سالفة ان ابو ريمان ياخذ مكان حتى يرجع يكتب الرد فوالله انه شي يشعر الشخص بالاعتزاز!! ابو ريمان وش سالفة الشرهه؟!!! انتظر منك رساله.. إقتباس:
والله يابو ريمان القهر والغبنه انهم يستغفلونا!! يعني أبسط مواطن يعرف هالشي وهم مثل..... بس وش الدبره؟! شعب ضعيف تكالبت عليه الامور من هنا وهناك.. ابو ريمان خلها على الله مثل مايقولون في فمي مااء!! إقتباس:
عموما يبقى للشعب شي لافلان ولاعلان يقدر يصادره.. لو رفع المظلوم كفيه لربه بيجي الفرج ان شاء الله .. ومالفرج الا بعد الصبر!!! إقتباس:
إقتباس:
إقتباس:
واعذرني ابو ريمان على ردائة الرد فوالله ان الواحد يعجز حتى يعقب وراك .. يالله تعزي نفسي اني اجتهدت وماعلى المجتهد من حرج..<< ما تلاحظ من الصبح انك تألف امثال ع كيفك:d ابو ريمان حياك الله وانتظر رسالتك.. أول العنقود حياك الله أخوي .. يعافيك ربي.. للأسف هذا الواقع! ننتظر بكره على عسى يلوح بالافق امر جديد! شرفت أول العنقود ويامرحبا.. |
نكستن اخرى مادام للوقت بقية.. leo messi حيا الله حبيب الشعب << صح كذا:D منور ابو ميسي .. سلم على ليو وقوله هلالي الظهران يقولك يابو ثلاثه:yes: .. إقتباس:
بعدين حتى ولو قلنا ان نظرته ماتغيرت .. تتوقع ان نظرته بتبقى بعد المعامله اللي بيلاقها عقب مايخرج!! إقتباس:
إقتباس:
إقتباس:
اعوذ بالله من غضب الله .. والله وانا اخوك اني اول مره اسمع فيه! بعدين انا ماعرفه ولو ادري ان مازن الضعيف اللي ألفت عليه القصه من دميجتي بيدخل سيب أسود كان ماشفتني هنا لا انا ولا مازن:eek: :D :D .. ياعيال احذفوا الموضوع:D إقتباس:
ليو ميسي منورني يا الاطخم بس عسى يوم تقابلون انت وباقي الدروج ماحشيتوا في شخصي الضعيف:mad: :no: .. nor alshams حيا الله نور الشمس.. نورتي الصفحه والمنتدى .. ان كنتي جديده ومارحبت فيك فانا اعتذر منك .. وان شاء الله المجلس موعود بقلم من العيار الثقيل:yes: .. إقتباس:
لكن مثل ماقلتي لو اخذنا المواقف اللي تعرض لها مازن على حده نلقاها للاسف واقع وحاضر.. إقتباس:
لكن الله يستر .. المجتمع يتعرض لموجة تغيير فكر من بعد احداث سبتمبر .. والله يستر من النتيجه.. اللي تربينا عليه وتربوا عليه ابائنا خلال 50 سنه يبون يغيرونه بخمس سنين!! نور الشمس حياك الله وتشرفت بطلتك وبانتظارك معنا.. الهنوووف حيا الله الهنووف .. أخبار السفره؟ ادري هنوووفه حاقده علي بس للحين ماكتبت التهنئه:D إقتباس:
اما اللي يدعي الدين هذا حاله ثانيه!! إقتباس:
الظاهر داعيه علي انتي!! صارلي موقف بايخ وبغيت انسطر .. رحت اجيب الوالده بس بسياره غير اللي وديتها فيها.. ويوم دقيت عليها وقلت انا برا.. قالت نازله.. نزلوا حرمتين مع بعض وحرمه بلحالها.. وانتظر امي تركب بس ماجات!! قلت شكلها ماانتبهت للسياره وانزل واروح للحرمه اللي بلحالها وهيئتها الخارجيه مثل هيئة الوالده وامسكها من يدها واقولها يالله يمه .. الحرمه غصت وسحبت يدها هههههههه .. واشوف امي وخالتي يضحكون :D .. اخخخ بس لو مهيب امي كان لي تفاهم ثاني:no: .. إقتباس:
إقتباس:
إقتباس:
بصراحه ماجربت هالموقف حتى أحكم بس صدقيني وقت الجد الاجنبي مايفيد ولا بريال.. يمكن حتى يترك السياره ويخليكم لكن لو جيتوا للسعودي بيطق صدره وبيعدكم اهله حتى لو كان أدشر داااااااشر.. إقتباس:
يعني لو يجي اللبناني ويمدح .. هيدا بيلبئلك وهيدا بيناسبك وبيعئد عليكي.. ويمدح ويغازل بيكون عادي عندكم بالعكس تفررررررررح الوحده منكم بس لاجاء سعودي وقالها يناسب جسمك صقعتوه بالشنطه!!!!;) إقتباس:
هنوووفه حياك الله .. وردك بالنسبه لي شي اساسي والموضوع اللي اكتبه ومايكون لك فيه بصمه اكيد بيكون ناقص.. هنوووفه ود يليق بروحك النقيه:p .. |
