سلام عليكم
والله اني ترددت كثير قبل ما انزل هالموضوع
بس فيه واحد قالي يا رجال تهور
وان شاء الله ما تشوف الا اللي يسرك;)
الموضوع باختصار هو شوية مواقف صارت لي
منها المضحك والمحرج والمقهر <<< المقهر اللي يخليك تنقهر
نبدأ مع الموقف المقهر <<< مصّر انه مقهر
من اول ما دخلت الجامعة قابلت لي واحد من الشباب ما شاء الله عليه 
عنده صبر على الكتابة مع الدكاترة وكان من حسن حظي انه معي في كل المواد اللي نزلت لي ما عدا ثنتين <<< اصلا كل اللي نزلت اربع طبعا اول ترم بالجامعه ما تقدر تنزل جدولك بنفسك
المهم الرجال كان يكتب مع الدكاترة واحيانا يجلس بعد المحاضرة اكثر من نص ساعة وخطه واضح و شكل المذكرة منتاز 
وانا كنت احاول اني ما اخذ المادة الا معه او بعده الين قدر الله علي بهالصيف ونزلت مادة هو ما قد اخذها 
فكنت مظطر اني اكتب بنفسي خصوصا اني ما حصلت احد مثله 
فصرت مواظب على الحضور ومن بدري وحريص انه ما يفوتني شي 
مع اني بعض الاحيان ما اتحمل اقعد ساعتين متواصلة اناظر الدكتور فيتخللها بعض السحب واللي يفوت الله يعوض والله يستر لا يجي بالاختبار بس :sad: وهذا بصراحة الموقف اللي يقهر 
8
8 8
8 8 8
8 8 8 8 8
بس كيف السحبة ما سبق كان مقدمه والموقف هو اني في نفس اليوم اللي عندي اختبار بالليل وانا طالع من المحاضرة ووصلت للسيارة حطيت الدفتر فوق السيارة عشان افتح الباب وبنفس الوقت ارد على واحد من الشباب يدق علي لحظتها فتحت السيارة وركبت وفضيت الجير وشغلت واشتغلت <<<< يسمع بالتشويق 
وحركت وقبل ما اوصل البيت تقريبا بعد ما حركت بنص ساعة واطالع على يميني ولا احصل حبيبي 
وانا اللي اتذكر انه فوق السيارة ومن زود الدلاخة نزلت اطالع فوق السيارة على بالي انه موجود <<<< يطرقها على الخط السريع 60 ( يقاله المتهور بين اخوياه ) ويبي يحصله موجود الكلام هذا الساعة 1 وعليها الظهر والاختبار بعد العشاء والمذاكرة الله بالخير ارجع ادور للدفتر مع كل الطرق اللي مريت عليها ما حصلته :sad:
اتصلت على شباب ياخذون المادة مع دكتور ثاني
ورحنا ذاكرنا سوى
ودخلنا الاختبار
وربنا ستر علينا
وانا طالع من الاختبار وقدني اصلا متضايق من ضياع التعب والجهد من بداية الموسم <<< وافكر اشلون بسوي في الاختبارات الجاية
طبعا الدكتور اللي انا اخذ عنده الاسئلة من دفتره بالنص
عشان كذا انا شايل هم الاختبارات الجاية
وانا جالس اتذكر ايامنا الحلوة انا والدفتر واتذكره يومه صغير وانا معتبره حسبة مفكرتي واتخيل الدفتر يجري ويصيح عبيييييييييييييييييييط ويرتمي بحضني يبكي كل هذا وانا اسوق وابكي <<<< اللي يعرف غنيمة بمسلسل الحريم بيستانس ولا امداني ارقى الكوبري ابي انزل على الخط السريع الا واحصل الشي الابيض موجود على جنب الطريق وقفت ونزلت وحصلت الدفتر ريحته كفراااااااااات بعد ايش بعد الاختبار 
بس الحمد لله ولا صفحة ناقصة هيه كم صفحة المقطوعة وهي الصفحات اللي كنت ارسم فيها واشخبط والعب وقت المحاضرة هاه وش رايكم موقف يخلي الواحد يحقد ولا لا ************************************************************************
,,,,,,,,,,,,,,,,,,,,,,,,,,,,,,,,,,,,,,,,,,,,,
فاصلة
،،،،،،،،،،،،،،،،،،،،،،،،،،،،،،،،،،،،،،،،،،،،،،
شاعر محشش يسمع بابن فطيس 
ماني بمن يسكر ولا يدرابه
بطل شربته ماعرف من جابه
ما اقول انا اطلق من يفك الفرطة
لكن حشيشي كفو وانا ادرابه
الحمدلله واثق من روحي
ومن كثرة التفتيش ماني آبه
صح لسانه والله *************************************************************************
الموقف الثاني اللي مدري اقول محرج ولا مضحك
انا كل فترة والثانية اختار لي عضو واقعد انبش في ماضيه اما ادور شي اضحك عليه او اشوف العضو ذا وش يبي في الحياة او احيانا ابي اشوف طريقة تفكير هذا الادمي المهم كان الدور في يوم من الايام على واحد من الاعضاء ما ودي افضحه بس عشان يعرف نفسه اول حرف من اسمه هو المشاغب ورجعت لأول موضوع لسلتانوفيتش بالمجلس العام وهذا الرابط حق الموضوع
المهم انه كان فيه شي ذاك اليوم
واذا واحد رد عليه رد من اربعه او خمسه سطور قال وش ذا الرد الطويل 
طبعا انا اقرا الموضوع وانا لحالي بالبيت و مسكت معي ضحك بصوت عالي تقول مجنون ومن زود الضحك طحت على ظهري 
وأول ما رفعت نفسي وجلست الا واحصل ابوي على باب الغرفة واقف 
توه جاي من السفر طبعا دخل مع كل ابواب البيت وانا ما حسيت فيه :sad: وانا ما وقفت ضحك واقول ارحب وانا اضحك في هاللحظة انا صرت اضحك على الموقف اكثر من سلطان طبعا الوالد صفق يد بيد وطلع <<< الله يلوم اللي يلومه ... غسل يده مني :p واقوم الحقه اسولف معه واخذ علوم واعطي علوم وشوي اتذكر الموضوع وارجع اضحك والله الوالد ما قال شي بس انا متأكد انه شك اني اكلت شي ذاك الليل المهم انه الى اليوم وانا كل ما تذكرت الموقف اطق اضحك
وكله من راس سلطان الله يرجه هذا الشي اللي كان في البال
ووالله اني بديت كتابة الموضوع وانا متحمس
بس وانا اكتب راح الحماس
وبطلت من كتابة اشياء كثير كانت في البال
سلام
الوضع العادي
