07/08/2007, 01:43 AM
|
زعيــم فعــال | | تاريخ التسجيل: 19/08/2005 المكان: الديره
مشاركات: 228
| |
يصيرالهلال بوقتها فريق عن 100 فريق بسم الله الرحمن الرحيم
السلام عليكم ورحمة الله وبركاته
حبيت اكتب قصيدة للشاعر الكبير والخلوق الشاعر الكويتي محمد جار الله السهلي
على فكره قال القصيده هذي بعد النهائي مع الاتحاد
البارحه من حزنها ضاقت جماهير الهلال وانا على شان الهلال اشعر من البارح بضيق
شاعر ولا ادري ليه ماجله على شعري مجال وانا اعشقه عشق الملوك لخدمة البيت العتيق
اشجعه من قبل لبسي للعمامه والعقل ويصير شعري عقد من لولو وياقوت وعقيق
بدت علاقتنا من ايام الغزو والاحتلال يعني هو :اول حب واول تجربه واول رفيق
اجامل احيانا لكن اليا اشغلوني بالجدال ابلا تردد اتمادى عشق واولع حريق
اعلن ((هلاليتي))واماريبه على روس الطوال من قمة الضلع المويق لقمة الضلع المويق
مع احترامي للجميع من الجنوب الى الشمال يبقى زعيم الانديه والمجد والصيت العريق
ماكنه الا ابداعي بقصيدتي (( اصعب سؤال)) من بحرها لافكارها لاحساسها العذب الرقيق
سؤال لا يمكن يحلونه ولو طال المطال لو يحذفون اجابتين ويستعينون بصديق
كن المحال يمر موسم فيه ماحقق محال وهذا هو اللي صعب نرضابه وفينا مايليق
ياليلة الجمعه تغيرتي على كل الليال فيك السعاده مرت وتاهت وظل بها الطريق
بين الضياع وصدمة الموقف وحسرة وانفعال وصدر يضيق به الزفير اليا تقفاه الشهيق
اغتيلت الفرحه عبث باللخبطه والاختلال كنها المحيط اليا انتحر موجه على جال المضيق
ومن قال لي وشلون ولا كيف صار الاغتيال اقول له وانا ابتسم من شدة الحزن العميق
جانا ((باكيتا)) من فشل ابو ظبي والمونديال واللي محطم منتخب سهله يحطم فريق
وانا قسم بالله مافيني على الصبر احتمال بارد على عد الاماني وارتوي وابل ريق
ياودي اتجرد من الواقع واسافر للخيال وياودي اغفي((خمسه وعشرين عام))وثم افيق
ويصير ذاك اليوم لا من فقت رئيس الهلال ((راشدبن عبد العزيز)) المجد والفعل الطليق
وانا اشهد ان لامن تراس مجلسه نسل الرجال صار الهلال بوقتها فريق عن مية فريق
وسلامتكم واسف على الاطاله
اخر تعديل كان بواسطة » زيــــزوم في يوم » 07/08/2007 عند الساعة » 01:49 AM
السبب: الترتيب
|