يا الربع وش ابشركم .. الظاهر هالمره بتحصلون ردودكم بدري:D .. تخيلوا قضيت من الصفحه الاولى!! ولد وايل حيا الله ابو كحيلان .. انورت واسفرت سعد.. بشرنا عنك وعن علومك؟ هاه يقولون طالع تقنص بالجزاير يا سداح :D .. ابو كحيلان والله انت خبرك قديم.. الربع قاموا يوزعون رينجات وانت توك على اللاندات.. بس احسك وانت تقول بلاش مستمتع ماشاء الله عليك.. اقول ولد وايل وش رايك تصقعنا بكم بيت .. والا تدري وش رايك نسوي حبة محاوره انت قل بيتين وانا ارد عليهم ومايهم الوزن والقافيه.. المهم المعنى <<سامح نفسك يا ضعيييف:D إقتباس:
إقتباس:
ياخي بعدين كيف تبيه يوظف الشباب ومايوظف البنات.. وين المساواه ياخي؟!!! بس اللي يعجبني في هالادمي انه واضح .. ارجع لرواياته وبتعرف شخصيته اكثر:yes: .. بعدين معقوله مايدري عن وضع الشباب؟!! اذا هو الوزير والمسئول الاول ومايدري!! ومثل مايقولون ان كنت تعلم فهي مصيبة وان كنت لا تعلم فالمصيبة اعظم << عفس أم البيت:D حياك الله ولد وايل ومنور يا الاطخم.. الغدير الازرق بالانتظار... ملـــــ الهلال ــــك حياك الله اخوي .. والله ياردك لك عليه والظاهر التركيز بالسالب:D .. بس اللي لقطته ان الواحد لازم يشد حيله بدراسته .. وهذا الواقع .. عقبالك ملك وبالرفاه والبنين! :no: منور يا الذيب.. شذى عين انتظري لفتك بالدور الثالث:D .. خالد8 حيا الله عزوز .. منور ياحلو من بعد غيبه .. علمني ماجد بالنك الجديد.. حتى لو ماعلمني أسلووبك معروف ياحلو:yes: .. هاه بشر وش الاخبار؟ وعسى منت مطول وانت تستخدم الاستبنه:D .. إقتباس:
شباب في رحله يعني:cry: .. إقتباس:
الاولى .. معك فيها وان كنت كشخص اؤمن بان مهما حاولوا يبعدوني عن هدفي او يعيقوني فلن يستطيعوا دامني سلكت الطريق الصحيح وبدون مااجاريهم في طريقهم الخطأ;) .. الثانيه..معك فيها وهذي قاضين منها.. الثالثه..احترم وجهة نظرك وان كنت اخالفها.. اين هم من "تامرون الناس بالبر وتنسون أنفسكم"؟! ثم اذا كان يملك هذه الوسائل للمساعده فلماذا لا يطبقها على نفسه؟! اما والله اذا كان يقول مالا يفعل فهو شخص جدير بعدم الاحترام!! :) إقتباس:
حياك الله خالد8 ومنور.. |
ترى برد بس اني خايفه :d احس انك ماتصدق تخلص ردود الحمد لله بخير والسفره الحمد لله عاد توقع من شفت:d وترى ماحقدت ابد:d لاعادي عذرك معاكـ:yes: وماانتظرتك اصلا بس ارسل مجامله :razz: عارفه ان ماعندك ماعند جدتي إقتباس:
تعيش وتاكل غيرها وش له جاي بسياره ثانيه:nono: كان قلت لهاا والا بس تبونا نركب سيارات الناس ونتفشل:no: :d إقتباس:
بس مو مثل ربعناا :yes: اخوي ماننكر ان فيه شباب فزعه بس فيه شباب ولاشي :yes: ولنا بالقصص خير مثال :sleep: إقتباس:
لاتقول مشكلتكم قول مشكلتهم:d لاتعمم يابني لاياخوي من قال نتقبلها من الاجنبي :yes: لاتظلمنا انا لما يقرب لي البائع ويقول شوفي هذا والا شو بدك اطلع من المحل يقلقني ماعرف اشتري :wallbash: عموما انا ماتقبل الكلام لا من اجنبي ولاغيره بس بيني وبينك الاجنبي :d كلامه كذا يعني علشان تشترين :p اما السعودي اول شي يشوفك من تحت لفوق :wallbash: بعدين يلاحقك :wallbash: بعدين يتميلح :razz: بعدين يقول تبي شي معين:d تطلعين من المحل من المصاله :no: طبعا ماعمم على الكل في سعودين على العين والراس ومحترمين s60s احترمو شغلتهم s60s وفيه اجانب لاتعليق بصمه 9 صح :rolleyes: ميرسي على المجامله اللطيفه وانت كذلك مع ان ردك دايم يجي بالوقت الضايع :d تذكرني بالهلالs60s بس يصير له مذاق خاص :yes: ود يليق بغيابك:sleep: (ترى بديت اشك انك صرت نائب الملك من كثر الغياب:d ) الهنوووف كانت هنا ورحلت |
| الوقت المعتمد في المنتدى بتوقيت جرينتش +3.
الوقت الان » 02:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd